رأيكم يهمني

[عاكف]

بسم الله الرحمن الرحيم

السلام عليكم و رحمة الله تعالى و بركاته

صح فطوركم و خواتم مباركة ان شاء الله

أخوتي أخواتي و كل من بالقسم هنا .. رجاء لي طلب عندكم

أريد رأيكم حول التخصص الجامعي و أرغب أن تنصحوني فالأمر يتعلق بمصير مستقبلي و هذا مهم جدا بالنسبة إلي

تحصلت على الباكالوريا شعبة علوم تجريبة بمعدل 14.27

تم توجيهي لعلوم المادة بباب الزوار ،، أتردد أحيانا ليس لاعتراضي على التخصص فهو جيد جدا من ناحية العلم

مشكلتي أني أحب الرياضيات بل أعشقها لحد بعيد جدا

كلما أفتح دفاتر الرياضيات أرغب في تغيير التخصص و أحيانا أخرى أرضى بعلم المادة

رجاء اخوتي ما رأيكم ،، أخاف أن أندم

فالرياضيات حياتي .. لكن يقول لي الكثيرا من الأصدقاء لن تستطيع أن تفعل شيئا بليسنس رياضيات أما علوم المادة فكما تعرفون بها تخصصات متشعبة

رجاءا انصحوني ..

أنتظر الردود

و السلام عليكم و رحمة الله

[meriemestar]

عسى ان تكرهو شيئا وهو خير لكم
أخي الكريم ربما انت غير راغب عن شعبة علوم المادة ولكن اذا درستها فربما يكون فيها مستقبلك واذا اخترت الشعبة التي تريدها فربما تجد فيها مستقبل وربما لا كل ما اريد قوله لك هو ان تستخير لله عز وجل وتفوض امرك اليه وتوكل عليه وان شاء الله تجد كل الخير وبالتوفيق

[yacinafa]

بسم الله الرحمان الرحيم
أخي الكريم لا خيار لما اختاره الله لك عليك بصلاة الإستخارة، والدعاء لله عز وجل..............
أما بالنسبة لي فأرجو منك أن تختار الشعبة التي تريدها (الرياضيات) لكي تتمكن من إتمام دراستك مادمت تحب هذا الإختصاص......................

[عاكف]

عسى ان تكرهو شيئا وهو خير لكم
أخي الكريم ربما انت غير راغب عن شعبة علوم المادة ولكن اذا درستها فربما يكون فيها مستقبلك واذا اخترت الشعبة التي تريدها فربما تجد فيها مستقبل وربما لا كل ما اريد قوله لك هو ان تستخير لله عز وجل وتفوض امرك اليه وتوكل عليه وان شاء الله تجد كل الخير وبالتوفيق

السلام عليكم

كلامك على راسي أختي و معك حق في كل كلمة

سبحانه ميسر الدروب عسى الله يفرج على الجميع

المشكلة انو انا خايف نندم كي منقراش المات

ربي يجيب الخير

شكرا جزيلا لك أختي

[عاكف]

بسم الله الرحمان الرحيم
أخي الكريم لا خيار لما اختاره الله لك عليك بصلاة الإستخارة، والدعاء لله عز وجل..............
أما بالنسبة لي فأرجو منك أن تختار الشعبة التي تريدها (الرياضيات) لكي تتمكن من إتمام دراستك مادمت تحب هذا الإختصاص......................


و نعم بالله ،، الله يحفضك و يسعدك أخي

و الله أنا الرياضيات حياتي ،، لكن أخشى أن اندم فيما بعد فكما تعلم علم المادة متشعب جدا و تخصصات رائعة في الفيزياء

على العموم ربي يجيب الخير

ألف شكر لك و الله يجزيك الخير

[meriemestar]

العفو أخي
استخر لله وسيبين لك الخير وادرس التخصص الذي كتبه الله لك ولن تندم على شيئ اختاره الله لك وان كنت لا تحبه الآن فسترتاح له في المستقبل وسيعجبك اما كان علوم المادة او رياضيات او تخصص آخر
ربي يوفقك لما فيه كل الخير

[mary-93]

استخير الله

[عاكف]

العفو أخي
استخر لله وسيبين لك الخير وادرس التخصص الذي كتبه الله لك ولن تندم على شيئ اختاره الله لك وان كنت لا تحبه الآن فسترتاح له في المستقبل وسيعجبك اما كان علوم المادة او رياضيات او تخصص آخر
ربي يوفقك لما فيه كل الخير

اللهم آمين .. الله يجزيك كل خير

ممتن لكم

[عاكف]

استخير الله

سبحانه المعين .. أكيد سأفعل بإذن الله

شكرا جزيلا لك

[(~ ..أســـامة .. ~ )]

خويا العزيز

اولا صح فطورك

حقيقة ليسانس في اي تخصص مادير بيه والو

لكن اخي لما لا تطمح للحصول على الماستر و لما لا الدكتوراه

انت تحب الرياضيات و باينة عليك تعشق فيها اذا ماضيعش روحك و دير رياضيات و اعلام الي تروح فيها بعيد و خصزصا معدلك جيد


لكن دير قي بالك حاجة خو الرياضيات تاع الجامعة مختلفة تماما عن رياضيات الثانوية لازملها خبيييييييش


ماديرش على هدرة الناس دير لتحب

انا درت على هدرة الناس و ندمت دروك ضيعت عام و راني نعاود اختصاص جديد


وفقك الله اخي و سدد خطاك

[ضيفي فتحي]

السلام عليكم أختي الفاضلة


رانا كيف كيف ..
أنا تاني علوم مادة في هواري بومدين
جبت الباك ب 13.38

لكن في الاخير يبقى الحكم بيد ربي

و القراية ماشي غير رياضيات
كاين رياضيات و فيزياء وكيمياء
و الجامعة شوي صعيبة
و تفكري دايما اللي حبو ربي يديرو

[عاكف]

خويا العزيز

اولا صح فطورك

حقيقة ليسانس في اي تخصص مادير بيه والو

لكن اخي لما لا تطمح للحصول على الماستر و لما لا الدكتوراه

انت تحب الرياضيات و باينة عليك تعشق فيها اذا ماضيعش روحك و دير رياضيات و اعلام الي تروح فيها بعيد و خصزصا معدلك جيد


لكن دير قي بالك حاجة خو الرياضيات تاع الجامعة مختلفة تماما عن رياضيات الثانوية لازملها خبيييييييش


ماديرش على هدرة الناس دير لتحب

انا درت على هدرة الناس و ندمت دروك ضيعت عام و راني نعاود اختصاص جديد


وفقك الله اخي و سدد خطاك

اللهم آمين و الله يسلمك و صح فطورك أخي الله يتقبل ان شاء الله

كلامك يطلع المورال .. أنا مش حاب الليسانس برك و منخبيش عليك هدفي جائزة نوبل ههههههههه

بصح و الله يا خويا لعزيز راني حاير ،، ان شاء الله خير

شكرا جزيلا لك

[عاكف]

السلام عليكم أختي الفاضلة


رانا كيف كيف ..
أنا تاني علوم مادة في هواري بومدين
جبت الباك ب 13.38

لكن في الاخير يبقى الحكم بيد ربي

و القراية ماشي غير رياضيات
كاين رياضيات و فيزياء وكيمياء
و الجامعة شوي صعيبة
و تفكري دايما اللي حبو ربي يديرو

و عليكم السلام و رحم الله

سبحانو ربي يجيب الخير ان شاء الله

[(~ ..أســـامة .. ~ )]

اللهم آمين و الله يسلمك و صح فطورك أخي الله يتقبل ان شاء الله

كلامك يطلع المورال .. أنا مش حاب الليسانس برك و منخبيش عليك هدفي جائزة نوبل ههههههههه

بصح و الله يا خويا لعزيز راني حاير ،، ان شاء الله خير

شكرا جزيلا لك



العفو :mh92::mh92:

خويا توكل على ربي و دير تروسفار رياضيات و اعلام الي باب الزوار فيها اختصاصات فوووور تاع الرياضيات و جودة الدراسة هايلة :19::19: و الرياضيات تما تستاناك ديير فيها رايك

ان شاء الله تكون اول جزائري يدي جائزة نوبل و علاه لا

بصح ماتنسانيش تعرضني :1::1::1:

علابالك في العالم قاع القليل ليحبوا الرياضيات دونك راك متميز و لحبوها و قروها من قلبهم خلاو البصمة تاعهم كما اينشتاين


و ربي يجيب الخير كما قلت

[عاكف]

العفو :mh92::mh92:

خويا توكل على ربي و دير تروسفار رياضيات و اعلام الي باب الزوار فيها اختصاصات فوووور تاع الرياضيات و جودة الدراسة هايلة :19::19: و الرياضيات تما تستاناك ديير فيها رايك

ان شاء الله تكون اول جزائري يدي جائزة نوبل و علاه لا

بصح ماتنسانيش تعرضني :1::1::1:

علابالك في العالم قاع القليل ليحبوا الرياضيات دونك راك متميز و لحبوها و قروها من قلبهم خلاو البصمة تاعهم كما اينشتاين


و ربي يجيب الخير كما قلت


ان شاء الله ، ان شاء الله .. ربي يسهل

آها متخافش مش رح ننساك راك معروض من درك هههههههههههه ،، ادعيلي برك

أنا منحبش الرياضيات ، أنا نموت فيها

شكرا جزيلا لك أخي ،، ربي يوفقك

[الأستاذ المحاضر]

يا خويا وش نقلك ، نصيحتي ليك دير تورنسفار في باب الزوار لشعبة رياضيات وإعلام آلي ، أنا ثاني راني ثم شعبة علوم المادة ودرتها عن قناعة ..

[layali21]

والله يا اختي ربي يكون بعونك في هادا الاختيار وانا رايي ماهوش مختلف على اخواني الكرام بصح لازم تعرفي بلي المات تاع الجامعة ماهيش نفسها تاع الليسي والاستاذ ما يعطيك والو لازملك تخبشي تاع الصح ومن نهار لول ولازم يكونلك واحد باش يعاونك يكون يعرف المات مليح
وربي معاك

[الأستاذ المحاضر]

أما إذا تحولت رغبتك إلى علوم المادة فهذا أمر آخر ،

[OmarDz]

ديري رياضات أختي باش تقري مليح و مرتاحة البال في الجامعة
و رايحة تجيك ساهلة بربي ان شاء الله

واذا ما قدرتيش تغيري اقعدي في التخصص نتاعك وكملي وتوكلي على ربي

[خـواطـر]

اذن عندك فرصة للتغيير

بدّل رياضيات واعلام آلي

[خـواطـر]

والله يا اختي ربي يكون بعونك في هادا الاختيار وانا رايي ماهوش مختلف على اخواني الكرام بصح لازم تعرفي بلي المات تاع الجامعة ماهيش نفسها تاع الليسي والاستاذ ما يعطيك والو لازملك تخبشي تاع الصح ومن نهار لول ولازم يكونلك واحد باش يعاونك يكون يعرف المات مليح
وربي معاك

صحّ ماشي المات تاع الليسي

مي ماشي محتّم يكون عندك شكون يعاونك المهم تحضري الكور برك

وكي يجي التيدي تفهمي وش كان يهدر تاع الكور لأنو الأستاذ المحاضر ما يهموش فهمتي والا ما فهمتيش

بالتوفيق للجميع

[عاكف]

يا خويا وش نقلك ، نصيحتي ليك دير تورنسفار في باب الزوار لشعبة رياضيات وإعلام آلي ، أنا ثاني راني ثم شعبة علوم المادة ودرتها عن قناعة ..

أولا شكرا جزيلا لك على النصيحة ..

ثانيا : في اختياراتي كانت رياضيات و اعلام آلي باب الزوار هي الأولى لكن المعدل لم يكن كافي

في رأيك أجد مكان في سبتمبر ، أقصد هل يمكن أن يغير بعض الطلبة تخصصهم و أجد مكان ؟؟؟

شكرا جزيلا لك و ربي يوفقك

[عاكف]

والله يا اختي ربي يكون بعونك في هادا الاختيار وانا رايي ماهوش مختلف على اخواني الكرام بصح لازم تعرفي بلي المات تاع الجامعة ماهيش نفسها تاع الليسي والاستاذ ما يعطيك والو لازملك تخبشي تاع الصح ومن نهار لول ولازم يكونلك واحد باش يعاونك يكون يعرف المات مليح
وربي معاك

اعرف جيدا ،، لكن أنا أقصد الرياضيات كعلم ، لا أقتصر على برنامج الثانوية

ان شاء الله ربي يفرج

شكرا لك

[عاكف]

ديري رياضات أختي باش تقري مليح و مرتاحة البال في الجامعة
و رايحة تجيك ساهلة بربي ان شاء الله

واذا ما قدرتيش تغيري اقعدي في التخصص نتاعك وكملي وتوكلي على ربي


الله يسعدك أخي .. ردك يرفع المعنويات :19:

ان شاء الله

[عاكف]

اذن عندك فرصة للتغيير

بدّل رياضيات واعلام آلي

ان شاء الله .. شكرا لك

صحّ ماشي المات تاع الليسي

مي ماشي محتّم يكون عندك شكون يعاونك المهم تحضري الكور برك

وكي يجي التيدي تفهمي وش كان يهدر تاع الكور لأنو الأستاذ المحاضر ما يهموش فهمتي والا ما فهمتيش

بالتوفيق للجميع

ربي يجيب الخير

[Ima.Maths]

لحد الآن مزال متلاقيتش بشخص يعشق الرياضيات قدي.. مي تبانلي راك منافس جيد..ههههه

المهم أخي..

حبيت نقولك بلي اللي كتبهالك ربي هذيك هي..

فالليسي انا عندي ما جبدت باه يخليوني ندير شعبة رياضيات بدل علوم تجريبية بصح ربي مكتبهاليش..

ولقيت في شعبة علوم تجريبية خير كبير (الحمد لله راني من الناجحين في البكالوريا بامتياز)

المهم متخممش بزاف، حتى ومطارتلكش رياضيات واعلام آلي,, في شعبة علوم المادة تضرب من الرياضيات حتى تشبع..هههه

صح صيامكم وبالتوفيق.

[الأستاذ المحاضر]

أولا شكرا جزيلا لك على النصيحة ..

ثانيا : في اختياراتي كانت رياضيات و اعلام آلي باب الزوار هي الأولى لكن المعدل لم يكن كافي

في رأيك أجد مكان في سبتمبر ، أقصد هل يمكن أن يغير بعض الطلبة تخصصهم و أجد مكان ؟؟؟

شكرا جزيلا لك و ربي يوفقك


شحال جبت معدل ؟؟؟؟


مع سبتمبر ممكن تلقى لي يديرو تورنسفار إن شاء الله أقول ممكن فقط

[عاكف]

لحد الآن مزال متلاقيتش بشخص يعشق الرياضيات قدي.. مي تبانلي راك منافس جيد..ههههه

المهم أخي..

حبيت نقولك بلي اللي كتبهالك ربي هذيك هي..

فالليسي انا عندي ما جبدت باه يخليوني ندير شعبة رياضيات بدل علوم تجريبية بصح ربي مكتبهاليش..

ولقيت في شعبة علوم تجريبية خير كبير (الحمد لله راني من الناجحين في البكالوريا بامتياز)

المهم متخممش بزاف، حتى ومطارتلكش رياضيات واعلام آلي,, في شعبة علوم المادة تضرب من الرياضيات حتى تشبع..هههه

صح صيامكم وبالتوفيق.

ما شاء الله أختي ألف مبروك و ان شاء الله نتمنالك التفوق الدائم

بصح كاينة حاجة ،، أكيد مش رح تحبي المات قدي .. ههههههههههه

أنا الرياضيات هي حياتي و حبي الأول و الأخير :19::19:

ان شاء الله تكون علوم المادة فيها بزاف رياضيات هاذاك ما نتمنى

شكرا جزيلا على ردك المشجع .. و متنسايش منافسك في حب الرياضيات ههههه

الله يسلمك و صح صيامكم و ربي يتقبل ان شاء الله

و السلام عليكم

[عاكف]

شحال جبت معدل ؟؟؟؟


مع سبتمبر ممكن تلقى لي يديرو تورنسفار إن شاء الله أقول ممكن فقط


معدلي 14.27 علوم تجريبية ... ان شاء الله اخي ربي يجيب الخير

[عاكف]

اشكركم جزيل الشكر

[الأستاذ المحاضر]

معدلي 14.27 علوم تجريبية ... ان شاء الله اخي ربي يجيب الخير

علاه وين حبست الرياضيات والإعلام اآلي ؟؟؟؟

[الجلفاوية]

اختر التخصص الذي تحبه...فستتمتع بدرساته وستبدع فبه...التخصص الذي لا تحبه سيكون عبء عليك وتولي كاره حاب برك ويكتا تكمل اما اختيارك للرياضيات سيفتح لك المجال للدراسات عليا ماستر ودكتوراه ان شاء الله...لا تنسى فقط رياضيات الجامعة ماهيش رياضيات الليسي دالة اسية ولوغاريتم ولا اعداد مركبة بسيطة....فيها خدمة وتكسار راس..اطلعوا على البرنامج تاع الرياضيات والاعلام الي قبل التحويل يا عشاق الرياضيات..المهم كاين ل.م.د رياضيات واعلام الي يياب الزوار ايضا واعتقد التحويل سيكون سهل اذا كانت علامتك في الرياضيات جيدة..وربي يوفقك

[عاكف]

اختر التخصص الذي تحبه...فستتمتع بدرساته وستبدع فبه...التخصص الذي لا تحبه سيكون عبء عليك وتولي كاره حاب برك ويكتا تكمل اما اختيارك للرياضيات سيفتح لك المجال للدراسات عليا ماستر ودكتوراه ان شاء الله...لا تنسى فقط رياضيات الجامعة ماهيش رياضيات الليسي دالة اسية ولوغاريتم ولا اعداد مركبة بسيطة....فيها خدمة وتكسار راس..اطلعوا على البرنامج تاع الرياضيات والاعلام الي قبل التحويل يا عشاق الرياضيات..المهم كاين ل.م.د رياضيات واعلام الي يياب الزوار ايضا واعتقد التحويل سيكون سهل اذا كانت علامتك في الرياضيات جيدة..وربي يوفقك

شكرا جزيلا لك أختى الفاضلة على ردك المفيد

علامة الرياضيات 18 و ان شاء الله ربي يسهل

[الجلفاوية]

توكل على الله اذا....موفق ان شاء الله

[عاكف]

توكل على الله اذا....موفق ان شاء الله

اللهم آمين .. الله يجزيك كل خير

[أريج الغار]

السلام عليكم

في كلا الحالتين - رياضيات أو علوم المادة - ستدرس نظام ل م د
يعني لن تستطيع فعل شيء بالليسانس لوحدها
سيتوجب عليك على الأقل أن تحصل على الماستر لتحصل على عمل ..
الرياضيات ليست ذات بعد عملي ، سينتهي بك الأمر إلى استاذ جامعي كأقصى تقدير
فالرياضيات ببلدنا تفتقر إلى مجالات التطبيق في حين أن علوم المادة تتفرع منها فرص للعمل بالمخابر و المصانع و المختبرات إضافة إلى التعليم ...

نصيحة ، إذا توجهت نحو فرع الرياضيات و الإعلام الآلي فالتخصص في الإعلام الآلي السنة الثانية سيكون أفضل
فهو متجدد و يستعمل الرياضيات بكم هائل و يرتكز عليها ، ثم إنه يعطيك فرصا غير محدودة على عكس الرياضيات لوحدها ..

و لك حرية الإختيار ..
سلام ..

[عاكف]

السلام عليكم

في كلا الحالتين - رياضيات أو علوم المادة - ستدرس نظام ل م د
يعني لن تستطيع فعل شيء بالليسانس لوحدها
سيتوجب عليك على الأقل أن تحصل على الماستر لتحصل على عمل ..
الرياضيات ليست ذات بعد عملي ، سينتهي بك الأمر إلى استاذ جامعي كأقصى تقدير
فالرياضيات ببلدنا تفتقر إلى مجالات التطبيق في حين أن علوم المادة تتفرع منها فرص للعمل بالمخابر و المصانع و المختبرات إضافة إلى التعليم ...

نصيحة ، إذا توجهت نحو فرع الرياضيات و الإعلام الآلي فالتخصص في الإعلام الآلي السنة الثانية سيكون أفضل
فهو متجدد و يستعمل الرياضيات بكم هائل و يرتكز عليها ، ثم إنه يعطيك فرصا غير محدودة على عكس الرياضيات لوحدها ..

و لك حرية الإختيار ..
سلام ..

كلامك معقول .. و مقنع جدا ،، أجل فأنا أطمح لأكثر من أن أكون أستاذ

لذا فأغلب الظن أني سأكمل في علوم المادة


أريج سعيد جدا بردك و أكثر بنصيحتك الغالية

أشكرك .. و ممتن لك جدا