حرب الدخول المدرسي بدات هيا ادخلوا للهم الاول [الأرشيف] - منتديات الجلفة لكل الجزائريين و العرب

محب الرياضيات

2011-08-25, 16:56

نحن نعلم ان في الدخول المدرسي خاصة بالنسبة للبكالوريون باك 2012 سيقع حروب بين كل التلاميد من اجل المكان و من اجل من سيجلس في الاماكن الاولى

هدا العام باك 2012 سيكون عام حروب على عكس السنوات الماضية التي كان فيها المكان الاول و التاني يبقى فارغا

لان السنوات الماضية لم تكن تعني لنا شيئا

ولكن هدا العام الباك و ما ادراك ما الباك فالدي كان يقرا جيدا سوف يقرا جيد جدا و الحسن سيصبح جيد و المتوسط سيصبح حسن

و المقبول سيصبح متوسط و الدي كان يجلس في الاخير سيجلس في الاول ادا اين سنجلس نحن ظظظظظظظظظظ

علما ان القسم فيه حولي 36 تلميد والاماكن الاولي هي حولي 18 ادن اين سيجلس الاخرين

ادا جلسوا في الخلف فمصيرهم وداع البكالوريا

ادا مادا يفعلوا

كتبت هدا الموضوع لكي يعلم الجميع ان للمكان دور في معدل البكالوريا

اما عن نصيحتي فهي

ادخل يوم 11 سبتمبر على الساعة 7 و النصف قبل نصف ساعة من الدخول القانوني للاقسام وادهب الى الباب و ابقى انت الاول و عند ما يضرب السوني ادخل واحجز لنفسك مكانا

وادا ساعفك الحظ فاحجز لي مكانا عن طريق

ارسال رد اعطني فيه نصيحة لي ارجوا الرد

live your life

2011-08-25, 17:06

هههههههههه قتلتني بالضحك

انا دايما نقعد الطابلة الأولى
هادا العام مانعرف ايدا ما داوهاليش

محب الرياضيات

2011-08-25, 17:10

هل من نصايح

natali farah

2011-08-25, 17:14

ana nwali nbat f lycèe hhhhhhhhhhhhh .parcque l3am li fat souffrit bezzaf 3agabtha f tabla lakhara parcq makfaztsh w 7kamt plassti men nhar lawal
w koul wa7ad yajri 3la rou7ou hada houwa l conseil ta3i

الجـَرَاح ْ

2011-08-25, 17:22

شكون قالك خويا لعزيز ؟

انا ملي نشفى روحي نقعد فالطابلة التالية

miss.cool

2011-08-25, 17:22

ههههههه و الله ضحكتني

علما ان القسم فيه حولي 36 تلميد والاماكن الاولي هي حولي 18 ادن اين سيجلس الاخرين

ادا جلسوا في الخلف فمصيرهم وداع البكالوريا

ماكاش منها هدي يا خويا
انا نعرف شحال من واحد قغدوا في البلاصة الاخيرة و جابو 17
لي يقرا يقرا

ربي يوفقكم يا اصحاب باك 2012
و يوفقنا كامل

خولة الخنشلية

2011-08-25, 17:56

هههههههه انا اذا ملقيتهاش نشريها المهم ندي الباك ولا ندخل للقسشم على السبعة كما قلت

mamouche

2011-08-25, 18:07

HHHHHHHHHHHHHHH
و الله عندك الحق miss.coo اللي باغي يقرا يقرا ماشي شر ط البلاصة

ٵڶقًـ۾ًـږღٵڶڝۼےـړ

2011-08-25, 18:15

مهم بزاف تخير بلاستك

لأنو جو الدراسة يختلف من موقع لموقع ،،

الحروب مللور و القدام لي يحبو يقراو هههه

و افضلها الطاولة التانية الصف التاني ،،

✗ ┋ وَړْﮃَةُ آلـﭴَزآئـړْ ┋ ✗

2011-08-25, 18:24

الحل عندي
حنا كنا 36 في القسم
كان فيه 3 صفوف
طبعا اللي يقراو حكموا كامل الأماكن الأولى أنا كنت نقعد الثانية ما نحبش الطاولة الأولى
مالا لكي نرضي جميع الأطراف قسمنا الصفوف إلى أربعة بدل ثلاثة
كل صف فيه خمس أو ست طاولات

والحمد لله الجميع رضي بالنتيجة

حاولوا تقسموا الصفوف إلى 4 بدل ثلاثة

مولودية العاصمة

2011-08-25, 18:29

انا قعدت التالي فالقسم ديت الباك بقدير جيد جدا

البلاصة ماتهمش

محب الرياضيات

2011-08-25, 18:41

~خيرات حِسان~

2011-08-25, 18:41

و أنا كذلك فكرت في نفس الأمــر ،،،
و كيف سأفعل ان لم أـجد مكانا من بين المقاعد الأولى ؟
خصوصا أن في ثانويتنا معظم التلاميذ يهتمون كثيرا بهذا الموضوع ،،
حيث أنه وقع شجار في بداية السنة الفارطة في قسمناd: من أجل الـأمر نفسه ،
فاضطررنا الى تقسيم الصفوف الى 4 رغم وجود بعض الإكتظاظ

أما عن نفسي أحبـذ المكان الثاني في الصف الثاني ،
، علما أنني لم أحظ به هذه السنة ، فقد واجهت متاعب من بينها مشكل النظر لانني جلست في المكان الثاني لكن في الصف الأول :(

محب الرياضيات

2011-08-25, 18:44

ادا انت جلست في الطاولة التانية الصف الاول ووقعت لكي مشاكل النضر فما ادراكي حال الدين يجلسون في المكان الاخير

محب الرياضيات

2011-08-25, 18:50

والله العام ليفات جلست في المكان الاخير لم اكن اكتب شيئا اما عن الاستماع للاستاد فكانت كلمة تصل صحيحة و اخرى خاطئة واخرى لاتصل لقد عانيت

✗ ┋ وَړْﮃَةُ آلـﭴَزآئـړْ ┋ ✗

2011-08-25, 18:51

أحسن الأماكن في الصف الثاني والأماكن الأخيرة في الصف الأول والثالث
لأنو إذا كنتو تخدمو بالسبورة تع الماركور
في الأماكن الأولى للصف الأول والثالث السبورة يضرب فيها الضوء
صاحبتي كانت تقعد في المكان الثاني الصف الأول
صراولها مشاكل في النظر وعندها ألم شديد في الرأس بسبب الضوء اللي يضرب في السبورة من هاذيك الجهة
حاولوا تتحصلوا على المكان الأول او الثاني أو الثالث في الصف الثاني

✗ ┋ وَړْﮃَةُ آلـﭴَزآئـړْ ┋ ✗

2011-08-25, 18:51

وزيد كاين مشكل اللي يقعدو في الصف الثالث ديما ما يشوفوش اشرح الأستاذ لأنو يقابلهم بظهرو كي يشرح ما يشوفو حتى حاجة من الشرح

AmArJsK

2011-08-25, 18:53

السلام عليكم
البلا صة مشي حاجة مهمة بزاف كيما راك تقول لي حاب يقرا يقرا ولو خارج القسم
لا لا البلا صة ماتاترش خاصة هده السنة السنوات الماضية لي يريحو القدام زعما يحسبوهم عاقلين ويمدولهم مليح فالتقويم.........
مي تشف عاى روح وانا نريح الرول والحمد الله لي يريح القدام واحد مايشوف مليح ولا قصير عنده عدر رايى

الجـَرَاح ْ

2011-08-25, 18:54

انا قعدت التالي و ديتو بامتياز
مفهمتش وش دخل البلاصة ؟

عام الباك عام استثنائي انساو تلك الظروف تاع الاعاوم الاخرى من فوضى و ما الى ذلك

محب الرياضيات

2011-08-25, 18:56

اما هاد العام راني في خطر اكبر لان كل الدين جلسوا العام ليفات في الاماكن الاخيرة راهم معولين على البلايس الاوائل حوالي 12 واحد هم اصدقائي اما الدين كانوا يجلسون في المكان الاوائل فهم على اوج الاستعداد للحجز الاماكن الاولى وهم حوالي 9 معظمهم اصدقائي و قرايين ادن حوالي 21 وحد راه يضرب على البلاسات الاولى

اما عن الفتيات فلا اعلم نيتهم فهم حوالي 15 فتات

اما عن الدين عاودوا العام باك 2011 فلا اعلم عددهم وهم الاكثر خبرة مني و طلب مني احدهم جارنا ان اجلس في الاماكن الاولى كي لا يحدث لي كما حدث له *

vive-nad

2011-08-25, 18:58

3lah 3lik na3ref whayed yjibou 16 et17 yog3dou houma la5rina
lessentiel tasme3 w tchouf c sa

~خيرات حِسان~

2011-08-25, 18:59

ادا انت جلست في الطاولة التانية الصف الاول ووقعت لكي مشاكل النضر فما ادراكي حال الدين يجلسون في المكان الاخير

لا أظن ذلك ، فالذين يجلسون في المقاعد الأولى خصوصا الأول و الثاني فهم الأكثرمعاناة في النظر ، من حيث رؤيةالسبورة التي تقع في أقصى اليمين "اذا كان الصف الاول من اليسار "

~خيرات حِسان~

2011-08-25, 19:01

محب الرياضيات

2011-08-25, 19:03

لا اضن انكم جلستم الخلف لو جلستم لاحسستم بما احسسنا نحن

kamela

2011-08-25, 19:25

العام الماضي قسمي كان فيه 31 تلميذ على ما اظن
و يحتوي على 4 صفوف
كل صف فيه 5 طاولات

كنت اجلس في الصف 3 الطاولة 3
موقع رائع من حيث الاستجمام و النظر الى ما يحدث في الخارج ههههه
و من حيث النظر فوور الحمد لله مقعد هايل لانو نشوفو كل شئ مكتوب في السبورة و الاساتذة يوقفوا تقريبا مقابلين صفنا
الا استاذة وحدة الله يسامحها لا اعلم ان كانت طبيعتها في الشرح او ان كانت لا تحب نصف القسم
كانت تشرح ل 4 اشخاص فقط تنظر اليهم و تبدا الشرح اي تشرح للمقعدين 1 في الصفين 1 و 2

لكن مع هذا فوتنا عام هايل و الحمد لله قرينا و فهمنا و تحصلنا على نتائج مرضية
و هذا العام اذا تسنت لي الفرصة رايحة نجلس في نفس الموقع ان شاء الله

جبور عبد الحاكم

2011-08-25, 20:52

لي باغي يقرى يقرى في المكان الاول وكذلك في المكان الاخير

الملكة بلقيس 2

2011-08-25, 21:02

ههههههههههههه شكرا على الموضوع
انا اوافق الاعضاء الاخرين فمن يريد النجاح يقعد وين يقعد يقرا وينجح ولي محبش يقرا ويقعد في الطاولة الاولى لن ينجح كل شيء يعود الى الارادة والرغبة في النجاح و المجهود المبذول
مجرد راي
سلام

جبور عبد الحاكم

2011-08-25, 21:04

بارك الله فيك هذا هو الكلام ؟؟؟؟؟

العزم و الارادة والصبر يحطمون الصخر

محب الرياضيات

2011-08-25, 22:02

نعم انا معكم ولكن هناك مشاكل تعيق من يجلس في الخلف نعم ادا كان يقرا يربح و لكن ادا جلس خلف وربحه ب 14 امالا كان ريح في الامام يربحه ب 15

محب الرياضيات

2011-08-25, 22:07

كنت اجلس الخلف في الفصل الاول كونت نجيب في الرياضيات 10 .12 .ما نفوتش 13

ماتشوف ما تسمع

ولما تم استدعائي لمسابقة الرياضيات عن طريق استاد الدي قراني في الاولى تانوي عندما كنت اجلس الامام قال لهم الاستاد الحالي لي في مادة الرياضيات درك يبهدلنا ولكن تحصلت على المركز التاني في ولايتي

امالا في الفصل التاني قدمني القدام وليت نجيب غير فوق 17

لمادا اجبني انت ايها المعارض

حامل اللواء

2011-08-26, 11:17

اظنك محقّ فيما قلت ....

الاماكن من المشاكل التى ستكون هي الاولى ....ليس لعدم المبالات ....انما من حرص البنات على الاماكن الاولى بخلاف الذكور

لكن ما يهمنا الان كل واحد يسعى سعيو ....الطابلة الثانية ...مريحة ...ومتابعة جيّدة على متنها ...^ـــ^

listoma

2011-08-26, 13:46

مـــــــــــــام أنا .... نفضل الطاولة الثانية في الصف .... الثاني جيــــــــهة الباااا....ب لأن عندنا 4 صفوف .... العام اللي فات جلست فالثالثة ... و ساعدتني مي شويــــــــــــة كاين النــــــــــــــش ... على بيها قررت نقدم بطــــــاولة .... و قضية السباق على الطاولات ... ههه....ه أنا العام اللي فات حكمــــــــــت البلاصة قبل ما يدخلو قاااااا...ع كانو يطلعو فالعلـــــــم وانا سكيفيت ....ههه...ه و هذي هي العفسة هذا العاااااااا...م ان شاء الله ....
بارك الله فيـ:ــــــــــكـ ... على الطرح المميز

محب الرياضيات

2011-08-26, 14:34

هدي واه خطة الله يحفظك

ادن عندما يحكي لنا المدير عن شهيد الدي سميت به مدرستنا انا ندهب للقسم لي نقرا فيه و نقبض البلاصة

ولكن المشكل في ثانويتنا كل عام يبدلونا بلاصة كين دير نعرفها هههه

kamela

2011-08-26, 14:43

هدي واه خطة الله يحفظك

ادن عندما يحكي لنا المدير عن شهيد الدي سميت به مدرستنا انا ندهب للقسم لي نقرا فيه و نقبض البلاصة

ولكن المشكل في ثانويتنا كل عام يبدلونا بلاصة كين دير نعرفها هههه

قبل ما يهدر شوفي القوائم تاع الاقسام
او لا عفسة شابة نهار لي تروحي تتسجلي شوفي القائمة و رقم القسم
هكدا تقدري تطبقي الفكرة

listoma

2011-08-26, 15:03

إيه خويا شوف احنا ما يهدرونا لا على شهيد لا على معركـــــــــة كيما يفتحو الباب ديراكت نروح نشوف لي كلاس و رقم الكلاسة تاعي .... أكيد على بالك وين يقراو لي تيرمينال ... وازدم ههههههه....ه

محب الرياضيات

2011-08-26, 15:03

شكرا لك ولكن متى موعد التسجيل

حامل اللواء

2011-08-26, 15:06

الدخول المدرسي 11 سبتمبر واكيد التسجيلات قبل......

listoma

2011-08-26, 15:08

احنا .... الاثنين 5 سبتمبر .... و الثانية ثانوي 6...و البروميار 7 ...و الدخول العام يوم الأحد 11 سبتمبر

natali farah

2011-08-26, 15:11

ana l annèe prochaine ray7a nbadal lycèe 3la biha ma3labalish kifash ray7a ndir deja nass mana3rafhoumsh impossible lanal3abha fahma men nhar 1 ..deja mana3rafsh les class win nakraw rabi ywafa9na bark

miss.cool

2011-08-26, 15:43

البلاصة مهمة جدا لان

الاماكن الاخيرة الصبورة لا تراها جيدا
الاستاد لا تسمعه جيدا

وينتج عن دلك كتابة الاخطاء و استماع اخطاء علما انا كل من يجلسون في الخلف )))) راكوم تعرفوا شايديروا ==الهدرا مع الشيرات البورطابل الموسيقى المشاكل المدابزة والهدرة بزاف )))))ذ

اجلس معاهم في الخلف والله ما تقرا الا ادا.........................

انا انتظر ردودكم وشكرا على التفاعل

سلام
يا اخي عام الباك ماراهش كيما لعوام لي فاتو صدقني مكاش لي يوصل للباك و هو جايبها غير تمسخير راكم كامل حابين تجيبو الباك و تخرجوا م الليسي

و تسمع كلشي نورمال و مايفوتك والو الا ادا انت مش حاب تسمع

و اللي يقرا يقرا لوكان حتا يتفرج من برا
و توكل على ربي و خليك من هدا كامل

ربي يوفقكم و يوفقنا

محب الرياضيات

2011-08-26, 15:51

شكرا لكم اما عن مشكلتك يا natali farah فكل ما عليك هو الدهاب يوم 4 سبتمبر موعد دخول الاداريين واساليهم عن كلاصا لي بدلت فيها وهكدا في الدخلة تروحي مهنية

sandy belle

2011-08-26, 16:42

المكان مهم جدا
راك عملت فتنة بناتنا يا bac_2012 درك الغاشي كامل يروح يحارب على الاماكن الاولى احنا العام هذا كانو عندنا 5 صفوف وعدد التلاميذ 40
والعام هذا ربي يستر كيفاش راح تكون الحالة
الطاولة الثانية احسن من الطاولة الاولى ...موقع جيد+ تفادي الازعاج .
بالتوفيق لجميـــــــــــــــ ع ــ

محب الرياضيات

2011-08-26, 18:20

شكرا لك ام بالنسبة للفتنة ففي قسمنا مل العام ليفات راهم يخموا على البلاص تاع الباك 2012 لان العام ليفات انا و صحابي دخلنا تا ساعة الزاوجة لقينا باقيين غير 4 بلايص في التالي مين حبيت نتقدم قالتلي الاستادة راه سرات ديقة وحرب على البلايص اللوالة وانت دخلت تا لدرك وباغي تتقدم اما لا شكون قبدوا البلاص

حنا كنا في القسم 36
دوبلوا 7 امالا قاع دوك سبعة كان يجمعوا زوج في الطابلة الاولى في الصف الاول وواحد في الطابلة الزاوجة الصف الاول وزوج طابلة زاوجة الصف التالت

وزوج لخرين كانوا يجمعوا رول

يعني لي دوبلو ا بزاف لي كانوا يريحوا القدام هم

الدين لا يقرون ولكن لا يحبون الناس يقراو

امالا يدخلوا طابلات لوالة ويديروا المشاكل

kamela

2011-08-26, 18:27

احنا .... الاثنين 5 سبتمبر .... و الثانية ثانوي 6...و البروميار 7 ...و الدخول العام يوم الأحد 11 سبتمبر

حقا

احنا بالعادة يسبقو بصحاب البروميار و بعدها ال2 باش تلحق دالة 3 في التسجيل

عبير الأزهار

2011-08-26, 21:01

ههه والله عندك الحق عندي بزااف وانا نخمم كيفاه حتصرالي راني خايفة ما طيرليش بلاصة
بصح ماكاشمشكل نهار الدخلة نبكر انا لولا ويا ري ههههههه
ربي ينجحنا
هي صح البلاصة مش مهمة بصح كون تطيرلك بلاصة مع لخرين راح يشوشوا عليك بزاااف وما تقدريش تركزي+ما تسمعيش مبيح
ربي يوفقنا ......

محب الرياضيات

2011-08-26, 22:29

نعم انت على حق

kamela

2011-09-08, 18:36

احنا هذا العام بعدما رحت تسجلت لقيت قائمة القسم
بعدما كنا 31 دوبلو 5 يعني رجعنا 26
والان في قسمي الجديد اي لسنة 3 ثانوي ولينا 41 بسبب لي مجابوش الباك و هما 15 بنت
الله يجعل الخير و يخليونا نقراو في غرضنا هذا العام
اقترب موعد الدخول المدرسي كيف حالكم

Smailove

2011-09-08, 19:01

المكان ليس مهم إطلاقا لأن الأول في قسمي يجلس في الطاولة الأخيرة

la belle sarah

2011-09-08, 19:09

السلام عليكم ورحمة الله وبركاته

لقد اقترب الدخول الدراسي
هل انتم مستعدون
ما هي اخر مستجداتكم

AmArJsK

2011-09-08, 19:17

عمري في حياتى ولا ريحت القدام مع انه لايوجد فرق بين الاول والتالت والاخير
ماتسمعش ماكنش منها وخاصة في عام البكلوريا
حاجة وحدة الا ادا كانت مريض من عينيك
ابعدو عنكم هده الافكار الخاطئة لانو لو كان حاب تقرا صح ماتشوفش للبلاصة واشياء اخرى تافهه
سلاااااااااااااااااااااااااااام

kwaydar

2011-09-09, 01:55

kamilio

2011-09-09, 03:32

ياودي هذا لكلاام خاطي بالمره
انا ديما نقعد في بلااصا تاليه
وجبنا الباك هذا العام والحمد لله
وحنا مقلناش بلااصا الاولى شينا زينا بصح ليقعدوا من تاليين تاني ينجحوا وممكن بمعدلاات كبيره
و كاين ليقعدوا من القدام وما ينجحووش
وزيد لحاب يقرا راه يقرا
وان شاء الله ربي ينجحكم كامل وتفرحوااا
قولواا آمين

listoma

2011-09-09, 10:47

اللي يحب يقرا يقرا ان شاء الله حتى في السقف تاع القسم مكان لاه تتحججو ابدا المكان ماهوش مهم ابدا المهم في الفهم كاين اللي يجلس في المكان الاول بصح شروذ ذهني قلة تركيز مع انه في الطابلة الاولى ....البلاصة الاخيرة كالم قاع الناس تراقب فيهم و تشوف و اش يجري من امامك خير

هههههه... يعني أنت تحب الطاولة الأخيـــــرة ... للتقرعيـــــــــــــــــج ....هههه..ه
و الله الطاولة الاولى عندها فوائد ... بزااف أحسن بكثير من الطاولات الاخيرة ...
و أول فائدة أنت ذكرتها ... فالطاولة الاولى تهتم غير بالاستاذ و السبورة ... أما في الاخيرة ... فراك تنتبه مع الاستاذ تصيب واحد دار وحد الجاست لصاحبو .. تبدا أنت تضحك ... ديجا راحتلك حاجة مهمة .. قالها الاستاذ ...
هذي في حالة ... قسم الله يبارك يقراو فيـــــــــه غير الملايكــــــــــة ..
أما في حالة قسم ... فيه غير الأكراد .. فالطاولة الثانية .. و ما تسمعش الاستاذ ...
إذن أنت باش تنحي عليك كلشي .. أجلس فالطاوللات الأولين .. و خلاص ...
+ أنا متأكد بللي أنتَ شخصيا ناوي تقعد الطاولة الاولى أو الثانية ..... ههه...ه ... و لو مقتنع بكلامك لذهبت ثاني يوم من الدراسة ... و تجلس فالاخيرة ... علاه ناوي مالا ترووح على 7.15 ... ههه... لليسي
قضية اللي يجلس في الاخيرة و يجيب 17 ... هذا راهو كافح و جاهد رغم المعيقات كلها ... و ممكن تصيبو يعاود يروح للدار يعاود الدرس ''أ0'' من اللول ... لأنه ما سمعش واش قال الاستاذ ... و ضاعف مجهودو ... و 17 اللي جاب هي القراية اللي فالدار .... و لو أنه جالس في الاولى لجاب 18 ...
مجـــــــــــــــــ~ـــــــــــرد رأيْ
تقبل ... مروريْ

kader 13

2011-09-09, 11:24

راك فكرتني الله يفكرك بشهادة....................أنا راني داير حساب بلي الأيام الأولى مندخلش نقرا بصح دوكا لازم نكومفيرمي على بلاص مليحا...............شكرااا أخي

rimayeva

2011-09-09, 12:05

ولله العظيم غير رانا كامل نخممو وين نقعدو و مع من

مسيردى

2011-09-09, 12:26

القسم تاعي فيه 25 تلميذ و 4 صفوف آخر طاولة هي الطاولة 3 في كل صف يعني الجميع يريح في الأول هذا أفضل مافعلته إدارة المتقن عندنا

kader 13

2011-09-09, 15:04

wè hadi hiya lazem ndiro 4 sfof

mimi 45

2011-09-09, 15:48

.....................................العام لي فات قعدت في الصف الاول الطاولة 3 .قدام التاقة ؟؟رايحين جايين علينا...................بلاصة لاباس بيها

هدا العام معولة انا وصحبتي نحكمو بلاصة تانية في الصف التاني لوكان يجبو واش يجيبو ما نضوش ولي نلقاوه قاعد فيها ))))نهارو اسود ))))) هههههههههههه

البلاصة مهمة بصح مش معنى لي يقعد ف الطاولات الاخيرة ما يجبش الباك وشكرا