محمد الشاعر
2011-08-21, 11:38
تقبل الله منكم أخواني صالح الأعمال واسمحولي أن أتوجه لله تعالى مرتجلا هذا الدعاء نسأل الله القبول
يا ربي يا خالقي عظيم الشان*** يا مليك الملك رب الكائنات
وحدك ليك الحمد يا نعم المنان*** يا راحم لعباد مجيب الطلبات
ليك الحمد الكل ماطالت لزمان*** وحدك ليك الشكر إله المخلوقات
ليك الحمد انت المحمود الحنان*** يا رحيم الخلق غافر السيات
والصلاة اعليه نابينا العدنان*** صلى الله اعليه سيد المخلوقات
قلت ادعوني يا اعبادي فالقرءان*** وانتايا قريب مجيب الدعوات
وانتيا كريم ما تحرم إنسان*** خيرك واسع محال لا ينقص هيهات
واللي طلبك يا المولي ما يتهان*** ما ايخيبش محال داعي بالنيات
وانايا يا ياخالقي فعلي يشيان*** واذنوبي غطات لرض وسموات
في فعلي محال لا حاجة تزيان*** غير الكحلة فعايلي والموبقات
امضيع فرضي امفرط في لركان*** صغري ضاع وكل كبري منهيات
طايعها نفسي انتبع فالشيطان*** وأمارة تشتي اطريق الشهوات
وجيتك بالتوحيد زادي يا رحمان*** وحدك نلقى بيك ما نشرك هيهات
يا ربي نرجاك يا مول الإحسان*** اغفرلي يا خالقي ما جاي وفات
يا رحيم الخلق. الملك الديان*** ارحم عبدك سكنو عالي الدرجات
لا تحرقني ياإلاهي بالنيران*** واعفو عني دير افعالي حسنات
اعتقني يا خالقي عظيم الشان***واكتبني مقبول يامول الرحمات
أرضاني ياخالقي واسع لركان*** لا تحرمني قا نايا مالجنات
اكتبني مرحوم في هذا رمضان*** مقبول ومعتوق ما يخافش هيهات
أنايا والوالدين أمع الجيران*** واحبابي واهلي اينالو ذ الخيرات
أمة نابينا انصرها عالعديان*** راها مذلولة وفي أشين صفات
انصرها يا خالقي تعلا وتبان*** ووحدها عالخير ما تبقى تشتات
يا ربي نرجاك تحفظ ذالشبان*** لا اتوريهم فساد لا مــــخدرات
بن عامر يرجاك يا عظيم الشان**** لا تحرمني يا خالقي في ذالدعوات
راني صايم يالله نتلو القرءان*** أقبل فعلي وكل صومي والطاعات
يا عظيم الفضل يا سابق لحسان*** لا تحرم مخلوق من هاذ الطلبات
والصلاة اعلى النبي نور الزمان**** صلى الله اعليه نختم ذ لبيات
مع دعاؤكم يأهل الفضل والإحسان
يا ربي يا خالقي عظيم الشان*** يا مليك الملك رب الكائنات
وحدك ليك الحمد يا نعم المنان*** يا راحم لعباد مجيب الطلبات
ليك الحمد الكل ماطالت لزمان*** وحدك ليك الشكر إله المخلوقات
ليك الحمد انت المحمود الحنان*** يا رحيم الخلق غافر السيات
والصلاة اعليه نابينا العدنان*** صلى الله اعليه سيد المخلوقات
قلت ادعوني يا اعبادي فالقرءان*** وانتايا قريب مجيب الدعوات
وانتيا كريم ما تحرم إنسان*** خيرك واسع محال لا ينقص هيهات
واللي طلبك يا المولي ما يتهان*** ما ايخيبش محال داعي بالنيات
وانايا يا ياخالقي فعلي يشيان*** واذنوبي غطات لرض وسموات
في فعلي محال لا حاجة تزيان*** غير الكحلة فعايلي والموبقات
امضيع فرضي امفرط في لركان*** صغري ضاع وكل كبري منهيات
طايعها نفسي انتبع فالشيطان*** وأمارة تشتي اطريق الشهوات
وجيتك بالتوحيد زادي يا رحمان*** وحدك نلقى بيك ما نشرك هيهات
يا ربي نرجاك يا مول الإحسان*** اغفرلي يا خالقي ما جاي وفات
يا رحيم الخلق. الملك الديان*** ارحم عبدك سكنو عالي الدرجات
لا تحرقني ياإلاهي بالنيران*** واعفو عني دير افعالي حسنات
اعتقني يا خالقي عظيم الشان***واكتبني مقبول يامول الرحمات
أرضاني ياخالقي واسع لركان*** لا تحرمني قا نايا مالجنات
اكتبني مرحوم في هذا رمضان*** مقبول ومعتوق ما يخافش هيهات
أنايا والوالدين أمع الجيران*** واحبابي واهلي اينالو ذ الخيرات
أمة نابينا انصرها عالعديان*** راها مذلولة وفي أشين صفات
انصرها يا خالقي تعلا وتبان*** ووحدها عالخير ما تبقى تشتات
يا ربي نرجاك تحفظ ذالشبان*** لا اتوريهم فساد لا مــــخدرات
بن عامر يرجاك يا عظيم الشان**** لا تحرمني يا خالقي في ذالدعوات
راني صايم يالله نتلو القرءان*** أقبل فعلي وكل صومي والطاعات
يا عظيم الفضل يا سابق لحسان*** لا تحرم مخلوق من هاذ الطلبات
والصلاة اعلى النبي نور الزمان**** صلى الله اعليه نختم ذ لبيات
مع دعاؤكم يأهل الفضل والإحسان