المساعد الشخصي الرقمي

مشاهدة النسخة كاملة : حلويات العيد 2011 جديد في جديد

narimane1991
2011-08-24, 11:19
السلام عليكم اخواتي مع ان العيد راهو قريب ومبقالو والو انا حابة نديرو مبادرة مليحه تعاونا كمال و هي ان كل وحده فينا تخبرنا واش حابة تخدم كحلوة لهاد العيد ونحطو والوصفات ومن الاحسن الصور هكدا نستفادو ونفيدو ونتعلمو من بعضنا البعض
واتمني اتمني هاد الموضوع يلقي اقبال ومشاركة كبيرة والاروع لوكان يتم تثبيتو
صح فطوركم
narimane1991
2011-08-24, 11:21
انا راني حابة نبدا الاولي اني حابة ندير البقلاوة ياك راهي عادة عندنا وعيب تحطي القاطو بلا بقلاوة
حباة ندير المقروط نتع الغرس نديرو في الفرن موش مقلي راهو يبالني احسن وجربتو من قبل خرج يهبل يهبل
ان شاء الله ندير المخبز ولا مقروط اللوز راني بيناتهم نخير
والخاتمة ندير قاطو بالشيكولا ولا صابلي المهم حاجة خفيفه عندي بابا يحب قاطو ساك خفيف ملقيتش واش نعملو
والي تحب نعطيلها الوصفات والصور راني هنا
وان شاء الله كي نخمم في الي نزيدو نخبركم
ATACNIM
2011-08-24, 11:31
من فضلك أعطيني الوصفة مع الصورة وصح فطورك