اريد معلومات حول الاقامة الجامعية باب الزوار 1

[البلبل الجزائري]

السلام عليكم

انا بلال وجهت الى دراسة الطب في جامعة الجزائر 1 .... اما عن الاقامة فهي في اقامة باب الزوار 1

اريد ان اعرف معلومات عن هذه الاقامة ..... معلومات عامة ( عدد الاشخاص في الغرفة .. الـــخ..)

[19MOSTAFA]

ارجو الاجابة نحن في الانتظار

[houssem20057]

شخصان في الغرفة و احيانا 3 لكن لا يوجد ابدا 4.. الاغلبية يدرسون طب و جراحة اسنان.. كاين بزاف من الصحراء.. من الشمال شوية.. اتصل بي برسالة خاصة لمعلومات اكثر

[البلبل الجزائري]

شكرا لك حسام

لم اتمكن من ارسال رسالة خاصة لك ... يطلب مني الموقع ان يكون المرسل اليه من اعضاء المجموعات لم افهم القصد ....

على كل يمكنك تزويدنا بمعلومات عامة حول الاقامة (على هذه الصفحة) انت اعلم بحالها كما يبدو

نحن نتظر ردك اخي حسام

[houssem20057]

ok pas de probleme

[houssem20057]

انا ماحبيتش نقولك واش نعرف باش مانبهدلوش و نطيحو بروحنا خطرماش الاقامة راهي بصراحة ماشي مليحة. اسمها CUB1 او RUB1 كيف كيف. اختصار تاع Cité universitaire beb zaouar 1 ou résidence universitaire beb zouar 1. l.معروفة جدا باسم cub1 الغاشي كامل يعيطولها هكذا.

[البلبل الجزائري]

شكرا حسام على الاهتمام

..... احكيلنا يا حسام في واش ماراهيش مليحة؟؟؟ على الاقل نعرفوها قبل ما نروحولها ....... و قالولي بلي cub1 خير من cub3 صح؟؟

[houssem20057]

cub 3 الاغلبية مايقراوش طب يعني الاهار كامل يلعبو و الفوصى و هم 3 او 4 او 6 في الغرفة... الماكلة في cub3 خير من cub1
cub1 ايام مليحة ايام لا

[نورينور]

الاخ حسام ارجو ان تكلمنا عن الموقع بالتحديد ليسهل الوصول البها بسهولة لمن لا يعرف العاصمة. شكرا

[houssem20057]

شوف ca dépend اذا رحت في وقت الدراسة او الاستدراك راك تصيب les cousses يعني حافلات الجامعة في هذه الحالة انت تركب من خروبة و تروح الى تافورة (تافورة هي محطة حافلات معروفة جدا يوجد بها حافلات نقل حضري بجانبها حافلات الطلبة). انتم تركبو في تاع الطلبة مجانا تركب في تاع cub1 يحطك في الباب تاع cub1.. هذه اسهل طريقة.
اما اذا لم يكن هناك حافلات الطلبة تركب من خروبة (من الجهة الاخرى ماشي منين ركبت لتافورة) تركب في الحافلة تاع بومرداس او الرغاية او الرويبة قولو تحبسو تحت pont تاع باب الزوار.. كي يقولك نحبسو فيه اركب كي توصل للجسر تاع باب الزوار (pont) اهبط و بالاك ..دير حذرك كاين les agressions بزاف لتما .. كون ناشط برك و يقظ ما يصرا والو ان شاء الله.. اطلع فوق ال pont و روح لليسار امشي direct امشي امشي حوالي 400 متر تصيب cub1..

بالتوفيق
و ادعيولي برك ننجح في rattrapage

[kader hiphop]

بالتوفيق خويا ، ان شاء الله تنجح في الراتراباج وفي حياتك الدراسية كلها

-------------------------------------

اخي ربي يخليك زيد قولي ، الغرف ملاح ؟؟ نضاف ؟؟؟؟ احكيلي عليهم بدقة


------------------

هل هناك ويفي ؟؟؟ بالنسبة للدوش كاين ؟؟
مرافق للتسلية كاين ؟؟؟ سينيما كاين ؟؟؟ هل هناك من يدرس صيدلة ؟؟؟؟

[kader hiphop]

مسجد كاين ؟؟؟؟؟؟؟؟؟

[abderrahemane]

أنا عبد الرحمن من البرج أيضا بعثوني طب في العاصمة أرجو من الاخوة يزيدو يفهمونا مليح

[houssem20057]

c bon j t ai ajouté abdrahmane toi aussi

[abderrahemane]

mr6 normalement c bon

[Rolondo]

السلام عليكم

شوفي اخوتي أنا طالب طب و عندي 5 سنوات و انا بهاد الاقامة
الضروف ماشي مليحة و خاصة لطلاب السنة الاولي الجدد يجيهم 15 يوم الاولي صعيبة بصح مبعد توالفو بالروتين و توليلكم كلش نورمال كامل فتنا علي هاد المرحلة فقط الايام الاولي دور توال ناس تعرفهم باش ما تكرهش برك
الاقامة نتاع السنة الاولي 3 طلاب في كل غرفة هكدا واش راح دير و بالزيادة يبعتوك مع ناس ما تعرفهمش بصح شهر و يوليو حبابك نتاع الصح
المهم انا منيش نخلع فيك مي نحط فيك أما الامر الواقع لكن رح توالف و تولي كيفي
انا بعد 5 سنوات وأنا تم نعرف كلش عليها
علي العموم ستجد طلاب الطب و هم كثيرون و ماشاء الله متربيين و الحمد لله كما ستجد أناس من شعب اخري ربي يستر يخدمو غير العوجة لكن كل واحد في حالو
و تتعرف علي ناس من 48 ولاية
و بالنسبة للشخص لي رد عليك و قالك كاين ناس الصحراء بزاااف و ماكاش من الشمال بزاف نقولول ناس الصحرا ناس ملاح و كين غير يوليو كل الناس كيما العقلية و الهدوء نتاع ناس الصحرا حنا نتاع الشمال رانا ما بقا فينا والو العوج كل يخرج من عندنا

و في الاخير ستاتي و تكتشف ما تبقي في الاقامة التي ستقصي بها 7 سنوات بصح نقلك راك غير توالف تولي ما تخطيش

بالتوفيق لك اخي الكريم

[houssem20057]

magalna walou 3la ness essahra... khiar enness.... ana gotlou kaynin bzef bark.. mayhatach roho kima fi la cité de annaba ou sétif....ect

[خليل7]

شكون لي راه يهدر على cub1
إقامة مليحة مقارنة بالأخرين


ناس متربية
تاع قراية
خاطيهم لمشاكل
زيد

قالك كاين تاع الصحراء
والله غير نعرهم ناس ملاح وفور


في مسجد شادينو تاع واد سوف
في ستاد
يهاا
كلش


أقرااااا برك

[bahayou]

Je vois qu'on va souffrir un peu avec tout ce que vous racontez

[ademkettab]

انا ايضا اريد معلومات عن هده الاقامة

[ademkettab]

ou est la reponse????

[imad.3023]

هل هناك السرقة في هده الإقامة و كيف يتم التنقل من الإقامة إلى الجامعة والعكس ( أي أين يتم توقف الحافلات الخاصة بالطلبة )
أنتظر الرد السريع من أي متطوع خاصة ذوي المعرفة . شكرا مسبقا

[drnafser]

.......................................