ادخلليييييييييييييييييييي بسرعة [الأرشيف] - منتديات الجلفة لكل الجزائريين و العرب

سيرين8

2011-08-21, 15:11

سلام
:d:d:d:dالبنات شكون اللي تعرف طريقة احسن للقلاصاج اللي ما ييبسش مع الوقت حابة كاش نوع من القلاصاج اللي يبقى هش و جزاكم الله كل خير :1::1::1:

قطوفها دانية 2

2011-08-21, 15:19

هنيتي من الموضوع ههههه

انا ثاني نفس الشي ان شاء الله يفيدونا لبناااااااات

ابتغي الجنة

2011-08-21, 15:21

انا ندير قلاصج تاع السيرو
تحضري سيرو
ديري 120 سكر حرش زيديلهم نص لتر ماء خليهم يغلو حتى يولو مقدار كاس كبير كيلي بكاس كبير تاع قهوة حليب فهمتي
اومبعد خلي السيرو يبرد
كي يبرد ضيفيلو بياض بيضة عصير ليمونة مغرفة ماء زهر وبداي تضيفي ف السكر الطب تكوني صيرتيه من قبل
ضيفي السكر تدريجيا وراكي تخلطي حتى تتحصلي على طلية شادة روحها
هاد الكمية تاع السيرو تاخدلك حوالي باكي ونص سكر رطب
وتقدري تطلي بيها حوالي 45 حبة عرايش
بصح شوفي نصيحة جربي مقدار صغير من هاد الطلية باش تتعلميلها ماتخليش حتى ديري حلوة العيد
لاخاطرش كاين حاجات ماينجحوناش من اول مرة
موفقة ختيتو

منار97

2011-08-21, 15:30

و انا نفس الشي .مشكورة اختي رح اجربها انت متاكدة انها رح تصلح ممممم

سيرين8

2011-08-22, 01:59

شكرا اختي وبارك الله فيك وهذه القلاصاج يجي هشيش اي مايبسش بعد يوم او يومان
ارجوكم البنات راني حايرة بزاااااااااااااااااااااااااف وبصراحة مانحبش القلاصاج كي يعود يابس قلت اذا كاش من عندها الحل

amina34

2011-08-22, 02:03

hadi tarika daretha houriat lmatbakh ta3 fatafeat diri kilo sucre glace w fih baydha w khaltiha bel batteur hatan tsih w tweli talia w dirilha 2 cuillère à soupe ta3 zit hia 3andha jat hayla chadda roha w mm brillante nch teslahlek
saha shorek

أم ندير

2011-08-22, 02:27

السلام علكم
أختي أنا ندير القلاساج عادي هشيش وشاد روحو و لماع
ديري بياض 3 بيصات و قرصة ملح ضربي شوية فقط بالباتور حتى يرجع في ربع الزلافة ويكون فيه الفقاعات ضيفيلو عصير حبة ليم وشوية فاني و 3 الى 4 مغرف ماء زهر وبداي تزيدي بالشوية فالسكر قلاسي مشي مرة وحدة كل ما تزيدي السكر صربي شوية بالباتور وشوفي كي تبدى تثقل زيدي 2 مغارف كبار زيت وزيدي ضربي وفالأخير زيدي مغرف ماءوضربي بالشوية الباتور يكون غير فالرقم الأول غير بالشوية مين تقربي تكملي الباكي تاع السكر قلاسي خلطي غير بالشوكة حتى تبدى تثقال وسييها في حبة قاطو وخليها تنشف شوية وعينك هي ميزانك
ادا ثقلتيها بزاف زيدي مغرف زيت ومغرف ماء وادا خففتيها زيدي غير شوية سكر قلاسي و ماتنسايش اللون الي تحبيه
و بالتوفيق انشاء الله:mh31:

ام شرفو

2011-08-22, 10:22

http://0z.fr/axPGf

❣سڪڕ❣

2011-08-22, 13:55

كنت نعمل الطلية بالبياض وكان يجي شوية يابس خاصة إلا طول
ومبعد وليت نعملو بالسيرو وولى يجي أحسن ولكن إدا طول تاني شوية يقسى
والآن وجدت الحل مع طلية الحليب إلي كلما طولت تولي هشة

maiar

2011-08-22, 15:10

انا ندير قلاصج تاع السيرو
تحضري سيرو
ديري 120 سكر حرش زيديلهم نص لتر ماء خليهم يغلو حتى يولو مقدار كاس كبير كيلي بكاس كبير تاع قهوة حليب فهمتي
اومبعد خلي السيرو يبرد
كي يبرد ضيفيلو بياض بيضة عصير ليمونة مغرفة ماء زهر وبداي تضيفي ف السكر الطب تكوني صيرتيه من قبل
ضيفي السكر تدريجيا وراكي تخلطي حتى تتحصلي على طلية شادة روحها
هاد الكمية تاع السيرو تاخدلك حوالي باكي ونص سكر رطب
وتقدري تطلي بيها حوالي 45 حبة عرايش
بصح شوفي نصيحة جربي مقدار صغير من هاد الطلية باش تتعلميلها ماتخليش حتى ديري حلوة العيد
لاخاطرش كاين حاجات ماينجحوناش من اول مرة
موفقة ختيتو

nafs tarika li dertha fi l3id hada:19: