ظاهرتين مايعجبونيش في بلادنا

[stayfiya]

السلام عليكم يا جماعةالموضوع هذا درتو في المنتدى العام وتغلق بارسكو بالدّارجة نشاالله ميسكّرش هنا المهم كاين زوج ظواهر يحيروني روماركيتهم في رمضان

أنا كل يوم نروح نصلي تراويح كل ما نروح للجامع كي نوصل نجاري طوموبيل أنا جوست نهبط منها و يطيح عليّا واحد مانعرف منين........ يقولّي ختي parking صافي لازم نفهم روحي و نمدلو 30 ولاّ50 مع العلم بلي نكون في هديك لبلاصه ساعتين من قبل جنس مخلوق ماكان 。。。。。。。 خلينا هاذي و فهمناها القضية الثانية :انو بعض الرجال كي يخلصو صلاتهم بسلامتهم يجي يقابلّك المصلّى تاع النسا زعما يستنّا المادام تخرجلو بصّح و الله غير عيْب لازم باش تفوت يكيْلك مليييييح و يشوفك face a face ماشي هوّا داير الحرمة للمادام و بنات النّاس non المعنى إنا قريب يكرهوني هاد زوج حوايج في لخروج طوووول واش تقولو الحل كيفاه.......!!! راني نستنّا الردووووووود *

[انامل]

اهلا بنت مدينتي
يااختي وش نقوللك ظاهرة التـّـكيال هذي راهي من بكري وزادت في الآونة الأخيرة بكري كانت تقتصر على الشباب برك وخاصة غير المتزوجين ضرك تنقلت العدوى حتى للشيوخ والعياذ بالله .. حتى تحسي كي شغل راكي لابسة شي بالمقلوب - يشككوك في حالك - سبحان الله
هدي الظاهرة مانضنش تتنحى لانها وليدة تربية خاطئة ..بعيدة عن ديننا الحنيف
وكاينة ظاهرة اخرى تاع كل واحد شاري قطعة رصيف مانعرف شكون سينيالو عليها ويقعد فيها كل يوم يكيل في بنات الناس
هاكي قلتي خرج من الجامع المفروض يكون مازال فيه هذاك الخشوع بصح هو كي شغل ماصلى ماوالو .. ربي يهديهم ويهدينا
شكرا اختي على الموضوع الحساس

وصحة فطورك وتقبل الله منك الطاعات

[stayfiya]

اهلا بنت مدينتي
يااختي وش نقوللك ظاهرة التـّـكيال هذي راهي من بكري وزادت في الآونة الأخيرة بكري كانت تقتصر على الشباب برك وخاصة غير المتزوجين ضرك تنقلت العدوى حتى للشيوخ والعياذ بالله .. حتى تحسي كي شغل راكي لابسة شي بالمقلوب - يشككوك في حالك - سبحان الله
هدي الظاهرة مانضنش تتنحى لانها وليدة تربية خاطئة ..بعيدة عن ديننا الحنيف
وكاينة ظاهرة اخرى تاع كل واحد شاري قطعة رصيف مانعرف شكون سينيالو عليها ويقعد فيها كل يوم يكيل في بنات الناس
هاكي قلتي خرج من الجامع المفروض يكون مازال فيه هذاك الخشوع بصح هو كي شغل ماصلى ماوالو .. ربي يهديهم ويهدينا
شكرا اختي على الموضوع الحساس

وصحة فطورك وتقبل الله منك الطاعات

شكراً أنامل دائماً تزينيلي مواضيعي بردودك المميّزة بارك الله فيك صح صحورك تقبل الله منّا و منك صالح الأعمال

[sdf24000]

الله هو المستعان، بإسم الحرية وحرية التعبير كل واحد في راسو مداير دولة..
فوضى في اطرقات، الشوراع، المارشيات...............
كلام قبيح من هنا و هناك...
مظاهر والله الشيطان أو شكان الامازون أو ادغال افريقيا ما رهم يديروا فيها
حسبي الله و نعم الوكيل
المدرسة تخلات عن التربية.....................

[foussa]

هادي الضاهرة راها منتشرة في قاع ولايات الجزائر احنا تاني تكوني ماشية في الطريق يقعدو يشوفو فيك كامل تحس كاش ماراكي دايرة تحسبي كاش ماراكي قتلت واحد
و لا كاش ماراكي دايرة حاجة كبيرة و نتي مادايرا والو سبحان الله يشككوا في حالك
و هادي تاع الشباب يلي راهم يديروها مين تحط السيارة يقولك parking علاه راه كاتب هاديك la place على اسموا
سبحان الله

[وهاب 76]

هذا دليل على أن الدولة راهي غايبة تعرف تلم غير الضرائب
أما الظاهرة الثانية ما نمسحوش الموس غير في المدرسة . صح تتحمل جزء من المسؤولية لكنها عيات تربي وغلبها الشارع
المسؤلية الكبيرة تقع على الوالدين . غير ولد و رمي للشارع يربي

[أبو معاذ محمد رضا]

الذي يريد التفرج في النساء يذهب إلى الأسواق التي امتلأت بهن ولا داعي للوقوف أمام باب المسجد حسّني الظن بالناس المصلين الطاهرين.

[stayfiya]

الذي يريد التفرج في النساء يذهب إلى الأسواق التي امتلأت بهن ولا داعي للوقوف أمام باب المسجد حسّني الظن بالناس المصلين الطاهرين.

يا اخي النساء لي تتكلّم عليهم هم امّك و أختك و زوجتك -لم لا- ولا يحق ل حتى واحد يتفرّج فيهم سواء كانو في سوق او في طريق عام(و ماتقوليش تاوعنا مايخرجوش ) و زيد فيما يخص المصلّين الطّاهرييييين لو قرأت مليح واش كتبت اعلاه قلت (بعض الرجال......بَعْضْ ) هكذا مفهومة بِاْلشَّكْلْ من المفروض
نصيحة: *la prochaine fois lis attentivement après répond mon frère

[fadoua2]

ختي كلامك كامل صح حتى كي تكوني تمشي ويفوت عليك بالطونوبيل غيلا وين حساك مليح تقول عمرو ولا شاف بنت

[Le Professeur A]

الامر سيكون من سيء إلى اسوء في السنوات القادمة
االجيل من 15 الى حتى 50 سنة
لا يرى المرأة من غير اخته او زوجته او امه او قريباته ...بعين بريئة ....هذه حقيقة وهذا واقع ..الا ما رحم ربك
الامر خطير جدا جدا جدا ولن تكفي بعض الردود لإزالته ......حتى الطرف الاخر- بعض النساء- له ظلع في ما يحدث
-------------------
يجب ان تعاد صياغة المفاهيم وترسيخها ليس من المدرسة فقط بل في كل مكان ....
بداية من التلفزيون ...انظروا الى الرسوم المتحركة و سمومها حتى تلك المترجمه الى اللغة العربية ...لكل بطل صديقة
لكل دب دبة...لكل فأر فأرة .....هذه البداية ثم في المدرسة يتعلم الطفل الكلام البذيء لان اكثر وقته في الشارع ...
ثم يستمع الى اغاني الراي وكلامه المعسل....فما ان يبلغ هذا الطفل او هذه الطفلة سن ال14 فانه تشبع بهذه المفاهيم الهدامة
......عس ولا اقعد يا ولي او يا اب او يا ام ...الشارع اصبح هو المربي الاول للشباب الجزائري....والشارع الجزائري خطير
لانه لا يخضع لاي قيم ولا اخلاق ...واصبح من العادي ان نشاهد هذه المظاهر ...
هذا الشخص الذي الذي ينتظر امام باب المصلى -مهما كانت نيته- لم يجد من يردعه ...وقد يعتبر الامر عادي ...فكل شيء اصبح مباح في بلادنا
وهذا الذي انشأ باركينغ لم يجد من يوقفه عند حده ...بل يمكنه ان يأمر المارة بدفع جزية
التربية والاخلاق في الجزائر في خطر......لانه حتى المساجد تخلت عن دورها بحجة احداث التسعينات .....
انظروا الى الجرائم البشعة التي تحدث يوميا من قتل من اجل بعض الدريهات ...اصبح شخص يقتل شخص لانه تخنزر فيه
ربي يستر ربي يستر ....

[بل مهدي]

السلام عليكم

[stayfiya]

السلام عليكم

و عليكم السلام والرحمة و الإكرام

[رؤوف من سطيف]

لحوايج لي هدرتي عليهم ماشي ملاح راني معاك بصح ماذابيك تزيدي في لاليست تاعك هاذ الزوج حوايج لي ماشي ملاح و لي هوما من اختصاص النساء بامتياز

- لبنات لي لابسين سراول و ملظوظ عليهم حتى لخياطة قريب تطرطق !! و الجسم مفصل بدقة full hd , هذا من الأسفل, من الأعلى يمتعون الناظرين (إن صح التعبير) بقميص منزوع الذراعين, و فوق هذا يتمايلن في مشيتهن : سطرق طرق... سطرق طرق, لا أجد ما أقول أمام هذا المشهد سوى ما علّمنا نبيّنا عليه الصلاة و السلام "لعن الله المتبرجات", مع الإشارة أن بعض الفتيات من هذا النوع قد يغطين شعرهن بقطعة من القماش و ربما تكذب على روحها و تقول راني مدايرة حجاب
ربي يهدي ما خلق

- الشيء الثاني الذي يزعجني و أنا بسيارتي: طريقة اجتياز النساء للطريق. بصراحة أعتقد أنه يجب إجراء دراسة نفسية معمقة لكي نفهم سبب إصرار أغلب النساء على اجتياز الطريق دون الإلتفات لرؤية السيارات القادمة و إذا التفتن فيصررن على الإجتياز بالمشي البطيئ و التخنزير مداير حالة و إذا صونيت عليها تزيد تهز شنافتها كثر و كثر (ممكن راهي تقول في نفسها: بالاك السيد عجبتو و راهو يبروفوكي فيا) لكن الصحيح أن الكلاكسون معناه: آو أخطي عالطريق يا .....


أعتقد الآن أن النتيجة أصبحت هدفان في كل شبكة

[- الآء الرحمن-]

ربي يهدينا من كثر المنكر ولا الانسان اوكان يصيب ما يخرجش من الدار الا لضرورة

[stayfiya]

لحوايج لي هدرتي عليهم ماشي ملاح راني معاك بصح ماذابيك تزيدي في لاليست تاعك هاذ الزوج حوايج لي ماشي ملاح و لي هوما من اختصاص النساء بامتياز

- لبنات لي لابسين سراول و ملظوظ عليهم حتى لخياطة قريب تطرطق !! و الجسم مفصل بدقة full hd , هذا من الأسفل, من الأعلى يمتعون الناظرين (إن صح التعبير) بقميص منزوع الذراعين, و فوق هذا يتمايلن في مشيتهن : سطرق طرق... سطرق طرق, لا أجد ما أقول أمام هذا المشهد سوى ما علّمنا نبيّنا عليه الصلاة و السلام "لعن الله المتبرجات", مع الإشارة أن بعض الفتيات من هذا النوع الضيق قد يغطين شعرهن بقطعة من القماش و ربما تكذب على روحها و تقول راني مدايرة حجاب
ربي يهدي ما خلق

- الشيء الثاني الذي يزعجني و أنا بسيارتي: طريقة اجتياز النساء للطريق. بصراحة أعتقد أنه يجب إجراء دراسة نفسية معمقة لكي نفهم سبب إصرار أغلب النساء على اجتياز الطريق دون الإلتفات لرؤية السيارات القادمة و إذا التفتن فيصررن على الإجتياز بالمشي البطيئ و التخنزير مداير حالة و إذا صونيت عليها تزيد تهز شنافتها كثر و كثر (ممكن راهي تقول في نفسها: بالاك السيد عجبتو و راهو يبروفوكي فيا) لكن الصحيح أن الكلاكسون معناه: آو أخطي عالطريق يا .....


أعتقد الآن أن النتيجة أصبحت هدفان في كل شبكة
سلام خويا رؤوف. والله صح عندك الحق بصح كيما قال رسولنا الكريم <لعن الله المتبرّجات > قال رب العالمين
فالآية 30 من سورة النور قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ {النور:30}. صافي هنا 3 مقابل 2 بالنسبه للنسا لي يقطعو الطريق و يتكسلو راهم الرجال ثاني كيف كيف ماتنفحلو يفوت غير اذا شعل الاخضر و يا ويلك لا كلاكسونيت عليه يفرّج فيك النّاس ماعرفتها غيره ماعرفتها حسد (كيفاش مرا تسوق طوموبيل الله الله و هو مسكين رااااااجل يمشي علي كرعيه)و مانحكيلكش كي دوبليه في الطريق يا خويا رؤوف آو يحطك السيبلة تاعو اي الهدف و يبدى يمرضك و يدير في الرّالي و يسكرلك الطريق لشتات عندو هربين بصّح هكضا (مرض واش تحب) هاه صافي ولاّت6مقابل 2 و مازال السكور يطلع
سلام Stayfiya

[صلاح البسكري]

.....................................

[عبد الناصر أمازيغ]

لسلام عليكم و رحمة الله و بركاته

بالنسبة لقضية الباركينغ ، من المفروض البلدية هي اللي تستكلف بيهم ، إلا عطات لكاش واحد رخصة تزيد الوصولاات (التيكي) ، ماشي أي واحد يجي ياخذ لخلاص على الناس . ما عليك غير ترفضي ، إلا حوس يفهم الشرطة موجودة في كل مكان .
ثانيا بالنسبة للمسجد و ما يحدث أمام أبواب مصليات النساء ، مانيش رايح نفتي لك ، لكن رأيي أن الصلاة في المسجد ماهيش فرض على المرأة ، إذا خفت الفتنة على روحك ، ولا ما ستحملتيش الوضعية صلي في دارك و انشاء الله ربي يعطيك أجر كيما صليتي في الجامع . الله غالب ما نقدروش نغيرو الوضعية

هذا رأيي فقط . و سامحوني

[amarameur]

شكرا جزيلا وبارك الله فيك

[Google.dz]

لحوايج لي هدرتي عليهم ماشي ملاح راني معاك بصح ماذابيك تزيدي في لاليست تاعك هاذ الزوج حوايج لي ماشي ملاح و لي هوما من اختصاص النساء بامتياز

- لبنات لي لابسين سراول و ملظوظ عليهم حتى لخياطة قريب تطرطق !! و الجسم مفصل بدقة full hd , هذا من الأسفل, من الأعلى يمتعون الناظرين (إن صح التعبير) بقميص منزوع الذراعين, و فوق هذا يتمايلن في مشيتهن : سطرق طرق... سطرق طرق, لا أجد ما أقول أمام هذا المشهد سوى ما علّمنا نبيّنا عليه الصلاة و السلام "لعن الله المتبرجات", مع الإشارة أن بعض الفتيات من هذا النوع قد يغطين شعرهن بقطعة من القماش و ربما تكذب على روحها و تقول راني مدايرة حجاب
ربي يهدي ما خلق

- الشيء الثاني الذي يزعجني و أنا بسيارتي: طريقة اجتياز النساء للطريق. بصراحة أعتقد أنه يجب إجراء دراسة نفسية معمقة لكي نفهم سبب إصرار أغلب النساء على اجتياز الطريق دون الإلتفات لرؤية السيارات القادمة و إذا التفتن فيصررن على الإجتياز بالمشي البطيئ و التخنزير مداير حالة و إذا صونيت عليها تزيد تهز شنافتها كثر و كثر (ممكن راهي تقول في نفسها: بالاك السيد عجبتو و راهو يبروفوكي فيا) لكن الصحيح أن الكلاكسون معناه: آو أخطي عالطريق يا .....


أعتقد الآن أن النتيجة أصبحت هدفان في كل شبكة




هههههههههههههههههههههه والله ياخي غير كلامك هههههههههههههههه


انضر الى ايام الزمن الجميل وشوف الفرق في الطريق والباس

http://up.djelfa.info/uploads/13163649831.jpeg

[stayfiya]

السلام عليكم
أنا اعتقد ان عيوب المجتمع الأفات الأحلاقية والإجتماعية أكثر بكثير من أن تعد ....
مجموعة الأعداد الحقيقية بكل مجموعاتها لا تكفي لعد هذه العيوب ...

لكن سأعطي ملاحظة ولا أريد أن انتصر فيها لأحد بعينه.
أنا أعتقد اأن أهم شيء دمر المجتمع الإسلامي والعربي هو : حرية المرأة .
هذا المشكل الذي تعمد الغرب طرحه بقوة في المجتمع الإسلامي : حتى أصبح في كثير من الأحيان الرجل ليس له دور إطلاقا ......
ونصيحتي لكل مسلم : ألزم نفسك أنت الصلاح ... وألزم الصلاح من لك مسؤولية عليهم كأهلك فهذا يكفيك ...
فالحل هو الرجوع إلى الدين لأن الدولة اليوم غائبة إلا في جمع الضرائب وحتى وإن كانت موجودة فلن تفيد القوانين الوضعية لأنه في كثير من الأحيان من يكتبها هو أو ل من يقفز عليها .....
عذرا على الإطالة و فقط مجرد رأي.......
الأم مدرسة إذا أعددتها **** أعددت شعبا طيب الأعراق .
سلام

شكراًلك اخي على التدخل عندك الحق في كل كلمة قلتها
لكن الا ترى بان الرجل هو الذي ترك المساحة للمرأة لكي تصول وتجول كما تشاء (حريّة مطلقة) سأوضح لك ذلك عندما تعرض على الرجل مهنة ما ايّا كانت و للإشارة الرجل لا يكون لديه اي مستوى تاهيلي يرفض المهنة فقط لأن الدخل أدنى مما يريد و يفضل البقاء دون شغل (يستنى الخدمة لي تخرج عليه!!!! ) بالمقابل المرأة و رغم انها متحصلة على شهادات جامعيّه تقبل اي مهنه حتى بيّاعة في محل ( يقولو :حب واش تخدم باش تقدر تخدم واش تحب) ! و نزيدك من الشعر بيت الرّاجل حسب الدين يخطب المرأة لدينها و لجمالها ولنسبها ولمالها ركز على الإثنين الآخيرين خاصة الماااال و هذا من اين ؟؟؟؟؟؟ لذا قامو بتعديل في طلبات الزّواج منذ ان كانو يبحثون على (بنت الفاميلة لي تقوم بالدّار) الآن على قول اهل العريس(حنا لازمنا الطفلة تكون خدّامة باش تتعاون هي و وليدنا على الدّار!!!!!) أنا ارى ان الذي يسمح لامرأة
تخدم عليه مايجيش يحاسبها و يشتكي من حرِّيتها المفرطة و خاااااااصة الرجل البطّال فقط اشير الى نقطة أنا ضد المرأة التي تشتغل و رب البيت قادر على تامين حياة كريمة لها و لأطفالها وفي كل الأحوال يبقي الرجل اساس البيت و المتكفل أليس الرجال قوّامون على النساء
شكراً جزيلا اخي





Stayfiya*

[stayfiya]

هههههههههههههههههههههه والله ياخي غير كلامك هههههههههههههههه


انضر الى ايام الزمن الجميل وشوف الفرق في الطريق والباس

http://up.djelfa.info/uploads/13163649831.jpeg

يا اخي كل زمان فيه لمليح والحاير الزمن الجميل هذا كان فيه الفقر و الأزمات او لا سوفرانس
واللبسة لي عجباتك من فوق الحيك ومن تحت سروال الشلقة معلابلكش وين توصل الشقة والله!!!!!!! والطريق تفوت عليها طوموبيل في السّاعة ماشي كيما ضك ؟؟؟؟


Stayfiya

[صلاح البسكري]

................................................

[stayfiya]

السلام عليكم
طرح جيد وموفق إلى أبعد الحدود .....
لم أجد ما أقول
بارك الله فيك
سلام

سلام اخي الكريم شكراً على الإطراء و بارك الله فيك
تقدر تقول واش يجي في بالك ياخي رانا في منبر مناقشه بقلب مفتوح مرحباً بك في مواضيعي
سلااااام


Stayfiya