البتول سمية
2011-07-30, 10:58
السلام عليكم و رحمة الله تعالى و بركاته
جيتكم اليوم بقصة من الواقع و ياريت تعطوني رايكم بصراحة
بنت متجاوزتش العشرين من عمرها، تتمتع بدين و جمال و أخلاق و نَسب مرموقِين
كانت تتوجه ليها الأنظار بشكل يلفت الانتباه، و كانت كل مرة تجيها عروض تع الخطبة
لكن مازالت صغيرة و متعرفش على الحياة الزوجية ومعندهاش روح المسؤولية ..... على الاقل تكمل دراستها ف الجامعة .... هذي معظم الردود اللي كان يتلقاها الخطاب من أهل البنت
كملت دراستها و أخذت الدبلوم تعها ف جويلية 2009
فرحانة بزاف بالدبلوم هذا و كانت تتأمل تزيد تدرس و تبني مستقبلها بعيدا عن الحياة الزوجية ...
مر حوالي أسبوعين من اللي أخذت الدبلوم و إذا بيها تتفاجأ ب أستاذ كان يدرسها ف الجامعة (سنة أولى فقط) يجي يطرق الباب
يبحث عن أبيها يتحدث معاه حوالي نصف ساعة و من بعد يروح.....
اكتشفت البنت أنو هذا الأستاذ تقدم لخطبتها من عند أبيها....
الأب و من خلال حديثو معاه شافو إنسان متخلق، متدين، مربي، و وليد ناس... gentil .... و كان راضي بيه مبدئيا
البنت معرفتش واش تقول و قالت مدام الأب راضي بيه أنا و علاش منرضاش
الأب فضل يزيد يسأل على أهلو و عليه (حاجات عامة يعني) لكن الخاطب كان يتردد تقريبا يوميا على البيت و يقول للأب أنا حاب بنتك ...
..... الحين تمت الموافقة .... و باش تقدر البنت تحكي مع الخاطب لازم عقد شرعي
بدات البنت تجهز ف روحها معنويا للزواج و للحياة الزوجية، تم العقد الشرعي وبعدما حكات مع خطيبها فاجأها أنو قاللها من اللي درسها ف الجامعة يعني من حوالي اربع سنوات و هي ف بالو و حب يخطبها، بحث عن العنوان و عن أبيها ... وصار اللي صار
كان يسمعها كلام عمركم مسمعتوه حتى ف الأفلام... و يجيبلها هدايا كل مرة ....
البنت كانت فرحانة طبعا وشايفة ف هاذ الرجل زوج مثالي
و لكن مع مرور الأيام و من حديثها معو ..... عرفت أنو كان معجب بشدة باحدى الممثلات الأجنبيات، و البنت تشبه لدرجة كبيرة هذيك الممثلة......
صدمة و الله كبيرة
ماذا لو كنتي مكانها و اكتشفت أنو تمت خطبتك لمجرد انك تشبهي وحدة و أي وحدة؟ ممثلة أجنبية و الكل عارف حال الأجنبيات؟؟؟؟؟؟؟
حاولت البنت تغض النظر عن هذا الشيء وتكمل بشيء عادي .....
مرة أخرى يطلب شيئا غريبا..... (لا أريد كتابة أمور تخل بالحياء و لكم أن تتخيلو ما كان طلبه)
صدمة أخرى .... رفضت البنت طلبو طبعا..... و حاولت تنسى واش قال
بما أنو كان مخطط للعرس ف مارس 2010 ، هي كانت مشغولة بالتجهيزات للعرس
ف إحدى الليالي كلمها خطيبها ف الهاتف و قاللها عندي موضوع مهم حاب نحكو فيه
كالعادة قالتلو معلش رح نسمعك واش حاب تقول
و إذا بيه يفاجأها و يقوللها .... "راني عارف مرحش تسمحيلي كي تسمعيني بصح على بالي قلبك حنين وتقدري تفهميني.... فالحق أنا معدتش حاب نتزوج و راني شايف بللي تسرعت ف الزواج... أنا عندي طموحات أخرى... أنا مثل أي شاب حاب نروح لكندا و لا أي دولة أجنبية أخرى... مش حاب زواجنا يتم... وتاني ملقيتش فيك واش نحب .... انتي صح تشبهي ل jojo بصح ينقصوك بزاف حوايج باش تكوني كيفها... ..."
البنت كي لقات خطيبها يقول ف هذا الكلام مصدقتش و قالتلو واش تحب من الاخر.... قاللها "راني فكرت نفسخو العقد تعنا بصح بيناتنا فقط و نسمحلك ف كل شي ف المهر ف الهدايا ف كل شي ... المهم نفسخ...
صدمة أخرى أكبر...
تخيلي روحك اختاه ف موقف مشابه ماذا ستكون ردة فعلك.....
البنت هاذي ملقاتش روحها غير ف المستشفى واش من حقن و واش من سيروم و الأهل دايرين بيها
أخ البنت حكى مع هاذ الرجل و قلو اعطيني سبب مقنع: قالو يا درى شفتها مع رجل تاني، يا درى شفتها تحكي مع أي واحد؟. يادرى لقيت تصاورها عند شخص ما؟؟؟ قالو لا ذا و لا ذاك .... لكن ؟
مش عارفة واش قالو بالضبط المهم الأخ هذا قال لاختو و هو جد غاضب ميشرفناش نناسبو شخص كيمن هذا .... الحمد لله ربي يحبك و محبش يضيعك....
تم فسخ العقد و رجعتلو المهر تاعو و كل الهدايا و الخاتم و كل شي يتعلق بيه
يا درى واش قال هاذ الرجل لأخ البنت ذي ؟؟؟؟؟؟؟؟؟؟؟
ليكن ف علمكم .... البنت هذي الحين مخطوبة و تحضر لعرسها ف سبتمبر 2011 و لكنها مازالت مصدومة وخائفة من أن يتكرر نفس الشيء معها....
ما رأيكم؟
جيتكم اليوم بقصة من الواقع و ياريت تعطوني رايكم بصراحة
بنت متجاوزتش العشرين من عمرها، تتمتع بدين و جمال و أخلاق و نَسب مرموقِين
كانت تتوجه ليها الأنظار بشكل يلفت الانتباه، و كانت كل مرة تجيها عروض تع الخطبة
لكن مازالت صغيرة و متعرفش على الحياة الزوجية ومعندهاش روح المسؤولية ..... على الاقل تكمل دراستها ف الجامعة .... هذي معظم الردود اللي كان يتلقاها الخطاب من أهل البنت
كملت دراستها و أخذت الدبلوم تعها ف جويلية 2009
فرحانة بزاف بالدبلوم هذا و كانت تتأمل تزيد تدرس و تبني مستقبلها بعيدا عن الحياة الزوجية ...
مر حوالي أسبوعين من اللي أخذت الدبلوم و إذا بيها تتفاجأ ب أستاذ كان يدرسها ف الجامعة (سنة أولى فقط) يجي يطرق الباب
يبحث عن أبيها يتحدث معاه حوالي نصف ساعة و من بعد يروح.....
اكتشفت البنت أنو هذا الأستاذ تقدم لخطبتها من عند أبيها....
الأب و من خلال حديثو معاه شافو إنسان متخلق، متدين، مربي، و وليد ناس... gentil .... و كان راضي بيه مبدئيا
البنت معرفتش واش تقول و قالت مدام الأب راضي بيه أنا و علاش منرضاش
الأب فضل يزيد يسأل على أهلو و عليه (حاجات عامة يعني) لكن الخاطب كان يتردد تقريبا يوميا على البيت و يقول للأب أنا حاب بنتك ...
..... الحين تمت الموافقة .... و باش تقدر البنت تحكي مع الخاطب لازم عقد شرعي
بدات البنت تجهز ف روحها معنويا للزواج و للحياة الزوجية، تم العقد الشرعي وبعدما حكات مع خطيبها فاجأها أنو قاللها من اللي درسها ف الجامعة يعني من حوالي اربع سنوات و هي ف بالو و حب يخطبها، بحث عن العنوان و عن أبيها ... وصار اللي صار
كان يسمعها كلام عمركم مسمعتوه حتى ف الأفلام... و يجيبلها هدايا كل مرة ....
البنت كانت فرحانة طبعا وشايفة ف هاذ الرجل زوج مثالي
و لكن مع مرور الأيام و من حديثها معو ..... عرفت أنو كان معجب بشدة باحدى الممثلات الأجنبيات، و البنت تشبه لدرجة كبيرة هذيك الممثلة......
صدمة و الله كبيرة
ماذا لو كنتي مكانها و اكتشفت أنو تمت خطبتك لمجرد انك تشبهي وحدة و أي وحدة؟ ممثلة أجنبية و الكل عارف حال الأجنبيات؟؟؟؟؟؟؟
حاولت البنت تغض النظر عن هذا الشيء وتكمل بشيء عادي .....
مرة أخرى يطلب شيئا غريبا..... (لا أريد كتابة أمور تخل بالحياء و لكم أن تتخيلو ما كان طلبه)
صدمة أخرى .... رفضت البنت طلبو طبعا..... و حاولت تنسى واش قال
بما أنو كان مخطط للعرس ف مارس 2010 ، هي كانت مشغولة بالتجهيزات للعرس
ف إحدى الليالي كلمها خطيبها ف الهاتف و قاللها عندي موضوع مهم حاب نحكو فيه
كالعادة قالتلو معلش رح نسمعك واش حاب تقول
و إذا بيه يفاجأها و يقوللها .... "راني عارف مرحش تسمحيلي كي تسمعيني بصح على بالي قلبك حنين وتقدري تفهميني.... فالحق أنا معدتش حاب نتزوج و راني شايف بللي تسرعت ف الزواج... أنا عندي طموحات أخرى... أنا مثل أي شاب حاب نروح لكندا و لا أي دولة أجنبية أخرى... مش حاب زواجنا يتم... وتاني ملقيتش فيك واش نحب .... انتي صح تشبهي ل jojo بصح ينقصوك بزاف حوايج باش تكوني كيفها... ..."
البنت كي لقات خطيبها يقول ف هذا الكلام مصدقتش و قالتلو واش تحب من الاخر.... قاللها "راني فكرت نفسخو العقد تعنا بصح بيناتنا فقط و نسمحلك ف كل شي ف المهر ف الهدايا ف كل شي ... المهم نفسخ...
صدمة أخرى أكبر...
تخيلي روحك اختاه ف موقف مشابه ماذا ستكون ردة فعلك.....
البنت هاذي ملقاتش روحها غير ف المستشفى واش من حقن و واش من سيروم و الأهل دايرين بيها
أخ البنت حكى مع هاذ الرجل و قلو اعطيني سبب مقنع: قالو يا درى شفتها مع رجل تاني، يا درى شفتها تحكي مع أي واحد؟. يادرى لقيت تصاورها عند شخص ما؟؟؟ قالو لا ذا و لا ذاك .... لكن ؟
مش عارفة واش قالو بالضبط المهم الأخ هذا قال لاختو و هو جد غاضب ميشرفناش نناسبو شخص كيمن هذا .... الحمد لله ربي يحبك و محبش يضيعك....
تم فسخ العقد و رجعتلو المهر تاعو و كل الهدايا و الخاتم و كل شي يتعلق بيه
يا درى واش قال هاذ الرجل لأخ البنت ذي ؟؟؟؟؟؟؟؟؟؟؟
ليكن ف علمكم .... البنت هذي الحين مخطوبة و تحضر لعرسها ف سبتمبر 2011 و لكنها مازالت مصدومة وخائفة من أن يتكرر نفس الشيء معها....
ما رأيكم؟