المقادير السرية للقب اللوز

[aminatoumi]

اليوم جبتلكم مقادير سرية للقلب اللوز مكانش اللي يعرفها ويخرجللك بنين كيما اللي يتباع .المقادير. 10كؤس لتاي سميد خشن +7كؤس لتاي سكر +3كؤس لتاي ماء الزهر .مقادير الشاربات..1لتر ماء+رطل سكر .طريقة التحضير . اخلطي كل من السميد +سكر+ماء الزهر حتى تولي عجينة طرية ادخليها الفرن واتركيها تنضج وبعد ذلك احضري الشاربات بمزج الماء مع السكر واتركيها تغلي مدة 20د لازم تخليها 20د متزيدي دقيقة وما تنقصي دقيقة باش تجيك مليحة ودعووووووووووولي

[remadna]

بعد الخلط ما يرتاحش نصف يوم؟

[أمال2008]

شكرااااا.............

[aminatoumi]

لالا اختي طيبيه ديراكت كي يطيب لازم تخليه في العسل نتاعو يشرب مليح كاين اللي يخلوه حتى يومين في العسل

[مريم قسنطينة]

شكرا جزيلا

[المتألقة]

شكرا لك .............................

[aminatoumi]

واش معناها فاقو والله العظيم غير هاذي المقادير سرية خبرتني بيها وحدة سبيسيال فيه على العموم جربيه وشوفي يا اخت اشراق وقولي شكرا

[remadna]

واش معناها فاقو والله العظيم غير هاذي المقادير سرية خبرتني بيها وحدة سبيسيال فيه على العموم جربيه وشوفي يا اخت اشراق وقولي شكرا

بارك الله فيك
أختي صدقيني كنت انوي تجربته لكن بعد يومين لأنني امس كنت قد عملت قلب اللوز تاع ام انفال
عندما نجرب تاعك راح نحط الصور باذن الله

[lamiak1]

مشكورة على الوصفة ساجربها على ضمانتك و تديريش في بالك النقد

[*عاشقة الجنة*]

شكرا على الوصفة
ولكن عندي سؤال:
متبسوش العجينة
يعني مكانش الزبدة؟؟؟

[mira27]

شكرا. راح نجربو.اذا نجحلي نحط الصور

[جمانة2008]

السلام عليكم, وعندك الحق يا أختي كي قولتيلها فاقو , أنا تكلحت جربتها ودرت كيما قالت الاخت, ربي يسامحها خسرتني فالوقت والمكونات, راهي تخرج يابسة حجر , الحجر يتكسر وهي ماتكسرتش , مليح الي تولهت الاخت عاشقة الجنة للزبدة, منا والجاي يا الاخت aminatoumi جربي قبل ما تمدي الوصفة, والتكليحة مليحة, أنا تبهدلت البارح, ربي يسامحك, رمضان رمضان.

[جمانة2008]

كيفاش طريقة أم أنفال مافيها الزبدة وهي دهنتها من الفوق بالزبدة وخلاتها ترتاح ,فهاداك الوقت تتغلغل الزبدة للداخل العجينة , مادابيا تجربي وقوليلي , صح فطورك أختي.

[remadna]

كيفاش طريقة أم أنفال مافيها الزبدة وهي دهنتها من الفوق بالزبدة وخلاتها ترتاح ,فهاداك الوقت تتغلغل الزبدة للداخل العجينة , مادابيا تجربي وقوليلي , صح فطورك أختي.

شفتي كيفاه درت مقدار 1 م ك زبدة وضعتها قطع صغيرة؟
من تجربتي الشاربات هي التي تخلي قلب اللوز طري ماشي الزبدة
لأنني جربتها للمرة 2 و دهنتها بالقليل تاع الزبدة و جاتني طرية

[remadna]

جربتها و جاتني ناجحة الحمد لله فقط الشاربات كانت اكثر من العجينة اليك تطبيقي
تطبيقي لقلب اللوز للأختين aminatoumi و miri_27 (سر نجاح الوصفة) (http://www.djelfa.info/vb/showthread.php?t=682446)
اكلوها كل في يومها الأول ما خلاوهاش تشرب الشاربات وهذا ما بقى في السحور:1:
http://up.djelfa.info/uploads/13130699194.jpg

[أمل العرب]

السلام عليكم صح فطورك
أختي الكريمة بالنسبة لقلب اللوزكاين اللي يشمخو وكاين اللي مايشمخوش بزاف
أن نعطيك تجربتين درتهم ونجحولي باذن الله وخرجلي خيرمن الي يتباع
الأول نعطيك الرابط نتاعو وجربتو عدة مرات وانجحلي وما يتشمخش بزااااف
وتبعي الردود تلقاي الي جربوه واعجبهم


قلب اللوز مضمون وعلى طريقة الغالية نسرين ربي يحفظها (http://www.djelfa.info/vb/showthread.php?t=612551)


الثاني تعلمتو من عند أخت لي في الله تعلم الحلويات وكان أسرع وأسهل وهو كالتالي

قلب اللوز
لكل تجربة للاول مرة جربي رطل سميد او كيلو
2 كيلات سميد خشين
1 كيلة سكر
نصف كيلة زيت
نصف كيلة ماء الزهر
نصف كيلة ماء
قرفة نصف مغرفة صغيرة
الحشو
3 كيلات للوز او كاوكاو
1كيلة سكر نقص 1 اصبع قرفة نرش بماء الزهر
الشربات
500غ سكر
1 لتر ماء
الديكور
حبات كاوكاو او للوز
نخلط السميد مع السكر جيدا حتى يصبح يبرق ونرمي القرفة فوقها
نزيد فوقه نصف كيلة زيت ونخلط جيدا
ونرش بالماء الزهر
نعمل بكف اليد كورة وادا تشكلت يعني حلاص ماء الزهر لان السميد كين اللي يشرب وكاين لا
نمسح السنوة جيدا بالزبدة نقسم العجين على 2 ونفرغ الخليط بدون الضعط عليه
في الوسط نعمل الحشو
ناخذ معرفة كبيرة وكاس ماء ونشمخ المعرف ونمسح من فوق حتى يتساوى السطح
نعمل خطوط مربعات و نرقش حبات اللوز او كاوكاو
الكوشة تكون سخونة جيدا
يطيب تقريبا ساعة وعندما يحمار من اطراف نشعل من فوق
ثم نخرجه ونسقيه بالسيرو
شهية طيبة وكل ما قعد يبرد يشرب السيرو
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/ysallftip85p.jpg (http://up.anavip.net/)



نخلط السميد مع السكر حتي تصبح كل حبة سكر مع حبة سميد تبرق 5 د

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/fucvots9mg5g.jpg (http://up.anavip.net/)

نفرغ الماء والماء زهر



http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/zldxwsh8ssz0.jpg (http://up.anavip.net/)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/k1o1ja78gi77.jpg (http://up.anavip.net/)



نستطيع ان لانكمل كمية الماء حسب السميد اذا كان يشرب او لا بهذه الطريقة عندما تحكم الكورة تتوقفي من وصع الماء

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/x8e8j178onvq.jpg (http://up.anavip.net/)

نفرغ الحشو بدون الضعط
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/jqzj6xx03y7q.jpg (http://up.anavip.net/)


ونرفد العجين ونفرغ فوق الحشو بدون ضعط بمغرف مبلول في الماء نمسح الوجه

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/yz0wv0fhjx1j.jpg (http://up.anavip.net/)
تعملي خطوط بدون ان تضعطي للاسفل السنوة غير من فوق لكي

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://dc09.arabsh.com/i/03026/onf48ngcm4mf.jpg (http://up.anavip.net/)

والان تدخليه للفرن درجة حرارة مرتفعة توضغيه في الوسط الفرن وتوجدي الشربات

ملاحظة /

تستطيعي تخليه يرتاح ليلة قبل الطبخ
الشربات لازم تكون باردة

[أمل العرب]

كل من الوصفتين نا جحتين مئة بالمئة فقط تبعي جيدا الخطوات
الوصفة الثانية تقدري تطيبيه في وقتو بلا ما يبات أما الاول فصاحبة الوصفة تقول لازم يرتاح على الأقل نصف يوم
وأنا ننصحك جربي الوصفة الثانية لأنها أسهل وأسرع وبعدما تنجحي باذن الله جربي الثانية وتنجحلك ثاني

نوريلك صور من تطبيقي للوصفة الثانية واحكمي بنفسك
http://img200.imageshack.us/img200/4407/image00228.png


وهذي عن قرب

http://img59.imageshack.us/img59/7448/image00231.png


واذا حبيتي تجربي حاجة قليلة
شوفي جيبي سنيوة صغيرة وأعبري فيها 2مشيربات تشيشة ونصف مشيربة سكر وهوما نا شفين
واذا جاتك فيا مليحة قريب تتعمر ديري فيها
وأعبري بالمشيربة
2مشيربات تشيشة ونصف مشيربة سكر ونصف مشيربة زيت
وامبعد تبعي الخطوات
واذا درتي سنيوة صغيرةديري الشاربات 250غ سكر في نصف لتر ماءوخليها فوق النار ربع ساعة لا أكثر
يعني ما تخليهاش تثقل باش ما ييبسش
وأنا مانخليهش يبات نديرو مباشرة ويجيني هاااايل
وما تنسايش كي تشمخيه لازم يشكل كرة كيما تقول صاحبة الوصفة وما تقوليش كثرتلو الماء ,,,بالعكس


وان شاء الله نكون قدرت نساعدك بهذا التفصيل الممل وكي تخدميه رديلي الخبر

وما تنسايناش من صالح الدعاء

[aminatoumi]

اختي جمانة انا هذا قلب اللوز مندرلوش الزبدة يجي بلا زبدة مرة اخرى جربي مليح ومن بعد اهدري بلاك كثرتي السكر هو اللي خلاهلك يابس لازم تعبري بالكاس نتع لتاي صغير ربي يسامحك على هذاك الكلام

[دموع الحيــاة]

دائماً أجرّبها بنفس هذه الكيفية
وبكل كيفية
ولكنها ليست كالتي تباع أبداً

[زيزو12]

قلب اللوز يتبسس بالزبدة و عينك ميزانك

[راجية غفران ربها]

وصفة مضمونة 100/100 و راني نطبق فيها من قبل شفتها في التلفاز و سماتها صحبتها وصفة 321 يعني 3 كيلات دشيشة 2 سكر 1 ما زهر و هي اقتصادية و مضمونة يعطيك الصحة أختي و ربي يهدي لي يدخل يسب و يشتم رانا كبار و نعرفو صلاحنا ماناش ذراري

[floraparadis]

جازك الله خيرااااااااااااااااااااا اختي الفاضلة

[الريح الهوجاء]

شكرا جزيلاااا

[salima14]

merci iiiiiiiii

[nina.16]

merciiiiiiiiiiiiiiiiiiiiiiiiiiiiiii

[لوزة2011]

الف شكر اختى العزيزة

[راجية غفران ربها]

شكـــــــــرا ً أخـــتـي الكريمة
و بارك الله فيك على المجهود وعلى الموضوع القيم
.جزاك الله خيرا

[الأمنيات]

http://www.muslmah.net/imgpost/11/f3807407fd2f236188aff7dd3428ca30.gif

[تغرينية]

بارك الله فيك

[❀•بَـهَـآءُ الْـرُوًحْ•❀]

رووووووووووووووووووووووووووووووووووووووووووووووووو وووعة\

[omkadi amina]

لا اسرار لا والو قلب اللوز لازم ليه عسل خفيف خلاص وكي نشربوه بيه وهو سخون ونرجعوه للفرن راه يتشرب الكميه والدشيشه فعلا ماتتشربش العسل الثقيل وفي نفس الوقت يزيد يتعسل هادا واش قالولي الي يخدموه والوصفات تختلف من وحده لوحده وهاد الوصفه تاعك مادا بيك تديريهالنا هاكا باش نجربوها ونقول لاي وحده تحب تجرب وصفه لازم تفوت كامل على الردود تاع الاخوات