قصيد الشمعة اشاعر عمر زيعر

[ziar]

الشــــــــــمعة
يَـا شَــمْعَة لَلَّـهْ مُـــــرَادِي نَــــــــــفْهَمْ آشْ مْـسَيَلْ دَمْـعْتَكْ قُــولِي وَعْلاش
يَـا ذَا الـجَــــارْ بْـجَـــاه مُـولاكْ تْـــكَلَّمْ بَعْدَنْ [1] (http://www.djelfa.info/vb/#_ftn1) شَــفْتْ أَنَا حْـوَالَكْ مَا نَهْنَاشْ
إِذَا كـانْ الـمَـوتْ بَـيْنْ هْـلَكْ [2] (http://www.djelfa.info/vb/#_ftn2) حَـــوَّمْ مْـصِيرْ الْخَلْقَة كُلْهَا تَــرْكَبْ لَـنْـعَاشْ[3] (http://www.djelfa.info/vb/#_ftn3)
رَبِّـي رَايَـدْ هَــكْذَا لَعْـمَارْ الـتَّـــم[4] (http://www.djelfa.info/vb/#_ftn4)ْ لِـيهْ الـطَلْبَة بِـالـصْبَرْ مَــا يَـبْخَلْنَاشْ
ويْـذَا سَعْدَكْ خَـابْ وَالـفَلْكْ تْـــبَرَّمْ[5] (http://www.djelfa.info/vb/#_ftn5) مَنْ بَـكْرِي ذِي خْـصَايْلَهْ مَـا تَخْفَانَاشْ
الـدَنْيَا كِـيهَاكْ تَــصْحَى وَ تْـــــغَيَـمْ بَعْدْ قْـوَايَلْ [6] (http://www.djelfa.info/vb/#_ftn6) حَامْيَة يَهْدَفْ رَشْـرَاشْ
عِـيدْ عْــلِيَّ جَـاهْ رَبِـي لا تَـــكْتَمْ رَاهْ سْـكَاتَكْ هَـوْضْ[7] (http://www.djelfa.info/vb/#_ftn7) عْـلِيَ لَـوْحـَاشْ
جَـــاوَبـْـنِي لله مَـانِي جَـاي ْنــذَمْ[8] (http://www.djelfa.info/vb/#_ftn8) وَاشْ يْـذَمْ اللِي بْحـَالِي فِي كَـــمَاشْ[9] (http://www.djelfa.info/vb/#_ftn9)
قَـالَتْ وَ سْـمَعْ وَاشْ قَـالَتْ يَـا فَاهَــمْ وَ تْـنَبَهْ لَـحْدِيـثْنَا لا تَـــــتْسَهْـزَاش[10] (http://www.djelfa.info/vb/#_ftn10)ْ
قَـالَتْ كَانْ هْـدَاكْ رَبِـي يَـا مَــسْلَمْ خَــلِينِي فِي حَالْـتِي يَـدْزِي[11] (http://www.djelfa.info/vb/#_ftn11) تَـنْبَـاشْ
رَادْ عْـــلِيَ خَـالْقِي وَالــوَقْتْ حْـكَمْ جْعَلْ مَنِي جْـلِيسْ للِي هَـمُه حَـاشْ[12] (http://www.djelfa.info/vb/#_ftn12)
نَــنْفَقْ مَـنْ عَـزْ الـمْكَاسَبْ وَ ْنــسَلَمْ نْفَاجِي عْلى اللِي حْرَمْ نَوْمُو مَا جَاشْ
وْنَـاسْ بْـلا وْنـِـيسْ مَـنْسِيَة فَــالــْهَمْ صَهْرْ اللَيْـلْ مْهَشْ عْـضَامِي تَـهْشَاشْ
النَّاسْ تْـزِيدْ فَـالْوْفَى[13] (http://www.djelfa.info/vb/#_ftn13) وَ أنَــا نَـرْجَمْ مَنْ لَـيْعَاتْ النَارْ رَانِي عَـوْضْ فْرَاشْ
ذَا المَشْعَـالْ يْبـاتْ فِي لَــحْمِي يــَـلْطَمْ شيِ فَاضْ وْشي معاشْرُ غَي بَالتَلْكَاشْ
يا سَـايَلْ جـهْدْ الجـْمَرْ قــَاوِي يَـهـْزَمْ وَالجُـهْدْ إلاَّ جُـهْدْ رَبِـي مَا طُــقْنَاشْ
يَـاشَـمْعَة بَيْنِي وْ بَـيْنَكْ كــَمْ وْ كَــمْ وَالـبَـيْنْ[14] (http://www.djelfa.info/vb/#_ftn14) اللِـّي بَـيْنـَا مَا يَـتـَّــحْصَاشْ
قَارَنْ بَيْنْ شْـعَابْ وَ الـوَادْ إِذَا عـَـمْ[15] (http://www.djelfa.info/vb/#_ftn15) وَاشْ يْجِيبْ النِيلْ لَمْوَاجَنْ[16] (http://www.djelfa.info/vb/#_ftn16) عُـطَّاشْ
لَوْ حَـالي مَنْ حَـالْتــَـكْ نُـُــشْكُرْ دَايَـمْ سَعْدَكْ يَا مَنْ مُتْ دَافِي فُوقْ فْرَاشْ
لَـوْ نَـبـْدَى فَـالْلِّي اعْــشَرْنِي وَ مْــلازَمْ تـَنْسِى مَنْ هُـ بِـيكْ وَ تْـجِينِي فَـتــَّاشْ
لَـوْ نَـحْـكِيـلَكْ عـَـلـْتِي يَـنْطَـــقْ لَـبـْــــكَمْ يَتـْحَتَّتْ صُلْبْ الْـحْجَرْ مَـنْهَا يَـهْشَـاشْ
إِذَا نــَــبْكِي نْـجــُـوعْ عَــنـِّي تَــتــْلايَـمْ يَـشْفَعْ لَيـَّا عَـاذْلِي مَنْ بَعْدْ الـتَغْشـَاشْ
ضُـرَكْ ضـُـرْ مْـنَاوْبَة[17] (http://www.djelfa.info/vb/#_ftn17) مَــاهُو دَايَـمْ وَانَـا ضُـــري مْلازْمَ الـكـَبْدَة قَـدَّاشْ[18] (http://www.djelfa.info/vb/#_ftn18)
ضُـرَكْ بَـايَنْ كُلْ مَنْ شَـافَكْ يَـفْهَمْ وَ أنَا قُرْبْ [19] (http://www.djelfa.info/vb/#_ftn19) الـنـَاسْ ليَّا مَا يَـدْرَاشْ
أَنْـتِ تَـحْتْ الـنـَـارْ جَــلْدَكْ يَـتــْــلَطَمْ وَأنَا نـَارِي فِي دْخَالِي[20] (http://www.djelfa.info/vb/#_ftn20) مَا تَـطْفـَاشْ
يَـتْخَـالَجْ لَـحْـمِي بْـحَــبَاتْ الـسَــاشَـم[21] (http://www.djelfa.info/vb/#_ftn21)ْ سَالْ عْلَى الْبَارُودْ جـُرْحَهْ مَا يَبـْرَاشْ
حَالَتْ طَـــيرْ جْــريِحْ يَـتْخـبَّطْ فَـالَدَّمْ وَاشْ بْقى للطـَيْرْ مَنْ بَعْدْ التـَرْيَاشْ[22] (http://www.djelfa.info/vb/#_ftn22)
جُـرْحِي بَـعْدَنْ طـَـــالْ بِيــَّــا وَاسْـتَوْرَمْ سْكَنْ في لُبْ العْضَى[23] (http://www.djelfa.info/vb/#_ftn23) عَاشَرْ لَحْشَاشْ
خَـلانِـي قَـفَّيتْ شَـــاوَنْ [24] (http://www.djelfa.info/vb/#_ftn24) جــَـا زَادَمْ وَلْـزَمْ لَوْمَا فْـنِيتْ يَـعْـشَرْ مَا يَـفْنَاشْ
رَاهْ هْـدَانِي مْـثـِيـلْ صُــوفَة تَـــتـْبَشَّمْ تَـتْـلاوَحْ مَا بَـيْنْ كَــفَاتْ القـَرْدَاشْ[25] (http://www.djelfa.info/vb/#_ftn25)
احْـمَلْ بِيــَّا سَـــيْلْ مَـجْـهَدْ جَــا عَــايَم ْدَرَعْ بِـيـَّا فِي بْحَـرْ هَـايَجْ مـُوحَاشْ
وَاشْ يْـقــَدْ سْـفِيـنْتِي لِـيهْ تْــقــَــاوَمْ بَعْدَنْ طَاحْ قْلاعْهَا[26] (http://www.djelfa.info/vb/#_ftn26) وصْبَحْ قُشْقَاشْ[27] (http://www.djelfa.info/vb/#_ftn27)
تَــتـْـقَاذَفْ لَـمْـوَاجْ بِـيْنَا تَـتْلاطَـــــمْ وَانَـا عُـقْبْ لـْـوَاحْهَا[28] (http://www.djelfa.info/vb/#_ftn28) دِيْـمَهْ فَتـَّـاشْ

[1] (http://www.djelfa.info/vb/#_ftnref1) بعدن = بمعنى بعد أن

[2] (http://www.djelfa.info/vb/#_ftnref2) هلك = الأهل

[3] (http://www.djelfa.info/vb/#_ftnref3) لنعاش = جمع نعش

[4] (http://www.djelfa.info/vb/#_ftnref4) التم = تنتهي

[5] (http://www.djelfa.info/vb/#_ftnref5) اتبرَّم = بمعنى التفت أو تغيَّر

[6] (http://www.djelfa.info/vb/#_ftnref6) قوايل = جمع القايلة = و هي الشمس

[7] (http://www.djelfa.info/vb/#_ftnref7) هوض أو هيَّض = أثار و أيقض

[8] (http://www.djelfa.info/vb/#_ftnref8) انذم = من الذم

[9] (http://www.djelfa.info/vb/#_ftnref9) الكمَّاش = و هو الفخ

[10] (http://www.djelfa.info/vb/#_ftnref10) لا تستهزاش = لا تستهزئ

[11] (http://www.djelfa.info/vb/#_ftnref11) يدزي أو يزّي = يكفي

[12] (http://www.djelfa.info/vb/#_ftnref12) حاش = عاد إلى سابق عهده

[13] (http://www.djelfa.info/vb/#_ftnref13) الْوْفَى أ الوفيان = أي طول القامة

[14] (http://www.djelfa.info/vb/#_ftnref14) البين = البعد أو الفرق

[15] (http://www.djelfa.info/vb/#_ftnref15) عم = بمعنى فاض

[16] (http://www.djelfa.info/vb/#_ftnref16) مواجن = حمع ماجن وهو ما يشبه السد

[17] (http://www.djelfa.info/vb/#_ftnref17) مناوبة = متقطع

[18] (http://www.djelfa.info/vb/#_ftnref18) قدَّاش = متواصل ودن انقطاع

[19] (http://www.djelfa.info/vb/#_ftnref19) قُرب الناس = أقرب الناس

[20] (http://www.djelfa.info/vb/#_ftnref20) الدخال = الجوف

[21] (http://www.djelfa.info/vb/#_ftnref21) الساشم = حبات صغيرة من الرصاص تحشى بها خراطيش بندقية الصيد

[22] (http://www.djelfa.info/vb/#_ftnref22) الترياش = نزع ريش الطير

[23] (http://www.djelfa.info/vb/#_ftnref23) العضى = الأعضاء ( لحشاش = سويداء القلب )

[24] (http://www.djelfa.info/vb/#_ftnref24) شاون = بمعنى أول ما

[25] (http://www.djelfa.info/vb/#_ftnref25) القرداش = آلة تقليدية لمشط الصوف

[26] (http://www.djelfa.info/vb/#_ftnref26) القلاع = الشراع

[27] (http://www.djelfa.info/vb/#_ftnref27) القشقاش = القش

[28] (http://www.djelfa.info/vb/#_ftnref28) لواحها = أي لوح السفينة المتناثر

[ziar]

إلى الكوثري

[mohamedrabhi]

قصيدة رائعة لشاعر كبير وكل مايصدر عن الكبار كبير

[الكوثري]

إلى الكوثري



الحمد لله منطق الشعراء ،وملهم الأدباء والبلغاء.

شكر الله لكم هذا الإهداء وهو على رأسي تاج صداقة لهذا الشاعر الذي لا يجود الزمان بمثله، و هو "زيادة رصيد" معرفة للشغوفين بالتراث الشعبي،والجيد من الملحون،رجل عرفته ذا أخلاق عالية،وغيرة على الدين وعلى الهوية وعلى التاريخ،وهو رجل خامل الذكر تجمعني به (محبة التراث،والحرفة) يصدق عليه وحالُه في الجزائرقول الشاعر :

وإن لمتهم،عذيرهمُ ** مغنية الحي لا تطرب

ومقايسة بسيطة بديوانه وشعره و"شعره غيره" من الوجوه المألوفة للأضواء والمتصدرين للمشهد الثقافي عندنا تنبيك عن قدر الرجل وقوة شعره وغزارة إنتاجه (فهو ضمير شأن مع هذه الأدوات التي يسميها النحاة: أدوات التصدير ،والتي لها "صدر الكلام").



بلغه سلامي الحار،ودعائي الدائم بوافر الصحة وبلهنية العيش وقرارة العين وبردها بالذرية.



وكنت أنوي طلب قصيدة في غير هذا المحل ،وكنت أريدها على غير هذه الركوبة هنا،وهو (قصيدة القدس) التي مطلعها :

أمن صاب ونيس في ذا الليلة ** ويعدل لي -يا خاوتي -ذا الميل

[الكوثري]

كنت قد سألت سي عمر عن هذه قصيدة هنـــــا (http://www.djelfa.info/vb/showthread.php?t=661330)فهلا أعدت رفع السؤال إليه مشكورا....

[الكوثري]

هلاّ أوصلت سؤالي لسي عمرْ؟

يرحمك الله

[zirmed]

القــــــــــدس
بـــــسم الله بْدَيتْ بسمك يا وهَّــــــابْ سلتك يَا مُجـيبْ ذَالقَولْ تْسَجِـــــيهْ
ثُـمَّ ألفْ صْلَى عْلَى طَـــيَّبْ لَنْسَابْ خـَيرَتْ خَــلقْ الله مُحَـمَّدْ نَبِـــــــيهْ
يَا رَبي في جـَـــــــاهْ طَهَ وَ المَحْرَابْ بَدَّلْ عُـسْرْاللي شْكَى بَاليُسْرْ غْنِــِيهْ
دَمْعَةْ صبْيَة رَسْمَتْ عْلَى الخـَدْ جْوَابْ كَانَتْ أفْصَحْ من الفْصِيحْ وْمَا يَعنِيهْ
كَانَتْ أوْسَـــــعْ مَنْ دْوَاوِينْ الكُـــتَّابْ مَا يَنْصَفْهَا اللي وْصَـــفْهَا بَالتَنْزِيهْ
صُورَة حَـــيَّة حَيرَتْ سَــايَرْ لَلْبَابْ مَا يَنْسَاهَا جْمِيعْ مَنْ شَـافُوا عَـينيهْ
رَسْمَتْ مَطْرْ مْعَ عْـشِيَّة وَقْتْ نْ غَابْ نُورْ الشَمْسْ اللي هْدَاهَا لَيلْ عْلِيهْ
رَسْمَتْ بَسْمَة شـَــاكْيَة جُـــورْ الدَبَّابْ رَسْمَتْ زَهْـرَة مْلَغْمَة مَا بينْ ايْدِيهْ
مَنْ يَومْ اللي رِيتْهَا وَ الخَــــاطَرْ ذَابْ يَا خُوتِي غُبْنْ العْرَبْ وَاشْ يْفَاجِيهْ
يَا مَقْدَسْ رَبِّي ابْــــلاكْ بْذِي لَعْــطَابْ أصْبُرْ صَبْرْ جْميلْ وَ ايْمَانَكْ قـَوِّيهْ
أصْبُرْ للمَكْتُوبْ يَا رَاكَبْ لَعْــــــبَابْ الضَيمْ اللي عْليكْ لا غـَيرَه يَفْجيهْ
أصْبُرْ ذَا مَا كَتَّبْ عْلِيكْ الكَــــــتَّابْ وَ المَكْتُوبَة لازَمْ العَــبْدْ تْــوَافيهْ
صُبْحَانُوا هُـــوَّا العَــزِيزْ التَــــــوَابْ سَامَعْ بَاصَرْ عَارَفْ القَلبْ وْمَا فِيهْ
أهْرُبْ لَلِّي مَا هـْــرَبْ مَنُّوا هـَرَّابْ لا لَكْ مهْرَبْ يَا الهَارَبْ إلاَّ لَــــيهْ
وَ اطـْمَعْ فَاللي مَا كْسَبْ كـِيفُوا كَسَّابْ مُــولْ الجُــودْ إذَا بْغَى كُلَشْ بيـدِيهْ
نُوضْ بْحَمْلَكْ لا تْضُنْ عْلَى لَعْــرَابْ لاتَطْمَعْ فَاللي رْضَى شَارُونْ عْلِيهْ
طُلِّي يَا قـَــــــمْرَة عْلَى سَــايَرْ لَعْرَابْ عَــزَّكْ رَبِّي كَلْ ذَا النَجْعْ تْشُوفِيهْ
عَزَّكْ رَبِّي دَارْلَكْ بَالنُــــورْ حْجَابْ يَسْبِي عَينْ غْـرِيبْ وَ تْمَسَّاتْ عْلِيهْ
وآنَا رَاهَا طـَالْعَة في عَوْضْ غْيـَابْ مَنْ يَومْ اللي غَابْ ضَيْ اللي نََشْتِيهْ
يَا قَـــمْرَة رَبِّي مْسَبَّبْ لَكْ لَسْبَـابْ وَبْلا سـاسْ مْسَكْنَكْ بَينْ رْوَاصِيهْ
طُــلِّي لا يَخْفَاكْشِي حـــَـالْ التَـَغْرَابْ حَالَتْ مَنْ هُ في اهْلُوا وَضْيَاقَتْ بِيهْ
يَا حَسْرَاه عْلَى العْرَبْ كَانَتْ تَنْــهَابْ يَا حَسْرَاه عْلَى اهـْـلَ العَــزْ امَّالِيهْ
يَاحَسْرَة عَزْ العْرَبْ كِي سَابْ وْ رَابْ مَا صَايَبْ ضُرْكَة اللي حَتى يَنْـعِيهْ
كـُـنَّا أمَّـــة امْنِينْ كـُــــــنَّا يَا لَحْبَابْ كُــنَّا حَصْنْ الهَارْبَة تَسْتَضْرَا بـِيهْ
سَاعَة صُرْنَا كِي الطَــلابْ عْلَى البَابْ وَقْتَنْ يَطْلُبْ حَاجْتُوا يَسْـدَلْ عـَينِيهْ
إذَا ليكُمْ عَــــنْدْنَا فَالقَــــــــــولْ اعْتَابْ هَاتُولي مَنْ قَـالْ (لا) وَجْهَرْ عَينِيهْ
يَا مَقْدَسْ رَبِّي ابْــــــلاكْ بْذِي لَعْطَابْ أصْبُرْ صَبْرْ جْميلْ وَ ايْمَانَكْ قَـوِّيهْ
زيعر عمر / بن علال

[zirmed]

يا مَـنْ صَـــابْ وْنــِـيسْ فِـي ذَا اللـــِــــيْلَة **يــَـنْجـَــدْ فـِــكْرِي رَاه فـِـي تــَخْبـِــيلْ
كـَاظَـــمْ غَـــــيْظِـي ذِي سْــنِينْ طْــــــويْلَة** وَ نْفَــــذْ صَـــبْري فَــــــاضْ بيهْ الكَيلْ
حَــالـِي يـَـا جـُـــلاَّسْ حَــــالْ فْــــــــــتـِيْلَة** مـَـــنْ يــَـــدْرِي بَقـْــرَايْحَ القَنْـــدِيلْ
إذَا طَــــــابْ فـْــــتـِيْلْ زِيـْــــدْ فْــــــــتـِيْلَة** وَ عْـقَـبْ بـِـيهْ اللَــيْلْ هَــاكْ شْعـِـــيْلْ
سَــــاهَرْ دَاجُــــــوا مَـا مْعـَــاه خـْـــــــلِـيْلَة** وَ الـخَـــــلاَّنْ حْـــــــذَاه فـي تــَــاوِيلْ
بـِـــيهْ الـعَـينْ تـْـشُـوفْ كـُـلْ جـْـمِـــيلَة** وَ جْـــمِيْلوا هُــوَّ أدَّاه السَــــــــــيْلْ
يا مَـنْ صَـــابْ وْنــِـيسْ فِـي ذَا اللــِـــــيْلَة** يَبـــْـرَى بِيـْـهْ اللـِّي بْـــداه عـْلِــيْلْ
لَوْ صُـبْتْ دْمُـــوعِي تــْبَــــاتْ هْــطِــــيلَة** مـَـا تـَقْطَـعْشْ عْـلَى الــخْدُودْ السَـــيْلْ
لَوْ صُـبْتْ دْمُـــوعِي تــْـــدِيرْ دْبــِــــــيلَة** وَ تــْـفَـهَّـمْ مَنْ لا عْــرَفْ تَـفْصِـــــيْلْ
مَــــقْوَاهَا نــَـــاسْ الـعْقُـــولْ عْــــــلـِيلَة** وَ احْــــلَيْلْ اللـِّي مـَـا دْرَاشْ حْلـَـيْلْ
أ بــْـــكِي يَاعَــــــيني زْمـَـــــانْ قْـــــــبـِيلَة** أ بــْـــكِي وَقْــتْ نْ فَــاتْنَـــا بَــخْتــِـــيْلْ
أ بــْـــكِي عَنْ مَــــبْكَاكْ مَـا لِي حِـــــــــيلَة** غَــيْرْ دْمُـوعَكْ في غـْــيَابْ سْهـِــــيْلْ
أ بــْـــكِي يَاعَــــيني فْـنــونْ اْصِــــــــــيلَة** رَدْمْــتــْهَا لــَـهْرَاجْ في ذَا الــجَــــــيْلْ
لَـــــعْـبُوا فـَالسَـاحَة اصْحَــــــاب الحِـــــيـلَة** مــَا صَـابَتْ نـِيــَّـة مْــعَاهُمْ حِــــــيْلْ
لا مَــــبْنَى لا سَـــــاسْ لا تَحْــــــــــــثـِيلَة** لا عَـاهَـدْ يـَـــوْفَى مْع ذَا الجـَـــــــيْلْ
ثــَقَــــافَةْ صَـهْيُونْ جَــــــاتْ دْخِــــــيْـلَة** عَـــــبْرِيـَّــة وَ سْعَـــاتْ للتــَضْـــــــلِيْلْ
هَـذِي عَـــــــــلَّة مَا هْـــــدَاتْ قْــــــــبـيلَة** مَـــا صُـــــبْنَا لــَعْرَاضْـــهَا تــَعْلِــــــيْلْ
الشَــــــارَعْ مَـغْطُــــوسْ فَالــــــــــــــرَّذِيلَة** وَ اللــِّي قـَــالْ عْـلاَهْ قَـالْ هْـــــــبِيْلْ
رَاه العَـــــرْبي بـَــــــاعْ كــُـلْ أ صِـــــيلَة** وَ اسْــتـَوْرَدْ فَـــسَادْ عُــقْبْ اللـَــــــيْلْ
اتــْــــخَـلَّـطْ فُـــوضِـيْلْ فِـي فَـــــــــضِـيلَة** عَــــيَّطْ فَضِــيْلَة يـْـــجِي فُـــوضِــــيْلْ
عـَـــــيْبَكْ فَـــاتْ الــعَيْبْ يَــا فَـــــــضِـيلَة** عـَــيْبَكْ فَــاتْ الـعَيْبْ يَــا فُــوضِــيْلْ
عـَـــــيْبَكْ فَـــاتْ الــعَيْبْ و تــْبـَـــــهـدِيلَة** يـَا مَنْ فُــزْتْ عْـلَى طْـوَالْ الخــَــيْلْ
وِينْ خْصَـــــالَكْ يَا شْبَــــــاحْ قْــــــــبَـيلة** مـَـالَكْ دُونْ النـَـــاسْ عُـــدْتْ قْلـِـــيْلْ
مَـالْ رْيَـــــاحَكْ هَــــــــــامْدَة وَ ذْلـِــــــــيلَة** يــَا مَنْ كُنْتْ تْــــطُولْ كُـــلْ طْــوِيْلْ
هـــسَّيتْ وْ خَــفَّيتْ خـُـــفْ رْتـــــــَــــــيلَة** عُــدْتْ تْـسَدِّي في خْـــرَابْ الـــوَيـْلْ
الـــعُرُوبَة بـْـــكـَـاتْ بــَـــــكْيْ ذْلـِــــــــيلَة** وَالمُـــــعْتَصَمْ خَـــــــــــدْرَه إيْــــــــرٍيْلْ
لا صَـــــــبْرَة فَالبــَــــالْ لا شَتِــــــــيلة** فـَـكْرُو سَــابَحْ في ضْفَــافْ النِـــــيْلْ
مَــــا يَمْضِيْشْ نـــْــهَارْ دُونْ قْـــــــــتـِـيلة** وَ طْـــيـُورْ السَـــــلآمْ طـَــارَتْ لــَيلْ
صُـــورْ المــَبْكَى ضَـارْبَ تْـكَمْـــــــــــــبِـيلة** ذَا لـُـوا مُــــدَّة مَـــاسْـــمَعْ لَـــهْـدِيلْ
وَاحـْـــــنَا للــــــتـَنْدِيدْ تـَـحْتْ ضْــــــــــلِـيلَة** قـُــــــلْنَاهَا فَـــــالظـَلْ وَقْـــتْ مْـــقِـيلْ
يا مَـنْ صَـــابْ وْنــِـيسْ فِـي ذَا اللــــِـــيْلَة** يـَـعْدَلــــِّي يَا خـَــاوْتِي ذَا الـــــــمَـيلْ

[المعتزة]

قصيدة لشاعر كبير تزري بالدر النثير تفيأت خلالها وتبوأت ظلالها واقتعدت ذروتها الشامخة وتلوت أبياتها الباذخة تعبير يسحر الألباب ويبهر مهرة الكتاب وحسن سبك امتزج بها كما امتزج الماء بالراح وأفنان الدوح بالأرواح فهي لؤلؤة تفوق كل تحفة وخال في خد منتدي الجلفة تثلج الصدور وتنشر السرور جلاها صاحبها كما تجلي العروس في منصة التوضيح وأبرز جمالها من التلويح إلي التصريح. فتحية لهذا الشاعر العجيب اللبيب الأديب. وبارك الله في من نشر هذه الأعلاق النفيسة,وأخرج من مكامنها الدرر الحبيسة لقد أحييت بهذه القصيدة ما كان كالطلل الدارس لهذا الألمعي الفارس فهبت ريحه وأضاءت مصابيحه وعاد للشعر الملحون رونقه الأول وخفت قول القائل فهل عند رسم دارس من معول. سر فلا كبا بك الفرس. وزدنا من هذا الورد السائغ والظل السابغ.

[algeriano99]

merciiiiii bcp

[ziar]

]شكرااااااااااااااا لكـــــــــــــــــــــــــــــــــــــمــــــــــ ــــــــــــــــــــــــــــــــــــــــــــــــــ ـــــــــــــــــــــــ[