بقلاوتي معجنة

[ام مرية]

السلام عليكم حبيتكم تعاونوني بالنصيحة انا البقلاوة نخدمها مليح ونتبع كافة المراحل بدقة ولكن تجيني معجنة كي طيب ما عرفتش علاه

[المبتغية لمرضاة الله]

السلام عليكم اختي

هو ممكن راكي تغصبيها قبل ما تطيب مليح وتعسليها

وممكن العسل لي ديريه ماش عاقد مليح اذا كنت انت لي تخدميه

يعني ديريه مثل الشاربات لي نسقو بيهم المشوشة

هي على الاقل اذا كانت سنيوة تاعك كبيرة تاخد ساعة في الفرن على نار هادئة

وكي طيب تتحمر من التحت ورايحة تعرفي ذلك من جوانب الصينية لي تكون بدات تنفصل على العجينة

وبدات تحمار

بعدها حمريها من الفوق كي تاخد اللون الذهبي لي تحبيه انت عسليها لازم يكون العسل خاثر وماش سخون بزاف يعني دافي

خاطر اذا كانت البقلاوة سخونة والعسل سخون بلاك هذا السبب لي يخليها تتعجنلك

نصيحة استعملي لعسيلة لي تتباع في المحلات اذا كنت ما تعرفيش تخدميها وحدك في الدار

ان شاء الله نكون اجبتك على تساؤلك وما تنسايناش من دعائك

[بشرى2008]

بالاك راكي تديري بزاف السمن بين الطبقات أو زيد فى الكيلة نتاع السمن ماتعمريهاش ديريها شوية ناقصة على الكيلة مع 3 كيلات فرينة

[ام مرية]

تتمنجزك اله عني خير جزاء انا العسل ندو في الدار وايضا على حساب وصفك راني نزربها في الطياب ان شاء الله هذه المرة عمل بنصائحك مشكورة والله يعطيك واش اي

[ام زيزو]

ممكن العسل تحطي فيه ماء الزهر او الكيلة زايدة او ديريها خشينه انصحك بهذه الكيلة وارجعيلي ادا عملتها وقولي رايك
5 كيلة فرينة
1 سمن
بيضة
حكي السمن والفرينة مليح وقبل ما تبليها فوتيها في السيارالعادي المتوسط يعني ثم ضيفي البيضة والماء وبليها وعجنيها شوية وحطيها ترنح وكي نحليها حطيلها النشا تعاونك باش تتفتح وتجي هشه انتظرك اذا جربتها ادعيلي

[ام مرية]

غدوة انساءالله نجربها ونقلك