مهندس في الأسلاك المشتركة ...أو...ضابط شرطة

[hocine0482]

السلام و عليكم .... أيهما أحسن على المدى البعيد....مهندس في الإعلام الألي بالوظيف العمومي أسلاك مشتركة في الدائرة....أم ....ضابط شرطة تخصص مهندس في الإعلام الألي....... أنا مهندس موظف بالدائرة ...و نجحت في مسابقة ضباط الشرطة........فأيهما أفضل........أرجو التفاعل

[fernane]

vive civil khouya

[رحماني رفيق]

مهندس دولة في الاعلام الالي عندوا افاق كبيرة ماكالاه تربط روحك في لابوليس.

[hocine0482]

حسب علمي فإن مهندس في الإعلام الألي في الأسلاك المشتركة كيما يدخل يبقى ليس هناك ترقية....بينما في الشرطة هناك ترقية يتبعها كثير من الإيجابيات..........حسب رأيي فإن الشرطة حسب التخصص الذي توجه اليه......بينما الأسلاك المشتركة تبقى طول حياتك موظف بسيط.....

[عبدالقادر222]

استخر الله عز وجل وتوكل على ربي في الحاجة اللي راك باغيها

[رحماني رفيق]

حسب علمي فإن مهندس في الإعلام الألي في الأسلاك المشتركة كيما يدخل يبقى ليس هناك ترقية....بينما في الشرطة هناك ترقية يتبعها كثير من الإيجابيات..........حسب رأيي فإن الشرطة حسب التخصص الذي توجه اليه......بينما الأسلاك المشتركة تبقى طول حياتك موظف بسيط.....
يا أخي لماذا هذا التشائم اجعل عملك في الاسلاك المشتركة لمجرد الخبرة وسترى بعدها أن علم التوظيف كله بين يديك فلي صديق مهندس دولة كان متشائما من العمل في الوظيف العمومي لكن بعد خبرة عامين او ثلاث سنين أصبح يرى مراكز كثيرة ومناصب عالية وهو الان يختار الافضل .

[ب.م]

صلي صلاة الإستخارة
ولي فيه الخير ربي يقدمهولك ان شاء الله

[jokta]

صلى صلات الأستخارة لله عز وجل و تركا له

[tahar mohamed]

[يا خويا روح لابوليس واخطيك من الوظيف العمومي

[العربي السطايفي]

]ما خاب من استخار و ما ندم من استشار
توكل على الله فقط فهو حسبك

[b-m]

بعد التحية دير شادي بادي يا اخي.................... ادا كنت ضابط شرطة للنظام العمومي فهدا احسن اما ادا ضابط شرطة قضائية اخطاك روح للوضيف العمومي خير

[hassenfareh]

ننصح خويا الوظيف العمومي خير ليك راك مهندس تبغي يقولو مهندس ولا يقولو بوليسي خمم ورجعلي بليز

[Ali-Dz]

سلام أخ حسين راك هنا تسأل
والله سبحان الله راك مشارك معانا وتعرف بلي ناس بزاااف راهم يتمناوها ومالقاوهاش ونتا ربحت وقاعد تتوسوس
توكل على الله مادام ربي نجحك فيها لعل فيها الخير
لو مافيهاش الخير ليك يمكن ربي يخسرك أصلا

صلي الإستخارة وقل كل مرة مين تبحرلك الأمور يارب اللي فيه الخير ديره.. وربي راح يفتح عليك دايما

نصيحة مني برأيي توكل على الله ودخل الشرطة أما الوظيف العمومي على حسب رايي الخاص علاش مانحبهش خاطرش مايعطيش لكل واحد حقه :: نتا مهندس تدخل تلقى واحد رئيس مصلحة حابس طلع غي بالأقدمية ويعطوه مهندس تطبيقي وكانها درجة شرفية والله غير يقتلوك تما غي بالحسد سقسي مجرب وماتسقسيش طبيب

أيا خويا نخليك بلامان وإن شاء الله نتلاقاو في التربص وماتسمعش لهدرة الناس اللي يقولولك ماتدخلش ياو تدير على هدرة الناس والله راح الناس تدخل للتربص وتلقى روحك تزاحم الشوابين في المكاتب ياك عندهم يقعد في البيرو حتى يموت :.. ^_^

سلااام خويا..

[sarl02]

سلام أخ حسين راك هنا تسأل
والله سبحان الله راك مشارك معانا وتعرف بلي ناس بزاااف راهم يتمناوها ومالقاوهاش ونتا ربحت وقاعد تتوسوس
توكل على الله مادام ربي نجحك فيها لعل فيها الخير
لو مافيهاش الخير ليك يمكن ربي يخسرك أصلا

صلي الإستخارة وقل كل مرة مين تبحرلك الأمور يارب اللي فيه الخير ديره.. وربي راح يفتح عليك دايما

نصيحة مني برأيي توكل على الله ودخل الشرطة أما الوظيف العمومي على حسب رايي الخاص علاش مانحبهش خاطرش مايعطيش لكل واحد حقه :: نتا مهندس تدخل تلقى واحد رئيس مصلحة حابس طلع غي بالأقدمية ويعطوه مهندس تطبيقي وكانها درجة شرفية والله غير يقتلوك تما غي بالحسد سقسي مجرب وماتسقسيش طبيب

أيا خويا نخليك بلامان وإن شاء الله نتلاقاو في التربص وماتسمعش لهدرة الناس اللي يقولولك ماتدخلش ياو تدير على هدرة الناس والله راح الناس تدخل للتربص وتلقى روحك تزاحم الشوابين في المكاتب ياك عندهم يقعد في البيرو حتى يموت :.. ^_^

سلااام خويا..

انقولك حاجة الكاسكيطا كون جات حالة ما تسبقش اصحاب الشكارة واولاد القماقم ليها ...مهما كان يبقى السيفيل احسن عندك الحرية التامة في فعل اي شيء والحاجة الي تحب اديرها اديرها بلا قيود وتفرح فيها و تستبنها مليح ...والله غير اصحابي راهم ضباط و مفتشين قسما بالله غير كارهين حياتهم و 2 منهم والله ما كملو 15 يوم ف المدرسة او حطوها ...انا مانيش ضد هذا المهنة والله يحسن عون اي واحد الي مالقاش عليها وين لازم يخدم والله اعاونو ..لانه الخدمة فالسيفيل راهي عزيزة بزاف ...بصح اناكدلك انت واحد من الناس كون افتح عليك ربي بمنصب عمل برا واكون اوافق التخصص تاعك صدقني ما تروحش تتمرمد في لابوليس .....لكن تبقي الكاسكيطا الخيار الوحيد لابناء القلاليل والزوالية .وبالتوفيق للجميع.

[walidou816]

La Police!! w nchalleH tarba7 laHna w Sa7tek fiHa kheir ma tamreD m3a DaynaSorat l3aSr l7adit

[أسير الروح]

أنت راك حاكم زوج بلايص وماعرفتش شكون تخدم فيهم امالا شد وحدة وخلي الثانية لينا نخدموا فيها على الاقل خير ماراني مشومر هههههههههههههه ربي يوفقك ان شاء الله

[Ali-Dz]

انقولك حاجة الكاسكيطا كون جات حالة ما تسبقش اصحاب الشكارة واولاد القماقم ليها ...مهما كان يبقى السيفيل احسن عندك الحرية التامة في فعل اي شيء والحاجة الي تحب اديرها اديرها بلا قيود وتفرح فيها و تستبنها مليح ...والله غير اصحابي راهم ضباط و مفتشين قسما بالله غير كارهين حياتهم و 2 منهم والله ما كملو 15 يوم ف المدرسة او حطوها ...انا مانيش ضد هذا المهنة والله يحسن عون اي واحد الي مالقاش عليها وين لازم يخدم والله اعاونو ..لانه الخدمة فالسيفيل راهي عزيزة بزاف ...بصح اناكدلك انت واحد من الناس كون افتح عليك ربي بمنصب عمل برا واكون اوافق التخصص تاعك صدقني ما تروحش تتمرمد في لابوليس .....لكن تبقي الكاسكيطا الخيار الوحيد لابناء القلاليل والزوالية .وبالتوفيق للجميع.

يا أخي أنا قلتله رأيي فقط
يعني أنت قلتلي أني أنا لو لقيت منصب في السيفيل ويكون منصب مليح زعما نختار السيفيل على الشرطة؟؟؟ شوف أخي أنا من اللي راني صغير داير في راسي غي الكاسكيطا يا خويا نحب النظام والإنضباط مانحبش خدمة السيفيل وكل المسابقات اللي فوتها كلها على الكاسكيطا :: فوت على طيارين العسكريين وزدت دفعت لشرشال داك الوقت ودفعت للدرك الوطني زوج مرات ودفعت للشرطة زوج مرات وهاد العام بالاك جات في الصواب،، والوظيف العمومي عمري مادفعت فيه ماعدا صح جربت خدمت عام بتشغيل الشباب anem العام اللي فات والله باش نجرب ونشوف الوظيف العمومي مي والله شفت العجب وكرهت حياتي معاهم وشفت الناس غي الغش غي التمناك والغيابات :: تعرف المدير أمالا خلاص يدير معاك غيب حتى تشبع :: تعرف واحد مسؤول زيد تدي حق كثر من حقك والله العجب المعجب.. مي العمل في النظام على الغالب تدي حقك :: تخدم وتكون نشيط أكثر من غيرك تطلع في الرتبة :: ماتخدمش وتكون فنيان تلقى روحك في رتبتك طول حياتك.. وعندي معظم أقاربي قاااع يخدمو في الوظيف العمومي وبمناصبهم بمناصب مليحة ومع ذلك قاااع دفعو ولادهم للجيش او الدرك ووالله يقولولي بفمهم لوكان يرجع بينا الزمان والله ندخلو ((نقاجوو)) ،، وشوف إذا قضية الفساد هادي مانهدروش عليها الفساد تلقاه في كل بلاص وليس حـُجة باش الواحد يهرب من أي عمل :: ولكن كاين اللي قلبه يميل لجهة معينة ،، المهم ربي خلق الناس متفرقة باش كل البلايص يكونو عامرين : إذا كان الكل حاب السيفيل أمالا شكون يخدم قضية الأمن والدفاع ؟؟

المهم كيما قلنا كل واحد ورأيه ولا يكلف الله نفسا إلا وسعها والواحد يخدم في العمل اللي يحس فيه روحه مرتاح :: انا ماعليش نحب نتعب جسديا في العمل المهم الراحة النفسية وتحس بلي تدي حقك بزااف عليك

وأنت أعطيت مثال على 2 من الناس قلت أنت بلي كرهو حياتهم في الكاسكيطا :: مي أنا عندي أمثلة على ألاف من الناس دايما يقولو الحمد لله في العمل نتاعهم في الكاسكيطا، شوف الخلاصة انه اللي دخل للكاسكياطا غي باش يلقى خدمة وخلاص هادا نقولك صح يكره بطول الوقت وبالاك يندم : ولكن اللي يدخل لأي عمل حبا في طبيعة العمل اللي فيه فهذا يواصل عمله نورمال بدون توسويس ولا هم يحزنون

وانا نقول للأخ صاحب الموضوع :: إذا تحس روحك ماباغيش هاد العمل فخلاص خطيك منه وماتدخلش:: الواحد يخدم في العمل اللي يوالمه بطول الوقت ماشي يدخل فقط من أجل الجاه أو الرتبة ومن بعد يقعد يندم على روحه،،


ربي يوفقنا اجمعين في أي بلاص تناسب أي واحد فينا

وكيما قلت هذه اراء فقط وكل واحد وكيفاش يشوف ويحس
والسلاااام’’,,

[salimtheone]

الدواء هو انك تصلي صلاة الاستخارة .متخافش الا كان بغيتها كمل فيها . لكن مهندسي الدولة في الوظيف العمومي يترقاو حتى هوما مهندس رئيسي ثم رئيس مهندسيين .

لكن نصيحة من عندي راك مليح في الوظيف العمومي تقدر تكمل ماجيستار. تقدر تبدل مكان العمل اذا غيرت الاقامة . حوايج بزاف ملاح في الجيهتين . لكن ماتشوفش للراتب فقط للأن القناعة هي كلش قادر 10 ملاين ومتكفيكش .

بالتوفيق لك