ما هي الصفة التي تتمنى ان تتخلص منها ؟و...

[ملكة العز]

السلام عليكم ............
أما بعد .....

بطبيعة الحال خلق الله سبحانه وتعالى البشر مختلفين عن بعضهم البعض


بأشكالهم وطبائعهم ولغاتهم .....


وكل منا عنده طباع وصفات تميزه عن غيره


سؤالي لكم ...لنتصارح ...


ما هي الصفة الجميلة في نفسك ربما يحسدونك عليها ؟

ما هي الصفة التي لا تحبها في نفسك وتزعجك وتتمنى ان تتخلص منها ؟


انتظر اجاباتكم ........على أحر من الجمر ........
:confused::dj_17:

[مايا منار]

بكل صراحة عندي صفة ماهيش مليحة خلاص و هي ما نقدرش نبعد على الدار و إذا غبت نحس إحساس ما هوش مليح و أحيانا نقول عندي فوبيا..........حتى الجامعة لما وجهوني في ولاية بعيدة غيرت الشعبة نتاعي حتى نبقى قريبة من الدار و الحمد لله الجامعة ماهيش بعيدة عليا
واش تقولي فيا يا أختي

[ملكة العز]

بكل صراحة عندي صفة ماهيش مليحة خلاص و هي ما نقدرش نبعد على الدار و إذا غبت نحس إحساس ما هوش مليح و أحيانا نقول عندي فوبيا..........حتى الجامعة لما وجهوني في ولاية بعيدة غيرت الشعبة نتاعي حتى نبقى قريبة من الدار و الحمد لله الجامعة ماهيش بعيدة عليا
واش تقولي فيا يا أختي

واش نقلك يا اختي راكي كيما انا يرجعني الحنين مانصبرش ع الدار
بصح اختي الكريمة ما قلتيناش الصفة الجميلة الي فيك .؟
نورتي اختي مايا :dj_17:

[مايا منار]

الحمد لله الي وجدت وحدة كيما أنا
و على الصفة الجميلة أمممممممممممممم ما نقدرش نقول نخاف تقولو عليا مغرورة..........ههههههههها
مشكورة
------------------------تحياتي-------------------------

[ملكة العز]

الحمد لله الي وجدت وحدة كيما أنا
و على الصفة الجميلة أمممممممممممممم ما نقدرش نقول نخاف تقولو عليا مغرورة..........ههههههههها
مشكورة
------------------------تحياتي-------------------------

ههههههههههههههههه مزية
باينة صفه هايلة تحسدين عليها ...ما عليش ...
بصح مصيري ونعرفها ..انا فضوووووووووووووولية جدا .نتم وراك حتى نعرفها ما تخافيش ما نحسدكش ههههههههه..:1:

[مايا منار]

ههههههههههههههههاااااااااا تعرفي و الله غير راني نضحك من قلبي هذي حروف الضحك تاع ههههههههههههههااااا و ما تبينش الضحكاللي راني فيه يعطيك الصحة

[بوبكر28]

سلام عليكم

في الواقع انا نشكى من حاجة وحدة
ومشكلتى انى سريع الالتهاب عفوا قصدى سريع الغضب

والحمد لله على كل حال

[ملكة العز]

ههههههههههههههههاااااااااا تعرفي و الله غير راني نضحك من قلبي هذي حروف الضحك تاع ههههههههههههههااااا و ما تبينش الضحكاللي راني فيه يعطيك الصحة

خلاص عرفتها الصفة المليحة الي فيك ..ههههههههههه نفسها الي عندي
الله يبارك فيك حافظي عليها ...اختي العزيزة
الله يدومها ضحكة هههههههههههههههههه

[ملكة العز]

سلام عليكم

في الواقع انا نشكى من حاجة وحدة
ومشكلتى انى سريع الالتهاب عفوا قصدى سريع الغضب

والحمد لله على كل حال

يا خويا العزيز هاذي صفة صح مش مليحة بصح راني عاذراتك لانك جزائري
لازم تتخلص منها :1:..:1:الصبر يا بوبكر
والصفة المليحة الي فيك ؟

[MISSANE]

sifa li machi mli7a fya (w kayene bezaf :D) hya ani manesbarch sabre mana3arfouch ana w sifa li nchoufha ana mli7a 3andi hya ani manez3afch facilement w ned7ak bezaf

[ملكة العز]

sifa li machi mli7a fya (w kayene bezaf :D) hya ani manesbarch sabre mana3arfouch ana w sifa li nchoufha ana mli7a 3andi hya ani manez3afch facilement w ned7ak bezaf

شكرا اختي missaneعلى مرورك العطر
الله يبارك عليك ..يعني على طول مبتسمة ..انا نظن انها احلى صفة حافظي عليها ..
:dj_17::mh92:

[[] شِتَآءُ الْعُمْـــر ...~]

الصفة المليحة فيا انني نسامح بسرعة
الصفات المش مليحة فيا هي انني نثق بسهولة في اي شخص
و الغيرة الفضيعة و هذه اكتشفتها فيا العام اللي فبل اللي فات فقط

[انور 06]

شكرااختي على هاذا الموضوع الصفه ياسيدي الى ماحبتش تخطيني ياسيدي هي انني حساس وسريع الغضب اولازملي رد مليح لا نغضب عليك يا عزيزه هههههه

[بنوتة سوفية]

راك كيفي يا انور حتى انا ثاني حسااااااااااسة بزاف هذي صفتي المليحة

وعصبية في الحقيقة حاولت نبعد عليها بصح ما قدرتش خلاص

ويعطيك الصحة على السؤال خاطر اول مرة خليتيني نخمم في صفاتي المليحة وغيرها

[بوبكر28]

سلام

ايه والله نسيت نقلك

الحاجة اللى مليحة فيا

انى زهوانى بلا حدود والحمد لله

اللهم ادمها نعمة

[*جوداء*]

الصفة اللي مانحبهاش في روحي...
اني نحكم على الناس قبل لانخالطهم ونحكي معاهم

لكن احكامي تخرج صحيحة90بالمئة
شكرا

[zoheir39102]

الصفة الي مش مليحه ثمثم نتقلق الله غالب .
الصفة لمليحه اني اجتماعي معنديش اعداء الناس كامل احبوني و انا احمد الله على هذه النعمة .

[أريج زهرة]

صفة لي مش مليحة فيا إني عنيدة و ندير لي في راسي
أما صفة لمليح أني نحب نساعد الناس
شكرا أختي على الموضوع

[ملكة العز]

شكرا على مروركم العطر ...نورتو بوجودكم واكثر شيء اهجبني فيكم صراحتكم
اشجعكم عليها
*ال سمورة الامورة ..يعجبني الشخص المتسامح لانو قلبو ابيض اما بالنسبة للغيرة هي صفة مثبة في البنات ههههههههه بنسب متفاوتة
*الى أنور صدقني راني نكتب وخايفة لا تزعف ما نظنش انك سريع الغضب عادة الانسان الحساس يكون هادئ...انا حاسة كيما هاك قلبك كبير كالبحر
*الى بنوتة سوفية [/b]..راكي عارفة عندك نفس مشكلتي اني عصبية ..وعندك صفة مليحة اكثر من حساسة فكري فيها وقوليهالي ..

*الى بوبكر ...واش نقلك الله يدومها زهوة ...قول انشاء الله ........

*.الى شيراز ...باين عندك الحاسة السادسة بصح ما تنسايش انو المظاهر خداعة ...والصفة المليحة الي فيك انك طيبة ..هاذي من عندي هههههههه
*الى زوهير ...اعظم نعمة الله يبارك انو يحبوك كامل الناس ..الله يدومها ..

*الى اريج زهرة ...اولا اهنئك على انتقاء الاسم المستعار الرائع ...وثانيا على حب الخير للناس لكن بطلي العناد ههههه

[b]شكرا لكم تحياتي مني اليكم عزيزة عزو ..

[أم عدنان]

الصفة الي منحبهاش في روحي أني أصدق الغير بسهولة ، والصفة المليحة أني جد صريييييييييييييييييييييحة
ومشكوووورة على الموضوع الرائع

[ملكة العز]

الصفة الي منحبهاش في روحي أني أصدق الغير بسهولة ، والصفة المليحة أني جد صريييييييييييييييييييييحة
ومشكوووورة على الموضوع الرائع

مشكورة اختي ريحانة العنبر على مرورك العطر وانا نحب الشخص الصريح لانو كيما يقولوالي في قلبو في لسانو نحب هاذي الصفة
حافظي عليها اختي الكريمة ..:dj_17:

[بنوتة سوفية]

يا عزيزة وش نقولك انا نشوف في روحي اني متواضعة جدا وما نحبش نتكبر على الناس خاطر نحب الناس كلهم اخوتي وه>ي الصفة نحمد ربي عليها خاطر عندي احباب بزاف وين ما نروح نبني صداقات ان شاء الله تكون هي الصفة اللي قولتيلي عليها و ا>كانتش صحيحة قوليهالي انت
واسمحيلي بسؤال شرط تجاوبيني بصراحة انت من وادي سوف ؟ ومن اي منطقة بالظبط؟
جاوبيني وانا نقولك علاه سالتك خاطر نشبه عليك
سامحيني اختي عزيزة على الاخطاء راني مستعجلة

[ملكة العز]

يا عزيزة وش نقولك انا نشوف في روحي اني متواضعة جدا وما نحبش نتكبر على الناس خاطر نحب الناس كلهم اخوتي وه>ي الصفة نحمد ربي عليها خاطر عندي احباب بزاف وين ما نروح نبني صداقات ان شاء الله تكون هي الصفة اللي قولتيلي عليها و ا>كانتش صحيحة قوليهالي انت
واسمحيلي بسؤال شرط تجاوبيني بصراحة انت من وادي سوف ؟ ومن اي منطقة بالظبط؟
جاوبيني وانا نقولك علاه سالتك خاطر نشبه عليك
سامحيني اختي عزيزة على الاخطاء راني مستعجلة

صدقيني يا اختي اني عرفتك انك متواضعة وتحبي الناس يعني اجتماعية صدق احساسي حافظي على هاذي الصفة
اما فيما يخص سؤالك انا مش من واد سوف ما نعرفهاش كامل وين جاية صراحة
انا ساكنة في الجلفة واصلي من الاغواط
وانا نسألك كيفاه شبهتيني ؟؟..انتظر ردك راه الفضول قتلني ..:dj_17:بك في اي وقت

[بنوتة سوفية]

صباح الخير والنور يا عزيزة

اولا نشكرك على الاجابة بالرغم من اني طلعت خاطئة في تشبيهي
اختي ا نا شبهت عليك خاطر كانت تدرس معايا واحدة في تلاوة القران هذا العام واسمها عزيزة وحسب انت كاتبة في اسمك المستعار عزيزة87 وكذلك في توقيعك فهمت انا باللي انت من مواليد 1987 حتى هي ثاني قدك قلت انا ممكن تكوني انت ومادام قلتيلي انك من الجلفة خلاص تاكدت انك مشي هي
على العموم تشرفت بمعرفتك اختي وقاع ناس الجلفة والاغواط وكلنا من الجزائر العزيزة ولا يهم الشما او الشرق او الغرب كلنا جزائريين ويجمعنا قلب واحد فالحدود وجدت سوى لتحديد المعالم لا غير

[ملكة العز]

صباح الخير والنور يا عزيزة

اولا نشكرك على الاجابة بالرغم من اني طلعت خاطئة في تشبيهي
اختي ا نا شبهت عليك خاطر كانت تدرس معايا واحدة في تلاوة القران هذا العام واسمها عزيزة وحسب انت كاتبة في اسمك المستعار عزيزة87 وكذلك في توقيعك فهمت انا باللي انت من مواليد 1987 حتى هي ثاني قدك قلت انا ممكن تكوني انت ومادام قلتيلي انك من الجلفة خلاص تاكدت انك مشي هي
على العموم تشرفت بمعرفتك اختي وقاع ناس الجلفة والاغواط وكلنا من الجزائر العزيزة ولا يهم الشما او الشرق او الغرب كلنا جزائريين ويجمعنا قلب واحد فالحدود وجدت سوى لتحديد المعالم لا غير

صباح الورد والياسمين .يا بنوتة سوفية
انا ايضا تشرفت بمعرفتك اختي الكريمة ومرحبا بك في اي وقت واي استفسار راني هنا راكي كي اختي :dj_17:
:1::mh92:

[مصطفى 4]

السلام عليكم و رحمة الله تعالى و بركاته

أول شيء الحاجة المليحة فيا أنني إنسان صريح و ما يسكتش على الحق و هذه حاجة حد ما يحسدني عليها
أما الحاجة الماش مليحة فيا والفت التفنيين و أنا إنسان ضرحان طول الوقت لكن وقت الجد تلقايني أنا الأول.
ههههههههههههه والفنا نمنشرو في الناس بصح بموضوعك هذا فقنا لرواحنا
جزاكي الله ألف خير على الموضوع الرائع

[ملكة العز]

السلام عليكم و رحمة الله تعالى و بركاته

أول شيء الحاجة المليحة فيا أنني إنسان صريح و ما يسكتش على الحق و هذه حاجة حد ما يحسدني عليها
أما الحاجة الماش مليحة فيا والفت التفنيين و أنا إنسان ضرحان طول الوقت لكن وقت الجد تلقايني أنا الأول.
ههههههههههههه والفنا نمنشرو في الناس بصح بموضوعك هذا فقنا لرواحنا
جزاكي الله ألف خير على الموضوع الرائع

نورت يا مصطفى 4بوجودك وصراحتك ..
قليل ما نجد انهم ما يسكتوش عن حقهم نظن احسن صفة تهلى فيها
اما التفنيين عادي المهم في وقت الجد نلقاوك ههههههه :dj_17:بك في اي وقت

[ريمة14]

لنا الصفة التى تزعجني اني سريعة الغضب و القلق

[ملكة العز]

لنا الصفة التى تزعجني اني سريعة الغضب و القلق

مشكورة اختي على مرورك العطرنورتي موضوعي
بصح نزيد نقلقك الصفة الجميلة الي فيك واش هي ؟ههههههه انتظر ردك حبيبتي
:dj_17:

[madjda1991]

هذا موضوع روعة الصفة لي مش مليحة فيا هي اني حساسة فوق من اللزوم وصفة لمليحة اني نحب كل الناس ونحبلهم الخير ونشتي نساعدهمبزاف بزاف

[lana44]

والله الصفة السيئة فيا هي أني أبكي لأتف الأسباب بمعنى حساسة جدااااااااااااااااااااااا
أما الصفة الجيد فيا هي أني صادقة مع نفسي ومع غيري
شكراااااااااااااااااااااااااااااااااموضوع رائع

[ملكة العز]

هذا موضوع روعة الصفة لي مش مليحة فيا هي اني حساسة فوق من اللزوم وصفة لمليحة اني نحب كل الناس ونحبلهم الخير ونشتي نساعدهمبزاف بزاف

انت الرائعة حبيبتي بممرورك العطر وصراحتك
وانا نقلك انت حساسة لانك صادقة
نورتي :mh92:

[ملكة العز]

والله الصفة السيئة فيا هي أني أبكي لأتف الأسباب بمعنى حساسة جدااااااااااااااااااااااا
أما الصفة الجيد فيا هي أني صادقة مع نفسي ومع غيري
شكراااااااااااااااااااااااااااااااااموضوع رائع

مشكووووورة لانا نورتي موضوعي المتواضع
من اسمى الصفات الصدق حافظي عليها حبيبتي
نورتي :dj_17:

[دموع الحيــاة]

الإنتقــــــــــــام

[المبروك سعد إبراهيم]

الإنتقــــــــــــام

إن شاء الله
يارب
يارب يارب
يارب يارب يارب
يارب يارب يارب يارب
يارب يارب يارب يارب يارب
يارب يارب يارب يارب
يارب يارب يارب
يارب يارب
يارب

آمين
آمين آمين
آمين آمين آمين
آمين آمين آمين آمين
آمين آمين آمين آمين آمين
آمين آمين آمين آمين
آمين آمين آمين
آمين آمين
آمين

[ملكة العز]

مشكورين ع المرور ...
دموع الحياة
المبروك سعد ابراهيم
لكن لماذا الانتقام ..؟ كاين ربي وكلوه

[المبروك سعد إبراهيم]

إلى الأخ azo87aziza
لم تفهم قصدي ،
فأنا فرحان و أدعوا الله أن يزيل الإنتقام من صفات أختي الصغيرة دموع الحياة

[فاطمة الباتول]

سلام
انا الصفة الي مليحة فيا اني اذا احببة شخصا احبه حبا اعمى
ولكن الصفة الي مش مليحة فيا اني اذا كرهت هذا الشخص اكرهه هرها اعمى
يعني بالمختصر المفيد احب الى ابعد الحدود واكره الى ابعد الحدود
وشكرا

[ملكة العز]

إلى الأخ azo87aziza
لم تفهم قصدي ،
فأنا فرحان و أدعوا الله أن يزيل الإنتقام من صفات أختي الصغيرة دموع الحياة

ممشكووور اخي المبروك سعد ابراهيم ع التوضيح
لكن انا بنت يا اخي الكريم
:dj_17:بك في اي وقت

[ملكة العز]

سلام
انا الصفة الي مليحة فيا اني اذا احببة شخصا احبه حبا اعمى
ولكن الصفة الي مش مليحة فيا اني اذا كرهت هذا الشخص اكرهه هرها اعمى
يعني بالمختصر المفيد احب الى ابعد الحدود واكره الى ابعد الحدود
وشكرا

نورتي فاطمة الباتول ومشكوووورة ع صراحتك
:dj_17:

[المبروك سعد إبراهيم]

ممشكووور اخي المبروك سعد ابراهيم ع التوضيح
لكن انا بنت يا اخي الكريم
:dj_17:بك في اي وقت

السلام عليكم ورحمة الله و بركاته
إعتذر رسميًا و أمام الملأ
و لك آنستي كل الإحترام