ابيات اعجبتنى تنطبق على راس الماء 22 [الأرشيف] - منتديات الجلفة لكل الجزائريين و العرب

attaoui

2011-07-25, 23:06

اكتب هذه الكلمات نقلا عن شعراء الشعر الملحون وفيها الكثير من المعانى الموجهة الى الذين يحكمون دائرة راس الماء التى تقبع فى الفساد ويحكمها اناس جهال لا يمتون بصلة للعلم ولا للحكم بل يصلحون للرعى كما كانوا وهم معروفون باولاد مبار ك منهم الخ....... ولا اوجه كلامى الى الشرفاء بل الى الذين تطابقاي على خير يا هذا الدشرة**لي غاشيها غير فلان و فلان
راني حالف مانولي ذا المرة**و لو نموت في صحرا عطشان
نعشر بر الروم و بلاد الكفرة**و لا نعيشر بر ش....و الرعيان
لحديث تنوفيق و الضحكة صفرة **و الصحبة تحيا و تفنى بالقضيان
بلسانو يعطيك قنطار مصرة**و الحيلة متلبدة تحت البيطان
بالرشوة تلقاه ماشي للعمرة**و يصلي في البيت في آخر رمضان
و يولي بكلاح و عباية صفرة**و يعطيها للزور و كلام البهتان
يحلفلك ليمين قداه مرة **و يحلف بالكعبة و يحلف بالقرآن
و يحرم البزوز و يحرم لمرا**و غير يصد عليك تلقى كذبو بان
أخزيهم يا خالقي في ذا الدشرة**ذا القوم للي حلفها ما فيه امان
أبقاي على خير ياهذا الدشرة **للي يحكمها غير الجاهل و الخوان
تلقى لي ملو غبار السبورة **للسياسة داخلين بلا سلطان
المرفوعة تاليتــها مجرورة**و العطف يوروه غير لفلان و فلان
و الفعل المجهول مبني للكسرة**و اسماء الخمسة يديرو ليهم شان
تلقى المير .... و النايب ......**و المجلس تعبان يختل في تعبان
ما تفرز أمي على واحد يقرا**و لا تفرز صاحي على واحد سكران
غير هيدورة لاصقة في هيدورة**و غيرخاين مدسوس بين الخيان
كا..... مدربين على الحقرة** و يا ويح الي جالهم بين النيبان
كي تسمع لحديثهم عند الهدرة**تقول أنت لبطال هاذو و الشجعان
لو تعجنهم ما يجو في صاق مرا**و لو توزنهم ما يوفولك ميزان
كي الغراب منين يعلا فالشجرة**يحسب كل الخلق تحتو ذبان
أبقاي على خير يا هذا الدشرة **للي لاحت تاريخها في عقب زمان
يا سعد الي جا موظف من برا**بلوصلة يضحا عزيز و مولا شان
يدولو لفراش و يزيدوه مرا**و كل خميس عشاة مشوي عند فلان
ما يحتاجش لا حليب و لا خضرة**كلش خالص جاي من عند الرعيان
هذا باهز جايب مخدة حمرا**و هاذا يجري جايب قريعات دهان
تلقى المشمت غير توصل فالهدرة **و تلقى المرعن غيرتجرجر فالخرفان
أخزيهم يا خالق يفي ذالدشرة**ذا القوم لي شانها ما جا كشان
و ارزقهم لعجاج و معاه الغبرة**وزلط الي بدراهمو يولي جيعان
إذا راد الله من هذا المرة**ما نرجعش خلاص لبلاد الرعيان
أبقاي على خير يا هذا الحفرة **راها ليكم يا شمايت و العديان
ما رنيش على الرجال أهل النعرة**لي كلمتهم ما لقلت منين تبان
ما رنيش على البزوز الى تقرا **و مارانيش على الي سكنو لكفان
مارانيش على الشجرة و الحجرة **وما رانيش على الولية و الحيوان
مقصودي رعيان ما ليهم جرة **و كي عكست ليام و لا ليهم شان
كانو مدسوسين في وقت الكفرة**و ياسر منهم كان في صف العديان
ضروك جاب شهود و ادخل الثورة **و اخرج عندو كاميو قهوة وبلان
لحقولو رابيل حج وزاد امرة**و اصبح في التاريخ يفتي بالبرهان
و يعود يقول بيا واش صرا**كي كنا في الجيش أنا و حياة فلان
فوق احمار و لاحقتني طيارة **ذاك الشي و ضربتها بين الجنحان
و اهجمت على شار بعمود و حجرة **دقدقتو و قديت في جدو نيران
أخزيهم يا خالقي في الدشرة**ذا الحركة لي عايشين بالبهتان
و أرحم من شافو الكحلة و المرة **و ماتو شهداء على الصدق و الايمان
متعهم بالحور في الجنة الخضرة**و اسكنهم يا خالقي خير الجنان..

:mad:اولوا

نايل 17

2011-07-28, 18:22

السلام عليكم
شكرا على هذه القصيدة التي لا تنطبق على بلديتك فقط ؛ بل تنطبق على عدة بلديات منها :
دائرة مسعد وبلدياتها ، عقلية رعيان كلي قرا كلي ما قراش ، ينتخبون أميارا على أساس العروشية ولا يهم إن كان سارق أو زان أو ... واش يجيك من الرعيان الذين هم غير مؤهلين للانتخاب ، البراني يدخلوه قلب الدار خصوصا إذا كان أبرص ومتلق في هدرته كأنه جاي من كوكب آخر ، فلا حجبة ولا حرمة ولا ...
والدليل على ما أقول : مير بلدية سلمانة هذا العجوز الذي سجن في قضية زنا ... وعندما خرج من السجن اُستُقبِل بالبارود و ( رعيان ) ومير بلدية مسعد الذي لا يصحو من سكرته ويبني في فلة في العاصمة بأموال الشعب ...