إلى طلبة الهندسة المعمارية في زرزارة [الأرشيف] - منتديات الجلفة لكل الجزائريين و العرب

haythamo

2011-08-05, 18:26

السلام عليكم و رحمة الله و بركاته
الإخوة و الأخوات اللي يقراو في زرزارة عندي سؤال
أنا تحصلت على البكالوريا بمعدل 14.22 و بعتوني هندسة معمارية و عمران جامعة جيجل
وراني حاب نبدل لزرزارة لاكان كتب ربي
مع العلم معدل القبول العام هذا 14.75 ما يعني أنني رايح نبدل معريفة
ولكن خوفوني قالولي صرات من قبل و اك تقرا تقرا
كي توصل باه تهز الديبلوم ما يمدوهولكش يطلبو كشف نقاط البكالوريا
و يقولولك كيفاه حتى دخلت تقرا هنا ما عندكش الحق
مما يعني ضيعت 5 سنين خسارة

حبيت نعرف إذا كاينة منها صح ولا غير هدرة راني مالقيتش روحي
وجزاكم الله خيرا

أملي الحزين

2011-08-09, 12:10

السلام عليكم
و الله انا ثاني من ميلة و بعتوني لجيجل بصح حابة نبدل لقسنطينة.........
يعني نفس المشكل
أرجوكم لي عندو معلومات يفيدنا