طلب مساعدة

[lofi]

السلام عليكم
أخواتي الكريمات راني نطلب مساعدتكم في صنع البغرير
جربتو اليوم بالروبو ولم ينجح
كنت دايراتو مفاجأة لأختي لانها تحبو بزاف
لكن الله غالب
لوكان تقولولي مقادير بدقة وكيفاه نديرو بالروبو
:sdf:

[lofi]

فهل من معينة اعانك الله في الدنيا و الاخرة

[nari21]

شوفي ختي نمدالك هدا الوصفة 100/100 جيبي 2غرفيت سميد رقيق و1غرفية فرينة 1بيضة 1قرصة ملح و1مغرف كبيرة خميرة خبز خلطيهم مليح من بعد زيدي الماء شوية شوية حتى توالي بلعجينة جارية شويم ماشي بزاف من بعد خليه يخمر لمدة 40د ومن بعد جيبي مقلاة سخونة وامسحيها بشوية زيت وارفدي بالغراف وفرغيه في المقبلة كي تطيب نحيها كي تكملي عسليهم بالعسيلة والزبدة وبصحتك انتي وختك سييها وراجعيلي لخبر على ضمنتي

[sonia.morchid]

شوفي ختي هنا المقادير على حساب الكمية لي حابة تعمليها (متل ما تعمل المقادير نتاع الكسرة)
في قصعة حطي السميد يكون أحرش شويا (الرقيق يجي البغريرمعجن وما ينفش مليح) ضيف الملح وخميرة الكسرة بعد ما تدوبيها في قليل من الماء الدافئ (ملعقة صغيرة تكفي) ضفي البيض حسب السميد لما تكون كمية صغيرة 2حباتا بيض تكفي بلي بالماء الدافئ بحيت تتحصلي عل عجين سائل يكون ثقيل نوعا ماوبراحة اليد تحكي العجين حتى تروح الكثل ولكعابر نتاع السميد والبيض فالوعاء نتاع الربو ركبي السكين نتاع وضفي العجين شغلي الربو نتاعك وضيفي الماء حسب الحاجة حتى تتحصل على السمك المطلوب كي تكملي فرغيه في وعاء غامق وغطيه ربع ساعة وطيبيه
أختي لما تضيف الماء للدقيق ما لزمش الخليط يكون قاسي باش ما تخصرش لعجينةيكون ثقيل وخالي من الكثل نتاع السميد
شوفي ما لي بديت ندير البغرير وأنا نعمل فالطريقة هده ولي يأكل يقول لي تعطيك الصحة والله غير شاطرة المهم تبع الخطوات مادابيا تعمل وتقوليلي لكان نجح مكاع ولا لا.

[lofi]

يعطيكم الصحة
اليوم نجرب نوع وغدا نوع
ونردلكم الخبر
merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiii

[احبك ميسي ~ احبك برشلونةღ]

نظن راهم عطاوك الوصفة