مكانش كيما اللهجة العنابية [الأرشيف] - منتديات الجلفة لكل الجزائريين و العرب

مشاهدة النسخة كاملة : مكانش كيما اللهجة العنابية

sloum

2008-10-17, 12:13

ولي يقول لا يعطي الدليل هدرتنا فور خلاه و وحدها خير لعنانبة لي يقدوها وكلمل الجزائريين يحبوا يتعلموها ولا راني غالطة والي يحب يعرف كلمة يقولي برك
حقة عندنا كلمات جامي سمعتوهم يتسمعوا خير في عنابة والي جا عندنا ومفهمش كلما راني هنا نستنى ردودكم صحا

kokori

2008-10-17, 15:18

أنا حبيت عنابة وهدرت أهل عنابة ميلي سمعت أغاني لطفي دوبل كانون

علي النموشي

2008-10-17, 17:10

يقولو ناس زمان . العروس يشكرها فمها ولا امها . أنا نعرف عنابة مليح وخدمت فيها 10 سنين هدرتكم نشبه ياسر لهدرة التبساة والسوق هراسية والقالمية غير أنتم زدتو فيها حبة . ورحتو جبتوا اللكنة الطليانية ونحيتوا منها النبرة وزدتوها للعنابية !!! و زمان كنا نعرفوكم تقولو للذال دال والثاء تاء أما الان راكم نقصتوا ياسر حروف كيما الشاء ولت ساء عندكم والجيم ولت زاء !!! وممكن يجي النهار تعودوا تهدروا بحرف واحد برك . ولله في خلقه شؤون .

الى الاخت الكريمة ** sloum ** نحن هنا لسنا في مجال التفاضل بين الاعراق ولا اللغات ، بل نحن في نقاش موضوعي حول اللهجات . وانت من بدأ بالموضوع ورحت تميزين كلامكم على الناس ، و كأنه وحي يوحى وتنعتين البعض الاخر بالتوانسة !!! انا ما غلطت معك حتى تنقصين من هويتي ، وزد على ذلك مابهم التوانسة ؟؟؟ راكم العنانبة كل صيف تروحولهم لبلادهم تصيفو عندهم وتتمنوا تعيشو زيهم بالرغم من انو عندكم بحر يغرق بلدان كاملة ، والذيب كيما ماقدرش يلحق العنب قال عليه قارس . أو أنكم تنظرون الى الولايات الداخلية والصغيرة باحتقار ؟؟؟!!! قولي لي اشكون بنى عنابة بعد الاستعمار ؟؟؟ التباسة والسوق هراسية والقالمية وناس الطارف ، وكون نجوا نسقسوا عليك إنت من وين ضرك نلقوك من إحدى هذه الولايات . ونصيحة أخيرة مني لك أختي ** إذا كان بيتك من زجاج فلا ترم المناس بالحجارة ** إن أردت الكلام والرشق بالاقوال فالكلام ** بلاش وياطل ** نقدروا نهدروا منا للعام الجاي ومايفرغش .

sloum

2008-10-17, 19:05

ادا كانت عنابة هكا هدرتك كيفماه مهما تقول هدرت العنانبة شابة وتبقى ديما فور صح ث عندنا ت وذ د بصح تبقى حلو وكامل يستعرفوا بيها خير من هدرة التبسة وسوق هراس راهم حاسبين رواحم توانسة

بن عمر يوسف

2008-10-17, 19:22

déja ana mata3jabnich lahja el 3anabiya et pardon c'est mon opinion

شمعة ضياء

2008-10-17, 21:50

السلام عليكم
أرجو من الأعضاء الكرام الابتعاد عن المشاحنات و احترام لهجات بعضهم البعض
و على صاحبة الموضوع أن تفيدنا و ذلك بإدراج كلمات وعبارات باللهجة العنابية و شرحها حتى تعم الفائدة

sloum

2008-10-18, 05:48

الي يحب يعرف كلمة يقولي

misbahelayl

2008-10-18, 20:14

ما ينفع غير الصح لهجة الأمير عبد القادر ولا خليك

أبوبكر ملياني

2008-10-18, 20:25

والله على حدود علمي هدرة العنانبة أقرب إلى التوانسة و ثقيلة جدا و ما يميزها تذكير المؤنث و تأنيث المذكر....على العموم تبقى من اللهجات الجزائرية المتنوعة.

الأخ kokoriكلمات لطفي معبرة لكنه لا يغني هو مجرد يقولها و لا علاقة لها بالغناء يقلد أصحاب الراب و لا صلة لهذا النوع بالعادات الجزائرية.

cris

2008-10-19, 01:07

mdr........... اه يا العزيزة....هاديك هيا ........ ما كيش قايستها completment
كيما يقولو ....كل طير يلقا بلقاه... والخنفوس عند يماه غزال...ولا كيفاش يا لالــــــــــــــــــــــــــــــــة ؟؟؟؟؟؟؟؟؟؟؟
يمالا .... ادا راكي هاك...انقولك........
:::::
:::::
:::::
:::::
ما جاتش ف اللهجه كيما جاية في لكلام الميزون...واللسان لحلو......... يا العنابيـــــــــــــــــــــــــــــــــــــــــــ ـــــــــــــاااااا

gazize

2008-10-25, 21:01

اللهجة العنابية لهجة مليحه واش خاصها

selma23

2008-10-31, 15:40

مخالفة القوانين: الإساءة للهجات الغير

سيكون هذا أول إنذار لك

الإدارة

imane-23

2008-10-31, 15:55

عنابة مليحة بناسها ماشي بلهجتها وزيد نقولك فاها وباها واحد مايفهمهم جيبيلنا انت من عندك كلمات خاصين بيكم واشرحيهم حنونة

zakaria el-assimi

2008-10-31, 16:03

selma23

2008-11-02, 19:28

شمعة ضياء

2008-11-02, 22:09

صح الموضوع يضحك اكثر من الردود الجارحه الموضوعه انا عنابية ومنحبش عليها وماكانش قصدي نطيح في اللهجات لخرى بصح انتم با الاداره شفتوني غير انا بلاك الاخ او الاخت سلوم بدا بدايه غالطه بصح وش دخل لطفي دوبل كانون في الموضوع

تم تعديل مشاركتك السابقة و إعطاؤك إنذار لأنك تكلمت بطريقة غير لائقة عن اللهجات الأخرى و كان هذا واضخا لأي شخص يقرأ ردك
بالنسبة لدوبل كانو لادخل له في الموضوع كما أنه ممنوع التطرق للمغنين في هذا المنتدى

المهم سبق و أن قدمت ملاحظة حول الموضوع و تحذير من الردود الجارحة و أن يكون الموضوع هادفا للتعريف باللهجة العنابية
ولكن لا حياة لمن نتادي
و إن استمر الموضوع على هذا الحال سيكون مصيره الحذف أو الغلق
و كلامي موجه للجميع

أبو محمد الشرشالي

2008-11-04, 01:14

السلام عليكم جميعا
عيب يا جماعة أن ينحرف النقاش إلى تفاخر و إساءات للهجات الوطن.
و أقولها صراحة : اللي ماتعجبوش لهجة ، لا يقرأ الموضوع و لا يشارك فيه.
......
بخصوص لهجة أهل عنابة : مليحة ياسر و المليح فاها أنها من السهل الممتنع، تبان ساهلة لكن لا يتقنها إلا أهلها.
يخي هاكا يا بايبس....

selma23

2008-11-04, 18:07

صح اصحيبي مايفهمها غير صحابها وراه ساهله بزاف ورانا كامل نحبوا عنابه ونفناو عليها ا بايبس

روزانا

2008-11-09, 16:22

هدرت عنابة عادية علاش راكم تكبروا فلحاجة كثر ملي تستاهلوا انا مشي عنابية ونعرف نهدرها غي علا كلمة نتشا راها خالعتكم

عبور محمد

2008-11-09, 19:02

نتشه ا يما مخلعتناش ولا حابة تتقرعجي علينا وتعمري القرعة

selma23

2008-11-09, 20:47

علابلي بيلي تفهمني يا خالي وش راهم يحوسوا يقرعجوا علينا خلي نعمرولهم القرعه المرة هاذي
اللهجة العنابية ساهلة بزاف والي يحب يتعلمهاا غير يكون لسانوا خفيف وينطق الكلمه بسهولة صح شوية تاع قومينا بصح مع التدريب توالفوا عندنا حرف ث يولي ت كيما ثوم نقولوا توم وذ يولي د كيما دهب ماش واد دهب
و عضمة نقولولها عدمه ظ و ض تولي د
مش الفايده في اللهجه الفايدة انوا العقلية ouvert بزاف كلشي نورمال نحبوا نتقرعجوا على بعضانا ونكاشيو الدوسيات صحاب في بعضانا
عندنا طفلة والطفل يقدروا يكونوا صحاب وقدام ولديهم نورمال مكانش الي معندوش صديقه وكيفكيف للبنت كيما كاين صحاب من نوع اخر قدام الناس يعرفوا كيفماه يقادروا بعضاهم
بلاك تسمعوا بلي عنابة بلاد العراك على خاطر ناسها دمهم حامي ولصرات وواحد يوم فوتها يقعد يسال حسيفه لخر ويعرف كيفماه يتحلبلوا b1

يتبع

علي النموشي

2008-11-09, 21:18

واش selma23 راكي تغني في الراب ولا كيفاه ؟؟؟ علابالك باللي الراب هو غناء حكماء الشوارع ، و نظن الطرز صعيب عليك ... يعني لازم عليك اديري ستاج عند لطفي دوبل كانون تاعكم ... اه حقا نسيت هو ثاني لازم يدير ستاج عن mnm . 50cent . 2pak و لا راني غالط ؟؟؟

selma23

2008-11-10, 05:57

bien sur rak khalat

mimodz2

2008-11-10, 12:10

السلام عليكم
نحكيلكم قصتي مع عنابة
روحتلها في جوايه 98-99 صراولي فيها مشاكل ومنها اديت نضرة سيئة على عنابة ولكن
معنديش واحد الشهر من لي رحتلها فوجدت العكس تماما
والله رحبوا بيا بزززززززززززززززززاف
صدقوني بقيت ثما حوال 5 ايام
حسيت عنابة حلوة بزززززززززاف
والله يا هدرتها حسيتها حلوة اكثر
لا والله صدقوني عنابة؟ شبعه
بناسها وهدرتها وكرمها وربي ايجيب الخير

المحبوبة2

2008-11-10, 16:53

يا خي نورمال علاه قلبتوه زعاف خلينابرك نتعلمو شوية لهجات من البلاد.

انا ما نعرف والو على العنابية مي عنابة شابة كيما كامل الجزائر.

samirrr23

2008-11-10, 20:30

أختي هدرتنا العنابية ملاخة بسيف عليهم ............... أو خليك مليراطي لوخرين :cool:

روزانا

2008-11-11, 11:06

بزاف عليكم ياناس عنابة والله مركتوها صاي ياخي مراكمش ساكنين في المانيا حنا ولاد بلادي نصهم في للمان وعمرهم مزاخوا عادي ونتوما غي في الجزائر وباغين ديروا جنحة وطيروا

*ام* عبد الرحمن

2008-11-12, 15:38

السلام عليكم
و الله الناس يحكيووا في المهم و الاهم و احنا نبقاوا دايما مع le proverbe العزيز في مثل هذه المواقف (اتفق الجزائريين على الا يتفقوا) و نديروا زوبعة في فنجان ايا والله اللغة العربية لغة القران خيرمنهم اكل لا عنابية لا شاوية لا ....ext طبعا مع احترام الجهوية (اضرب النح)هههههههههههههه ايا اختي ارفدي ' متى فلاس اوذيصرى والو لاباس لاباس

صلوا على النبي المصطفى
صلى الله علية و سلم

شمعة ضياء

2008-11-12, 17:07

الموضوع مغلق