من فضلكـم جاوبوني الله يستركم

[staifia]

السلام عليكـــم :
ان شاء الله تكونوا بخير ...... بمناسبة حلول شهر رمضان اهنيكم والله ينعاد علينا وعليكم بالصحة والخير و اليمن والبركات
انا ياخي درت فرونسي وما عطاوهاليش :confused: الله ينتقم منهم
عطاولي حقوق ع السعد المسود والعاقبة العوجة ....
اللي عندوا خبرة عيشكم قلولي ,,,, حقوق هادي كي نقراها وش فيها مليح ؟؟؟ وفي المستقبل وش نقدر ندير من غير محامية ؟؟
أفيدوني الله ينعم عليكم .. وشكرا
تقبلوا فائق احترامي وتقديري ...... / staifia

[staifia]

winkoooooooom

[snoopworld]

يا اختي هذي شعبة هايلة تقراي 4 سنين في الجامعة و امبعد ديري كابا و تولي محامية و لا ماحابيتيش تديريها تقدري تديري موثق noteur و لا محضر قضائي l'huissier de justice ولا تفوتي واحد كونكور و تولي قاضية و هذي كامل الخدمة فيها مضمونة 100ب 100

[staifia]

ايه انا جبيت ندير نوتار قداش نقرا و كيفاش ؟؟ مليحة او لا ؟

[staifia]

واشي هادا شحال بخلاء

[khaoula111]

ماشي نطيحلك في المورال مي والله نقعد في الدار وما نقراش حقوق

[staifia]

ماشي نطيحلك في المورال مي والله نقعد في الدار وما نقراش حقوق
نقرا حقوق ونخرج حاجة خير ما نقعد في الدار تاكلني البيدون والنشاف :19:

[SADAN]

شوفي اختي والله الحقوق هايلة انا طالب فيها وراني نقراها وكلها دروس ومحاضرات شيقة للغاية وانا اعتبرها احسن تخصص واصحابه دائما مثقفين يعفون القوانين ويعرفون مالهم وما عليهم وتقدري تخدمي كل شيئ الادارة القضاء الاعمال البنوك كل شيئ واخبرك بان في نظام الال ام دي يوجد تخصصات في فرع الحقوق وهي قانون الاعمال قانون عقاري قانون جنائي قانون اقتصادي الدواة والمؤسسات قانون اداري انها شعبة رائعة حقا

ولكن انا عن نفسي فاحسن تخصص للفتاة هو فراش الزوجية فهو الستر وحصن الفرج والنجاح واتمنى لك التوفيق

[nadjet45]

اختي كنت نقاع فيك تقولينا عطاوم فرونسي بصح حتى حقوق مليحة بصح فيها لحفاظة بزاف انا عطاوني علوم انسانية وغادي ندير ان شاء تخصص تاريخ

[staifia]

والله ماني حابة نقراها ,,,, وش ندير عيشكم قلولي نقدر ندير طعن ولا لازم معرفة ولا كيفاه ؟؟؟؟ تعيشوا فهموني وش نقدر ندير باش ندير فرونسي؟؟

[staifia]

علاش هادا البخل عليكم