مهزلة والله مهزلة

[agenda]

السلام عليم اخوتي الحقيقة انا جد متضايقة من الوضع الذي نعيش فيه فاليوم ذهبت مع عائلتي الى الحفلة المقامة على شرفنا نحن متفوقون في شهادة البكالوريا تخيلوا اننا لم نجد مقاعد نجلس عليها بل ظللنا واقفين حتى نهاية الامر والغريب في الامر ان طفل لا يتجاوز عمره 5 سنوات جالس على مقعد
مازلت اروي لكم تعاستي لما اخبرنا المقدم انا المتفوقين بمعدل 17,42 فما فوق سوف يتحصلون على حاسوب محمول ورحلة الى تركيا صدقوني دمعت عينايا لسماعي هذا الخبر لماذا ليس كلنا فما الفرق بين 17,42 و17,23 كلانا تعبنا كلانا سهرنا كلانا عمل مجهودات وانفق الاموال ليحقق هذا النجاح يا للاسف على بلادي لماذا هذا التمييز
انا اسفة اذا اكثرت عليكم بالكلام فليس لي ملجا الا انتم ومنتدى الجلفة بصفة عامة اخدت جائزتي وغادرت لانني لم استطع ان ابقى دقيقة واحدة هناك خرجت والدموع على خدي كالوديان فالذي يراني يحسبني لم انجح في البكالوريا لكن الحمد لله على كل شيء جبت حاسوب معي والبراكة ههههههه وبصحتهوم لراحو لتركيا وحنا نوقعدو فالدار والفنا مبروك على الجميع لعقوبة لحوايج خرا انشاء الله وبالتوفيق للمقبلين على بكالوريا 2012

[سلسبيل2492]

علاه رايححين يدوا الشعب كامل
انا حسبت غير الامتياز

[loubnamias]

مبروك عليك الباك بمعدل
ممتاز
مبروك عليك توجيهك لتخصص لي حبيتوا
هادي هي لجزاير
الله غالب
من درك بدا سجي رحك لخيبات اخرى من قبل الادارة الجزائرية
متخليش تهميشك ينسيك فرحتك الكبرى

الفرحة تاع الباك بمعدل17.23 حرام تخلي حدث كيما هدا ينزعهالك

[سجّل أنا جزائري]

يعني هذا اللي غاضك ههه عاد راكي ديتي الباك ب 17 الله يبارك واللي ما داهش كيفاش
أنا نقولك حاجة كيما تعبتي وسهرتي باش نجحتي وديتي الباك اتعبي وزيدي اقراي باش تتحصلي على مهنة شريفة وتروحي للقمر اذا حبيتي
موفقة

[agenda]

بصح والله تغيضك تشوف واحد يفوتك بالفاصلة برك يروح للتركيا وانت لالا شكرا على ردودكم حقا نحيتو على قلبي جعله الله في ميزان حسناتكم المهم جبت ميكرو بورتابل والبراكة

[agenda]

كانو رايحين يديو 18 ومبعد زادو 17,42 فما فوق والباقي حواسيب محمولة اما صحاب 16 مدولهم 5ملايين نقدا هادي حنا في مدينة سطيف وبحظور زعما والي الولاية مي نهار تولي جزاير تعرف دير حفلات لتما نقدرو نقولو بلي رانا طورنا صح

[سلسبيل2492]

احمدوا ربي انا اديت 16 واعطاولي غير مليون ونص
الحمد ماكانش

[NADJIB-90]

هذه هي الجزائر وستري اكثر في الجامعة والويل بعد التخرج منها اذا تركت اشياء صغيرة مثل هذا تهزك فيا تمرض مرض مزمن يا تموت بعيد الشر امالا عيش الحياة كيما جات عطاوك هدية عطاوك معطاوكش شوف للمستقبل متستناش الناس يقولولك بلي خدمت مليح انت تعرف روحك وكم من شخص يمدحوه وهو في الواقع علبة فارغة اقري من اجل العلم

[سجّل أنا جزائري]

الحمد لله يا جماعة انا ما تغبضنيش نورمال

[agenda]

صح عندك الحق اخي الكريم يجيو يشجعوك يزيدو يهبطولك المورال وكيما قلت اخي الكريم الواحد لازم يقرا من اجل العلم وليس من اجل التكبر وغيرها او الجوائز فالجانزة الكبيرة عند ربي سبحانه

[agenda]

الحمد لله على كل شيء الحمد لله الحمد لله الحمد لله اخت سلسبيل انت قداش المعدل تاعك ومن اي ولاية وماهي شعبتك نورمالمون يا اختي ما يمدولكش مليون و نص حنا صباح صحاب 16 مدولهوم 5 ملايين في ظرف وراهوم عمرو ورقة بلي استلموهوم مع الامضاء وحنا مضينا بلي رانا دينا الحواسيب

[هلايلي عبد الوهاب]

agenda rak sur beli sexe masculin psk rajel machekiteche ydir haked

[rirri]

ان ديتو ب 16 من سطيف و عاجبني الحال و عجبني حفل التكريم العيب الوحيد انهم داروه في سال صغيرة و للي يجي من المتفوقين يجيب معاه 77 من ماليه والله غير عيب انا رحت غير انا و ما مسكينة عذبتها كبيرة وما لقاتش وين تقعد لا خطراكش الاباء لي قعدوا من قدام ما ناضوش مانعرف لاه هههههههههههه

[imen chergui]

واش تقولي فيا انا ديت 16.27 مدولي محفظة في خنشلة

[NADJIB-90]

واش تقولي فيا انا ديت 16.27 مدولي محفظة في خنشلة
هههههه بدلو خمس ملايين بمحفظة ولا محفظة تاع 5 ملايين يسرقوا الميزانية المخصصة للتكريم و مبعد يديروا محافظ و مزهريات و طقم فناجين

[agenda]

عبد الوهاب انا بنت لكن انا ادخل باسم تاع اخي لانني لم افتح لي ما عنديش الوقت لكنني بنت فاريد ان اصحح المعلومة فلا تستغرب هههههههه

[agenda]

الاخت ريري مبروك عليك 5 ملايين كو غير مدولي 5 ملايين ومامدوليش ميكرو قوليلنا واش رايحة ديري بهوم كاشي مشروع والله ههههههههههههههه

[rirri]

راني رايحة نروح بيهم للترك ههههههههههههههههههههه
بصح agenda
ممكن نعرف وين تقرى

[hasnihasni5001]

يـــــــــــــــــــــــــــــاو هاك الفرحة تــــــــــــــــــــــاع أمــــــــــــــي وكيـــــــــــــــــفاه تحضنتـــــــــــــــني خير من الدنيا وما فيها ....والله قريب نبــــــــــــــــــــــــكي كي عادت تقبل فيا ...............


عابر سبيل hasni hasni 5001

ســـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــلام

[agenda]

انا فتاة لكنني ادخل بعضوية اخي لانني لا املك عضوية هنا اصلا انا اتكلم بالمؤنث

[Dr Khaoula]

ما عليش حنونة ربي يعوضك خير منها ان شاء الله تتفوقي في تخصصك وتروحي وين تحبي راني حاسة بيك
معدلك ممتاز ما شاء الله ادعيلي نتحصل على امتياز في بكالوريا 2012 ونحقق حلمي الطب

ما عليش تقوليلي كيفاش قريت وإذا قربتي في الصيف ؟
أنا عندي مشكلة أني ما نعرفش نراجع خاصة العلوم وكذلك الفلسفة هل هي صعبة
اسمحيلي قلقتك بصح راني خايفة بزاف من الباك

[natalie cardone]

.............

[natalie cardone]

الشكوى لغير الله مذلة الإنسان الكثير الشكوى، هو إنسان يتعب نفسه، ويتعب من حوله،

[ta9wirt]

hamdou rabi hna fi bladna koulchi madoulou kartab 200 DA KILI JAB 15 KILI JAB 10 JAZAKOUM 3AND RABI LMOUHIM FRAHNA OU FARAHNA WALDINA DANIA OU MAFIHA WAL OUKHT LI MARAHATCH L TOURKIA NGOULIHA STANAYNI NAKHDAM OU NKHALLAS 3LIK L BILLET HHH

[sarso]

و صحاب 15 واش يعطولهم

[amine@lagar]

هاذي مهزلة ............ مبروك عليك الباك ب 17 و نورمال ا اختي المهزلة الكبيرة لي داروها فينا حنا كلش طلع لي شوا كامل ماطاحولناش

[سوسو92]

من صحك ميكروا بورطابل حمدي الله وديت الباك ب17 يعني دخلت طب او صيدلة هذه حاجة مليحة والله يوفقك في الجامعة

[crystale49]

لا مهزلة لا والو انت تعتبتي من بداية السنة مش من اجل الجوائز و لا باش ترضي الناس انت حققتي مرادك و الحلم وصلتيلو زيدي بارك حطيلو عنوان كبير الي هو لابد من النجاح و الوصول الى الافضل هكا تحقي حلمك و حلم اهلك فيك بالتوفيق ليك و الى كل الناجحين نقول الف مليون مبرووووووووك

[crystale49]

ياريت لو تقوليلنا كيفاش قريتي حتى تحصلتي على هذا المعدل ربي يوفقك و يهنيك و يكون لك عون في الدنيا و الاخرة

[امل العاتر]

سلام
مبروك عليك النجاح يتفوق هذه هي جائزتك الكبرى وأيضا أختي لاتنسي أن عدد المتفوقين في البكالوريا هائل ولذلك ربما كان هناك عدد كبير ممن تحصلوا على 17.42 فما فوق .
والله أعلم

[قدوتي رسولي]

احمدو ربي حنا في بسكرة صحاب 16 ماعبرهمش خلاص حتى بكلمة شكرا حسبي الله ونعمة الوكيل فيهم

[ندى الصفاء]

المهم اختي انك انت تكوني مقتنعة بنفسك وجهدك ولا عليك من كل الناس فثقتك هي سلاحك

[GH2922]

هههههه انا ديت 16.4 ما مدولي والو غدوا فالكلية الصح يبان