المساعد الشخصي الرقمي

مشاهدة النسخة كاملة : وشنو هدا......

زرابة
2011-08-25, 15:04
assalamo 3alaykom habit nsaksikoum ila fe kamel l'algérie lhala raha haka wela ghi fel gharb pcq les prix rahom nar fe souk
louze be 750da le kg
noi de coco 800da le kg
cawcaw be 350da we mechi mnaki
wachnou hada habit ndir mkhabez iktissadi za3ma be noix de coco sa3a tbali ndirou be louz be asslou khir mé mama gatli rahou ghali lik dabri rassek beli kayen pcq balak rabi yarsskek be rajel maykounch kafi halou
3ala fikra arjou tafa3ol we kol wahad yadkhol ygoli 3la les prix fe la région nta3ou saha ftourkom
المخلصة
2011-08-25, 15:18
سلام الله عليكم


و هاني اول متفاعلة و إن كنت سبب عدم دخول الأخوات العنوااااااااااااااااان

المهم أختي أنا تاني من الغرب و كيما قلت راها نااااااااااااااااااااااااار نفس الأثمان راهي عندنا و لي فااجأني نواة كوكو

طلع خطرة واحدة

في حوايج القاطو الله يصلح الحال

و انا نظن لازم نتفكروا بانه لا يكلف الله نفسا إلا و سعها كل واحد يخدم على حساب ما يقدر

و إن كنت معك الحلويات الإقتصادية زعمة اقتصادية راها مكلفة

و الله المستعاااااااااااااااااان
ffwassim
2011-08-25, 15:47
قاع كيف كيف حنونتي انا نسكن ف الشلف
les meme prix
ما تكثريش اختي ديري غير خمس انواع ولا على خاطر رانا ف الصيف وما يتكلش بزاف القاطو وشفتي رمضان رانا نشربو غير الماء و ليموناد ولا فاكهة
صح فطوركم وعيدكم وربي يعاونكم
سلام
زرابة
2011-08-25, 16:07
سلام الله عليكم


و هاني اول متفاعلة و إن كنت سبب عدم دخول الأخوات العنوااااااااااااااااان

المهم أختي أنا تاني من الغرب و كيما قلت راها نااااااااااااااااااااااااار نفس الأثمان راهي عندنا و لي فااجأني نواة كوكو

طلع خطرة واحدة

في حوايج القاطو الله يصلح الحال

و انا نظن لازم نتفكروا بانه لا يكلف الله نفسا إلا و سعها كل واحد يخدم على حساب ما يقدر

و إن كنت معك الحلويات الإقتصادية زعمة اقتصادية راها مكلفة

و الله المستعاااااااااااااااااان
رب يخليك اختي وعندك الحق قوليلي وش رايك تعتيني عنوان باه الكل يتفاعل
زرابة
2011-08-25, 16:12
قاع كيف كيف حنونتي انا نسكن ف الشلف
les meme prix
ما تكثريش اختي ديري غير خمس انواع ولا على خاطر رانا ف الصيف وما يتكلش بزاف القاطو وشفتي رمضان رانا نشربو غير الماء و ليموناد ولا فاكهة
صح فطوركم وعيدكم وربي يعاونكم
سلام
صحيت حبيبة على النصيحة حنا تان ماراناش ناكلوا بزاف و الله غير الماء ونشا الله ينقصو les prix شكرا على المشاركة:1:
تجويد4
2011-08-25, 17:06
و شكون سمعك

هنا فى الشرق النواد كوكو المقروح ب 100 الف حشاك و اللوز ب 85 الف و الكاوكاو 38 الف

انا ماشريت حتى واحد منهم
كمانكلةوش القاطو بهاذو مش راح نموتو
راح نعمل حلويات اقتصادية كما بوسو لاتمسو و كاين مخبز بالفلان يجى شباب كاين الكعك كاين القريوش كاين و كان

ماشى شرط هذ الحواج الى يقسمو الظهر
حتى عند ربى حرااااااااااااااام التبذير
chahrazed-m
2011-08-25, 17:48
الاسعار نفيسها انا شريت ب 260 الف ومزال ما كملتش

الكاوكاو عندنا ب 32 الف جابو خويا
حلاوة_87
2011-08-25, 17:48
سلام عليكم
يا اختي انا من مستغانم والاسعار نفسها كيما قلتي..غير الكاوكاو مش منقي ب 30 الف والمنقي... رقيق.. 34 الف ومنقي ...خشين ...36الف
ربي يستر برك
الصوامعية
2011-08-25, 18:05
شكرا على هذا الموضوع أختي
تقدري تقولي الأسعار راهي كيف كيف حنا عندنا في خميس مليانة
الكوكاو 320 دج
نوادكوكو 750دج
ربي يستر و خلاص الوقت لوصلنا ليه الواحد نورمالمن ميكلفش روحو يدير غير 2 ولا 3 نواع .
سحر الغروب
2011-08-25, 18:07
شوفي لي بري كامل لي قلتي عليهم زيدي عيهم 10 الاف ولا 20 الف حنا عندنا

اللع غالب ما عندنا ماراح نديرو

القاطو شر لا بد منه
sheherazed
2011-08-25, 18:27
حنا تاني راه عندنا نفس المشكل أختي


ماعلينا غير نقولو حسبنا الله ونعم الوكيل



وبالاك راهم حاسبينا كامل مرفهين هههههههههههههههههه



المهم حبيبة انت حاولي تعملي القاطو على حساب ميزانيتك وربي يفرج على الجميع من هاد الفوضى اللي راحنا عايشين فيها



صح فطوركم
remadna
2011-08-25, 19:58
حنا في بسكرة نواد كوكو قبل رمضان بأسبوع كانت 250 و في الأسبوع الاول تاع رمضان عادت 350 شريت رطل الحمد لله و الأسبوع الماضي طلعت 600 و الآن لا أدري
اللوز 800
الكاوكاو 340
انا من سنين قاطواتي اقتصادية و زيد كلش طلع دورتها خبز مرحي اقتصادي و زيد القاطو تاعو روعة
اذا حبيتي شوفي القاطو تاعي هنا
http://www.djelfa.info/vb/showthread.php?t=693809
*شهد العسل*
2011-08-25, 21:47
والله الاسعار كارثة هذ العام
النوادكوكو كيف كيف مع اللوز 75 الف الى80الف سنتيم
و الكاوكاو على حسب النوعية لمنقي طبعا
كاين 32الف و 34الف و 37
انا باقيلي نوادكوكو من قبل رمضان كان 25الف بصح كيفاش ولى كما الوز
اذا كنت حابة نشريه نفضل اللوز خير بنة وهمة
والقليل و الي عندو عايلة وذراري يقراو ضرك بعد مصاريف الفطور الاكل و الشرب جا القاطو و كسوة العيد
و الادوت المدرسية ربي يسهل و يكون في العون
المخلصة
2011-08-25, 23:11
سلام الله عليكم أخية و صح فطووووووووووووووركم جميعا

تقبل الله منا و منكم

أولا الحمد لله بدا التفاعل من الأخوات لذا ما في داعي نغير العنوان بل نغير عقليتنا


لالالالالالالالالالالالالالالازم نغير

و مع احترامي للأخت الي قالت الحلوى شر لا بد منه صراحة لالالالالا و ألف لا

لا نريد ان نكون مجتمع استهلاكي فقط زيدو نشروا نقصوا و هذا مستحيل نشروا

بل لابد من جهاد ذلك بما قدرنا و حسب الإستطاعة يكفي موضوعك اليوم و اراه جوهري جزاك الله خيرا و جعله في ميزان حسناتك

نغير بأيدينا بأن لا نشتري و نكتفي بما هو دون ذلك و نغير بألسنتنا بأن نبث الوعي في شرائح المجتمع و نغير بقلوبنا

بان نتضرع و نقول حسبنا الله و نعم الوكيل و بارك الله فيك أخت تجويد 4 عطاتنا حتى الأمثلة

و إن كنت أتمنى معرفة كيفاش المخبز بالفلان


يا أخية إذا احنا رانا حايرين في الأسعار و حايرين واش نصنعوا في العيد من الحلويات هناك إخوان لنا محرومين حتى من الماء

ما عساني أقول


حسبنا الله ونعم الوكيل

و الله المستعاااااااااااااان



بوركت و جوزيت.
المخلصة
2011-08-25, 23:18
نسيت نقولك حاجة


طارق السويدان أول امبارح قدم في حصته احصائية خطييييييييييييييييييييرة عن الجزائر فيما يخص توازن ميزانيتها الدولية

في 2010 كانت في المرتبة 2 دوليا و 2011 صارت 34 أو 36 لا اذكر

قالها و هو جد مستغرب قال الجزائر فيها مشكلة حقيقية لا بد من الخبراء في الأمر بحث ذلك


و احنا اشري و اشري و بالديوووووووون و نشري

لا إله إلا الله محمد رسول الله


أختي رمضانة جزاك الله خيرا لم ألتفت للرابط

ها هي أختنا قدمت بالكلمة و الصورة


و الله ينتقم من كل عاتية متجبر آكل لحقوق العباد
mary-93
2011-08-25, 23:23
واش نقولو حنا صحاب الصحرا
النواد كوكو 850دج واللوز 1000 و الكاوكاو 380دج
الله يعينا
الللبسة غير من 2000 واطلع كي لكبار و الصغار
الطابلية تع الصغر ابتدائي 1200
وين رايحين بهاد لهبال
ام مريم الجزائرية
2011-08-25, 23:31
الله المستعان والله العظيم غير عجب
لا يكلف الله نفسا الا وسعها
كل واحدة تصنع قدها ونعرف بزاف والله ماصنعوش قالو غالي بصح التخمام على الاولاد وغيرتهم
الواحد يصنع قدو
ربي يستر ويجيب الخير
azade
2011-08-25, 23:58
سلام عليكم اخوتى هدى وسمها الازمة الاقتصادية متنخلعوش الله يستر برك
هاجر 76
2011-08-26, 01:10
سلام اختى عندك الحق
انا رحت لوهران قلت بلاك سومة اللوازم نتاع الحلوى رخيصة شوية بصح درت غلطة السومة فى وهران غالية على وين نسكن (سيق) ب 50 دينار للحاجة كوكاو ولوز وشكولا ونوات كوكو وحتى الزبدة
الله يكون فى عون مرانى عارفة غير وهران ولا فى كاع بلايص الغرب
moslihe29
2011-08-26, 13:02
اخواتى العزيزات اسفة على هذه الكلمة احنا نستاهل لوباعولنا الكوكاوب100الف نشروه ماعندناش ثقافة الرفض والمقاطعةلومرة رفضنا شراء منتج بسبب سعره لاختلفت الامور بالرغم من ان هذه السلع من الكماليات لماذا لانعمل قاطو اماهاتنا وجداتنا الغرييييبية الكعك الطورنو المقروط القريوش ونكبر الحبة ماشى روووووووووووعة ونترك الكوكو والنواة كوكو فى المحلات تفسد وصحة عيدكم وجيووووووووووبكم
remadna
2011-08-26, 13:07
اخواتى العزيزات اسفة على هذه الكلمة احنا نستاهل لوباعولنا الكوكاوب100الف نشروه ماعندناش ثقافة الرفض والمقاطعةلومرة رفضنا شراء منتج بسبب سعره لاختلفت الامور بالرغم من ان هذه السلع من الكماليات لماذا لانعمل قاطو اماهاتنا وجداتنا الغرييييبية الكعك الطورنو المقروط القريوش ونكبر الحبة ماشى روووووووووووعة ونترك الكوكو والنواة كوكو فى المحلات تفسد وصحة عيدكم وجيووووووووووبكم

يعطيك الصحة على الكلام المعقول
حتى حنا نشرو و نسكتو لازم المقاطعة و الاضراب
انا القاطو تاعي غير بالخبز اليابس اذا حبيتي شوفيه
maiar
2011-08-26, 13:09
fi constantine kawkaw b 320DA
w alouz 950DA
w noa de coco 750 DA
presque les meme prix
mikouyiw
2011-08-26, 14:40
إذا أنزعوا كل وصفات الحلويات التي فيها كوكاو واللوز...إلخ لتبقى فقط الاقتصادية