الحب مور زواج

[bibicha]

:mh92: سلام البنات و صح فطوركم اليوم جبت موضوع و حبيت تتجابو
واش رايكم فالحب بعد الزواج التقليدي ؟و لي يكون فيه التعارف بعد الزواج و نتمنى اذا كاينين لي زوجو تقليديا يفيدونا بالتجربة للعلم هدا استطلاع فقط

[سَلْسَبِيّلْ]

لالالا يعني انا مازالني صغيرة بصح يعني تتعرفي عليه بطريقة مادبة قبل الزواج خاار باه تفهمي عقليتو مليح واش يحب واش مايحبش هكدا باه ماتندميش بصح يعني تكوني مخبرة اهلك و من بعد اكييد يتقدم لخطبيتك لكن بشرط بطريقة مادبة مع علم الاهل و اله الموفق

[Amouna.DZ]

أختي أنا بصراحة منستعرفش بيه شافني شفتو عجبني عجبتو يجي يتقدم و منورا الخطبة نتعرفو على بعضانا مليح

هذا راي ديالي حاجة ترضي ربي هي الدنيا و مافيها

[ام ظافر]

انا واحد ة الحب ما عرفتو غير بعد الزواج وصدقوني مثل هذه الزيجات تكون ناجحة لابعد الحدود مقارنة بزواج الحب

[نسمة النسيم]

يا اختي في الاسلام الحب بعد الزواج اروع من الراائع

[bibicha]

merci pour vos reponsse

[sweetgril22]

هي تبقى قضية عقليات ممكن ازيد ممكن ينقص ممكن اروح وكل واحد واش كتبلو ربي وهاذي على حساب الشخص وعلى حساب العلاقة ماشي قاع العلاقات كيف كيف وهاذي هي

[b-ilhem]

و الله هناك زواج هن حب ناجح و فاشل وهناك زواج عن غير حب كذلك ناجح و فاشل
وليس لاحد ان يحكم الا عن تجربته
عن نفسي انا الان في حالة حب و افضل الزواج عن حب لانه فيه شوق و انتظار اكبر و خاصة اذا اكنتي تعرفين الطرف الاخر بشكل جيد منذ الصغر
و الحب عموما لا يكون قبل او بعد الزواج بصراحة الحب ياتي حسب الشخصيات التي تجتمع في بيت واحد كم زواج عن حب فشل و كم زواج عائلي فشل و العكس
فكل حاجة بالمكتوب و كل حالة منفردة و مختلفة عن الحالات الاخرى

[حسينة 36]

كي توجد التضحية والاحترام المتبادل بين الطرفين يكون هناك حب قبل او بعد الزواج