لكل من سجل ببكالوريا أحرار

[ندى1991]

من فضلكم هل تمكنتم من الحصول على إقامة في الجامعة معى أنك مسجل في إقامة أخرى في الأعوام السابقة
و هل يمكن الحصول على منحتين

[ندى1991]

و هل يمكن دراسة تخصصين

[omnia92]

اظن يمكن اختي
انا مسجلة بجامعتين ورحت سجلت البارحة وعادي لكن في جامعتين مختلفتين
لا اعرف هل ساخذ المنحة الثانية او لا
وان كان لي حق في الاقامة لكني لست مقيمة بالبكالوريا الاولى

[ندى1991]

أنا أيضا مسجلة في جامعتين مختلفتين و لكن عندما دهبت للحصول على الاقامة طلبو مني شهادة الرسوب تاع العام الماضي و لكنني لم أرسب العام الماضي كما قلت كنت أدرس في جامعة أخرى

[omnia92]

لماذا قلتي انك مسجلة ببكالوريا اخرى اختي
في دزاير كلشي بالدز
الذب وبرك

[ندى1991]

لأنو في شهادة البكالوريا يقدرو يعرفو بلي مسجلة باك ليبر يعني تكوني راسبة و لاناجحة لهدا إدا كنت راسبة يطلب منك شهادة الرسوب أما إدا كنتي ناجحة يكلبو منك شهادة الباكالوريا تاع العم الماضي للتأكد من أنك غير مسجلة من قبل

[مريم قسنطينة]

سلام ، ما كانش منها منحتين ، في حالة ما إذا تم ذلك كي يفيقو يحاسبوك و يتابعوك قضائيا و يحرموك من المنحة

[ندى1991]

سلام أختي و لكني نعف وحدة كان عندها منحتين
هل يمكنني الحصول على أقامتين

[omnia92]

انا ماعلااباليش مي رحت سجلت نورمال
وعطاوني شهادة تسجيل وكلشي وغدوة نرجع نحط ملف الاقامة وملف المنحة بعد رمضان


غدوة نروح ونشوف ومولااها ربي

[omnia92]

ماكانش منها شهادة الرسوب هادي جامي سمعت بيها اون+ يعني رح تدفعيلهم شهادتي بكالوريا باه تسجلي فيليار وحدة
مولاها ربي
غدوة نروح نشووف

[ندى1991]

أنا تاني عطاوني شهادة التسجيل و لكن كي رحت نحط ملف الاقامة ماقبلونيش

[omnia92]

وقتاه هادا ؟

[ندى1991]

شكرا أختي و غدوى إن شاء الله خبريني واش صرا معاك

[omnia92]

ان شاء الله ختي
مي قوليلي الباك الاول والثاني سجلتي بيهم في نفس الجامعة ؟

[ندى1991]

البارح رحت نحط ملف الاقامة

[omnia92]

نفس الجامعة ؟؟؟؟

[ندى1991]

لا في جامعتين مختلفتين
العام الماضي البليدة وهدا العام وهران

[omnia92]

مانعرف
غدوة نشوف ونرجعلك

ان شاء الله خير
ديجا خوفتني الاخت هاديك قاتلك متابعة قضائية ولا مانعرف وااش

[ندى1991]

يا أختي كل جامعة وكيفاش أنا العام الماضي كنت نعرفوحدة تدي منحتان و لكن في جاعة اخرى

[omnia92]

سلآم عليكم
لقد عدت الان من الجامعة
نعم سجلت ببكالورتين مختلفتين
تم قبول ملف الايواء
لكن قيل لي ان ملف المنحة من الافضل الا اضعه لان القائمة الخاصة بالمنحة وطنية وليس مثل الايواء كل جامعة قائمة بذاتها
قيل لي ايضا اذا وضعت ملف المنحة الثاني سافقدهما الاثنين اذا تم اكتشاف الامر

لكن استطيع ان ادرس واحصل على ايواء بالبكالوريا الثانية عادي يعني

[ندى1991]

يعني كل جامعة و كيفاش تخدم

[omnia92]

ايه نظن كل جامعة كيفاش نخدم
والاعوان عرفو بلي نقرا في جامعة اخرى ورح نسجل تما ونورمال

[ilyes_909]

ana tani sajelt f 2 filliere w dart ikama mais madertch la bourse
w fatet normal

[omnia92]

ana tani sajelt f 2 filliere w dart ikama mais madertch la bourse
w fatet normal




انا تاني خويا كيفك هكا
ممكن نعرف واش راك مسجل بيهم الباكات تاعك الزوز ؟

[haythamo]

جماعة أنا تاني مركيت بالباك التاني وقالولي ماتحطش المنحة يديرولك مشكل
بصح انا الإختصاص الأول احتمال كبير نبلوكي
كيفاه 2 باك ومانديش المنحة خلاص ؟ تبا لك يا بلادي

[haythamo]

جماعة أنا تاني مركيت بالباك التاني وقالولي ماتحطش المنحة يديرولك مشكل
بصح انا الإختصاص الأول احتمال كبير نبلوكي
كيفاه 2 باك ومانديش المنحة خلاص ؟ تبا لك يا بلادي

[dbente1]

السلام عليكم
يا خاوتي انا لما رحت نسجل قي جامعة سطيف عطاولي ورقة نعمرها اذا كنت مسجلة فيليار اخرى ما نقراهاش والا يتم الطرد سواء الفيليار في زوج في جامعة وحدة ولا مختلفين.. هذا لي كنت ناوية ندير ترونسفار بالباك الاول قالولي ممنوع؟؟؟
اما عن المنحة كاين لي دايرين زوج وحتى الاقامة ولكن غير قانوني اذا فاقولهم راحو فيها..
والله اعلم

[ilyes_909]

ana mdayer hydrocarbures et chimie f boumerdes w science de la matiere f bab zouar

[omnia92]

خويا الياس تقدر تقراهم في زوز زعما ؟
يعني مسافة من بومرداس للعاصمة ماتقلقكش
واذا طاحولك لي td في زوز مع بعضاهم واش تدير ؟
انا تاني راني حايرة
راني دوزيام اني اونجلي وسجلت علوم المادة هاد العام

والجامعات بعاد على بعضاهم 50 كلم
زعما نقدر نوفق بيناتهم ؟

[omnia92]

خويا الياس
ربي يوفقك مي زعما تقدر لتخصصين في نفس الوقت وواش تدير اذا طاحولك التيديات مع بعضاهم

ننسال فيك خاطر انا تاني مسجلة دوزيام اني انجليزية وسجلت علوم المادة هاد العام
والجامعات بعاد على بعضاهم 50 كلم
يعني نقدر نوفق بيناتهم
اعطيني حل مليح اذا تقدر خويا

[ilyes_909]

salem omnia
ana nchalah nakrahom f 2 parck kif kif fi les modules w kraya mahsoub kifkif
w distance matkalaknich puisk binathom a peu pres 20 min fi train
f w les td ida tahou maa ba3dahom mara nakra f boumerdes w mara f alger w nwasi shabi yakrawli les td
w ida tahou les examens kifkif lazem aalia nkhali wahda
w nti kifah rah diri

[omnia92]

مانعرف
مي في الانجيليزية عندي نهارين كاملين فارغين
نشوف كيفاه نبدل لقروب معظم تيديات تاعو النهارين هادوك والباقي مرة هكا ومرة هكا

وزيد صحبتي معايا هكا هيا تاني يعني نتعاونو
وعندي صاحبتي راهي طلعت دوزيام درك علوم المادة
نجيب من عندي الكاييات نقرا عليهم
واذا طاحو الامتحانات مع بعضاهم
نراطي وحدة
ونعوض في الراتراباج الله غالب

[ilyes_909]

win takray science d l matiere

[omnia92]

في عنابة خويا

[ilyes_909]

w tnajmi takrayhom fi 2

[omnia92]

wéé inchalah

[ilyes_909]

ok alah y3awnek
bon courage

[omnia92]

mrciii a
bon courage aussi frére