برنمج الهندسة المعمارية

[loubnamias]

مرحبا انا طالبة سنة اولى هندسة معمارية نظام كلاسيكى"مدرسة وطنية" رمز الفرع502 بجامعة منتورى بقسنطينة "زرزارة"ارجو ان تزودونى بالبرنامج الاسبوعى .اريد ان اتعرف على زملاء فى نفس الفرع:dj_17:

[B.Badis]

مرحبا بك loubnamias في أسرة المهندسين المعماريين....أنا أيضا طالب هندسة معمارية في السنة الثانية نظام كلاسيكي في المدرسة الوطنية زرزارة

[loubnamias]

هل تستطيع ان تزودنى ببرنامج السنة الاولىيا b.badir.

[B.Badis]

أما بانسبة للبرنامج ...طلعت اليوم في الصباح لزرزارة مازالو ماحطوهش.....لكن في العموم مادةL'atelier تقرايها في نفس الوقت تاع السنة الثانية......كيما العام اللي فات......
.نهار الأحد..من 9:00 إلى 12:00 و من 13:00 إلى 16:00
نهار الأربعاء................ من 8:00 إلى 12:00...............
و بالنسبة للمواد الأخرى ....َAS.....TMC.......MATH......PHYS.......GDP.... ...TST.... الله أعلم ...لكن العام اللي فات كانو تقريبا Les cours و TD كامل يبداو على 11:00 حتى 17:00

[B.Badis]

علاه أنتي وين تسكني ....باه لاكان ماتسكنيش في قسنطينة غدوة نروحح نشوفلك

[loubnamias]

انا اسكن فى ميلة ليوم طلعة mes كنت زربانة و ما شفتش مليح .لوكان عندك شغل فى زرزارة ورايح و عندك وقة شوفلى .ولوكان مارايحش ماكالاهتعب روحك.و جزاك الله الف خير.

[B.Badis]

لا معليش أني رايح راهي قريبة مني أنا ثاني باش نشوف البرنامج تاعي

[loubnamias]

تعطيك الصحة.

[B.Badis]

طلعت اليوم في الصباح بصح مازالو ماحطوش..............غدوى إنشاء الله نزيد نروح و نشوف و لاكان ماحطوش نسقسي تاع الإدارة ...راهم ناس ملاح و يهتمو لأمورنا
سلام

[loubnamias]

شكرا جزيلا على تعبك معايا.وجزاك الله الف خيرا..

[B.Badis]

لا شكر على واجب

[loubnamias]

:1:B.BADIS.انت قلت بلى راك حاير بين archetcو medecine .وانا فهمة من هدا السؤال بلى راك عاودت الباك وديتو بمعدل مليح.و طلعت لل2ANNé ARCHETC حابة نعرف كيفاه نظمت وقتك و كيفاه تخمم؟ا

[B.Badis]

شوفي أختي ....أنا جب Bac 2006 بمعدل 10.59 و الحمد لله سجلت بيه بيولوجيا لأنها الشعبة الوحيدة اللي تصلح لواحد علمي بمعدل متدني 10 أو 11 بصح أنا حتى و أنه معدلي 10.59 كانت نقطتي في الرياضيات 16 و في العلوم 12 بصح النقطة اللي طيحتني هي الفزياء جبت فيها 5.5 مش لأني ضعيف فيها بالعكس كنت في السنة الثانية نجيب دايما أعلى علامة فيها ....لكن في الباك ...أولا ما درتش Les cours ..غير 5 ولا 6 حصص ماش كاملين و كانت الأستاذة ستاجير و ماتعرفش تقري .....لكن ربي يجازيها كانت ناس ملاح و تتعب معانا بزاف و المهم قريت بكتابات تاع السنة الدراسية 1978 ..النظام القديم ...أكثر مني بعشر سنين و الله العلي العظيم ....و الأهم ضيعت وقي مع الديناميك اللي عليه 4 نقاط في الباك.......نشاء الله واحد ما يزيد يغلط غلطتي.......المهم قررت نعقب الباك ليبر لأني كنت على بالي بلي أنا مانيش تاع معدل 10 بل أحسن ....المهم في هذاك العام بديت نقرى بيولوجيا وعجبتني ....فات سبتمبر...أكتوبر....نوفمبر ......ديسمبر.....جانفي....فيفري و أنا مازلت ما بديتش نريفيزي للباك....في نهار 8 مارس قررت نبدا للباك بعدما نجحت في الوماستر الأول بيولوجي بمعدل 12.43 والأول في الفوج تاعي .........المهم كي وصل ماي بداو الإمتحانات الجامعية الثانية..... و بدا الضغط .....حيث بديت نريفيزي للباك والجامعة في نفس الوقت.......حتى خلصت الإمتحانات في 9 جوان و الباك راهو في 11 جوان ....و مازالو مواد جامعية نعقبهم ورى الباك... المهم ديت هذاك الباك 2007 في الرياضيات 14 و العلوم 14 و الفزياء 14 و الرياضة 17.5 و الإجتماعيات 11 و العربية 13.5 و الفرنسة 16.5 في رايكم قداش يجي المعدل ؟؟؟؟ لكن المعدل 12.92 المادة اللي طيحتني هي الفلسفة 5.5 و الإنجليزية 9.5 ......المهم خيرت طب ثم طب الأسنان ثم هندسة معمارية في قسنطينة....و قبلوني هندسة معمارية حيث كان معدل الهندسة المعمارية 12.47 و الطب 12.99 و طب الأسنان 12.94 ...في جالت نصف نقطة ...ربي شافلي فيها خير... الهندسة المعمارية ثاني راهي مليحة بزاف خاصة في المدرسة الوطنية في قسنطينة....
ومن بعد قلت ندرس هاتين الشعبتين على التوازي ...سنة الثانية بيولوجيا و سنة أولى هندسة معمارية
في البولوجيا كاينين في كل مادة تقريبا cour و TD و TP و في الهندسة كاينين cours و TO و COURS TD في نف الوقت وزيد Atelier على هذا قررت مانحضرش les cours تاع البيولوجيا و تاع الهندسة و بعض les cours TD تاع الهندسةو نجيب كراريس تاع اللي قراو قبلي و نقراهم وحدي ....مع الأول قدرت لكن في اللخر تاع العام طاحولي إمتحانات البيولوجا و الProjet final تاع الهندسة في نفس الوقت ...خيرت الهندسة و نجحت فيها ونجحت أيضا في كل TP تاع البيولوجيا و بعض المواد و بقاولي مواد ما نجحتش فيهم ...يعني العام هذا ماكانش ضغط كبير علي إنشاء الله بالنسبة للبيولوجيا.......المهم اللي يحب يعقب الباك مع الجامعة ماكانش مشكل و تعب كبير .... بصح للي يقرى إختصاصين جامعيين في نفس الوقت هو المشكل .....لازم تضحي بحوايج بزاف..........
على بالي بلي راني طولت لكني لازم نهدر كلش لأني صريح جدا ........و بالمناسبة أني نبعدا شوي نبعتلك برنامج السنة الأولى أني جبتو من الجامعة....و شكرا .....للي حالتو كيفي و الي حاب يدير كيفي و يجرب يبعتلي أي إستفسار و أنا نجاوبو......و شكرا

[loubnamias]

تعطيك الصحة انتى صراتلك كيما حالتى ديت الباك فى 2007 بمعدل12.02 طيحتنى el math ماعرفتش نتحكم فى الوقت .وتخربطت عليا الامور malgré جا ساهل ديت فيها 12 .قرية math et infor ; و عاودت الباك وجبتوب 13.84 .حسبة روحى جزت وتهنية من الباك .ونقدر ندير medecine mais el madecine طلع 14.17 .وبسبة الفلسفة لى دية فيها6.تلاشى حلمى .ودرك رانى بين l'informatique et l'archetc et bac............................................... .......رانى نخمم نبلوكى l'archetc ونقرى l'informatique و نعاود الباك. وربى يستر.

[B.Badis]

عندك ختي تغلطي و تبلوكي الهندسة راهي مليحة بزاف راهي مدرسة وطنية و زيدي ال mias ما تقدريش تقارنها بالهندسة المعمارية راكي تخرجي ليسانس مش أنجنيورة بصح ما تضيعيهاش........مش أنا لي هدرت هكا اللي قراوها هوما اللي قالولي .....و زيدي لاكان رايحة تعقبي الباك ما تقدريش توفقي على خاطر ال mias في السنة الثانية صعيبة بزاف بزاف عندي صاحبي مقرب بزاف يقرى mias كان العام اللي فات في السنة الأولى من الأوائل بصح في السنة الثانية عاود العام ......و كيفاه و أنتي حابة تعقبي الباك معاها ....نضمنلك بلي تدي الباك بصح أتفكري راكي لازم تجيبي 14على الأقل .....و 14 ماهيش ساهلة....على بالي بلي نتي مادام جبتي 13.84 قادرة بربي نشالله في العام هذا تجيبي 15 ....لكن شوفي ظرفك العام اللي فات ....السنة الأولى ساهلة جدا ....بالنسبة للسنة الثانية......عام الإختصاص........بصح بالمقابل عندي واحد صاحبي مقرب لي جدا يقرى معاي هندسة معمارية .....عقب الباك هذا العام 2008 كيفك سيونتيفيك جابو 14.19 و نجح في الهندسة المعمارية بنتيجة مليحة على خاطر راهي حلوة .......و راه سجل معاي في نفس الفوج باش نقراو السنة الثانية هندسة معمارية ..... ويقرى معاها السنة الأولى طب و أنا نقري معاها السنة الثاني بيولوجيا و بالاك نعقب الباك..........ننصحك أقراى هندسة و بلوكي الmias و عقبي الباك ولا أبلوكيهم في زوج و عقبي الباك وحدو......و أنا أنصحك بالرأي الأول كيما دار صاحبي........و ننصحك صلي صلاة الإستخارة.......و الله أعلم و ربي يوفقك..........و أني درك نكتب البرنامج و نبعتهولك......

[B.Badis]

جبتها ساعة و أنا نكتب فيه في الجدول. ...و كي جيت نبعتو ما قدرتش على خاطرالصفحة تاع الرسالة ما تقبلش الجداول....و خممت نردها تصويرة و نبعتها ما قدرتش أبعتيلي الإيميل تاعك لاكان عندك نبعتها فيه...على خاطر البنامج معقد

[nadjeh]

ممكن سؤال ولماذاأنت الآن تسأل عن الأحسن الطب أم الهندسة هل تريد التحويل من الهندسة الى الطب

[B.Badis]

لا مانيش راح نبدل ......درت هذاك السؤال باش نشوف الآراء ...و نقرر لاكان أنحي الطب من راسي ولا نزيد نحبهاونعقب الباك على جالتها و نقراها مع الهندسة ..........كيما دارو وحايد..........

[B.Badis]

علاش نتي واش تقراي nadjeh

[loubnamias]

imial تاعي هو www.loubnanassima@yahoo.fr.

[loubnamias]

imail تاعى تلقاه فى ملفى الشخصى فى خانة معلومات الاتصال.

[nadjeh]

سأدرس هذه السنة هندسة معمارية و كنت أفكر في التحويل الى الطب

[loubnamias]

وعلاه مابدلتيش؟

[loubnamias]

اخىb.badis هل تدرس سنة اولى بيولوجياام السنة الثانية؟

[B.Badis]

السنة الثانية.

[أميرة الشمال]

مساء الخير عليكم
راني قريت تجاربكم وحبيت نقولكم انا تاني عن تجربتي انا تحصلت على الباك السنة هذي 2008 وتحصلت على 13.58 عولت ندير طب بصاح ماكتبتش ودرت هندسة معمارية كيما نتوما سنة أولى .... يعني راح تصرالي كيما نتوما على خاطر حابة نعاود البااااك ؟؟؟
واش تنصحوني ؟؟؟ راني افكاري متخلطة على خاطر قالولي راهي واعرة وزيد البروقرام شارجي مايناسبنيش باش نقرا للباك وخايفة يطيحلي لبروجي فينال مع الباك .... أرجو نصائكم أخواني بسرعة ؟؟؟؟ وكيفاه نظم وقتي وهل نقدر نقرالهم في زوج ؟؟؟
وتاني ما ننساش واش رأيكم في الهندسة المعمارية أنا راني متخوفة منها بزاااااااااف ؟؟؟ بصح في نفس الوقت هذا أختياري وانا لي حبيت نديرها
على فكرة بعض زميلاتي تحصلوا على معدل يقاربني وراح يعاودو الباك متلي بصح ما داروش برونش واعرة كيما تاعي داروا أنجليزية وطلع البروقرام تاعهم فيه فراغات بزاف ويقدروا يقراو للأنجليزية وفي نفس الوقت يعاودوا للباك وأنا راني متأكدة بلي يحققوا طموحم ....على خاطر فكرولها مليح وحسبوها في ريوسهم وطلعت صح وأنا في حيرة من أمري أرجوا المساعدة /////؟؟؟؟...بللييييييييييييييز

[B.Badis]

تقصدين الهندسة المعمارية او الهندسة المدنية ؟؟؟

[أميرة الشمال]

عفوااا هندسة معمارية

[أميرة الشمال]

في انتظار راييكم

[أميرة الشمال]

في أنتظار ردك وتعليقك أخي باديس
انا حاولت نراسلك على الرسائل الخاصة
لكن الرسائل لا تبعث لانو لما أبعتلك يكتيلي بأن هذا العضو غير مسجل في المجموعات وانا لم أفهم ماهي هذه المجموعات؟؟؟؟