حائرة و الله؟؟؟ [الأرشيف] - منتديات الجلفة لكل الجزائريين و العرب

بسمة محبة

2011-08-14, 16:17

السلام عليكم و رحمة الله و بركاته

كلنا نعرف تفاصيل الخطبة العادية و كيف يتم دعوة الأهل و الأقارب سواء أعمام و أخوال و أحباب و ما إلى ذلك..:1:

لكن المشكل عندما تكون الخطبة بين فتاة و إبن عمتها يعني أخواله أعمامها ....:rolleyes:

أخبروني بالله عليكم كيف يتم تقاسم الأهل من يذهب إلى من؟؟؟؟؟؟؟؟؟؟؟؟

ليست لدي القدرة على الكتابة أكثر في هاته الآونة

لعل و عسى تفيدوني بمقترحاتكم خاصة ان كانت هناك تجارب مماثلة لا تبخلو علينا بها.

جزاكم الله كل خير.

سلام.

azhars

2011-08-14, 16:34

اعرضي خالاتك واخوالك واولادهم ونتي اعرضي الاثنين وهوما يخيرو مع شكون يروحو انا
خطيبي ولد خالي انا نعرض اهلي من بابا وهو يجيب اهلو من باباه يعني خالاتي وخوالي وزوجاتهو ساهلة

/زهرة عصفور الجنة/

2011-08-15, 00:31

حدث لي نفس المشكل الأحسن أعرضي خوالك وعمومك وعماتك يجيو مع أهل الزوج لداركم

1954مريم

2011-08-15, 00:52

السلام عليكم ورحمة الله تعالى وبركاته

اختي مبارك عليك ساهلة ماهلة وهي ان في العادة اهل العريس هما اللي ياخذو معاهم الاهل في العادات وطبعا بعد استشارة اهل العريس بمعنى رانا رايحين نجيبوا مع الناس واش راكم

شوفي هذا رمضان الديا المهر لخواتي وحدة بنت خالي وحدة بنت عمي

شوفي بنت خالي بيتنا ارعضنا النساء وخالي الكبير فقط راحو معنا وزاد خالي عرض خوالي الاخرين عادي

اما دار عمي كانوا يسكنوا بعيد علينا خبرناهم لكن دار عمي هما اللي عرضوهم للغذاء ولتقينا هناك عادي .

المهم هي تكونوا على علم وتفرحوا بيهموا وتقيموهم فقط

ويمكن تعرضوهم بعد الخططبة كل واحد واش يخرج عليه وتكاليفه... وعاداته وتقاليده والمهم اجتماع العائلة في جلسة عائلية فقط

وربي يقدر الخير لك راه ساهلة عادي .

بسمة محبة

2011-08-15, 13:47

السلام عليكم و رحمة الله و بركاته

شكراا لكن أخواتي بارك الله فيكن جميعا أزهار ، منى ،مريم جزاكن الله كل خير خففتو عليا قليلا

لكن المشكل عندي أنو ابي لن يقبل أنه يدير عرس بلا حضور أعمامي و الله تخلطت عليا نهائيا

ربي يجيب الخير ان شاء الله

abdel02

2011-08-15, 16:50

السلام عليكم و رحمة الله و بركاته

شكراا لكن أخواتي بارك الله فيكن جميعا أزهار ، منى ،مريم جزاكن الله كل خير خففتو عليا قليلا

لكن المشكل عندي أنو انبي لن يقبل أنه يدير عرس بلا حضور أعمامي و الله تخلطت عليا نهائيا

ربي يجيب الخير ان شاء الله
أولا مبروك الخطبة والعقوبة للعرس...أما ما تسميه مشكلة...أعرضي كامل العائلة ونفس الشئ يفعلوه أهل خطيبك...وأرمي الكرة عند أقاربك...لما يكون معروض في جيهتين...أكيد الجهة الأخرى ماش رايحة تغضب لعدم المجيء...وهوني على نفسك أختي...انت أفرحي و فقط...اللي جا مرحبا بيه...واللي ماجاش عدرو معاه..

z.abdo

2011-08-15, 17:27

ما تعرضي حتى واحد هههههههههههه

maiar

2011-08-16, 14:50

بسمة محبة

2011-08-16, 15:35

أولا مبروك الخطبة والعقوبة للعرس...أما ما تسميه مشكلة...أعرضي كامل العائلة ونفس الشئ يفعلوه أهل خطيبك...وأرمي الكرة عند أقاربك...لما يكون معروض في جيهتين...أكيد الجهة الأخرى ماش رايحة تغضب لعدم المجيء...وهوني على نفسك أختي...انت أفرحي و فقط...اللي جا مرحبا بيه...واللي ماجاش عدرو معاه..

السلام عليكم و رحمة الله و بركاته

شكراا لك أخي بارك الله فيك لعقوبة للجميع ان شاء الله
و هذا هو الحل الأمثل نخليهم هوما يتفاهمو مع بعض و يتقاسمو شكون يجي عندنا و شكون يروح عندهم
و ربي يتمم كل شيء بخير
جزاك الله كل خير
سلام.

بسمة محبة

2011-08-16, 15:38

ما تعرضي حتى واحد هههههههههههه

السلام عليكم و رحمة الله و بركاته

أفضل حل على الإطلاق مشكور أخي

هههه

بسمة محبة

2011-08-16, 15:43

matkolkich
awalen mabrouk 3lik w rabi ykamlek
w tani haja
srat zia lbent 3mti dat wald 3amti
mais hna rouna
hna w 3moumi w 3mati
l3ers t3 wald 3mti
leh la famille t" bent 3mti kbira bezzzzzzzzzzzaf
w wald 3mti 3ndou ghir 2 3mat berk
donc derna léquiliber

السلام عليكم و رحمة الله و بركاته

شكراا لك أختي و ربي يبارك فيك ان شاء الله

جزاك الله كل خير أنا أيضا رح نعرضهم كامل و نخليهم هوما يتشوفو خير هكدا ما يزعف حتى واحد.

سلام.