بنات جربت قلب اللوز بعد طول....

[ملكة الورود]

السلام عليكم


أنا عمري ماصدقلي قلب اللوز و كنت دايما ندي الوصفات من المنتديات و هاد المرة قلت نحاول نجمع كل الوصفات في وصفة وحدة و جربتو و جاني يهبل حتى عطيت لراجلي منها قالي ابداي تخدمي و أنا نبيـــــــع ههههههههههه:1:
المهم المقادير هي :
3 كيسان (750 غ) سميد موايان
كاس ونص سكر
100 غرام دهان..... سمن المدينة
ماء زهر
قرصة ملح



الطريقة :
تخلطيهم مع بعض و تحطي السمن تاعك و توليي تفتفتي فيه شغل كيما اللي تديريه للمقروض و أمبعد ترشي بماء زهر كيما الطعام الكسكس
ماتكثريش ماء زهر
المهم تخليه ترتاح و إذا حسيتيها ناقصة مازهر تزيديلها
و امبعد تحطيها في سينية و أهم حاجة تدهني وجه اسينية بالسمن
و الشربات :
كيلة سكر بزوج ماء
وماتنساوش تغطوه باه تجي الطبقة الفوقانية لينة وشكرا
وكل اللي تجربها و تنجحلها تدعيلي ربي يسهل زواجي كل مانفيكسو لادات يتأخر مكتوب ربي ****حكاااات قصة حياتها ههههههـ
شكرا رمضان كريم

[halotfi]

يعطيك الصحة ختي

[remadna]

يعطيك الصحة
انا جربت طريقة ام انفال و الحمد لله جاني ناجح

[نورة]

وعليكم السلام
يعطيك الصحة وربى يوفقك فى جميع امورك

[إيمان سارة]

ومافيهش اللوز؟
شكرا على الوصفة

[imanemosta]

merci khti rabi ykalik

[لغة انسان]

الله يبارك عليك حتى مرت خويا ديروا كيف هك اليوم ديرناه ....

[ملكة الورود]

شكرا حبيباتي على ردكم المشجع جزاكم الله كل خير
أما بالنسبة اللي سقسات على الحشوة تقدري نتي تديري الحشو أنا درتو بدون حشو


يعطيك الصحة
انا جربت طريقة ام انفال و الحمد لله جاني ناجح

شكرا أختي رماضنة أنا أصلا طريقة أم أنفال و تجربتك ليها شجعتني نبدا بيه
الله ينورك شكرا على مرورك

[نجاة85]

شكرااااااااااااا

[امل العاتر]

يعطيك الصحة

ربي يسهل زواجك ويرزقك الزوج الصالح

[floraparadis]

شكرااااااااااااااااااااا
بارك الله فيك علي افادة

[ام هالة شهرزاد]

ههههههههههههههههههههه علاش لا اختي اذا كنتي شاطرة رايحة تبيعي وبالكوموند قاع هههههههههههههههههه
باينة عليك ضحوكية
جبتي لي ضحكة مودرة
يا ريت اختي لوكان صورة نشوفوها

[zoubidaas]

يعطيك الصحة اختي
انا دايما نجربو ومايصلحليش وهذي المرة جربتو وخرج يهببببببببل

[lili2]

ربي يسهل زواجك
ويرزقك بدريا صالحة
ماتنايش ديريلنا حلوة نتاع عرسك

[ملكة الورود]

ههههههههههههههههههههه علاش لا اختي اذا كنتي شاطرة رايحة تبيعي وبالكوموند قاع هههههههههههههههههه
باينة عليك ضحوكية
جبتي لي ضحكة مودرة
يا ريت اختي لوكان صورة نشوفوها

ههههههههههه الله يحفظك حنونة
والله غير كليناه قبل مانصورو بصح كي نخدم نصورلك حنونة
شكرا
جزاكم الله خير على المرور
صح رمضانكم

[omo mazen]

يعطيك الصحة

[om nour]

الف شكر يا ملكة الورود ومن فضلك قوليلى واش محسوب وماتنساوش تغطوه باه تجي الطبقة الفوقانية لينة وشكرا

وقتاش مين يكون فى الفرن و واش نديرو غير ماء زهر الماء لا لا و كى تطيب نرجعوه للفرن ارجو الرد باش نجربواا و صحا رمضانك

[ملكة الورود]

الف شكر يا ملكة الورود ومن فضلك قوليلى واش محسوب

وقتاش مين يكون فى الفرن و واش نديرو غير ماء زهر الماء لا لا و كى تطيب نرجعوه للفرن ارجو الرد باش نجربواا و صحا رمضانك

لا شكر على واجب
حنونة أنا كي طيبتو درتلو الشربات و رجعتو للفرن و هو حامي سخون و امبعد خرجتو و غطيتو حتى برد و تاكليه بالصحة و العافية حنونة و ايه أنا درتلو غير مازهر و ماتجريش الخلطة ديريها كيما الطعام رشيها برك و كي تحسيها ناقصة زيديلها
ان شاء الله يجيك هايل يااااااااااااااااااارب

[chahlazara]

الله يسهل امورك واللي فيها الخير ربي يقدمهالك

[غزالة الصّحراء]

يعطيك الصحة
انا جربت طريقة ام انفال و الحمد لله جاني ناجح

يعطيك الصحّة يا أختي رماضنة. أنا ثاني جرّبت وصفة الأخت أم أنفال جات هايلة هايلة هايله. ذوق وشكل. . واليوم درتها. الدّار كامل انتشرت فيه ريحة القلب اللّوز. ألي ماشافوه بالعين شموا ريحته . وعرفوا أمبلي حضّرتوا. وبعد ماسقيته. ماعندي مانقوللكم.
جربوه ماراحين تندموا. اقتصادي ولذيذ.:19::19::19::19::19::19::19::19::19:

[salim169]

شكرا اختي ، و أدعو الله أن يسهل زواجك ، و تمنياتي لك بحياة زوجية سعيدة

[Gulussa | GIMP]

كاين الي ماقلاش الخبز ياكلوه والصومال راهم ميتين و أنتي تمسخري بينا بهذا...نروح نشري سنيوى نتاع قلب اللوز و مانعييش روحي هكذا كامل.

20 دينار للوحدة هذا ماكان