بالصور..الجيش يوزع شنط رمضان على الشعب المصرى ..جند بلادى ربنا يحميهم [الأرشيف]

مشاهدة النسخة كاملة : بالصور..الجيش يوزع شنط رمضان على الشعب المصرى ..جند بلادى ربنا يحميهم

بنت مصر العروبة

2011-07-20, 00:23

في لافتة ليست بالغريبه علي رجال القوات المسلحة قامت بعض قوات الجيش اليوم بتوزيع شنط رمضان علي المواطنين في الاحياء الشعبية وهذة الصور التقطتت في احد الاحياء بامبابة وبالتحديد منطقة الكيت كات وبذلك يتضح لنا فعليا انا الجيش مازال همه الاول وشغلة الشاغل الشعب المصري اولاً واخيراً وبذلك يثبت لنا جيشنا العظيم بقيادة المشير طنطاوي انه مازال علي موقفه قبل وبعد الثوره انه مع الشعب المصري ومن هنا التحيه واجبة لرجال القوات المسلحة المصرية .........

http://www.elfagr.org/Portal_News/Big/2113352011719120.jpg (http://forums.fatakat.com/thread1786086)

http://www.elfagr.org/Poral_News_Extra/2113452011719198.jpg (http://forums.fatakat.com/thread1786086)

http://www.elfagr.org/Poral_News_Extra/2113502011719252.jpg (http://forums.fatakat.com/thread1786086)

http://www.elfagr.org/Poral_News_Extra/2113552011719151.jpg (http://forums.fatakat.com/thread1786086)

الفجر

katiya

2011-07-20, 00:25

شكرا ربي يدوم العشرة

ana muslem 3arby

2011-07-20, 01:00

بس ده مش دورهم
:@:@
هما سابوا شغلهم و بدأوا يستطعتفوا الناس

بنت مصر العروبة

2011-07-20, 09:47

شكرا ربي يدوم العشرة
يااااااااااااااااااارب

بنت مصر العروبة

2011-07-20, 09:48

بس ده مش دورهم
:@:@
هما سابوا شغلهم و بدأوا يستطعتفوا الناس
يستعطفو الناس ليه؟؟
هما القوات المسلحه بيوزعو شنط رمضان للفقراء وكدا مفيهاش حاجه يعنى
ده دورهم الوطنى كالعادة
ربنا يحميهم لنا

ana muslem 3arby

2011-07-20, 10:04

يستعطفو الناس ليه؟؟
هما القوات المسلحه بيوزعو شنط رمضان للفقراء وكدا مفيهاش حاجه يعنى
ده دورهم الوطنى كالعادة
ربنا يحميهم لنا

لأ مش دورهم

فلوس الجيش ديه فلوسنا
دفعناها للدفاع عن بلدنا و شراء السلاح و تدريب الجيش

ده دور الحكومه المدنيه

ممكن يكونوا حسني النيه
لكن صدقيني ده إستعطاف مش أكتر

sanaa1

2011-07-20, 12:17

ملاحظة ...الجيش المصري من اقرب الجيوش الى قلوب شعبهم وواقعهم عكس ما نراه الان في بلدان اخرى كمثلا اليمن سوريا ليبيا ومن سيأتي من بعد .
والله اعلم

وكل شي ممكن

2011-07-20, 18:23

بنت مصر العروبة

2011-07-20, 19:16

لأ مش دورهم

فلوس الجيش ديه فلوسنا
دفعناها للدفاع عن بلدنا و شراء السلاح و تدريب الجيش

ده دور الحكومه المدنيه

ممكن يكونوا حسني النيه
لكن صدقيني ده إستعطاف مش أكتر
اولا الجيش مش محتاج يستعطف حد مفيش فرق بينا وبين الجيش عادى بس زمان مبارك اهمل الجيش وصغر دورة ودلوقتى ظهر دور الجيش الحقيقى مفيش فرق ثم اعتقد الفائض هيجيبو به حاجات للفقراء اكيد مش هيشترو من فلوس الاسلحه انت تعرف ان القوات المسلحه حاجاتهم عامله ازاى
وحتى لو بيستعطف الشعب يعنى مفيهاش حاجه الجيش بيعمل اى حاجه يرضينا بيها
اقرى كدا هنا اكيد ده السبب الا خلاهم يوزعو بنفسهم

زحام من مئات المواطنين للحصول على «شنطة رمضان» من القوات المسلحة
تزاحم مئات الفقراء أمام وداخل ناديى قرية بهوت، التابعة لمركز نبروه، وبلقاس الرياضى بالدقهلية، انتظاراً لسيارات القوات المسلحة المحملة بـ«شنطة رمضان»، فى مشهد مأساوى تكرر فى مدينة بنها بالقليوبية، وأسفر عن إصابة عدد كبير من النساء والرجال ومجند شرطة، بكدمات وإغماءات، بسبب التدافع للحصول على «الشنطة» أو«الكرتونة» التى قامت بتوزيعها القوات المسلحة أمس الأول. وانتظر الفقراء عدة ساعات تحت أشعة الشمس لينالوا نصيبهم من «الشنطة» الموعودة، المكونة من أكياس «أرز ومكرونة وتمر وسكر وعدس وفول».

وفى الوقت الذى حددت فيه مديرية الشؤون الاجتماعية، الأسر المحتاجة، ووزعت عليها «كوبونات» يحصلون بها على «شنطة رمضان»، خصصت القوات المسلحة يوماً لكل مركز توزع فيه الشنطة فى الدقهلية والقليوبية، ثم باقى المحافظات تباعاً.

وشهدت مدينة «بلقاس» مشهداً مؤثراً داخل الساحة الشعبية، تمثل فى سقوط 8 سيدات و3 رجال من المنتظرين للشنطة، مغشياً عليهم، بسبب شدة الحرارة وكبر السن، مما دفع الضباط لنقل عملية التوزيع من الساحة الشعبية إلى مقر النادى، لتضييق المساحة، حتى يتمكنوا من التحكم فى التوزيع بعد تدافع الناس بشكل عشوائى.

بنت مصر العروبة

2011-07-20, 19:17

ملاحظة ...الجيش المصري من اقرب الجيوش الى قلوب شعبهم وواقعهم عكس ما نراه الان في بلدان اخرى كمثلا اليمن سوريا ليبيا ومن سيأتي من بعد .
والله اعلم
عندك حق فعلا الشعب هو لجيش لايوجد فرد في مصر لم يلتحق بالجيش

بنت مصر العروبة

2011-07-20, 19:22

لماذا نلغي العاطفة والاستعطاف

العاطفة موجودة فينا ولايستطيع احد ان يستثنيها
وماهي الجريمة التي ارتاكبها الجيش المصري عندما يستعطف الشعب وهذا الذي يجب ان يكون

على الجيش ان يستعطف الشعب لتكوين علاقة وطيدة
الاستعطاف مش عيب
ومرحبا به من الجيش المصري المثالي العظيم

وياريت جيوشنا العربية تستعطف شعوبها
عكس مايفعل الجيش السوري وكتائب القذافي

الجيش عمل كدا اكيد عشان يخفف العناء عن الفقراء
يعنى في توزيع شنط رمضان دى بيبقى عليها اقبال من الفقراء
وبيحصل اصابات من الاندفاع فهو الجيش هيعرف يسيطر ع الوضع شويه
يعنى كويس ان الجيش بيوزع الشنط دى عشان في فقراء كتير وكمان الاسعار ارتفعت جامد اوى فتلاقيه وزع الشنط دى عشان الفقراء
ودى حاجه حلوة اوى منه انه بيفكر في الفقراء الا ف مصر
وانا عارفة والكل عارف ان الجيش بيعمل كل حاجه عشان نرضى عليه وعشان نكون ايد واحده
وع فكرة المشير طنطاوى بياكد انه عملو الصح لما انحازو للثورة من البدايه
صحيح ان في انتقاد للمجلس بس في الشئون السياسيه لكن في التعامل وفي المنظومه العسكريه منقدرش نقول حاجه
وع فكرة تحسب للمجلس انه اختار الشعب ومعملش ذى سوريا واليمن وليبيا
ربى يحميهم من كل شر

ana muslem 3arby

2011-07-20, 20:05

عندك حق فعلا الشعب هو لجيش لايوجد فرد في مصر لم يلتحق بالجيش

طب باركولي بقى عشان أخويا الصغير إتخرج إنهارده من الكليه الحربيه

و كان في العرض الحضروا المشير

:):)

بنت مصر العروبة

2011-07-21, 00:47

طب باركولي بقى عشان أخويا الصغير إتخرج إنهارده من الكليه الحربيه

و كان في العرض الحضروا المشير

:):)
بجدددد الف الف الف الف مبروووووووووووووووووووووووووك
طب قول قول قول شكل المشير ايه عامل ايه صحته وكدا:1::1:

قمراية

2011-07-21, 05:12

طب باركولي بقى عشان أخويا الصغير إتخرج إنهارده من الكليه الحربيه

و كان في العرض الحضروا المشير

:):)

ألف ألف مبروك يا أخي
ومبروك لأخوك
إن شاء الله يكون نفع لمصر والمصريين

bmokhtar

2011-07-21, 05:28

إن شاء الله يكون نفع لمصر والمصريين

مخلص زكريا

2011-07-21, 13:58

بس ده مش دورهم
:@:@
هما سابوا شغلهم و بدأوا يستطعتفوا الناس

لا مين قال كده
اذكر من فتره ليست طويله ان حدثت حادثه قطار في بلدي دمنهور الجيش جه بالخبز والماء وكنت ما زلت صغيرا

السنه الللي فاتت كمان وزعوا شنط رمضان
وكل مشكله نلاقي ان الجيش ينزل ومع الناس