جماعة inelec ........ ايا قربوا قربوا [الأرشيف] - منتديات الجلفة لكل الجزائريين و العرب

مشاهدة النسخة كاملة : جماعة inelec ........ ايا قربوا قربوا

محمد رمزي18

2011-07-27, 12:36

السلام عليكم ورحمة الله وبركاته
الحمد لله اللي كتبلي باه نطرح الموضوع هذا و نشاركو معكم ..
وكل واحد دار INELEC فالاختيار الأول نقولولو مبروك عليك على العقل الراجح :1:
واللي مادارهاش الاختيار الاول نقولولو مبروك عليك كي بعثك ربي عندنا :mh31: او ما بعثكش جهة أخرى :D

ايا كل واحد يدخل يقولنا الولاية تاعو .... الشعبة ....المعدل .......ويزيد يقولنا علاه خير الشعبة هادي
واللي ما عجبوش الاختيار يجي نطلعولو المورال ;)

محمد رمزي18

2011-07-27, 13:03

نبدا بروحي ....
انا من ولاية البويرة ........ شعبة علوم تجريبية .....المعدل 17.97 ..........الاختيار الاول طبعا ....
خيرتها لاني اولا نحب كل ما يتعلق بالتكنولوجيا الحديثة التي ترتبط كل الارتباط بالكهرباء والالكترونيك
ثانيا تحيا الرياضيات والفيزياء واخطينا من الحفظ
ثالثا inelec معهد معروف ومتميز
هذا باختصار ..في انتظار ردودكم

abdelhak58

2011-07-27, 15:45

انا عبد الحق من بلعباس

شعبة رياضيات.....المعدل 14.99 ..........الاختيار الاول طبعا ....
خيرتها لاني اولا نحب كل ما يتعلق بالتكنولوجيا الحديثة التي ترتبط كل الارتباط بالكهرباء والالكترونيك أكيد
ثانيا تحيا الرياضيات والفيزياء واخطينا من الحفظ ههههههههه:1::1::1:
ثالثا inelec معهد معروف ومتميز :confused::confused:
هذا باختصار ..نفس آراءك تقريبا
و ربما نكون في نفس الغرفة :1::D:D

محمد رمزي18

2011-07-27, 16:10

جلال الدين بركة

2011-07-27, 16:22

محمد رمزي18

2011-07-27, 16:26

جلال الدين من قايس ولاية خنشلة
اختيار الاول ...السبب تقني رياضي هندسة كهربائية ....و متمكن من الانجليزية ...و نرغب في احتراف المواد العلمية والاطلال بأ>ن الله على الجانب الاخر من العالم ...
سعدت بكل من سيكون الى جانبي ...سنكون اخوة بأ>ن الله
ولكم مني ارقى التحية

بارك الله فيك جلال ...هاذاك هو ...راك تشوف باللي حتى الالة الحاسبة يخدموهانا الشناوا ...
متشرف بمعرفتك ..والى الملتقى ان شاء الله :dj_17:

achour idoughi

2011-07-27, 16:45

achour idoughi from bejaia
i've choosen it because the studies are in english what is an advantage
that's all

محمد رمزي18

2011-07-27, 16:50

achour idoughi from bejaia
i've choosen it because the studies are in english what is an advantage
that's all

you are welcome achour .......and glad to know you
but be sure that english is not the only adventage at Inelec :19:

thetruth

2011-07-29, 01:56

السلام عليكم

صلاح الدين ، ولاية الجلفة .

الشعبة : علوم تجريبية ...... المعدل : 15.97 .... الخيار الثاني .

السبب : كنت على قد اخترت الطب كخيار ثاني ، بسبب رغبة والدي فيه ، و لكن فجأة و بدون سابق إنذار غيرت رأيي ، و بدون أدنى معرفة عن هذا الاختصاص اخترته ، و بدون علم والدي به . والحمد لله على توفيقه لي .

قالولي الخدمة ماهيش مضمونة خلاص ، هل هذا صحيح ؟

بالمناسبة راني رايح يوم السبت نسجل و نعقب في الاختبار نتاع الانجليزية ، كشما كاين واحد راهو رايح نهار السبت نتلاقاو ثما ؟

جلال الدين بركة

2011-07-29, 02:32

علاه الاختبار تاع الانجليزية هاد ليام؟؟؟ تبالي حتى لسبتمبر ونظن ف 27 سبتمبر والله اعلم
اما الخدمة ..خلي الرزق للرزاق ...ماتقلقش روحك

oussama ronaldo

2011-07-29, 12:43

السلام عليكم
اسامة من باتنة
المعدل 16.2 علوم تجريبية
+ راهو طايحلي المورال
اعطيونا شوي معلومات ولكان بغيتو نتعارفو ******** . oussama zema
للعلم راني ضعيف في الانجليزية ممكن نجيب روحي شوي ؟؟؟؟؟؟ظ

oussama ronaldo

2011-07-29, 14:26

inelec students ????????????
wake up

thetruth

2011-07-29, 15:06

أخي أسامة ، منيش عارف علاه طايحلك المورال ، كاين زوج احتمالات ، ياإما كنت تحوس تروح للخارج و ماعطاوهالكش ، يإما كنت تحوس على المدرسة العليا للإعلام الآلي ، وما صحتلكش

بالنسبة للإحتمال الأول :

يا أخي هذا الاختصاص هو المخير هنا في الجزائر ، وفيه فرص كبيرة للذهاب إلى الخارج ، واحد المرة أنا سمعت أنو ألمانيا وحدها نحوس على 3000 تقني في الكهرباء من دول العالم ، و مل لقاتش في الأخير هذا العدد ، معناه أنو اختصاص قااااااااااااااااااادر ،

و لا أنت تحوس على الحفاظة ، لأنو الاختصاصات لي مافيهاش حفاظة في الجزائر راها قليلة ، وهذا من أحدها .

بالنسبة للإحتمال الثاني ( معناه ما عطاولكش إعلام آلي في واد السمار ) :

أنا أيضاً درتها في الخيار الأول ، و باه ما نكذبش عليك ، طاحلي المورال كيعطاولي هذا الاختصاص ، و لكن في الأخير حمدت ربي كي ما صحتليش ، علاه ؟ لاخطرش واد السمار فيها برمجة فقط لا غير ، معاناها ما عندك أدنى معرفة بالكمبيوتر لي راك تخدم بيه ، معناه كي جيني لي يقرا في واد السمار يزوخ عليا يقولي أنا مبرمج كمبيوتر ، أنا نقولو أنا نصنع الكمبيوتر لي راك تبرمج بيه .

ثانيا :

يا أخي في السنة الرابعة على ماأظن تتفرع الحكاية ، و كاين أحد الفروع يسومها " Computer " وتقرا فيها برمجة و لغات الكمبيوتر مثل PhP و JAVA معناه بإختصار تقدر تكمل قرايتك في هذا المجال و تولي كيما جماعة واد السمار ، إذا ما أصبحتش خير منهم ، يا خي راني قتلك راهم يعرفوا برمجة فقط ،

ثالثا :

المدرسة الوطنية للإعلام الآلي واد السمار ، كانت مجرد معهد ، وفجأة اشتهرت و طلعوا معدلاتها ، و بعد عامين انشالله تشوف وش يصرا للمعهد نتاعنا ، يولي مدرسة ونص

رابعاً :

المدرسة الوطنية للإعلام الآلي فيها مخاطرة كبيرة ، إذا ماطردكوش في العامين التحضيرين الأولين ، بالاك ما تربحش في المسابقة الوطنية باه تطلع للسنة ثالثة ، خاصة و أنك مع جماعة ال18 و 17 ، و عندك لا يطيحلك المورال ، حنا ثاني عندنا جماعة ال18 و ال 17
.

وش ترفعلك المورال و لا مزال ؟

محمد رمزي18

2011-07-29, 15:52

خويا أسامة اذا كنت حاب دير اعلام ألي او ما مدوهالكش احمد ربي ...ونقولك وعلاه :
انا كنت كيما انت : كنت حاير بين اعلام آلي والكترونيك ..ومبعد سقسيت ...... سقسيت الطلبة ...المهندسين ...المتخرجين ....المتقاعدين ...... وفي كلا التخصصين ...المهم حوست كلش...
وخرجت بنتيجة :
اولا نوافق كامل اللي قالو اخي thetruth ونزيد علييه ......
يا أخي الشركات او المؤسسات في الجزائر ما تستحقش المهندسين في الاعلام الألي ...تدي برك التقنيين ...وعلاه :أولا التقني ما يخلصش بزاااف ...ثانيا يقدر يخدم الخدمة تاع المهندس بسهولة
وراك تشوف باللي الناس كامل تعرف البرمجة ...
ثانيا الاعلام الالي دايما في تطور ...معنااه بالاك القرايا اللي يقراوها ظرك ...على خمس سنييين ما توليي عندهاا حتى فايدة ...(وهذا طبعا كي رانا في دزاير )
اما الالكترونيك فهي مبنية على قوانين ثابتة والتطور يبقى مبني على اساس القواعد هاذو ..يعني la base
وحاجة أخيرة ...ما تخليي حتى واحد يقولك inelec ماشي مليحة ...واللي يقولك هكذا اعرف باللي ما قدرلهاش ;)

محمد رمزي18

2011-07-29, 15:55

واذا كاين التباس آخر ....غير هات

محمد رمزي18

2011-07-29, 15:57

جماعة صح الامتحان تاع الانجليزية لازم نجوزوه قبل 31 جوييلية ؟؟؟؟

محمد رمزي18

2011-07-29, 16:04

للعلم راني ضعيف في الانجليزية ممكن نجيب روحي شوي ؟؟؟؟؟؟ظ

الانجليزية ما تتقلقش كامل عليها ..اذا ما تسلكهاش ملييح راح تقراها الاشهر الاولى ...غير كون مهني

aminestam

2011-07-29, 16:34

soyez les bienvenue a boumerdes

محمد رمزي18

2011-07-29, 16:38

soyez les bienvenue a boumerdes

merci amine

bahi3os3os

2011-07-29, 19:13

السلام عليكم :dj_17:......أنا وليد من باتنة حتى انا عطاولي inelec ....حاب نسقصيكم اسكو كاين كونكور فالenglish والا لا .....واذا كاين قولولي وكتاش :confused::confused::confused::confused::confused: :confused::confused::confused::confused::confused: :confused:د

bahi3os3os

2011-07-29, 19:15

achour idoughi

2011-07-29, 19:58

i think that the english exam will be in september

جلال الدين بركة

2011-07-29, 20:27

خاوتي زيدولنا شوي معلومات ... واذا كاين واحد سنة ثانية نتمنى انو يفيدنا ولو بالمحة عن الدروس

oussama ronaldo

2011-07-29, 22:13

مارسي خويا محمد رمزي18 و خويا thetruth
و الله نحيتوا عليا و كاين حوايج نزيد نسقسيكم لكان حبيتوا :
بالنسبة للقراية يبداولنا من الاول يعني la base تاع هندسة كهربائية ؟؟؟؟؟ و زيد سيستام LMD ؟؟؟؟
و الحاجة الثانية لي راهي مقلقتني هي الاقامة ...... يعني مليحا و نقدر نخير لي معايا فلاشمبر ؟؟؟؟؟
وفي الاخير نتمنى نتعارفوا وديما نكونوا كيف كيف ...

thetruth

2011-07-29, 23:48

أخي أسامة ،

بالنسبة لل La Base ، ليس عندي أدنى معلومة ، و لكن لا أظن انهم اهتموا بجانب الإنكليزية ، و اهملوا هذا الجانب

بالنسبة لنظام LMD ، لست متأكد من أنه LMD ، كما أن هذا النظام ليس كما يشاع عنه ، كل مافيه أنه يكثف الدراسة ، و لا أظن أنك غير قادر على أن تتعب

بالنسبة للإقامة ، ليست عندي معلومات مؤكدة ، و لكن سمعت أنها جيدة ، و بالحرف سمعت في أحد المنتديات أنها " رائعة " ، ولكن قيل أن عيبها الوحيد هو بعدها عن مقر الجامعة ، بصخ ما تخافش ياخي كاين النقل ، إلا كنت تحب ترقد بزاف .

نرجو من كل من درس هناك أن يزودنا بالمعلومات .

محمد رمزي18

2011-07-30, 21:09

شوووف أسامة خويا الهندسة الكهربائية تبدا تقراها حبة حبة يعني من البداية ورانا اغلبنا علوم تجربيبية ...معناه ما تتقلقش كامل .
بالنسبة الى ال lmd انا شخصيا "عجبني " وكيما قالك اخي صلاح شارجي شويا عليها الطلبة "يكرهوه" ...وفالحقيقة ما يهمش النظام ..ل م د ولا كلاسيك ولا ماريكان ولا ........ المهم حنا رايحين نقراو ونعمرو راسنا وانت راح تجبد على 8 سنين ان شاء الله ماشي على 3
وبالنسبة للاقامة هي اقامة (اذا خلاو تاع العام اللي فات ) جديدة وجيدة وتقدر تختار رفيق تاعك في الغرفة (2 في الغرفة ) ...والمسافة ليست بعيدة ...(دير في راسك باللي كاين البعض يباتو في اقامة بعيدة 50 كلم على الجامعة ويقطعوها في 2 ساعات !!!!!!!!!) وهاذي انا اللي جربتها باش ما تقولش راه يهدر برك :rolleyes: