اريد فسخ خطبتي فرايكم يهمني

[nouna-12]

السلام عليكم
انا حابة ناخذ بارائكم
انا مخطوبة عندي 6 اشهر لكن لحد الان خطيبي لم يتصل بي
و لا مرة بالهاتف
انا مازال ماعرفتش عقليته و لا كيفاش يخمم
مرات ببانلي انه بخيل ما يحبش يخسر دراهم المكالمات و مرات يبانلي انه مش مقتنع بي
ربما لاني اطول منه شوية
و الله راني في حيرة من امري
انا اصلا معقدة من مشكل الطول كونه اقصر مني شوية و انا كنت متمنية راجل طويل عليا
بصراحة من ناحية الشكل و المواصفات كلها اللي تمنيتها لقيتها لكن يبقي مشكل الطول مارقني
مرات تبانلي عادي و مرات لا لا نقول كون نخرج معاه و لا مثلا نهار العرس الناس تضحك علينا
هو لراه حاب يعمل العرس في اكتوبر و انا راني متردة
من جهة الطول
و من جهة عدم الاتصال
راني حابة نفسخ الخطبة و ماما تقولي ماشي اسباب و باباك كون يسمع علي هاذه الاسباب يقول عليك ما تحشميش
لانه من ناحية الاخلاق و الادب الكل يشكر فيه و حتي ابي معجب بيه جدا واش ندير
لوكان راكم في نفس الموقف واش تديروااتمني رايكم بصراحة

فانا فعلا منهارة

[rslan19]

الله يهديك أخت الكريمة الطول والقصر ماهوش عيب أتوكل على الله عزوجل

[difa]

اولا صلي على رسول الله اختي اولا ابارك لك على الخطبة واهنئك على هذا الزوج لا اجد في قولك اي مبرر
من ناحية الاتصال اجد له الف عذر والف حجة ولا الومه ربما يخجل ربما لا يريد ان يحرجك ربما هو غير متقبل فكرة ان يكلمك قبل الزواج او يعارض هذه الفكرة تماما .....................والشيطان وجد المدخل و بدا يوسوس لك
ثانيا فكرة الطول والقصر هذه لا يصح لك حتى ان تفكري فيها ومنذ متى اصبح الطول والقصر مقياس للزواج
اذا كان هذا الزوج لا يريدك فما المانع ان يفسخ هو هذه مجرد وساوس وعليك ان تنزعي هذه الافكار من راسك واحمدي الله على كل شيء
انا خطيبي والله غي انا اجطول منو او ما يبانش قدامي بصح فحل او راجل او نص

[difa]

فكرتي الا في كلام الناس عندما يضحكون عليك انك اطول منه فكري عندما تفسخين الخطبة ماذا يقولون لقد تركها اكيد انه راى فيها شيئا .................................................. ...الخ اياك اختي ان تتسرعي او تتهوري كوني عاقلة

هذه نصيحة من اخت لك تدعى ايمان

[مختار الامين]

إستخيري الله فهو ينزع الوسواس من رأسك
على كل أسباب الامتناع عن الكلام في الهاتف شيئ عادي
حتى انا لن اتكلم مع خطيبتي في الهاتف إلا للضرورة
أما قضية الطول فاسمحيلي انا لا اوافقك لنعكس المسألة لو كان هو أطول وأنت قصيرة هل تتخذي الطول مقياس
أخيرا ندعو لك التوفيق وبارك الله لكما وعليكما وفيكما

[وردة أمل]

يا أختي كاينة حاجة مهمة بزاااااااف لازم نعرفيها و هي أنه الشرع يحرم الشاب يكلم خطيبته في الهاتف أو أن يخرج معاها حتى يتم العقد الشرعي...............و هذي حاجة تبشر بما أنه لم يتصل فهو مطبق للشرع .....و هذي تحوسي تعرفي عقليته و تتعرفي عليه كثر خليك منها لأنه أنت لما جا خطبك أكيد سقسيتي عليه و قالولك سيرته و علاقته مع الناس و أخلاقه و انت رضيت وقبلت و كيما راكي تقولي فيه المواصافات لي كنت تتمنايها في شريك حياتك

و قضية انه قصير عليك نحيها من بالك خلاص لأنه الطول و القصر عمرهم ما كانوا مقاس للإنسان

تعوذي من الشيطان و خليك متمسكة بيه ماداموا انسان على خلق و دين

ربي يوفقك و ييسر لك أملك

[nouna-12]

اقسم بالله لما رايتك ردودكم انهارت عيوني بالدموع
فانا جد محبطة من هاته الامور
فشكرا لارائكم

[مصرية من الجزائر]

موضوع الطول والقصر هذا ليس مقياس..المهم الأخلاق
وياحبيبتي ..لا ترتدي كعب عالي ...خلي ف الحاجات الزحافي
...
وطبعا قبل أي شيء استخيري ربناا..
موضوع الاتصال هذاا..ربما مثل ما قيل هو يريد أن لا
يسمح بالشيطان مثلا بالدخول بينكم..
لو كان بخيل
كان هيرن عليك فقط ..وهيخليك انت تتصلي..!! بتحصل..
لكن مقياس البخل دا بتكشف ف مواقف كثير
مثلا عندما يزوركم ف البيت هل بيكون معاه هدايا..وهكذاا
او مثلا هتشتروا أشياء لبيتكم
ماذا يكون موقفة في الثمين...!!
يعني المكالمات ليس لها علاقة بالبخل...
وربنا يوفقك للأصلح يارب:19:

[maiar]

ghalta okhti nouna
t3 toul mathamch khalas w m3 lwakt twalfi w tjik normal
w t3 tilifon mabkach bezaf brabi nchalah october mabkalouch
ana mn ma nchouf li n3rfhom l3klia t3 dork li yn3thalek khatibek
mch hea li tkoun mn b3d mch kaml mais tetbadel
w blek 3ndo 3odr maikhalihch y3ait blek yhchem
ma tzarbich rouhk w rabi ysahelek
w mabrouk

[سفيان01]

السلام عليك أخيتي......
أخيتي الكريمة هداك الله....
كيف تريدين من خطيبك أن يكلمك وليس بينكما عقد شرعي....أيضا من وجهة نظري أن أهلك سألوا عن هذا الشخص لما جاء لخطبتك..كما أرى أن أسبابك واهية قضية الطول...وغيرها...من المفروض أنك تحمدين الله لأنه رزقك برجل نحسبه صالحا من خلال ماذكرت عنه من صفات...ربي يهنيك ودع عنك الوساوس....
أخوك في الله سفيان:dj_17:

[* زهرة البنفسج *]

اخيتي العزيزة لا تحتاري و لا تبكي

في فترة الخطبة هذه . عادة ما تمر الفتاة بأفكار عديدة تتجاذبها

و هذا طبيعي لأنها تتمنى كل السعادة في حياة مازالت معالمها لم تتضح بعد

هي الزواج، ومع شخص لاتعرفه. تحلم ان يكون مثاليا الى حد ما

ومن كثرة التفكير في لحظات ضعف تهرب إلى إختصار الطريق بالعدول

عن فكرة الزواج (صدقيني كلنا مررنا بهذه الأحاسيس وها نحن الآن نضحك على انفسنا من تلك الأفكار المجنونة)

استمتعي بلحظات لن تعود،واطردي عنك وساوس الشيطان

الهاتف لايمكن ان يكون مشكلة،فالأصل في العلاقة هكذا

ايضا الطول والقصر٠٠٠كل هذا اوهام من الشيطان ليهدم هذا الزواج

اخيتي لاتضيعي وقتك الثمين في افكار لا أساس لها من الصحة

واشغلي نفسك بتحضير لوازمك و قراءة كتب تفيدك

تحياتي مع تمنياتي بزواج سعيد

[difa]

ها عندك شك ايا احمدي ربي او ما تنسايش الحلوى

[(الانسان الوفي)]

يا أختي كاينة حاجة مهمة بزاااااااف لازم نعرفيها و هي أنه الشرع يحرم الشاب يكلم خطيبته في الهاتف أو أن يخرج معاها حتى يتم العقد الشرعي...............و هذي حاجة تبشر بما أنه لم يتصل فهو مطبق للشرع .....و هذي تحوسي تعرفي عقليته و تتعرفي عليه كثر خليك منها لأنه أنت لما جا خطبك أكيد سقسيتي عليه و قالولك سيرته و علاقته مع الناس و أخلاقه و انت رضيت وقبلت و كيما راكي تقولي فيه المواصافات لي كنت تتمنايها في شريك حياتك

و قضية انه قصير عليك نحيها من بالك خلاص لأنه الطول و القصر عمرهم ما كانوا مقاس للإنسان

تعوذي من الشيطان و خليك متمسكة بيه ماداموا انسان على خلق و دين

ربي يوفقك و ييسر لك أملك


السلام عليكم..............لا تقولي ما لا تعلمين ...يوجد من حرم الكلام ويوجد من اباحه ومنهم الشيخ ابن باز رحمه الله

[imi02i]

استخيري لله أولا

ثم فكري : ليس الكل يؤمن بالمكالمات الهاتفية

فلربما هو من النوع الذي يرفض الهاتف ؟

وهذا ليس شيئا سلبيا

لأنك لو رجعت 5 سنوات إلى الوراء

فقد تجدين أن المكالمات الهاتفية منعدمة بين المخطوبين

[شهد حنان]

مشكل الطول والقصر لا يهم المهم هو التوافق النفسي بينكما فانزعي هذه الفكرة من راسك نهائيا
وربي يوفقك اختي

[sarl02]

اولا بالنسبة للطول والقصر ..الخ هذه اسباب واهية لا ينظر اليها مدام اتقدم ليك معناه راه راضي بيك ومدام اقبلت راكي راضية ايظا احمدي ربي على هذا ...ثانيا من جهة المكالمات الهاتفية اتحذث بصفة عامة هنا اتحدى اي وحدة واي واحد فيكم يا من تدعون قول الحلال والحرام ان بان لا تتحدثي او لا تتحدث في الهاتف مع الطرف الاخر في مرحلة الخطبة خاصة في وقتنا الحالي ...اهدرو هدرة معقولة يرحم والديكم ....وانت ربي اكملك اختي واهنيك ..

[nouna-12]

اولا بالنسبة للطول والقصر ..الخ هذه اسباب واهية لا ينظر اليها مدام اتقدم ليك معناه راه راضي بيك ومدام اقبلت راكي راضية ايظا احمدي ربي على هذا ...ثانيا من جهة المكالمات الهاتفية اتحذث بصفة عامة هنا اتحدى اي وحدة واي واحد فيكم يا من تدعون قول الحلال والحرام ان بان لا تتحدثي او لا تتحدث في الهاتف مع الطرف الاخر في مرحلة الخطبة خاصة في وقتنا الحالي ...اهدرو هدرة معقولة يرحم والديكم ....وانت ربي اكملك اختي واهنيك ..

الشئ الغريب اللي تقول عليه انا راه حاصلي
و اذا تحداني انا
فانا فعلا اراه غريبا لكن لا حل بيدي

[عبدالرحيم75]

أختاه برأيك هذا تكونين إما تسخرين من الصنعة ؟ وإما من الصانع ؟؟؟ ربي يهديك ،عطاك ربي راجل ونص في الوقت الذي قل فيه الرجال ومازلت تخيري وتخمي ،يزي بلا أفكار شيطانية ،قومي وجهزي روحك وكوني أنت في المستوى الذي لأجله أختارك أنت بالذات عن بقية النساء ،اتمنى لك السعادة والنعيم في حياتك الزوجية ،أختاه هني روحك يهنيك ربي

[nouna-12]

أختاه برأيك هذا تكونين إما تسخرين من الصنعة ؟ وإما من الصانع ؟؟؟ ربي يهديك ،عطاك ربي راجل ونص في الوقت الذي قل فيه الرجال ومازلت تخيري وتخمي ،يزي بلا أفكار شيطانية ،قومي وجهزي روحك وكوني أنت في المستوى الذي لأجله أختارك أنت بالذات عن بقية النساء ،اتمنى لك السعادة والنعيم في حياتك الزوجية ،أختاه هني روحك يهنيك ربي

حاشا لله يا اخي فانا لا اعيب لا الخالق و لا المخلوق
لكن اللي قلته غير الشئ اللي حسيته و ماشي ساهل عليا باش قلت هاذ الشئ في المنتدي
حتي لقيت روحي تعمرت و ما لقيت لمن نفرغ قلبي اللي راه معمر
العيب ماشي فيه و هو مش قصير لدرجة كبيرة لكن بالنالسبة ليا انا انا اطول منه
هاذ الشء اللي عاملي شوي احراج

[دكتورة بإذن الله]

السلام عليكم
انا حابة ناخذ بارائكم
انا مخطوبة عندي 6 اشهر لكن لحد الان خطيبي لم يتصل بي
و لا مرة بالهاتف
انا مازال ماعرفتش عقليته و لا كيفاش يخمم
مرات ببانلي انه بخيل ما يحبش يخسر دراهم المكالمات و مرات يبانلي انه مش مقتنع بي
ربما لاني اطول منه شوية
و الله راني في حيرة من امري
انا اصلا معقدة من مشكل الطول كونه اقصر مني شوية و انا كنت متمنية راجل طويل عليا
بصراحة من ناحية الشكل و المواصفات كلها اللي تمنيتها لقيتها لكن يبقي مشكل الطول مارقني
مرات تبانلي عادي و مرات لا لا نقول كون نخرج معاه و لا مثلا نهار العرس الناس تضحك علينا
هو لراه حاب يعمل العرس في اكتوبر و انا راني متردة
من جهة الطول
و من جهة عدم الاتصال
راني حابة نفسخ الخطبة و ماما تقولي ماشي اسباب و باباك كون يسمع علي هاذه الاسباب يقول عليك ما تحشميش
لانه من ناحية الاخلاق و الادب الكل يشكر فيه و حتي ابي معجب بيه جدا واش ندير
لوكان راكم في نفس الموقف واش تديروااتمني رايكم بصراحة

فانا فعلا منهارة

السلام عليكم ومساء الخيرات اختي الكريمة ..........يا اختي قلبك معمر ...و احنا وين رحنا و علاه رانا

كاينين هنا غير باش نسمعوك و نعاونوك و نوجهوك ووو احكي نورمال نحن اخوتك

بالصح ما تزعفيش منا كي نقولولك الصح

سادخل في المفيد لي هو حكايتك ما تلفظتي به ليس سبب مقنع لفسخ الخطبة ابدااااااااا ......

ولا تفكري هكذا مطلقاااااااا... و نحي حكاية فسخ الخطبة من راسك نهائيا

بقي شهرين.... و تتوجين ربة منزل ان شاء الله........ساوضح لك الامر جيدااا

شوفي اختي ما تعانين منه هو مثل بعض او اغلب الفتياة هو الخوف من الزواج و الخوف من

المجهول خصوصا اذا كان الشريك مبهم ...كما هو بالنسبة لك لا تعرفيه عنه شيء ...

و بالتالي تصبحين تخلقين في بعض الاسباب .. كما تراودك الوساوس و بعض الافكار السوداوية و السلبية

...... و ترين اتفه سبب و تجعلين منه منعرج للانسحاب

مثلما حدث معك و اصبحتي تتحججين بالطول و القصر ....في حين هو سبب تافه جدا ....

و احمدي ربي لي راهو راجل ذو دين و اخلاق .......واش تزيدي غير هاك

و كل تلك الصيفات الايجابية الرئيسية من خلق و اخلاق و دين فيه ووو ....لم تريها ؟؟؟

في حين صفة ليست لا ضرورري و لا رئيسية و لا ثانوية ......صارت تشكل عائق لك؟؟؟؟

و تفكرين في كلام الناس مع الناس لا يرون هذا مطلقا ...؟؟ واش دخلهم فيك و انت علاه تفتخي وذنيك ليهم ؟؟

و الناس رايحين يتزوجو ام انت ؟؟

وين المشكل اذا انت طويلة و هو قصير .....نورمال هاذي ..بعض الازواج موتو اطول منو و نورمال .......

اصلا ارضاء الناس غاية لا تدرك ...و الناس تهدر تهدر حتى لوكان يكون مخير تاع لمخير لابد يهدرو لانه لا يملؤ فمهم الا التراب

و بخصوص انه لا يكلمك و غيرها اختي اشرحي وضعك لامك انك تودين ان تتعرفي عليه اكثر

في اطار الدين و الشرع و الخطبة هي وعد بالزواج في حين هي تعارف شرعي و تمهيد للزواج

كي يحدث الالفة بينكما لذلك افتحي قلبك لامك بخصوص حديثك معه و حكاية الطول و القصر ووو هذي نحيها من راسك نهائيا

و عيب تجبدي هاذي الهدرة مع ابوكي او امك او حتى مع نفسك ...لانك ستتزوجين و تصبحين امراة و مسؤولة عن كلامك .....

و بالتالي امك توضح الامر لابوكي و هو يعرف كيفاش يحل اشكالية التواصل بيناتكم بعين العقل و الصواب ...ارجو ان الامر توضح لك

و في الاخير يا اختي نحي فكرة الفسح من راسك نهائيا ..و ما هو مبهم لك توضيحه ...و ربي يجمع بيناتكم في الخير

و بقالك شهرين .....و انشاء الله تولي ربة منزل ......و ادعي الله في رمضان ان ينير دربك

و مبروك عليك الخطبة و لعقوبة للزواج و نحي المخاوف و اتكلي على ربي سبحانو ...

و اتهلاي في راجلك لا خاطر راهم الرجال الصالحين .... الناس يحوسو عليهم بالمجهر كي يجدونهم ..

ربي يهنيك اخيتي ...........

اختك في الله عائشة .....مجرد راي .......سلاااااااااااااام

[أمآآآآني البنفسج]

السلام عليكم و رحمة الله تعالى و بركاته

أختي الكريمة كما يقال " ما يحس بالجمرة غير اللي عافس عليها "

ردودنا فقط تعبير عن وجهات نظرنا

أنا أفهم جيدا إحساسك أختاه و أعلم أنك مقتنعة أن الرجل

يختار على دينه و خلقه و حسن صفاته

و مع ذلك مترددة أيضا في قضية الطول

يلزمك أخيتي قليل من التريث و الاقتناع أن كلام الناس لن يرحمك

في كل الأحوال حتى و إن كان زوجك أطول منك و أجمل منك

فلن تسلمي من كلامهم و إن لم يقولوا شيئا سيقولون هو أجمل منها

أو ربما هي أجمل منه يعني الانتقادات فيها فيها و لا مفر منها

أما الحديث في الهاتف فلا أعتقد أن هذا الجيل يستغني عنه

و قد قلت أنك مخطوبة منذ 6 أشهر و خطيبك لم يتصل بك ؟؟

في الحقيقة الأمر محير جدا .. لا أقصد إرباكك لكنني أتحدث عن تجارب

المحيطين حولي .. و الله أعلم

فأغلب حالات الإعراض عن التحدث في الهاتف تكون للأسباب التالية :

1- دخول الخاطب في علاقات سابقة كثيرة مما يجعله يتفادى الحديث مع خطيبته .

2- خروج الخاطب من تجربة حب فاشلة جعلته يتعقد و يخاف الفراق .

3- هناك المتعصب و المتشدد في الدين ممن يرى التحريم في المكالمات الهاتفية .

4- هناك من لا يحب الاختلاط كثيرا بالناس فتجدينه منعزلا و خصوصا مع الجنس الآخر

و هذا ما يجعله مترددا .. حذرا من علاقته بخطيبته

و لربما هناك أسباب أخرى تتعلق بالشخص في حد ذاته

حاولي اكتشافها و سؤال أخته عنها مثلا

و مهما كان السبب أختاه فليس من حقك محاسبة الشخص على ماضيه

كما أنك سبق و قلت أنه خلوق و الكل يشهد له بذلك

و مادام اختارك زوجة على سنة الله و رسوله فهذا يكفي

تعوذي بالله من الشيطان الرجيم و دعي عنك وساوس لا تسمن و لا تغني من جوع

ستتعرفين إليه أكثر عندما تتزوجين به لتكون المودة و الرحمة المذكورة في القرآن

و ربي يسهل لك أختاه و يجمع بينكما في كل خير

[هامتارو]

اولا الرجل خاطب و ليس بينكما عقد شرعي كي يحدثك و اعتقد انه السبب الذي جعله لا يكلمك بالهاتف و ليس بخله كما تعتقدين.

ثانيا مسالة الطول لا اعتقد انها حجة لفسخ خطوبة و خاصة انها دامت 6 اشهر.

و انصحك اختي بالاستخارة.

تقبلي مروري .

[أومال]

السلام عليكم و الرحمة
لا يهم الطول و لاغير المهم الاخلاق و الدين و انه ابن فاميليا
اختي اذا كنت مقتنعة به و من ترضيه و يرضوه اهلك
فمبارك عليك مسبقا
و اتم الله بينكما ان شاء الله بالخير و البركة

[المتوكل محمد]

نعم حيرتكِ في محلها ومعك حق فيها ..
وكلام الاخت ملاك الطهر فيه واقعية ..
لذلك إذا كنتِ مقتنعة به وراغبة فيه فعليكِ أن تحاولي
معرفة سبب تصرفه هذا وهل هو مقتنع بالزواج أم لا ؟
عن طريق امه أو أخته أو حتى أحد إخوانك يسأله ..
وفقنا الله تعالى لكل خير ..

[chahrazed science]

السلام عليكم.
اختي الكريمة ....حبيبتي في الرحمن.......أولا وقبل كل شيء بارك الله لك فيه وباركه عليك وجمع بينكما في خييييير ..أود ان اذكرك يا أخيتي بقول حبيب البشر محمد صلى الله عليه وسلم. قال : اذا جاءكم من ترضون دينه وخلقه فزوجوه......
وعليه اخيتي استخيري الله واستعيذي به من الشيطان. يوفقك الى الخير

[المغتــــــرب]

السلام عليكم

جميل ان تسألينا ماذا افعل ؟ ..

لكن يا أسفي عليك ..

اونسيتي الله ؟؟؟!!


يا اختي سلي الله حاجتك يطمئن قلبك ويرتاح بالك ..

وحبذا لو تصل ركعتين لله وتطلبي في سجودك ان ييسر لك حاجتك ويقضي بما فيه الخير لك ولزوجك ولأهلك


هذا اولا

- وبما انك استشرتنا في امرك فياأختاه ، الزواج ثم الزواج ثم الزواج ، لا تدعي فرجة للشيطان يدخل منها ...

بصراحة اقولها لك ولا تزعلي مني ، انت غبية ، -معذرة- لكنه الواقع ، رزقك الله بزوج مؤمن وتترددين ! ،ولاجل ماذا ؟؟؟
لاجل مكالمة هاتفية ..

هذا رأيي والله اعلم ، فقط استشيري الله يااختي ولن تندمي

والله لن تندمي على استشارتك لخالقك


سلام

[دموع الحيــاة]

مدّة 6 أشهر دون سؤال عنكِ
لا أظنّه بخلاً
لأنّ البخيل يتــّصل مرّة أو مرّتين ولا يطيل الكلام
أو يبعث رسالة فهي لا تكلـــّف الكثير



على كلٍّ
عذره معه إن كان فعلاً بخيلاً ...أو لديه أسباب شخصية ...لا تضرّكِ أنتِ
لكي لا يسأل عنكِ .








مسألة الطّول فليست بمشكلة أبداً

كم من نساء أطول من رجالهنّ ولا حرج في ذلك

[لميس 79]

أختي العزيزة مشكلتك راهي عويصة وانت محقة في خوفك،،،لكن ليس بسبب الطول،،،وانما بسبب عدم التعرف على من ستقضين معه كل حياتك،،،وأنا أنصحك نصيحة من اخت لاخت ولك حلين لا غير

1ـ أما ان تطلبي من والدتك ان تسمح لخطيبك ان يزوركم في البيت وبحضور أهلك حتى تتمكني على الاقل من التعرف عليه عن قرب
2ــ اتصلي به انت وتعرفي عليه اكثر حتى لا تندمي بعد ذلك

فالزواج مسؤولة كبيرة تحتاج لتوافق في الأراء وتقبل كل واحد للآخر ، وطبعا مودة واحترام وتعاون


ومبروووووووووك عليك وربي يجيب الخير،،،ولا تنسي الاستخارة

[booma]

ما خاب من استخار يا اختي و الطول ليس مشكل اضافة الى انه لن تتعرفي على خطيبك من المكالمات لان الخطيبين عادة ما يظهران محاسنهما و يخفيان عيوبهما التعرف على شخص ياتي بعد العشرة يااختي وفقك الله الى ما فيه خير لكما و استعيذي من وساوس الشيطان فهمه الاكبر التفريق

[bibicha]

salam okhti awalan mochkil toul c pas un problem w hada kholk rabi sobhano asta3Idhi bilah w fima yakhos khatibak ki ja ldarkom babak t3arf 3Lih?w tu pense ymad banto l 'insan fih mowasafat ma ta3jabch?w zid defoi nahkiw m3a nas f telefone w ymadoulna soura ghalta 3Lihom mais nhar nat3rafo "Lihom natchokaw ben khatibak ma habch yabni chato ta3 rmal w je pense rah hab tat3arfi L3ih ba3d zwaj win tkoun mawada w moufahama

[nouna-12]

شكرا لنصائحكم القيمة
شكرا علي وقتكم الذي ضيعموه في قراءة انشغالي و ردكم علي موضوعي
فالشكر وحده لا يوفيكم حقكم

[bibicha]

w tu pense loukan ma jacha wlid familiya yji yakhtbak?w yanwi el hlal?w zid jamais nhasbo chrik el hyat 3la el madi dyalo psq kol wahd 3ach madih w rabi sobhano wahdo li yhasab donc khami mlih okhti

[nouna-12]

w tu pense loukan ma jacha wlid familiya yji yakhtbak?w yanwi el hlal?w zid jamais nhasbo chrik el hyat 3la el madi dyalo psq kol wahd 3ach madih w rabi sobhano wahdo li yhasab donc khami mlih okhti


من جهة ولد فاميليا ولد فاميليا و نص يخاف ربي مصلي مدين ما عندي مانقول فيه
و هذي شهادة الجميع بمن فيهم ابي اخوتي و حتي اعمامي يعرفوه و يشكروا في اخلاقه
لكن علي ماضيه ما نحاسبوش مهما كان
لكن انا نتحدث علي عقليته و تفكيره
كيفاش واحد في 2011 مايتصلش بخطيبته انا كامل ما دخلتش راسي

[bibicha]

من جهة ولد فاميليا ولد فاميليا و نص يخاف ربي مصلي مدين ما عندي مانقول فيه
و هذي شهادة الجميع بمن فيهم ابي اخوتي و حتي اعمامي يعرفوه و يشكروا في اخلاقه
لكن علي ماضيه ما نحاسبوش مهما كان
لكن انا نتحدث علي عقليته و تفكيره
كيفاش واحد في 2011 مايتصلش بخطيبته انا كامل ما دخلتش راسي



ih kayan surtt ida kounti men jwayah sahra wala khatibak kan insan mdayan choufi khti el wakt li rana fih mabkawch bezaf wlad familia w bezaf d jeune yatmaskhro b el bnat w flakhar mayakhtabha ma walo w nathada li tkoli makach manha w zid madam 3arfo babak w khawtak w chahdo q wlid familiya haja matkhalik tatkalaki w zid
kaynin bezaf nas ma ya3rfouch yahdro f tel w ywaslo afkarhom w ana wahda m nas w pettre rajlak m had nou"3 w ykhaf ma ywasalkch lfikra li fi rasso w tadi nadra machi mliha 3Lih wala ykhaf yatkhasar m3ak w zid wolah 90% mel machakil sabab dyalhom telephone okhti

[nouna-12]

ih kayan surtt ida kounti men jwayah sahra wala khatibak kan insan mdayan choufi khti el wakt li rana fih mabkawch bezaf wlad familia w bezaf d jeune yatmaskhro b el bnat w flakhar mayakhtabha ma walo w nathada li tkoli makach manha w zid madam 3arfo babak w khawtak w chahdo q wlid familiya haja matkhalik tatkalaki w zid
kaynin bezaf nas ma ya3rfouch yahdro f tel w ywaslo afkarhom w ana wahda m nas w pettre rajlak m had nou"3 w ykhaf ma ywasalkch lfikra li fi rasso w tadi nadra machi mliha 3lih wala ykhaf yatkhasar m3ak w zid wolah 90% mel machakil sabab dyalhom telephone okhti

شكرا لكي اختي علي رايك

["زينب"]

السلام عليكم
أنا نظن بما أنه ولد فاميليا و مدين أكيد يحشم و أيضا إذا راكو غير خاطبين يعني مكاين لا عقد شرعي و لا إداري يعني مزال معندوش الحق يكون في خلوة معاك أو يهدر معاك ف الهاتف و الله أعلم

[nouna-12]

السلام عليكم
أنا نظن بما أنه ولد فاميليا و مدين أكيد يحشم و أيضا إذا راكو غير خاطبين يعني مكاين لا عقد شرعي و لا إداري يعني مزال معندوش الحق يكون في خلوة معاك أو يهدر معاك ف الهاتف و الله أعلم


نعم يا اختي ماناش عامليين عقد
لكن رانا في 2011 و علاش هاذ الوقت راه كاين الراجل اللي يحشم

["زينب"]

أكيد كاين مدام كاين البنت اللي تحشم كاين تاني الراجل اللي يستحي
و الله راجل كيما هذا لازم تحافظي عليه , و أكيد أنتي أول إمرأة في حياته و هذي حاجة ولات نادرة

[عبدالرحيم75]

هذا وين فهمتك ،يالأخت نونا ،راكي ماكيش قابلة كامل بالراجل ،ومالقيتي حتى سبب لي تقنعي به روحك ووالديك خاصة ،إلا مسألة الطول والقصر ،راكي تشوفي فيه مصير مجهول ،وفي أيامات الخطبة ينوضوا العروق الأولين ،ردي بالك ،لي يتبع الناس واش يقولوا يبقى بوهالي على طولو ،جهزي روحك للعرس ويزي بلا دلال ،ربي عطاك الخير ،راح تهربي للشر برجليك ..........حذار وأغلق الموضوع نهائياً .

[nouna-12]

هذا وين فهمتك ،يالأخت نونا ،راكي ماكيش قابلة كامل بالراجل ،ومالقيتي حتى سبب لي تقنعي به روحك ووالديك خاصة ،إلا مسألة الطول والقصر ،راكي تشوفي فيه مصير مجهول ،وفي أيامات الخطبة ينوضوا العروق الأولين ،ردي بالك ،لي يتبع الناس واش يقولوا يبقى بوهالي على طولو ،جهزي روحك للعرس ويزي بلا دلال ،ربي عطاك الخير ،راح تهربي للشر برجليك ..........حذار وأغلق الموضوع نهائياً .

من جهة عندك الحق يا اخي عبد الرحيم
لكن من جهة اخري انت تاني اعذرني و حط مكاني في مكاني
كون عندك اخت وواحد شافها و خطبها و من هذيك الساعة ما كلمها ما عرف عقليتها ما عرفت عقليته
بالاك في مجال المكالمات ما يتفاهموش علي اشياء يتفاداوها و لا اي شئء اخر
ممكن هي و لا هو يبدل رايوا انا واحدة نفضل الان احسن من بعدين
انشاء الله تكون وصلاتك فكرتي و مت تظنش بيا الظن السئ

[abdel02]

السلام عليكم
انا حابة ناخذ بارائكم
انا مخطوبة عندي 6 اشهر لكن لحد الان خطيبي لم يتصل بي
و لا مرة بالهاتف
انا مازال ماعرفتش عقليته و لا كيفاش يخمم
مرات ببانلي انه بخيل ما يحبش يخسر دراهم المكالمات و مرات يبانلي انه مش مقتنع بي
ربما لاني اطول منه شوية
و الله راني في حيرة من امري
انا اصلا معقدة من مشكل الطول كونه اقصر مني شوية و انا كنت متمنية راجل طويل عليا
بصراحة من ناحية الشكل و المواصفات كلها اللي تمنيتها لقيتها لكن يبقي مشكل الطول مارقني
مرات تبانلي عادي و مرات لا لا نقول كون نخرج معاه و لا مثلا نهار العرس الناس تضحك علينا
هو لراه حاب يعمل العرس في اكتوبر و انا راني متردة
من جهة الطول
و من جهة عدم الاتصال
راني حابة نفسخ الخطبة و ماما تقولي ماشي اسباب و باباك كون يسمع علي هاذه الاسباب يقول عليك ما تحشميش
لانه من ناحية الاخلاق و الادب الكل يشكر فيه و حتي ابي معجب بيه جدا واش ندير
لوكان راكم في نفس الموقف واش تديروااتمني رايكم بصراحة

فانا فعلا منهارة
الناس همها الوحيد التفريق بين الاحبة...طويله عليه يضحكو...طويل عليك يضحكو...سمين يضحكو...رقيق يضحكو...شباب بزاف يغيرو...ماشي شباب يكرهوك فيه...انا في نفسي...فترة الخطوبة مانيش رايح نكلم مخطوبتي لانها فترة حساسة...والدليل راكي شاكة انو مشحاح و...و...دعي عنك الوساوس...وما تتغريش بالبنات اللي تقولك خطيبي عندو الgratuit نباتو نهدرو....انا اؤيد زوجك...فقط انت لازم تتاكدي انو الشيء اللي راه يدير فيه واجب وراه متقي الله فيك...ما تجريهش للحرام وربي يكمللكم في الحلال

[أسامة17]

الانسان مادة وروح وما دامت أخلاق خطيبك حسنة فلا تضيعيه وكوني أنت المتمسكة به لأنه يبدولي حسب كلامك عملة نادرة خصك الله بها دون سواك أما عن عدم اتصاله بك فربما يكون من شدة حيائه وتدينه وهذا معناه أنه لك وحدك ولم يتعامل مع غيرك وربما يخشى أن تكوني ملتزمة وتنكري وترفضي اتصاله بك وقد عزف عن ذلك حتى لا يخسرك وتأكدي أن الانسان مهما يكون بخيلا فانه لا يخسر خطيبته بسبب البخل بل العكس يكون بخيلا مع غيرها أما هي فلا
أرجو أن تكون للنصائح التي سبقتني من الاخوة والاخوات صداها في نفسك وأن الذي تقدم لك لم يكن شارب خمر ولم يكن من الشباب المتهور المتلاعب ولا من الذين يتعاطون المخدرات أو لديه سوابق
فالاكيد أنك انسانة طيبة لذا رزقك الله بهذا الذي نحسبه طيبا والعقوبة ان شاء الله لطزينة ذراري

[nouna-12]

جازاكم الله خيرا
فعلا لم اخطئ لما وضعت انشغالي هنا
فتغيرت بعض المفاهيم لدي
اجاباتكم و ردودكم تطلع المورال
شكراااااااااااااااااااااااااااااا

[abdel02]

نعم يا اختي ماناش عامليين عقد
لكن رانا في 2011 و علاش هاذ الوقت راه كاين الراجل اللي يحشم
هدا الرد لم يعجبني تماما...يا اختي المحترمة...ينبغي ان تغيري بعض المفاهيم المكتسبة والتي لا تصلح لبناء اسرة على اسس متينة...اتمنى ان تتقبلي راي واحد مثل اخوك...

[مريم قسنطينة]

يا أختي فكري مليح أنا كون جيت في بلاصتك ما نخممش كيما أنتي، نقول علاه هاو هو راجل و ما حشمش خاطر قصير على خطيبتو ،و راهو قانع ولا كون ما جاش خطبك خلاص، يظهرلي هذا واضح ، مالا خليك من التوسويس تاع الشيطان اللي حابك تقعدي في دار باباك، كاينين بنات بزاف اللي ما زالوا يسناو في مكتوبهم و يديروا المستحيل باه يظفروا بزوج صالح و ذو أخلاق عالية كيما راجلك على حد كلامك ، ربي يهنيك و يكملك ، أنتي ما تحشميش من الناس براجلك و لا بروحك خاطر راجلك ماهوش حاشم بيك و لا بكونو قصير منكي ، و الهاتف كل واحد و عقليتو

[Hicham Ahmed]

جازاكم الله خيرا
فعلا لم اخطئ لما وضعت انشغالي هنا
فتغيرت بعض المفاهيم لدي
اجاباتكم و ردودكم تطلع المورال
شكراااااااااااااااااااااااااااااا

السلام عليكم

أختي.. هي مجرد وساويس شيطانية.. انا لن اقول شيئا لأن رأيت ردود أهل الخير وهي شافية ، لكن :

ماذا لو اتصل خطيبك وقال لك انا اريد ان افسخ خطبتي...انا لا احتاج لجواب...

لكن حاولي ان تجيبي نفسك وستعرفين الخطأ التي انت واقعة فيه..

على كل أسأل الله العظيم ان يزيل عنك هذه الوساويس..

[عبدالرحيم75]

لقيتلك الحل يامونا12 ،كي عاد هو ماأتصلش بيك ،أتصلي به أنت وهني روحك ،ياك راكي خطيبتوا هو حشم كيما قالولك ،بادري انت وكسري حاجز الحشمة ،وافهمي من عندو واش به واش خصو ،هو بعد ممكن راهو موجود في كانش منتدى وقال خطيبتي طويلة ،وعندها 6 أشهر ماعطاطليش رقم الهاتف ،كيفاه تحبو نفهم عقليتها وتعرف هي عقليتي .....................* واحد بالقرأن يغني ،وواحد مالاقاش باه يصلي * هني روحك ياأختي مونا12 ظاهر عليك طيبة وناس ملاح ياسر ،عطاك ربي كل الخير ،واهوش ربي ساترك براجل مليح ،راح تريحيه وتندمي عليه طول عمرك مع كانش واحد مايستاهلكش

[جمال الدين24]

من جهة ولد فاميليا ولد فاميليا و نص يخاف ربي مصلي مدين ما عندي مانقول فيه
و هذي شهادة الجميع بمن فيهم ابي اخوتي و حتي اعمامي يعرفوه و يشكروا في اخلاقه
لكن علي ماضيه ما نحاسبوش مهما كان
لكن انا نتحدث علي عقليته و تفكيره
كيفاش واحد في 2011 مايتصلش بخطيبته انا كامل ما دخلتش راسي

في 2011 أو 2111 أو في السنة 1 هجري عندنا دين واحد ما يتبدلش
++دخليها في راسك مليح ، لأنك تشهدي عليه راه مدين

[جمال الدين24]

نعم يا اختي ماناش عامليين عقد
لكن رانا في 2011 و علاش هاذ الوقت راه كاين الراجل اللي يحشم

أختي باين عليك انسانة طيبة
لكن لي يسمع كلامك يقول راكي باغية واحد مايحشمش

[هامتارو]

نعم يا اختي ماناش عامليين عقد
لكن رانا في 2011 و علاش هاذ الوقت راه كاين الراجل اللي يحشم




ليس حشمة لانه شرعا لا يجوز له ان يتحث معك و ان شاء الله كي ديرو العقد الشرعي يعيطلك و تشبعي من هدرتو.

كاين استاذ في الجامعة نعرفو خاطب وحدة و مداير العقد الشرعي و لا يتكلم مع زوجته هاتفيا.

قالي كي يقرب العرس ان شاء الله بشهر او شهرين نرسللها بورتابل و نحدثها.

[ROZ47]

لطول ليس مشكلة إن كانت هاته المشكلة لأنه في الحقيقة عندما نحب شخصا ما نتقبله كما هو حتى بأخطائه لفقط لأننا نحبه ونتمنى أن يرضى عنا
فلذلك أخيتي العزيزة إن كان المشكل فقط الطول فلا تخسري شخصا يحبكي ويتمنى رضاكي لذلك أرجوكي وأرجوكم لا تفرطوا في أشخاص تحبونهم لأسباب تافهة تندمون عليها فيما بعد ونتمنالك كل التوفيق والحياة الطيبة الكريمة وزواج سعيد إنشاءالله

[pureNsimple]

عادي يا اختي , انا فسخت بعد اسبوع واحد .................... 7 ايام قدقد ............... والسبب مقنع , بكيت قالي تبكي على راسك ,,,,,, كنت حشمانة منو طيح لقدر فضت ,,,, عندك تغلطي غلطة عمرك باش ترضي الناس ,,,,, انا تاني هددني قالي نقول عليك كلام مش مليح قتلو الي جات من ربي كل مرحبا ......ودارنا شجعوني الحمد لله وكي مديتلو خاتمو شرينا قرعة بيبسي وقاطو واحتفلنا ..................استخيري يا اختي راه عمر

[nouna-12]

لقيتلك الحل يامونا12 ،كي عاد هو ماأتصلش بيك ،أتصلي به أنت وهني روحك ،ياك راكي خطيبتوا هو حشم كيما قالولك ،بادري انت وكسري حاجز الحشمة ،وافهمي من عندو واش به واش خصو ،هو بعد ممكن راهو موجود في كانش منتدى وقال خطيبتي طويلة ،وعندها 6 أشهر ماعطاطليش رقم الهاتف ،كيفاه تحبو نفهم عقليتها وتعرف هي عقليتي .....................* واحد بالقرأن يغني ،وواحد مالاقاش باه يصلي * هني روحك ياأختي مونا12 ظاهر عليك طيبة وناس ملاح ياسر ،عطاك ربي كل الخير ،واهوش ربي ساترك براجل مليح ،راح تريحيه وتندمي عليه طول عمرك مع كانش واحد مايستاهلكش

^
جزاك الله كل خير
لكن مستحيل انا نبادر و نتصل بيه
و يمكن كيما قالوا بعض الاخوة انه يحشم ما دام مافيش بينا عقد شرعي
نتمني يكون هذا هو السبب

[nouna-12]

أختي باين عليك انسانة طيبة
لكن لي يسمع كلامك يقول راكي باغية واحد مايحشمششكرا علي رايك يا اخي


اكيد يا اخي لا ارضي بمن لا يحشم و لا يستحي
لكن مجال الحشمة فقط علي اتصال شخص بخطيبته في وقتنا الحالي
هذا هو قصدي
اتمني ان تكون قد وصلتك فكرتي

[nouna-12]

لطول ليس مشكلة إن كانت هاته المشكلة لأنه في الحقيقة عندما نحب شخصا ما نتقبله كما هو حتى بأخطائه لفقط لأننا نحبه ونتمنى أن يرضى عنا
فلذلك أخيتي العزيزة إن كان المشكل فقط الطول فلا تخسري شخصا يحبكي ويتمنى رضاكي لذلك أرجوكي وأرجوكم لا تفرطوا في أشخاص تحبونهم لأسباب تافهة تندمون عليها فيما بعد ونتمنالك كل التوفيق والحياة الطيبة الكريمة وزواج سعيد إنشاءالله

شكرا يا اختي
بارك الله فيكي

[*جوداء*]

من جهة ولد فاميليا ولد فاميليا و نص يخاف ربي مصلي مدين ما عندي مانقول فيه
و هذي شهادة الجميع بمن فيهم ابي اخوتي و حتي اعمامي يعرفوه و يشكروا في اخلاقه
لكن علي ماضيه ما نحاسبوش مهما كان
لكن انا نتحدث علي عقليته و تفكيره
كيفاش واحد في 2011 مايتصلش بخطيبته انا كامل ما دخلتش راسي
نعم اختي في 2011 كاين ولاد حلال ويحشموا ويخافو ربي وعندهم لعقل لي يفكرو بيه
انا مخطوبة من مارس 2011 وخطيبي جا لبيتنا وشفنا بعض رؤية شرعية مع اهلو واهلي وبحضورهم ..كان احمر من وجهو وعينيه ماقدر يرفعهم ويشوف فيا ...من هذاك عرفت انو هذا هو الزوج المثالي ليا واختيار اهلي ليه كان فالصواب والحمد لله ..
وحقيقة لو رجع واتصل بيا او طلب يكلمي بالساعات كيما راهم يعملو شباب هذا الوقت كنت غيرت رايي فيه 180 درجة ..عرفت انو ربي رزقني زوج صالح عارف معنى الزواج ..
كاين نوعين من الازواج يا اختي كاين لي يتزوج من اجل ارضاء بعض المطالب لديه لكن بالحلال ..وفترة الخطوبة هي مش للتعارف كيما يقولوا ويكذبو على انفسهم ولكن هي فترة لارضاء الشهوات بالكلام هذا وكل ما يحب يرضي غرورو يتكلم وكان هذيك البنت من اجل اوقات الفراغ ..وبعد الزواج بعد نيل المطلب تاعو يحس نفسوا مل ويبدا يحن للكلام المعسول الماضي واشتياقه الماضي ..
على عكس الزوج لي يتعرف بيك بعد الزواج المعروف ..رايحة تكون فترة اكتشافات وبداية تأسيس لحياة حقيقية مش وهمية يرسموها من قبل حدوثها وكانها فعلا ستحدث ..
هذي نصيحتي لكي اختي تقبليها
وربي يهنيك ان شاء الله

[مشتاقة إلى الرحمان]

نصيحة واحدة أستطيع تقديمها استخيري الله فهو أعلم بما هو خير وأصلح لك ووفقك الله لما يحب ويرضى

[omseheil]

يا أختي كاينة حاجة مهمة بزاااااااف لازم نعرفيها و هي أنه الشرع يحرم الشاب يكلم خطيبته في الهاتف أو أن يخرج معاها حتى يتم العقد الشرعي...............و هذي حاجة تبشر بما أنه لم يتصل فهو مطبق للشرع .....و هذي تحوسي تعرفي عقليته و تتعرفي عليه كثر خليك منها لأنه أنت لما جا خطبك أكيد سقسيتي عليه و قالولك سيرته و علاقته مع الناس و أخلاقه و انت رضيت وقبلت و كيما راكي تقولي فيه المواصافات لي كنت تتمنايها في شريك حياتك

و قضية انه قصير عليك نحيها من بالك خلاص لأنه الطول و القصر عمرهم ما كانوا مقاس للإنسان

تعوذي من الشيطان و خليك متمسكة بيه ماداموا انسان على خلق و دين

ربي يوفقك و ييسر لك أملك

عندك الحق اختي 100% انا كي كنت مخطوبة معيطليش ولا مرة لكن بعد العقد الشرعي هدرت معاه و تبقي مسألة الطول كي تروحي و تعيشي معاه و تعرفي اخلاقو و حبو و خوفو عليك الشكليات هاذو كامل ما يبانولكش ربي يهديك الى ما فيه الخير استخيريو اكيد ربي مايخيبكش و جااااااااااااااااااااااااااامي تجبديلو على الطول انتاعو ماتجرحيهش باش ميتعلمش يجرحك

[chaima djalfa]

إستخيري الله

[hydraulique51]

الله يهديك ليس بسبب لفسخ الخطوبة اما فيما يخص المكالمات الهاتفية يجب ان تحسني النية ربما لا يريد ان يشوشك او راه يقول بلي راهي حرام باعتبارها كخلوة فهو يفضل المقابلة المباشرة امام احد المحارم
توكلي على ربي واستخيري الله خير وانشاء الله تتضح الامور

[nouna-12]

نعم اختي في 2011 كاين ولاد حلال ويحشموا ويخافو ربي وعندهم لعقل لي يفكرو بيه
انا مخطوبة من مارس 2011 وخطيبي جا لبيتنا وشفنا بعض رؤية شرعية مع اهلو واهلي وبحضورهم ..كان احمر من وجهو وعينيه ماقدر يرفعهم ويشوف فيا ...من هذاك عرفت انو هذا هو الزوج المثالي ليا واختيار اهلي ليه كان فالصواب والحمد لله ..
وحقيقة لو رجع واتصل بيا او طلب يكلمي بالساعات كيما راهم يعملو شباب هذا الوقت كنت غيرت رايي فيه 180 درجة ..عرفت انو ربي رزقني زوج صالح عارف معنى الزواج ..
كاين نوعين من الازواج يا اختي كاين لي يتزوج من اجل ارضاء بعض المطالب لديه لكن بالحلال ..وفترة الخطوبة هي مش للتعارف كيما يقولوا ويكذبو على انفسهم ولكن هي فترة لارضاء الشهوات بالكلام هذا وكل ما يحب يرضي غرورو يتكلم وكان هذيك البنت من اجل اوقات الفراغ ..وبعد الزواج بعد نيل المطلب تاعو يحس نفسوا مل ويبدا يحن للكلام المعسول الماضي واشتياقه الماضي ..
على عكس الزوج لي يتعرف بيك بعد الزواج المعروف ..رايحة تكون فترة اكتشافات وبداية تأسيس لحياة حقيقية مش وهمية يرسموها من قبل حدوثها وكانها فعلا ستحدث ..
هذي نصيحتي لكي اختي تقبليها
وربي يهنيك ان شاء الله




بارك الله فيكي
و جازاك كل خير
ووفق بينكما و يرزقكما الذرية الصالحة

[karima84]

يا اختى لديك الحق في التردد.وجميع الهواجس و الافكار التى تدور في دهنك عادية فانت لا تريدين الزواج من اجل الزواج فقط بل يهمك الانسان الدى سوف ترتبطين معه.لا تفسخى الخطبة و تعقلى هناك بعض الفتياة من تخاف من فكرة الارتباط و تبحث عن الاسباب التى تبين انها على حق. لن تصدقي ان اخبرتك ان بعض الشباب يكون خجول .والبعض احتراما .اخبرى والدتك انك ان لم يتحدث معك لتتعرفى على عقليته سوف تفسخين الخطبة واأكد لك انها سوف تقوم بالازم. يحق لك ان تعرفي عقليته .لا تري فلانة و علانة وكيف كان خطططططططططططططططططططيبها .ربم يكون هدا الانسان صادقا شهما لا يعبت مع الفتيات .ان لم يكلمك لا يعن انه ليس لديه احاسيس.نحن نفكر دائم فى الاسوء

[مومي23]

الطول ميزة عند المراة و ليس عيب
لان النساء بطبيعتهم لسن طويلات و بالتالي المراة الطويلة تحسد على طولها خصوصا اذا رافقه وزن مقبول
تكون المراة رائعة

اما قصية انه لم يتصل اتصلي باخته و بطريقة غير مباشرة تعرف رايه لماذا لم يتصل و بعدها قرري

[nouna-12]

يا اختى لديك الحق في التردد.وجميع الهواجس و الافكار التى تدور في دهنك عادية فانت لا تريدين الزواج من اجل الزواج فقط بل يهمك الانسان الدى سوف ترتبطين معه.لا تفسخى الخطبة و تعقلى هناك بعض الفتياة من تخاف من فكرة الارتباط و تبحث عن الاسباب التى تبين انها على حق. لن تصدقي ان اخبرتك ان بعض الشباب يكون خجول .والبعض احتراما .اخبرى والدتك انك ان لم يتحدث معك لتتعرفى على عقليته سوف تفسخين الخطبة واأكد لك انها سوف تقوم بالازم. يحق لك ان تعرفي عقليته .لا تري فلانة و علانة وكيف كان خطططططططططططططططططططيبها .ربم يكون هدا الانسان صادقا شهما لا يعبت مع الفتيات .ان لم يكلمك لا يعن انه ليس لديه احاسيس.نحن نفكر دائم فى الاسوء

شكرا علي رايك
بارك الله فيكي

[nouna-12]

الطول ميزة عند المراة و ليس عيب
لان النساء بطبيعتهم لسن طويلات و بالتالي المراة الطويلة تحسد على طولها خصوصا اذا رافقه وزن مقبول
تكون المراة رائعة

اما قصية انه لم يتصل اتصلي باخته و بطريقة غير مباشرة تعرف رايه لماذا لم يتصل و بعدها قرري

شكرا لك يا اخي
ابارك الله فيك
و جازاك كل خير

[amura8]

السلااااااااااااااام ياختي بالنسية للطوا عادي ماشيهو خلق روحه ربي خلقه هاكاك
بالنسبة للاتصالات الهاتفية تفاهمي معاه اوموا قبل العرس بشهر تهدري معاه باه تعرفي عقليته
عندي صحبتي تزوجت في عمرها 18 سنة مكانتش تهدجر مع خطيبها المهم تزوجت عاشت الجحيم مع الاهل رغم انه الزوج متفهم لكنه لا يدافع عنها كونه يتصنت لامه كثيرا تصوري اتنها حامل في شهرها التاسع تقوم بكل اشغال البيت رغن وجحود سلفات معاها و هي اد انجبت منه طفلة ففي حالة النفاس تقوم و فشغال البيت و الزوج يبقى نتفرج لا يحرك شانا فهو طيب معها لكنهلا يدافع عنها امام امه
و الان دهبتف يزيارة لمنزل الديها عندما وصلها اخبرها اني طالق و الان بينته عمرها عام لم يات لزيارتها
هي نادمة لو تكلمت معه قبل و عرفت عقليته بلي يتصنت لامه متدريش كبما هاك ولا كوماما تتشرط عليه قبل الزواج الور نعطيك نصيحة حاولي تهجري معاه وادا متقدريش كاش وحدة قريبة ليهم تحكيلك عليه و على دارهم ولا قبل الزواج حددي شروطك
هكدا ماتندميش لكن من الفوق كلشي بالمكتوب ديري تقة في ربي وا زيني نييتك يسرلك كلشي

[nouna-12]

بارك الله فيكي اختي
و ربي ان شاء الله يفرج هم صديقتك
رمضانكم كريم

[ابو مريم3]

اضحكتيني اختاه انت عندك سبب اخر لاعلاقة له بالطول او القصر صارحي نفسك جيدا اذا خفت من ضحك الناس عليك فاعلمي ان ارضاء الناس غاية لا تدرك.

[امال7]

ماخاب من استخار

[فاطمة الزهراء31]

السلام عليكم
أولا صح رمضانك ختي
اختي الطول مش مشكلة عادي عندي صديقتي متزوجة واحد قصير عليها بزاف وهي طويلة ومتفاهمين مدام السيد خدام ومتدين ويخاف ربي خلاص بقي معاه وربي يسجي ويهنيكم في حياتكم ومش مشكلة ادا كان مايلغالكش بلاك يحشم ولا هو عنده مبدأ مايهدر معاك حتى تولي مرتوا أختي زيدي استخيري واقتنعي فيه وتوكلي على ربي والراجل مايتعابش الراجل عيبو جيبو وهو خدام
ربي يسعدكم ويهنيكم وماتخليش هدي الافكار السوداء تأثر على علاقتكم لاخطرش انتي راكي تخمي هاك غير من الضغط واي بنت في بلاصتك يكون عليها ضغط انتي حاولي ماتخميش بزاف وتتقربي من ربي وتقري القرآن وديري ربي في بالك
صح فطــــــــــوركم