سؤال عن وثائق التسجيل [الأرشيف] - منتديات الجلفة لكل الجزائريين و العرب

مشاهدة النسخة كاملة : سؤال عن وثائق التسجيل

ندى1991

2011-07-29, 11:47

السلام عليكم
بالنسبة للتعهد الممضي من طرف الاب هل يسلم من طرف الادارة أو من أين يمكنني الحصول عليه
أما فيما يخص ملف الايواء هل يسلم في نفس الفترة اللي نسلمو فيها الملف البيداغوجي

SaBriNa DZ

2011-07-29, 11:56

ايه صح انا تاني راني دخت ،، بليز جاوبونا

*نايلي*

2011-07-29, 12:14

مادوخو ماوالو انا العام الي فات خرجتو وماطلبوهش في أغلب الجامعات الي نعرفها ماطلبوهش
وهو عبارة عن وثيقة فيها تعهد الولي يمضي والد وتصادقي عليها في البلدية وهي مش مهمة
بالتوفيق

مريم قسنطينة

2011-07-29, 13:10

ملف الإيواء تدفعيه في هذه الأيام قبل ما يروح عليك الحال ، و التعهد اسألي الإدارة على خاطر كاينة الإدارة اللي تدير نمودج باه تجي الحالة منظمة و الولي تاعك يمضيها و تصادقلك عليه البلدية و كاين اللي تقولك دبري راسك أكتبيه انتي أو ولي أمرك

قمر الهضاب

2011-07-29, 13:14

وش فيه هذ التعهد على خاطر انا في جامعة بسكرة ولقيت فالملف نتاعهم كاين هذ التعهد وحبيت نعرف ثاني وش هو شهادة التسجيل اصلية كاين وحدة خاصة بملف الغرفة وحدة بملف المنحة ارجوا الاجابة يا جماعة

*نايلي*

2011-07-29, 13:21

ياجماعة انا العام الي فاتو خرجتو ومادوهش راهو مزال كيما هو
مش ضروري
انا العام اليفات مدولنا واحد هنا في المنتدى
راهو دايرو في موضوع
ادا لقيت الرابط راني نمدولكم ولا نكتبلكم النموذج ان استطعت
بالتوفيق

*نايلي*

2011-07-29, 13:24

تفضلوا التعهد هو في المرفق

مريم قسنطينة

2011-07-29, 13:27

مريم قسنطينة

2011-07-29, 13:30

التعهد هذا ، عطاوهولنا في بسكرة كي كنت مقيمة في الإقامة و ما يمضيه الولي ما والو الوثيقة هي مقررة مكتوب فيها بعض الشروط في اللإقامة برك

قمر الهضاب

2011-07-29, 13:32

شكرا اخي نايليضرك نامبريميه ونيكاليزيه والله نحيت عليا شقوة

انا تخصص علوم فلاحية اختي مريم في بسكرة

وقولولي وش هو شهادة التسجيل الاصلية منين نجيبها

قمر الهضاب

2011-07-29, 13:35

التعهد هذا ، عطاوهولنا في بسكرة كي كنت مقيمة في الإقامة و ما يمضيه الولي ما والو الوثيقة هي مقررة مكتوب فيها بعض الشروط في اللإقامة برك

يعني منديه معايا ماوالو ولا كيفاش وهذ الملفات نتاع المنحة والاقامة لازم ندفعوه هذ السمانة ولا نقدرو حتى لسبتمبر

*نايلي*

2011-07-29, 13:36

شكرا اخي نايليضرك نامبريميه ونيكاليزيه والله نحيت عليا شقوة

انا تخصص علوم فلاحية اختي مريم في بسكرة

وقولولي وش هو شهادة التسجيل الاصلية منين نجيبها
شهادة التسجيل اختي عندما تسجلين في الجامعة يقدمونها لك وأوصيك بأن تنسخي عنها +فوتوكوبي+
بالتوفيق

مريم قسنطينة

2011-07-29, 13:36

مريم قسنطينة

2011-07-29, 13:38

شوفي ما ديري تعهد ما والو أنتي روحي لبسكرة و سجلس و حضري الوثائق تاع الإيواء و ادفعيهم هذه الأيام ما تتأخريش

قمر الهضاب

2011-07-29, 13:38

شهادة التسجيل اختي عندما تسجلين في الجامعة يقدمونها لك وأوصيك بأن تنسخي عنها +فوتوكوبي+
بالتوفيق

شكرا لك اخي :19:

قمر الهضاب

2011-07-29, 13:42

معناها بعتوك agronomie تقراي في محمد خيضر وراء الحي الجامعي تاع البنات اللي مين الباب الكبير يسميوه الفرع تروحي ثمة تسجلي فالكلية تاعك و هوما يعطيوك شهادة التسجيل الأصلية و لا سجلتي و خلصتي

شكرااااااااااااااااا والله كنت نخمم وين جاية لجامعة وين الاقامة والله ربي ينورك مازال مسجلتش نبداو غدوة التسجيلات نكمل الدوسي برك ونروح نوجد كلش قبل باش منظلش رايحة جاية شكرا حنونة:19:

*نايلي*

2011-07-29, 13:43

شوفي ما ديري تعهد ما والو أنتي روحي لبسكرة و سجلس و حضري الوثائق تاع الإيواء و ادفعيهم هذه الأيام ما تتأخريش
شكرا اختي مريم
انا تاني قلتهم هاك لتعهد مش مهم
حتى وادا رحتي ونسيت وثيقة مايرجعوكش رايحين يقوللك زيديها ام بعد روحي على بكري رمضان قريب
بالتوفيق

قمر الهضاب

2011-07-29, 13:44

لوكان ديري فيا بليزير برك اوصفيلي الطريق من لاري نتاع الكار حتى لوين نسجل على خاطر كتبولي مكان التسجيل ص ب 145 بسكرة باش متريعليش الطريق

مريم قسنطينة

2011-07-29, 13:46

كيفاش ، انتي من سطيف

قمر الهضاب

2011-07-29, 13:48

ايه انا من سطيف وهنا مكانش علوم فلاحية مالا درت في بسكرة على بيها راني نسقسي باش الا رحت نفري كلش منظلش رايحة جاية وراكي عارفة رمضان هذ ليام

SaBriNa DZ

2011-07-29, 13:52

شكرا للجميع

مريم قسنطينة

2011-07-29, 14:03

ايه انا من سطيف وهنا مكانش علوم فلاحية مالا درت في بسكرة على بيها راني نسقسي باش الا رحت نفري كلش منظلش رايحة جاية وراكي عارفة رمضان هذ ليام

شوفي أولا ما تجيش وحدك لازمك معاك راجل باباك خوك عمك ....... خاطر ماش مليحة ليك تجي لبلاصة ما تعرفيهاش وحدك و كي يحطكم الكار في المحطة sntv أركبو تاكسي و قولولو أدينا للجامعة محمد خيضر الباب الكبير ب مئة دينار جزائري عنكم يكلحكم هاهاها و تم تلقاي أعوان الأمن تاع الباب و هوما يوجهوكم
و للعلم الجامعة كبيرة بزاف و فيها لداخل ثلاث إقامات بنات و واحدة ذكور أنتي حاولي تسكني في واحد فيهم خاصة الحي اللي على الطريق أكي تشوفيه مين الباب الرئيسي تاع الجامعة باه تسهال عليك المعيشة تم اسمة الإقامة الجامعية إناث بسكرة و اسم الشهرة الفرع
و كاين إقامات أخرى في منطقة شتمة و هي شوية بعيدة على الجامعة و عموما أنتي ما دام تخصصك فلاحة رايحين يسكطنوك تم خاطر شتمة فيها جامعة الحقوق و البسيكو و ...... يعني اللي يقراو تم يسكنو تم و ربي يوفقك و كاش سؤال آخر أني هنا بإذن الله