المساعد الشخصي الرقمي

مشاهدة النسخة كاملة : قاطو le0s p+aot

نجيب نوفل
2011-08-11, 22:02
http://img105.herosh.com/2011/08/11/153370812.jpg
djeradi75
2011-08-12, 11:09
مليح اين المقادير من فضلك
amouna18
2011-08-12, 11:24
حبذا لو طريقة التحضير

شكرا ع العموم
نجيب نوفل
2011-08-13, 05:04
انا اسفة لاني محطيتش المقادير والطريقة لعجينة لي عندي جات شوية يابسة حبية نسقسيكم شكون لي دارتو من قبل وشكون يشوفلي السينيات لي يطيب فيها شحال يتباعو توالكم
remadna
2011-08-13, 08:14
ما اسم القاطو؟ لم اعرفه
هات الوصفة نجربوها ربما اخطات فيها
السينيات تاع الحديد تتراوح اسعارهم بين 3 و 5 دج في بسكرة
نجيب نوفل
2011-08-16, 15:38
السلام عليكم اخواتي انا اسفة لاخاطر طولت عليكم انا اني لقيت الوصفة ونتمنى جربوها لاخاطر والله قاطو هايل يليق تديه لعروسة معاها
القاطو اسمو les peaux
العجينة
250غ سمن مدينة +2كيسان سكر رطب+4بيصات (2كاملين و2 غير الصفار)+مغرفة كبيرة فاني+مغرفة صغيرة خميرة+ونشفي بالفرينة
الكريمة
عصير6حبات ليمون +قشور 2 حبات ليمون +2كيسام ماء+4صفار بيض+مغرقة زبدة+5مغارف نشاء+كاس او 2 كيسان سكر عادي انتي واش حبيتي على لحلاوة
(ملاحظة ايلا حبيتي ماديريش لاكرام باتيسيار هادي احشيه بنيسلي مضاف اليه قيس5الاف دج جوز مكسر برك ماشي مرحي ولا نوتيلا )
الميرانق
2بياض بيض+رفعة ملح يطلعو ثلج
كاس سكر وكاس ماء حطيه يغلي على النار حتى يخثار ماتخليهش يحمار يخثار كيما لعسل يولي يتعالك وهو يغلي فرعيه فوق البياض وتبقاي تخلطي فيهم من بعد حطيه في حمام مائي مع استمرار التحريك من بعد زيدي 3 الى 4 معارف كبار سكر رطب

كي طيبي هاديك لعجينة داخل لي مول شعليلها غير من تحت وخليها حتى تحمار كي تخرجيهادهني من داخل بالشيكولة وفرعي هاداك النيسلي ولا لاكرام باتيسيار انا نفضل نيسلي خير لاخاطر يتكل وديري لميرانق من فةق بلابوش وحطيه يطيب بصح دوكا شعليلو عير من فوق قيس مايطيب الميرانق
التزيين
كي يطيب الميرانق زيدي ادهني الحاشية بالشيكولة وزينيها بالفسقق كيما في الصور وشهية طيبة نتمنى ديروه والله روعة
bassamat
2011-08-16, 16:26
اختى صح رمضانك

انا شريت لى مول فى الشتاء من سطيف ب خمسة الاف للواحد و هو يجى من حديد لي مايصديش
وراهم مستوردين وقاطوهم يحمر الوجه الا انو يشد اليد لانى شريت غير ستة
واذا حبيتى نقولك منين شريتهم رانى هنا
مطيعة الرحمن
2011-08-16, 16:35
الصورة غير موضحة جيدا لكن يعطيك الصحة على الوصفة و صح رمضانكم
نجيب نوفل
2011-08-16, 19:26
ايه قوليلي وين يتباع وايلا حبيتي اعطيني لاروسات نتاعو لاعادت ماهيش هادي
remadna
2011-08-16, 21:05
انا اسفة لاني محطيتش المقادير والطريقة لعجينة لي عندي جات شوية يابسة حبية نسقسيكم شكون لي دارتو من قبل وشكون يشوفلي السينيات لي يطيب فيها شحال يتباعو توالكم

هذا وين عرفت علاه جاتك العجينة يابسة في الحقيقة ماشي يابسة لكن تتقرمش يخي صح؟ سي نورمال لأنه السكر أكثر من الزبدة، السكر 2 كاس = 400 غ و الزبدة 250غ
المرة المقبلة ديري عجينة الصابلي : الزبدة 250غ و السكر 125 غ و 2 صفار راح يجيك يذوب في الفم مع الفرينة و الخميرة طبعا جربي حبة أولا في الفرن اذا عجبك أكملي العجينة
bassamat
2011-08-16, 21:41
رانى شريتهم من الميل كاتورز
و اختى شراتهم من المارشى تع ليميل
ورانى مجربتهم حلويين و مالحين يجو روعة
المالحين بعجينة بريزى
الحلويين راهم بالعجينة السابلى 125gزبدة 125 سكرو 250 فرينة و ملح وصفار بيضة
و الحشو رانى حشيتهو بكريمة الشامية هى كريمة مثل النوتيلا لكن مصنوعة من الجلجلان تتباع ب 15 الف
.ومن فوق الميرانغ
ونوعدك اذا درتهم فى العيد انحطلك الخطوات
نجيب نوفل
2011-08-16, 22:55
شكرا جزيلا اختي الفاصلة وجازاك الله الف خير انا في انتضار الخطوات وصحا رمضانك
OU SS AMA
2011-08-16, 23:37
بارك الله فيكم معليش توريلنا ليمول بالصور باه تسهلو علينا
روفيدا
2011-08-17, 12:49
شكرا جزيلا اختي الفاضلة