طلب مساعدة حول المنحة الجامعية

[نفيسة العلم]

السلام عليكم انا طالبة سنة 2 ماست حقوق مند 5 سنوات و انا ادرس و لكن لا اتحصل على المنحة كباقي الطلبة و السبب هو ان ابي متواجب بالخارج مع العلم ان والدي ليس له الجنسية الفرنسية و انما الجزائرية فقط و هو الان في سن التقاعد و لكن ليس له بطاقة التعريف الوطنية الصادرة من الجزائر و انما من القنصلية الفرنسية
السؤال هو--
كيف يمكنني الحصول على شهادة عدم الخضوع للضرائب مع العلم ان والدي ليست له اي ضرائب
-و هل يحق لي اخد المنحة الدراسية
-ماهي الوثائق الازمة
شكرا و اتمنى المساعدة من دوي الخبرة

[مبروكة الصحراء]

خير من يجيبك على هذا السؤال هو مصلحة المنح عندكم هم أدرى بذلك
لكن منذ 5 سنوات أين كنت؟؟؟؟
بالتوفيق

[dz_alawal]

أنا عندي نفس المشكل أخي بصح قدرت نجيبها. أنا خرجت شهادة إدارية من الخزينة بجواز السفر وجبتلهم بطاقة الناخب القديمة تع الوالد، ومن ثماك اديتها لقباضة الضرائب بنفس الوثائق مع الشهادة الادارية. وخرجتها.
بصح خطرة ماحبوش يخدموهالي هكدا وليت جبت الفوتوكوبي على القديمة وخدمولي عليها وحدة أخرى.
بصح في المنحة تجيك مشكلة أخرى هي كشف الراتب تع باباك، أولا لازم مايكونش طالع بزاف بالاورو. والشيء الاخر يطلبوا تحويل قيمة الراتب بالاورو للدينار. وهذه ماتجيبها غير من البنك المركزي وبالمعرفة ثاني، وإلا مايعطوهالكش. يعني مرضها أكثر منها.

بصح ننصحك، لوكان عند باباك la carte national (photocopie) شهادة بطالة ليه وليماك وخلاص. هكذا تتجنب المتاعب هذيك. بصخ تبقالك قفازتك في شهادة عدم الخضوع للضريبة ليك ولباباك وليماك. خويا هذي هي بلادنا وش تدير؟

[نفيسة العلم]

السلام عليكم اصدقاء شكرا على الرد و لكن بالنسة لامي فهي متوفية وهد المدة تاع 5 سنوات كنت كل ما نمشي عند مصلحة الضرائب يبداو يبلكو عليا و عندهم غير نفس الكلام تحسب صابوها سبة بلي والدي في الخارج
dz-lawal الفرق بيني و بينك هوان الوالد نتاعي ماعندهش حتى ورقة في الجزائر ماعدا شهادة الميلاد حتى مين يحب يشري سيارة و لا سكن كان يشريهم باسم الوالدة الله يرحمها ثم تتنازلو شكرا

[مهدي رو]

في الجامعة التي انتمي اليها المنحة تخضع لمبدأ الميزانية. يعني حتى و لو جئت بالوثائق المنحة الوحيدة التي تستطيع اخذها هي منحة السنة الجارية بتعبير اخر لن تستطيع أخذ منح السنوات الماضية
بالتوفيق