طلب كيفية

[A.maroua15]

السلام عليكم يا عضوات حبيت نطلب منكم طلب اللي عندها الكيفية مليحا تاع المقروط حبيتو يجي رطب و مليح اللي تضمنلي تقدملي الكيفية وادا قدرت بالصور بليز
و صحا فطوركم

[remadna]

طريقة شهد العسل مضموووووووووووووونة
شوفي في القسم
http://www.djelfa.info/vb/showthread.php?t=680920

http://www.djelfa.info/vb/showthread.php?t=525550

[ام جليل04]

ولا حبيتي يجيك المقروط مبسس وطري ويذوب في اللسان لازم غير تقليه ولا تخرجيه من الكوشة عسليه وهو سخون

[A.maroua15]

يعطيكم الصحة ام جليل و remanda

[جانوا]

الا حبيت المقروظ يجيك مليح بليه بماء الزهر في بلاصة الماء يجيك مليح و ما يجيرش عليك و شهية طيبة

[شوشو 11]

هو المقرو ط المقلي احسن من الفور

[ميسم جوري]

هادي الكيفية نديروها وتنجح ونديروها للاعراس
المقادير
3 كيلات سميد خشن
كيلة سمن دائبة
قرصة ملح
1 خمارة كيميائية
ماء زهر
الحشو
تمر الغرس
شوية قرفة
ملعقة زيت
كاس شاي كاوكاو مرحي ادا كان موجود
الطريقة
نبسسو السميد مع السمن والخميرة والملح من الافضل نوجدوه نهار قبل ما نصنعوه باش يولي هشيش ويتفتت , نوجدو ماء فاتر شوية مع كاس شاي ماء زهر كل مرة نعجنو شوية ماشي كامل باه ما تيبسش
نكونو حضرنا الغرس من قبل نغسلوها ونزعوليها النواة ونديروها تفور من بعد ماتفور نطحنوها ونضيفوليها ملعقة زيت والقرفة والكاوكاو ادا حبيتي نشكلوها حرابيش رقاق
نشكلو العجينة حربوش عرضه بعرض الطابع تاع المقروظ
نوضعو فتحة فالوسط على طول الحربوش ونوضعو بالداخل الغرس نغلقو الفتحة بلم الطرفين تم نطبعو بالطابع ونحو الاطراف بالسكين
نجهزو الزيت للقلي حتى يسخن نقصو النار على المقلاة كي يتقلاو نحوهم ونعسلوهم بعسل بارد مرتين نوضعوهم في كيسات ونزينوهم بالجنجلان او كاوكاو .
نتمنى تكوني فهمتي من الموضوع الطرقة للاسف انا جديدة فالمنتدى مانعرفش كيفاه نحط الصور سمحيلي ولكن صدقيني شكلها يشهي والمذاق يخليك ماتشبعيش منه