سنة اولى بيولوجيا ال ام دي

[nesrine2009]

السلام عليكم و رحمة الله و بركاته

في الحقيقة لي جملة من الاستفسارات لم اجد لها اي اجابة

فاردت ان اضها في موضوعي هنا علني اجد الاجابة عليها

في جامعة البليدة لم نبدأ بعد لي تي دي

يعني رانا غير مع لي كور

كنت ضانة بلي كي نبدو لي كور الاساتذة هوما اللي يشرحونا طريقة الاختبارات و جمع النقاط

يعني كل استاذ بالمادة نتاعو

لحد الآن مزال ما فهمتش طريقة الاختبارات على بالي مزال شوية مي حبيت نفهم الطريقة اللي بانتلي معقدة

معلاباليش كيفاش شفت الاساتذة مي ماشي مهتمين خلاص

فاستاذ الرياضيات ميهموش كيفاش نفهمو العلاقات الجملة الوحيدة اللي يقولها

انا نهار الاختبار نحب العلاقة كيما هاك احفظوها كيما راها و متنقصو حتى شيء

يعني ماشي غريبة الرياضات تنحفظ؟؟؟؟؟؟؟

حتى لدرك مدخلتش في راسي سيرتو احنا البيولوجيين ماشي لينا الحفاظة

اما استاذة السيتو لوجي كل اللي يهمها تسجل حظورها عند الادرة

حتى و لو تحتمت عليها تضيعنا نص الحصة في الاستجوابات؟

المهم ماشي هادو تساؤلات انا برك كانت عندي نظرة مختلفة على الجامعة

متخيلتش نلقاها بهد الاهمال؟

راني حابة من اللي قراو ديجا في هد التخصص يمدولنا مواضيع الاختبارات باش ندو فكرة على طريقة طرح الاسئلة

و تاني اللي عمندو فكرة على نظام ال ام دي و طريقة جمع النقاط و القروض

اللي فاهمهم يفهمني تعيشو

نستنى ردودكم اخوتي

تقبلو تحياتي الخاصة

[ima1991]

مساء الخير اخت نسرين انا تاني نقرا بيولوجيا ال ام دي في جامعة غرداية حنونة الا نتي بديتي لي كور حنا عندنا بروف واحد راهو يجينا نتاع البيولوجيا الخلوية ومزال ما قسمو الافواج وما قرينا لي تيدي رانا نروحو علاجال كور واحد في اليوم و نجو حبيت نقولك طريقة جمع النقاط تلقايها في دليل الطالب الي اعطاوهولك نهار رحتي تسجلي في الجامعة و الا احتجتي حاجة راني اهنا

[nesrine2009]

تعيشي اختي ايما ربي يخليكمي اما دليل ؟؟؟؟؟؟؟انا كي رحت نسجل في الجامعة ما عطاوني حتى دليل

[اللامعة]

أنا كذلك راني مانيفاهما والواااااااااااااااا

أرجوكم ساعدونا
أنا في انتظار ردودكم

[B.Badis]

شوفو أخواتي ..كل جامعة و عندها نوعية الأساتذة مختلفة ....و الإدارة و التنظيم .....على سبيل المثال عندنا في جامعة قسنطينة اللي يقراو في السنة الأولى بداو les cours و les TD عندهم بزاف....و راهم مشاو في مختلف المواد ....
و بالنسبة لطريقة حساب المعدل العام ... هي كالتالي :
Chimie 1................................................. x2 ..........credit 7
Cytologie......................................... ........x1..........credit 6
نجمعوهم و نقسمو على 3 ...و الناتج اللي هو معدل الوحدة الأولى نضربوه في 3 تعطينا X إذا كان يساوي أو يفوق 10عطيوك 13 credit
Geologie.......................................... .......x2..........credit 6
Mathematique...................................... ..x1..........credit 6
نجمعوهم و نقسمو على 3 ...و الناتج اللي هو معدل الوحدة الثانية نضربوه في 2 تعطينا Y إذا كان يساوي أو يفوق 10عطيوك 12 credit
Methode de travail et terminologie.........x2.........credit 3
Histoir universel des sciences................x1.........credit 3
نجمعوهم و نقسمو على 3 ...و الناتج اللي هو معدل الوحدة الثالثة نضربوه في 1 تعطينا Z إذا كان يساوي أو يفوق 10عطيوك 6 credit
و ثم نجمعو ...X+Y+Z ..و الناتج نقسموه على 6 ...و الناتج الأخير هو المعدل العام السوماستر الأول
إذا كان المعدل يساوي أو يفوق 10 فإنك تتحصل على 30 كريدي
و إذا كان المعدل أقل من 10 فإنهم يحسبولك مجموع الكريدي تاع عام كامل.. ..السوماستر الأول و الثاني ....إذا كان يساوي أو يفوق 30 فإنك تنجح...لكن في السنة الثانية تعيد مواد السنة الأولى اللي ماتحصلتش فيهم على 10
ملاحظة: في السوماستر الأول للسنة الأولى لدينا 31 كريدي.......و السوماستر الثاني لدينا 29 كريدي
إذا ما فهمتوش قولولي باش نزيد نفهمكم بطريقة أخرى

[حوراء الجنة]

salut, habit nesaksi bark s que biologie lmd hiya snv lmd

[B.Badis]

أنعم و الله هي...........

[قطة جيجلية]

وانا كيفكم حاصلة بصح مع الرياضيات دخت وملقيتش روحي عاونوني لكان فاهمين حاجة وأجركم عند الله ساعدوني بدروس الرياضيات اللللللللللللللللللللللللللللل

[قطة جيجلية]

انا تاني snv lmd

[boutarfaya_adel]

انا اسضا علوم طبيعة وحياة بجامعة الاغواط وراني حاصل مع اللي قالونا راكم ل.م.د لا زم تحضرو الدروس مالقيت والو ...ارجو من له
معلومات أو دروس ان يفيدنا بها مشكوووووووووور..مسبقا

[nesrine2009]

شوفو أخواتي ..كل جامعة و عندها نوعية الأساتذة مختلفة ....و الإدارة و التنظيم .....على سبيل المثال عندنا في جامعة قسنطينة اللي يقراو في السنة الأولى بداو les cours و les td عندهم بزاف....و راهم مشاو في مختلف المواد ....
و بالنسبة لطريقة حساب المعدل العام ... هي كالتالي :
Chimie 1................................................. x2 ..........credit 7
cytologie......................................... ........x1..........credit 6
نجمعوهم و نقسمو على 3 ...و الناتج اللي هو معدل الوحدة الأولى نضربوه في 3 تعطينا x إذا كان يساوي أو يفوق 10عطيوك 13 credit
geologie.......................................... .......x2..........credit 6
mathematique...................................... ..x1..........credit 6
نجمعوهم و نقسمو على 3 ...و الناتج اللي هو معدل الوحدة الثانية نضربوه في 2 تعطينا y إذا كان يساوي أو يفوق 10عطيوك 12 credit
methode de travail et terminologie.........x2.........credit 3
histoir universel des sciences................x1.........credit 3
نجمعوهم و نقسمو على 3 ...و الناتج اللي هو معدل الوحدة الثالثة نضربوه في 1 تعطينا z إذا كان يساوي أو يفوق 10عطيوك 6 credit
و ثم نجمعو ...x+y+z ..و الناتج نقسموه على 6 ...و الناتج الأخير هو المعدل العام السوماستر الأول
إذا كان المعدل يساوي أو يفوق 10 فإنك تتحصل على 30 كريدي
و إذا كان المعدل أقل من 10 فإنهم يحسبولك مجموع الكريدي تاع عام كامل.. ..السوماستر الأول و الثاني ....إذا كان يساوي أو يفوق 30 فإنك تنجح...لكن في السنة الثانية تعيد مواد السنة الأولى اللي ماتحصلتش فيهم على 10
ملاحظة: في السوماستر الأول للسنة الأولى لدينا 31 كريدي.......و السوماستر الثاني لدينا 29 كريدي
إذا ما فهمتوش قولولي باش نزيد نفهمكم بطريقة أخرى

يعطيك الصحة خويا على هدا الشرح

في بالي راه كافي و وافي

ربي يحفظك

[ima1991]

السلام عليكم حبيت نسوّلكم على الكور نتاع chimie الأول كاش واحد فهمو paske أنا ما فهمت والو فيه svp واحد يفهمني

[boutarfaya_adel]

السلام عليكم حبيت نسوّلكم على الكور نتاع chimie الأول كاش واحد فهمو paske أنا ما فهمت والو فيه svp واحد يفهمني

واش نقولك ....مع اللي رانا جدد على الفرنسية ....انجم نقولك روحي لأول درس درناه في السنة الثالثة ...نتاع الانوية

الانوية وراجعيه مليح هاذا واش درت:19:

[صلاح الفقير]

السلام عليكم حبيت نسوّلكم على الكور نتاع chimie الأول كاش واحد فهمو paske أنا ما فهمت والو فيه svp واحد يفهمني حبيت نقلك اخت ايما اكيد نتي كنت تقراي في النضام لقديم لان النضام الجديد فايت عليهم من قبل وهو مش صعيب بزاف بنسبة لكانو يقراو نضام جديد في الليسي اما عن لقرايا حنا في جامعة المسيلة سنة اولى بيولوجيا ل م د مقرينا ولا تيدي ام عن الرياضيات لرانا نقراو فيها تبالي فيها لحفاضة نبنتلي تشبه لرياضيات نتاع الادبيين في الليسي وادا حبيتوا تفهمو ل م د ولقرايا نتاعكم سقسوا نتاع الميتولوجيا هو المسؤول باش يفهمكم

[ima1991]

السلام عليكم حبيت نسوّلكم على الكور نتاع chimie الأول كاش واحد فهمو paske أنا ما فهمت والو فيه svp واحد يفهمني حبيت نقلك اخت ايما اكيد نتي كنت تقراي في النضام لقديم لان النضام الجديد فايت عليهم من قبل وهو مش صعيب بزاف بنسبة لكانو يقراو نضام جديد في الليسي اما عن لقرايا حنا في جامعة المسيلة سنة اولى بيولوجيا ل م د مقرينا ولا تيدي ام عن الرياضيات لرانا نقراو فيها تبالي فيها لحفاضة نبنتلي تشبه لرياضيات نتاع الادبيين في الليسي وادا حبيتوا تفهمو ل م د ولقرايا نتاعكم سقسوا نتاع الميتولوجيا هو المسؤول باش يفهمكم
السلام عليكم لالا انا من النظام لجديد mais مفهمتش الدرس ماشي مفهمتش paskeبالفرنسية مفهمتوش كأي واحد مايفهمش درس و معلاباليش علاه وتاني انا اصلا طريقة الاستاذ مفهمتهاش بلاك paske الكور الاوّل و مزال ما درناش les td و هو قالنا ف td تفهمو اكثر

[هجو]

السلام عليكم ، من فضلكم شكون ليعرف بعض عناوين الكتب الي ألفوها الأساتدة الجزائرين في كل المواد تخصص s.n.v lmd سنة أولى ،يفيدنا في اقرب وقت

[ima1991]

يوجد كتاب cytologie من انتاج جزائري باللغتين العربية و الفرنسية

[mimi21]

السلام عليكم
يا جماعة واش هدا مزال مبدتوش تقراااااااااو حنا في العاصمة بدينا 2008/10/04 ليكور 2008/10/18 td et tp
نقلكم حاجة كل قسم يدير مشرف باش يهدرو مع الادارة
حنا رانا
tpN°5 ______cytologie _______noyau interphasique
tdN°4_________tpN°2 chimie ___________ thermochimie
tdN°5 tpN°4_________math________ probabilite
tpN°3 tdN°5 _____________physique _______les lentilles
ادعو ربي برك نقدر نعاونكم بدروس خاطر معنديش الوقت +جامعة بعيدة عليا بزاف
راني نعاني .................معليش الله مستعان وان شاء الله تكون نتسجة برك

[massaouda.mehirig]

انا نقرا في ورقلة بدينا لي تيدي غير هده الاسبوع وكلش بالفرنسية
الكيمياء نقروا الانوية والالكترونات استادة شريرة ملي تدخل تعيط وتخرج
الفيزيا شغل رياضيات اشعة والجداء الشعاعي والسلمي
الرياضيات المجموعات والخصائص التجميع والتبديل ....
بيولوجيا الخلية ماني فاهمة والو الاستاد يدخل عليها بطاطاشو ومدرج كبير وقاعد بعيد ويسرع تقول باش يهربوا عليه
اما الجيولوجيا داخل عليها خرائط وتربة وارض ما تفرز والو
خلي يا التاريخ تاع بلادنا مش حكمينوا باش نحكموا تاع الخلية والدينصورات والارض ........
وterminologie على اللغة الفرنسية اصلها وفصلها وجدود كلمات مش عارف من وين يجيبوا فيهم ...
قرايا مرض وين تقولي الاستاد اعطينا حتى مطبوعة يضحك عليك ويقولك ما كيش في الثانوية؟ رحمة فيك يا الثانوية

[KIA]

السلام عليكم انا طالبة بيولوجيا سنة 1 lmd حبيت نقولكم بلي حنا في قسنطينة مشينا مليح فالكور وtd بصح انا عندي مشكل معhusb راني مافهمت والوفيها تبان فلسفة رجااااااااااااااااااااااااءا ليفاهم طبيعة هدي المادة يفهمني

[w_saif]

سلام انا طالب 1 جامعي بيولوجيا lmd تعملوا مزية تعطوني واش نقرا في الشعبة ادي وقداه المعامل تعها بليز

[noral]

[اسلام عليكم ان ثاني ندرس بيلوجيا lmdواد كان على الدرس الاول في الكمياء روحي اقري في كتاب الفزيا انتاع النظام الجديد وليعندها دروس او محظرات انتاع السنة الاولى تكتبهم في المنتدى وفي الاخير انقول الى كانت اتقول ما كنتش نتوقع الجامعة هكدا تكبر بالها اوتصبر اوتقبلي فكرة انك انتقلت من مرحلة الى اخرى

[mimi21]

سلام انا طالب 1 جامعي بيولوجيا lmd تعملوا مزية تعطوني واش نقرا في الشعبة ادي وقداه المعامل تعها بليز

وعليكم السلام
يا اخي اقرا موضوع من اول تصيب واش خصك

[أمين البليدي]

اختي لي تقرا في جامعة البليدة بيولوجيا l m d باش تعرفي كيفاش تحسبي المعدل والوحدات أطلعي محمد السعيد رمضان هو المسؤول على ل م د وهو الوحيد لي عندو الخبر اليقين
خاطش الطلبة كل واحد كيفاش يغني بغناه
أما بالنسبة للدروس روحي في كلية الزراعة عند لي دير فوتوكوبي (photocopie) عندوا كامل الدروس و نماذج الأختبارات روحي قوليلو مدلي ل م د دروس وإختبارات يمدلك

[ناجحة باذن الله]

السلام عليكم ورحمة الله وبركاته
مالا رانا كيف كيف يا خاوتي حتى حنا رانا متوخرين تخيلوا لحد الان قرينا غير TDواحد في الرياضيات والكيمياء و البيولوجي و 3TDفي الجيولوجي ومازال مابديناش les TPربي يستر قراية الجامعة تمسخير في تمسخير ربي يكون في العون

[شمس تيمقاد]

salut, habit nesaksi bark s que biologie lmd hiya snv lmd
نعم هي نفسها

[شمس تيمقاد]

السلام عليكم انا طالبة بيولوجيا سنة 1 lmd حبيت نقولكم بلي حنا في قسنطينة مشينا مليح فالكور وtd بصح انا عندي مشكل معhusb راني مافهمت والوفيها تبان فلسفة رجااااااااااااااااااااااااءا ليفاهم طبيعة هدي المادة يفهمني
اختي انا ثاني نقرا بيولوجيا وحنا مشينا بزاف في لي كور وتيدي وحتى تي بي
المهم husb هي عبارة عن تاريخ البيولوجيا وهي مادة تحتاج للحفظ كثيرا

[brina]

والله احنا كلنا رانا حاصلين في هذه المشكلة انا تانيك راني بيولوجي في جامعة المسيلة بصح نقولك والله والو الامتحانات على الابواب واحنا عاجزين كيفاش راح تكون الاسئلة ولي تسقسيه مايردش عليك ولي يقلق بزاف الهستوار و طريقة العمل

[brina]

اللي عندوا الاسئلة يعطيهانا وجزاكم الله خير لاننا حرنا و قلنا خلاص نبدلو هاذا التخصص

[brina]

اتمنى من كل من يقرا في جامعة المسيلة يروح يديفوندي علينا عند مسيو صاري

[brina]

راه عندي الاسئلة نتاع العام الماضي بيولوجيا ل م د الي يحب يشوفها يتفاعل معنا

[nesrine2009]

شكرا لك اخت brina (http://www.djelfa.info/vb/member.php?u=124721)
اتمنى ان تزويدينا بها لنأخد فكرة و لو بسيطة عن طريقة الاسئلة
تقبلي تحياتيي اختي

[فتحي خشايمية]

مساء الخير الاخت نسرين بإمكانك الإطلاع على موضيعي الجديد امتحانات السداسي الأول لطلبة البيولوجيا ، بالتوفيق إن شاء الله

[faysal809]

السلام عليكم كيف حالكم اخوكم فيصل بيدرس البيولجيا وعايز كيف تنطرح الاسئلة في البيولوجيا وستساعدني ان ارسلت امتحانات العام الماضي والله يجزي المحسنين

[فاطمة الزهراء.]

أرجو افادتنا بالدروس....ولك مني جزيل الشكر

[احلام صغيرة]

السلام عليكم انا ايضا ادرس سنة اولى بيولوجيا ل م د وحابة اتعرف على طريقة طرح اسئلة الامتحانات
من فضلكم والسلام عليكم

[فاطمة الزهراء.]

شوفو أخواتي ..كل جامعة و عندها نوعية الأساتذة مختلفة ....و الإدارة و التنظيم .....على سبيل المثال عندنا في جامعة قسنطينة اللي يقراو في السنة الأولى بداو les cours و les TD عندهم بزاف....و راهم مشاو في مختلف المواد ....
و بالنسبة لطريقة حساب المعدل العام ... هي كالتالي :
Chimie 1................................................. x2 ..........credit 7
Cytologie......................................... ........x1..........credit 6
نجمعوهم و نقسمو على 3 ...و الناتج اللي هو معدل الوحدة الأولى نضربوه في 3 تعطينا X إذا كان يساوي أو يفوق 10عطيوك 13 credit
Geologie.......................................... .......x2..........credit 6
Mathematique...................................... ..x1..........credit 6
نجمعوهم و نقسمو على 3 ...و الناتج اللي هو معدل الوحدة الثانية نضربوه في 2 تعطينا Y إذا كان يساوي أو يفوق 10عطيوك 12 credit
Methode de travail et terminologie.........x2.........credit 3
Histoir universel des sciences................x1.........credit 3
نجمعوهم و نقسمو على 3 ...و الناتج اللي هو معدل الوحدة الثالثة نضربوه في 1 تعطينا Z إذا كان يساوي أو يفوق 10عطيوك 6 credit
و ثم نجمعو ...X+Y+Z ..و الناتج نقسموه على 6 ...و الناتج الأخير هو المعدل العام السوماستر الأول
إذا كان المعدل يساوي أو يفوق 10 فإنك تتحصل على 30 كريدي
و إذا كان المعدل أقل من 10 فإنهم يحسبولك مجموع الكريدي تاع عام كامل.. ..السوماستر الأول و الثاني ....إذا كان يساوي أو يفوق 30 فإنك تنجح...لكن في السنة الثانية تعيد مواد السنة الأولى اللي ماتحصلتش فيهم على 10
ملاحظة: في السوماستر الأول للسنة الأولى لدينا 31 كريدي.......و السوماستر الثاني لدينا 29 كريدي
إذا ما فهمتوش قولولي باش نزيد نفهمكم بطريقة أخرى
مرسي على المعلومات بصح قالي الاستاذ ماينحسبش كيما هاك انا حسبت بهاد الطريقة خرجلي المعدل 10 قالولي راكي غالطة درك نوريلك الطريقة اللي نحسبو بيها:
chimie: في 3
bio cellulaire:في3
physique:في2
math:في2
methode de travaille:في1
françai:في1
تجمعهم وتقسم على 12
لازم المعدل يخرج 10 واذا كان اقل من 10 يشوفو الموديل اللي ناقص فيه تعقب عليه راتراباج

لو كان تحسب بهاد الطريقة ماتلقاهاش كيما الطريقة اللي دارها
والله اعلم

[فاطمة الزهراء.]

نسيت ماقلتلكمش لو كان تعرفو في السوماستر الزاوج هذا زادولنا موديل histoire مزال ماقريناهش وبعد العطلة نشالله لازم نقراوه ونكملوه في مدة اسبوع ونديرو عليه امتحان باش يحسبولنا بيه المعدل تاع السوماستر الاول .. السوماستر الاول مزال ماحسبولناش المعدل ومزال مش عارفين ويكتا الراتراباج ومزال مش عارفين وشكون يعقبوا راتراباج

[انسة]

السلام عليكم انا تاني سنة اولي علوم الطبيعة والحياة نضام ل م د واترجاكم بان تخبروني عن السداسي الثاني وش فيه الدروس
كما لم انسي يا اخ صلاح الفقير اذا ماكش فاهم في الدروس الكيمياء او الدرس الاول كيما قلت نقدر نفهمك فيه