مشكلة ---عدم الرغبة في الدراسة---

[وردة السلام]

السلام عليكم ورحمة الله وبركاته

لمن واجتهته مشكبة الكسل وعدم الرغبة في الدراسة من طلاب البكالوريا المتفوقين

ارجوووكم اعطوني دواء لهدا الداء

نفسيتي ضعيفة جدا اود الدراسة لكن لا اتسطيع

ورب العزة لا اعرف مادا جرى لي

هل الامر حدث معكم ام انها حالة خاصة

من عنده اجابة فل يتفضل ويشربنا من تجاربه


تحياتي القلبية لكم

[سطريو]

نعم واجهتني هده المشكلة رغم أنني من الطلاب الممتازين...
و حسب خبرتي فالدةذواء الوحيد هو الـpـــاراسيتامول
http://t1.gstatic.com/images?q=tbn:ANd9GcSNL4_7wVhNd5qoT_zV6zPp5YlH_mj5-Aci5GmqaOzDYvP9IwSoRBfuuA

[خولة الخنشلية]

انا تاني كانت عندي مع بداية العطلة مي دواها الوحيد هو محاربة النفس ومحاولة التفكير بشكل ايجابي واذا مبديتيش ليكور ننصحك غير ابداي باه تحسي بطعمة الباك ونصيحتي ليك متبعيش المهدئات نهائيا الا اذا من عند الطبيب مع احترامي للأخ سطريو

[وردة السلام]

نعم واجهتني هده المشكلة رغم أنني من الطلاب الممتازين...
و حسب خبرتي فالدةذواء الوحيد هو الـpـــاراسيتامول
http://t1.gstatic.com/images?q=tbn:and9gcsnl4_7wvhnd5qot_zv6zpp5ylh_mj5-aci5gmqaozdyvp9iwsorbfuua

شكرا اخي
هههه البراستامول باه تحكمني الرعدة وفي نص العام تصليو عليا

صح سحوركم
تحياتي

[وردة السلام]

انا تاني كانت عندي مع بداية العطلة مي دواها الوحيد هو محاربة النفس ومحاولة التفكير بشكل ايجابي واذا مبديتيش ليكور ننصحك غير ابداي باه تحسي بطعمة الباك ونصيحتي ليك متبعيش المهدئات نهائيا الا اذا من عند الطبيب مع احترامي للأخ سطريو

اهلا بنت ولايتي

شكرااا بزاااف على النصيحة

وانشاءالله نقدرو نتغلبو على نفوسنا

ودي وتحياتي القلبية

[البلبلة]

متاااااااااااااااااااااااابعة

علني اهتدي لحل بدوري

[خولة الخنشلية]

lمقلتيليش بديتي فليكور ولالا انا من راي غير ابداي متشوفيش للي يقولك مزال خاصة في الرياضيات كاين حوايج لازم نقراوهم دوكا باه نحيوهم من الطريق
وبالتوفيق لبنت ولايتي

[mer 92]

sali w ad3i rabi

[selma27]

moi aussi ssratli kima haka pourtant wellah nheb lo9raya mé ki nji na9ra mana9derch w tghidni rohi bzf kifeh les autres ya9drou w ana lala en plus nasher w net3eb bessah nhess rohi manel9ach résultat ki chghol na9ra foug gelbi w natija ani maditech lbac 3am sna pk ça svp je veux une réponse pour çe phénoméne

[إلهام1993]

تفكري يوم النتيجة

[selma27]

. oui nchallah ya3ni thafezni bah ndir lgelbi w ndir le possible! pour eu le bac cette anneé merci soeur

[ابو حفص فاتح]

تدرجى مع المواضيع التى تحبيها و تميلى اليها قراءة و استمتاعا ثم مع مرور الزمن اقحمىى المواد الثقيلة
اقرئى القران قسيوفر لك الرغبة

[الامل بالله]

merci pour les conseilles et pour le sujet

[asma1s]

سلام اختي
ساتدخل في الموضوع واحكي تجربتي الخاصة لعلك تستفيدين ان شاء الله ..
انا تحصلت على الباكالوريا هذه السنة والحمد لله, في الصيف يعني شهر اوت كنت دايما نسمع بلي كاين ناس بدات دير ليكور في المواد العلمية وتحفظ تاريخ وجغرافيا .. كنت نتوسوس بزاف وكنت نحب ندير كيما هوما بصح نعجر يحكمني واحد العجز ونقول بلي مازال الحال ومالازمش نتعب روحي في الصيف لازم نرتاح وكان الحال ..ماقريتش في الصيف بصح كنت نقرا الفرنسية طول الصيف وانا نجبد مع اللغة الفرنسية والحمد لله لقيت ثمرة كبيرة لهدا الجبيد وطول العام ماكسرتش راسي مع الفرنسية ماكنتش قاع نراجعها حتى في الباكالوريا ماحليتش الكراس بزاف.. المهم كي دخلت نقرا انا يمكن عكسك كانت عندي ارادة قوية وكنت حابة نعمل مجهودي وماكنتش خايفة بزاف ولا كارهة ..بصح المشكل تاعي اني نحب نقرا بصح نعجر كنت نمل باش نجبد كراس وكنت نقول بلي مازال الحال على المراجعة والفصل الاول فصل طويل وعندي الوقت جازو الايام وجاو الفروض وانا ماكنتش موجدة روحي مليح حاولت نعاود نراترابي بصح كان الحال صعيب وكنت مهملة شوية ماكنتش نقرا بزاف في الدار لخطرش انا نسكن بعيد على الثانوية تاعي كنت نخرج من الدار على 7 تاع الصباح ومانعاودش نرجع حتى 6 مساءا وكنت دايما نجي نقسر مع العايلة حتى نلقاها لحقت 8 مساءا نجبد شوية الكراس وكي توصل 10 نطفى مانقدرش قاع نزيد وكان عندي يوم الجمعة و السبت دروس خصوصية وكنت دايما نجي تعبانة منهم علاهاديك ماقريتش بزاف في الدار بصح في الدروس الخصوصية كنت نفهم مليح عند الاساتذة ومانخلي حتى فكرة غير مفهومة تمر علي .. اومباك نهار درنا الفروض والاختبارات جبدت قاع نقاط ضعفي وشفت وين راني ناقصة خاصة ارياضيات والفيزياء اهملتهم بزاف.. في العطلة نتاع الشتاء درت قاع جهدي وعاودت ركزت على الرياضيات وحاولت نفهم واش ماكنتش فاهمة ..اما الفيزياء فخليتها في خبر ان لاني انا وهي مانتفهاموش .. :D في الفصل الثاني حاولت اني نكون اكثر جدية فركزت اكثر على الرياضيات وكنت نحل بزاف التمارينات والله هد الشي بزاف فادني لان الرياضيات باش تفهميها يلزملك تحلي التمارينات بزاف ..العلوم كنت نسلكها وكنت محب نقراها ..المواد الادبية طبعا خليتهم في جيهة كنت نادرا وين نضرب طلة عليهم لخطرش كنت نجرب نفهم كل شي في القسم خاصة اللغة العربية واللغات الاجنبية والشريعة * وندمت لاني ماقريتهمش بزاف* ..كنت الاكثرية نحب نقرا الرياضيات والعلوم ووقتي مديتو ليهم قاع اما الفيزياء كنت نقراها اسبوع قبل الفرض او الامتحان لان الحمد لله عندي فرد من العائلة عاوني فيها كنت نتكل عليه .. في الفصل الثالث زدت زيرت روحي اكثر فاكثر وخليتو غير للدروس تاع الفصل الثالث ..بديت المراجعة تاع الباك متاخرة على الغاشي هما بداوها في بداية الفصل الثالث وانا خليتها حتى الشهر الاخير قبل البكالوريا البيضاء راجعت à peu prè بصح موراها راجعت اكثر جدية نظمت وقتي وكراريسي ودرت ملخصات للدروس الادبية خاصة التاريخ والجغرافيا والادب .. المواد العلمية الرياضيات والعلوم كنت فاهمتهم لخطرش قريتهم مليح اما الفيزياء درتلها اسبوع قبل الباك الابيض وراجعتها شوية .. المواد العلمية كملت المراجعة حتى الاخر اما الادبية كاين عفايس ليكيديتهم بسبب ضيق الوقت ..
الحاجة لي كانت تضايقني بزاف انو كنت ندير جهدي ونجرب نقرا بصح العلامات كانت ضعيفة مقارنة بالتلاميذ الاخرين وكنت دايما نقول لروحي اني بزاف متاخرة عن الاخرين لان لوخرين كانو مايرقدوش بكري حتى 1 و 4 تاع الليل وانا جامي ولا فت 11 تاع الليل .. بصح مع الاخر انا الحمد لله جبت الباك تاعي بمعدل جيد لاني كنت فاهمة دروسي والعلامات كانت ضعيفة لانو المواضيع الفصول جد جد صعبة في الثانوية تاعي مقارنة بمواضيع البكالوريا الرسمية .. المهم انا لما ندي علامة سيئة كنت محوس على الدروس لي مارانيش فاهمتهم ونحاول ندير عليهم تمارينات خاصة الرياضيات .
حاجو اخرى جد مهمة : انا عملت يعني تحليل للمواضيع البكالوريا للاعوام السابقة ومنهم اخذت فكرى على التمارين اللي لازم نحلها خاصى الرياضيات والفيزياء .. وهدا الشي فادني بزاف في البكالوريا ..المواد الادبية خاصة اللغة العربية كاين اسئلة تتعاود كل عام وهي نفسها لازملك تحليهم قاع .. التاريخ والجغرافيا ايضا كاين سؤال عاودوهولنا هدا العام وكانو ديجا داروه نظن في عام 2008 ..والحاجة الغريبة لي صراتلي اني ولا مرة حسي بطعم البكالوريا حتى في الايام البكالوريا ماحسيتش .. المهم هدي هي تجربتي في البكالوريا لازم تكون عندك ثقة بنفسك وتكوني فاهمة واش راكي تقراي خاصة العلوم يلزملك تفهمي الدرس وتاكليه ماكلة لان التمارينات واحد مايشبه للاخر الدرس هو الحل لكل التمارينات ولازم تكون عندك المنهجية لي تتعلميها من عند الاستاذة ودايما خذي بالك وركزي كيفاش الشيخة تكون جاوب ..
لي عودة للموضوع ان شاء الله وساجيب على الاسئلة لان ماقدرتش نكمل نحكي راني عييييييت من الهدرة بزاف ..:1:

[asma1s]

حبيت نوصيك على :
** كي يكون الاستاذ تاع العلوم يشرح في الدرس تبعيه فكرة بفكرة لان الافكار متتابعة العلوم الساعة تاع العلوم خليها غير للتركيز وخطيك من ناس لتهدر اثناء الدرس لانو ماراحاش تستفادي من الهدرة تاعهم خاصة في المواد العليمية جربي تقعدي مع وحدة ماتهدرش بزاف باش تخليك تركزي مع الاساتذة .. وكي يكون الاستاذ يحل في التمرين ركزي اكتر معاه واستنتجي كيفاش يخمم ويلقي الحل خاصة استاذ تاع ليكور دايما خوذي بالك على طريقة تفكيرو في الحل وكيفاش يشتق من الدرس هاداك الحل وناقشي معاه حتى تقتانعي بالفكرة ..كانت صحبتي ماعندهاش منهجية وفي الفصل الثالث رجعت احسن تلميذة في العلوم رجعت تعرف كيفاش تخمم وتجبد الفكرة بصح شابت باش لحقت كنت ندير معاها ليكور وكانت دايما غير هي لي تتناقش مع الاستاذة وكل سؤال تسخسي عليه الاستاذة كيفاه تجيبلوا الحل حتى تعلمت والله كانت الشيخة تتعب من التسخسية تاعها بصح جيب حقها وماتخرجش من ليكور ختى تفهم كيفاه الاستاذة تفكر :1: يعني عفسة هايلة ومنها انا تعلمت المنهجية بفضل المناقشة العلمية .. وردي بالك تقعدي غير تخرطي مع الشيخة جربي دايما تهدري معاها بمصطلحات علمية وراجعي الدروس القبلية باش تسخسي باش ماتكونيش hors champs
** جربي لاقصى درجة باش ماديريش صحابات بزاف الانو تهلكك المصاحبة بزاف خلي كل همك على دراستك وخلي عندك 2 او 3 صديقات تمشي معاهو والاخريات ناع صباح الخير ومساء اخير وماتحتكريش العلم اذا جاو وطلبوا منك تفهميهوم .. حذاري من كثرة المصاحبة هدا درس اديه من عندي وحذاري من صديقات السوء بعدي عليهم لاقصى درجة وكي يجيو يهدروا معاك ماتكثريش معاهم الهدرة .
** المراجعة الجماعية عندها فائدة كبيرة جدا انا اكتشفها غير في اخر العام بصح الحمد لله استفدت منها بزاف كنت نتجمه انا وصديقاتي ونحلوا المواضيع بحيث كل وحدة تلقي الحل تقولنا كيفاش لقاتوا باش نتعلموا طريقة التفكير ..جربي في اخر الاسبوع تتلاقاي مع صحابايك وتحلوا المواضيع بهدي الطريقة وتفهموا الدروس خاصة العلوم لي 90 بالمئة هي فهم الدروس والباقي المنهجية ومنها تقدري تحلي الموضوع بكل راحة .
**ديري لكل درس مثلا التاريخ والجغرافيا ملخص لكل درس جاك صعيب ولونيه وشبحيه باش تكون عندك الرغبة باش تحفظيه انا مثلا شريت ورق مقوى ولخصت فيه دروس الجغرافيا تاع الفصل 1 و 2 وجاوني غير في 4 صفحات بصح حفظتهم مليح , التاريخ درتلو مخططات واحفظتوا .. وحافظي عليهم في classeur وضربي عليهم طلة كل مرة باش ماتنسايش والالوان والتشباع يساعدوك بزاف
هدوا نصائح تفكرتهم وكي يجوا في بالي واحدوخرين راني نزيد نقولك ..:D

[وردة السلام]

جزاكم الله خيرا وجعل ماتقدمتم به في موازين اعمالكم

[وردة السلام]

اختي اسماء اثابك الله واسكنك الجنة

والله نصائحك غالية

ان شاء الله تكوني قدوة لنا

انا مدايرة كور في العلوم لكن استحي ان اطرح اسئلة على الاستاد واخشى ان تكون تافهة وليس لها معنى

بالاضافة اني نفهم الدروس تاع العلوم ونحل تمارين المراجع لكن كانت نقاطي في السنة الثانية ضعيفة
لم اعرف اين يكمن الخلل



لمن لديه حل ؟

بانتظار اجابتكم

[lyane]

mrc pour tout

[فؤاد بنكو]

akray al koran w sali w diri rabi fi balak w nadmi waktak wdiri fi balak bli kolch wla bl kraya w madirich 3akliat tatla3 lmarikh tarja3 ltbikh

[Akon 1991]

والله شكرا لكي ااختي والله استفدت منكي كثير وارجوا المزيد وشكرا مرة اخرى

[selma27]

merci 3likom rabi y3ayechkom kamel nchallah rani ndir b les conseils hadou ta3kom .madabikom kechma tel9aw zidou goulouli

[asma1s]

اختي اسماء اثابك الله واسكنك الجنة

والله نصائحك غالية

ان شاء الله تكوني قدوة لنا

انا مدايرة كور في العلوم لكن استحي ان اطرح اسئلة على الاستاد واخشى ان تكون تافهة وليس لها معنى

بالاضافة اني نفهم الدروس تاع العلوم ونحل تمارين المراجع لكن كانت نقاطي في السنة الثانية ضعيفة
لم اعرف اين يكمن الخلل



لمن لديه حل ؟

بانتظار اجابتكم

امييييييييييييين ان شاء الله الجنة مثوانا جميعا
العفو اختي
انا اذا تاخذي بنصيحتي خلي الحشمة من جيهة خاصة في ليكور, انا وحدة في القسم ماكنتش نسال الاستاذة لانها تحشم بزاف بصح عندها في ليكور كنت نسخسي لخطرش نديرهم بدراهمي وماعندهاش الحق باش تحشمني.. نحن في ليكور كنا نعاودو كل الدرس والنقطة لي مافهامتهاش كنت ناقشها مع الاستاذة واعادة الدرس في ليكور لقيت فيها فائدة كبيرة بزاف اذا اتيحت لي الفرصة بطرح كل انواع الاسئلة السخيفة او العلمية .. انا ننصحك احكمي المكان الاقرب من عند الاستاذ تاع ليكور وطرحي عليه جميع الاسئلة سواءا السخيفة او العلمية وماتخلي حتى نقطة تفوتك وانتي مش فاهمتها اذا الاستاذ قعد يحشمك بدلي ليكور عند استاذ اخر راهم علا ريسانهم وانا ننصحك ماتكمليش ليكور عند استاذ ماتطرحيش عندو الاسئلة لاخطرش ماراكيش رايحة تستفادي مليح وهذي نقولهالك من تجربة خاصة ..
اختي انا نظن انو المشكلة تاعك انك ماتفهميش الدرس وهذا سبب النقاط السيئة الي تحصلتي عليها في السنة 2 .. نصيحة من عندي درس العلوم افليه وكوليه ماكلة الدرس هو الاساس في العلوم كي تفهمي مليح الدرس تقريبا كل التمارين جيك ساهلة .. ركزي مع الاستاذ وسخسي صحاباتك اذا مافهمتيش اي فكرة .. راني نوصي فيك ونعاود على التركيز والفهم الجيد للدرس ثم المحاولة في التمارينات ..

[asma1s]

اتوكلي على ربي وقراي الادعية تاع تجنب الكسل ودعي ربي انو يهديك الى الطريق الاصح ..ربي مايخلي حتى واحد ان شاء الله .. اقراي القران =) والله ولي التوفيق
هدا العام ماعندكمش عتبة ابداي من ضركة تفهمي وتحفظي واش قريتوا , النصيحة لي نعطيهالك هي " لاتاجل عمل اليوم الى الغد " ابداي من ضركة تقراي باش كي يوصل الصح ماترجعيش تسهري حتى الصباح لان السهر الكثير مايفيدكش . يولد لكي التعب .. بصح اذا مالقيتيش روحك فاهمة اتكلي على ربي واسهري.. ديري مجهودك وقاومي الكسل وادعي ربي باش يعاونك

[وفاء بنت الاسلام]

ركزي على هدفك و ماذا سيحدث إن حققت هذا الهدف و كيف ستكونين بعد أن تنالي البكالوريا بمعدل جيد حفزي نفسك!!!!!!!

[ahlem93]

نوصيك ختي ابداي عادي الدرس الي ديريه في المواد العلمية كي تروحي ريفيزيه وحلي عليه تمرينات والدرس الي ديريه في المواد الادبية كي تروحي احفضيه وما تهمليش المواد الادبية وتقولي ما عندها ما ديرلي ختي يخي يقلك سال المجرب وماتسالش الطبيب خذي النصيحة من عندي ختي انا عديت البا العام الي فات وما ديتش انا كنت نقول المواد الادبية مش رح تنفعني ما هتميتش بيها بزاف وشوفي وين راني ختي والله ننصحك ابداي عادي مع النهار الاول برك وربي يوفقك نشاله بمعدل زين

[لبؤة جزائرية]

تحية طيبة وبعد..

ساشارك ببعض النصايح
ياللي لقيتها في موقع




ان حالتك تصيب كثير من الناس وهي ليست حالة مرضية لكنها تعبير عن وضع نفسي قلق وهي قابلة للتغيير وهذه الحالة في الغالب تنجم عن ضغوط نفسية، إما عن تنازع واصطراع بين ما يريده العقل وما تريده العاطفة.
وأما عن التزاحم بين الأعمال والهوايات أو الإخفاق في تحقيق هدف معين أو العجز عن نيل درجة أو حاجة أو نتيجة الفشل الدراسي وبدلاً من أن تصمم على اجتياز هذه العقبة بمزيد من الدرس والفهم والاستيعاب نرى إنك تعيش العقدة والكراهية لتلك المادة أو المواد مما يجعلك تعيش ضعفاً نفسياً تصل إلى درجة الملل وعدم الرغبة في المذاكرة ن حل هذه الأزمات أو تجاوز هذه الحالات لهو بيدك وذلك باتخاذ النقاط التالية:
ـ أن تكون من أصحاب ارادة وعزم لايجاد التغيير اللازم (الملل) وليكن لديك الإيمان العميق بأن لك هدفاً وغاية في هذه الدنيا.
ـ تنظيم الوقت وترتيب سلم الأولويات واعطاء كل ذي حق حقه.
ـ تغيير ايجابي بسيط مثلاً تغير الشارع الذي تسير فيه إلى مدرستك أو المكان الذي تدرس فيه أو استبدل قميصاً بآخر.
ـ حاول أن تخفف من وطأة النقد وأن لا تكون شديد القسوة في نقدك بحيث لا ترى إلا الوجه المحتم منها.
ـ ابحث دائماً عن الايجابيات، فقد تكون هناك أكثر من ايجابية واحدة في الشيء الذي مللت منه.
ـ ربما كان التعب هو السبب في ايجاد حالتك، لذا احرص على أخذ ثمان ساعات من النوم و 10 دقائق في فترة بعد الظهيرة لاستعادة النشاط باقي اليوم.
ـ حلّل ما أنت فيه ثم قم بتجميع الأفكار.
ـ خفف كميات اللحوم والدسم وبالبدء بأكل الخضروات والفاكهة بكميات أكبر.
ـ الحرص على أداء بعض التمرينات الرياضية.
ـ قراءة سير الشخصيات الناجحة.
ـ ابتعد عن التوحد وخالط الناس واستعين بهم.
ـ سيطر على قواك وبدل أن تنفذ الأعمال بحسب العادة والمألوف حاول إنجازها بوعي وضمن الاتجاه التي ترغب فيها.
ـ لا تتوقع إلى كل الأشياء تتغير بسرعة فالتغيرات التدريجية المستمرة خير من التغيرات الفجائية واعمق تأثيراً في الحياة.
ـ اعلم ان من حقك الخطأ ولا تحزن بعد كل خطأ.
متّن صلاتك بالله عن طريق الكلام والمناجاة وتأدية الواجبات والمستحبات وطلب المعونة منه.
ـ حتى تكون مثلاً للغير يجب أن تكون مثلاً بهذا التغيير وملتزماً به.
ـ حاول أن تتقبل المسؤولية الفردية وتبادر أحياناً لها.
ـ فكر في هذه الكلمات من ألبرت اينشتاين: كل التغيرات طويلة المدى وذات المعنى تبدأ من خيالك وأحلامك ثم تأخذ طريقها إلى أرض الواقع، الخيال أكثر أهمية من المعرفة.
ـ لا تضع وقتك في لوم الآخرين وفكر دائماً بايجابية وكن عطوفاً على نفسك ولا تلمها كثيراً فعند ضياع فرصة تذكر أن هناك فرصاً أخرى قادمة.
ـ شاهد الأفلام الكوميدية.
ـ احرص على قضاء وقت أطول مع أصدقاء مرحين.
ـ فرغ مشاعرك على الورق بأن تكتب انفعالاتك وبعدها الق بالورق المكتوب وانس ما كتبته.
ـ تقبل أخطاءك فالكل يخطأ ولكن بادر إلى تصحيح الخطأ بإجراءات عملية.
ـ قدّر قيمة الوقت.
ـ ضع أمامك هدفاً للقراءة مثلاً الرغبة في التفوق والتمييز.
وأخيراً تفاءل دائماً بالخير وتوقع الحسن تحصل على الأحسن.

[عبد العزيز صاهد]

لدي نفس المشكلة لكن اظن ان هناك دواء واحد هو ** Irada ** وللأسف جميع الصيدليات الجزائرية لا تستورد مثل هذا الدواء أنما نصنعه نحن
اعانني الله واياك اخي

[houssem65]

كانت عندي في الاعوام الفارطة لكن الان لدي رغبة كبيرة في الدراسة

[kahina08]

حبيت نوصيك على :
** كي يكون الاستاذ تاع العلوم يشرح في الدرس تبعيه فكرة بفكرة لان الافكار متتابعة العلوم الساعة تاع العلوم خليها غير للتركيز وخطيك من ناس لتهدر اثناء الدرس لانو ماراحاش تستفادي من الهدرة تاعهم خاصة في المواد العليمية جربي تقعدي مع وحدة ماتهدرش بزاف باش تخليك تركزي مع الاساتذة .. وكي يكون الاستاذ يحل في التمرين ركزي اكتر معاه واستنتجي كيفاش يخمم ويلقي الحل خاصة استاذ تاع ليكور دايما خوذي بالك على طريقة تفكيرو في الحل وكيفاش يشتق من الدرس هاداك الحل وناقشي معاه حتى تقتانعي بالفكرة ..كانت صحبتي ماعندهاش منهجية وفي الفصل الثالث رجعت احسن تلميذة في العلوم رجعت تعرف كيفاش تخمم وتجبد الفكرة بصح شابت باش لحقت كنت ندير معاها ليكور وكانت دايما غير هي لي تتناقش مع الاستاذة وكل سؤال تسخسي عليه الاستاذة كيفاه تجيبلوا الحل حتى تعلمت والله كانت الشيخة تتعب من التسخسية تاعها بصح جيب حقها وماتخرجش من ليكور ختى تفهم كيفاه الاستاذة تفكر :1: يعني عفسة هايلة ومنها انا تعلمت المنهجية بفضل المناقشة العلمية .. وردي بالك تقعدي غير تخرطي مع الشيخة جربي دايما تهدري معاها بمصطلحات علمية وراجعي الدروس القبلية باش تسخسي باش ماتكونيش hors champs
** جربي لاقصى درجة باش ماديريش صحابات بزاف الانو تهلكك المصاحبة بزاف خلي كل همك على دراستك وخلي عندك 2 او 3 صديقات تمشي معاهو والاخريات ناع صباح الخير ومساء اخير وماتحتكريش العلم اذا جاو وطلبوا منك تفهميهوم .. حذاري من كثرة المصاحبة هدا درس اديه من عندي وحذاري من صديقات السوء بعدي عليهم لاقصى درجة وكي يجيو يهدروا معاك ماتكثريش معاهم الهدرة .
** المراجعة الجماعية عندها فائدة كبيرة جدا انا اكتشفها غير في اخر العام بصح الحمد لله استفدت منها بزاف كنت نتجمه انا وصديقاتي ونحلوا المواضيع بحيث كل وحدة تلقي الحل تقولنا كيفاش لقاتوا باش نتعلموا طريقة التفكير ..جربي في اخر الاسبوع تتلاقاي مع صحابايك وتحلوا المواضيع بهدي الطريقة وتفهموا الدروس خاصة العلوم لي 90 بالمئة هي فهم الدروس والباقي المنهجية ومنها تقدري تحلي الموضوع بكل راحة .
**ديري لكل درس مثلا التاريخ والجغرافيا ملخص لكل درس جاك صعيب ولونيه وشبحيه باش تكون عندك الرغبة باش تحفظيه انا مثلا شريت ورق مقوى ولخصت فيه دروس الجغرافيا تاع الفصل 1 و 2 وجاوني غير في 4 صفحات بصح حفظتهم مليح , التاريخ درتلو مخططات واحفظتوا .. وحافظي عليهم في classeur وضربي عليهم طلة كل مرة باش ماتنسايش والالوان والتشباع يساعدوك بزاف
هدوا نصائح تفكرتهم وكي يجوا في بالي واحدوخرين راني نزيد نقولك ..:D
merci ma soeur très bonnes idées ................................ça c'est bq pour moi prcq t3abti bach darti hadou les meeeeeeeeeeeeeeeeerci pour la 2 fois ideès

[sweet Giirl]

ربي يوفقك اختي ويبعد عنك الكسسسسسسسسسسسسسسل
ديري بنصائح اسماااء لانها مفيدة