رد إلى الأعضاء الذين يقولون أن شعبة تسيير و اقتصاد هي أسوء شعبة [الأرشيف]

مشاهدة النسخة كاملة : رد إلى الأعضاء الذين يقولون أن شعبة تسيير و اقتصاد هي أسوء شعبة

mostafa27250

2011-07-16, 14:42

السلام عليكم ورحمة الله تعالى وبركاته
لقد لاحظت أن كثيرا من الأعضاء بعد حصولهم على شهادة البكالوريا في شعبة تسيير و اقتصاد بدئوا يسؤون لهذا التخصص ويرجعون سبب قلة التخصصات في الجامعة هو الشعبة في حد ذاتها
سؤال موجه إلى من يقول أنه لو إختار علمي لكان أفظل أطرح عليه سؤال ماهي النقطة التي كنت تتحصل عليها أيام دراستك في السنة الأولى علوم تجريبية (في مادة الرياضيات و الفزياء و العلوم الطبيعية )
أنا لا أنكر أن تخصص علوم تجريبية وتقني رياضي هي من أفضل التخصصات لكن تحتاج إلى مستوى أكبر فالرياضيات المدروسة في تخصص علمي تختلف عن الرياضيات المدروسة في تقني رياضي معناه الذي تحصل على علامة 8 أو 7 في الرياضيات ويحكم على أن تخصص تسيير واقتصاد سيء فهذا لا يحتاج إلى تعليق .
بعض الملاحظات:
إن السبب الحقيقي في التوجيه خلال سنوات الإصلاح 2008/2009/2010/2011 هو إرتفع نسبة النجاح في البكالوريا و الحصول على معدلات مرتفعة فمثلا بالنسبة للشعب العلمية الطب قبل سنوات الاصلاحات كان بمعدل 12.5 وخلال سنوات الإصلاحات أصبح بمعدل 14 فما فوق
مثال أخر : المدرسة العليا للأساتذة تخصص إدارة الأعمال الصناعية(أستاذ محاسبة) بعد ماكانت سابقا بمعدل قبول 11 فمافوق أصبحت الأن 16 أو 17 فما فوق ( هل السبب هنا هو شعبة التسيير و الاقتصاد) و الله إثم كبير أنك تتهم الشعبة في حد ذاتها وتنكر مجهودات الأساتذة الذين ساهموا في تكوينكم)
بالنسبة للتخصصات الي كانت سابقا في شعبة تسيير واقتصاد قد بقيت نفسها (فقط تم تغيير النظام الكلاسيكي بالنظام الألمدي)
فمثلا سابقا كان يوجد شعبة علوم اقتصادية فيها مجموعة من التخصصات مثل نقود مالية وبنوك، سسيير اقتصاد مؤسسة ، تحليل إقتصادي
شعبة علوم التسيير : يوجد فيها تخصص مالية ، محاسبة / إدارة الأعمال
شعبة علوم تجارية : فيها تخصص تسيير ، مالية ، تسويق
أما حاليا فقد أدمجت هذه الشعب الثلاث في شعبة واحدة وهي
d 061 علوم اقتصادية، التسيير و علوم تجارية رمزها
وفي النظام السابق كان يوجد ثلاث مدارس عليا ووطنية :كان سابقا معدل القبول فيها أكبر من 11
مدرسة الدراسات العليا التجارية
-المدرسة العليا للتجارة
-المدرسة الوطنية العليا للإحصاء والاقتصاد التطبيقي
وقد إرتفع معدل القبول فيها ولا داعي لذكر الأسباب مرة أخرى وقد تم دمجها حاليا في شعبة واحدة:
أقسام تحضيرية علوم اقتصادية، التسيير و علوم تجارية cp2
الشعبة لم تتغير وبقي نفس التخصصات المدروسة سابقا الذي تغير هو معدلات القبول هذه سنوات المفاجاءات بكالوريا بمعدل 18 الله يجيب الخير هل قبل سنوات الإصلاحات لم يوجد عباقرة
حظ موفق للجميع
من جد وجد ومن زرع حصد

يونس م

2011-07-16, 15:07

عندك حق ماشي كل النا تطلع كيف كيف راهي حتى شعبتنا مليحة اذا وفقك ربي

Ghenouchi

2011-07-16, 15:55

bien dis cher ami

zitounis

2011-07-16, 18:19

انا لم اقول ان شعبة تسيير وإقتصاد أسوء شعبة لكن معدلاتي في السنة الاولى ثانوي والله لكانت مرتفعة لكن وجهوني إلى شعبةتسيير وإقتصاد بالخطأ ولكن في الاخير أصبحت أحبها ومن كل قلبي

hakimskikda

2011-07-16, 21:39

mostafa27250

2011-07-16, 23:47

انا نقولك اسوا شعبة علاه تغلط في الناس
كم لدينا فرع خاص بنا هناك فرع واحد هو علوم اقتصادية التسيير وعلوم تجارية
كم لدينا فرع تكوين دا تسجيل وطني خاص بالشعبة ليس لدينا اي فرع
كم لدينا مدرسة كبرى لدينا 3 وفي اعتقادي هده احسن شئ في شعبتنا لكن تعلم ماهي الصعوبات للالتحاق بها
كم لدينا مدارس نقاط التكوين ليس لدينا اي واحدة
كم لدينا فرع في المدارس العليا للاساتدة لدينا فرع واحد هو استاد للتعليم الثانوي في التسيير المحاسبي والاقتصاد والمعروفة ب ادارة الاعمال الصناعية

والان يا اخي احكم بنفسك وقارن مع العلميين +اعلم ان المشكل ليس في الشعبة بل الاهمال التي تلاقيه من الوزارة

والله يا اخوان هدفي ليس تنفير الناس من الشعبة بل لاوضح للناس مادا يوجد فيها.

;واش هي التخصصات الي راك تبحث عليها
بالاك في المستقبل يزيدولكم الطب و الصيدلة و الإيليكترونيك و الميكانيك
ياخويا هذي هي التسيير و الإقتصاد إذا كانت عندك الإرادة ومعدل البكالوريا تحصلت عليه بمستواك وكفاءتك تقدر غير بالعلوم الاقتصادية والتجارية والتسيير توصل بيها للهدف الي راك باغيه بصح باش تقول شعبة تسيير و اقتصاد أسوء شعبة و الله غير راك غالط
وماتقوليش قارن روحك مع العلميين العلمين تخصصاتهم راهي واضحة ونتا ماتقدرش تقراهم
وعلى ما أضن يا أخي نتا وجهوك تسيير و اقتصاد ماختاريتهاش عن قناعة
الي يحب هذي الشعبة يدافع عليها
والتقليص في التخصصات سببه هو التخلي على النظام الكلاسيكي وإتباع نظام الألمدي

يوسف1993

2011-07-17, 11:52

هديةالرحمان

2011-07-17, 12:42

ياو خليك ماعندك ماتغطي

imene for ever

2011-07-17, 14:56

ياو خليك ماعندك ماتغطي

ههههههه و الله افضل رد لحد الان نستعرف بييييك اختي او كيما يقولوهاسقسي لمجرب و متسقسيش طبيب

imene for ever

2011-07-17, 14:59

انا نقولك اسوا شعبة علاه تغلط في الناس
كم لدينا فرع خاص بنا هناك فرع واحد هو علوم اقتصادية التسيير وعلوم تجارية
كم لدينا فرع تكوين دا تسجيل وطني خاص بالشعبة ليس لدينا اي فرع
كم لدينا مدرسة كبرى لدينا 3 وفي اعتقادي هده احسن شئ في شعبتنا لكن تعلم ماهي الصعوبات للالتحاق بها
كم لدينا مدارس نقاط التكوين ليس لدينا اي واحدة
كم لدينا فرع في المدارس العليا للاساتدة لدينا فرع واحد هو استاد للتعليم الثانوي في التسيير المحاسبي والاقتصاد والمعروفة ب ادارة الاعمال الصناعية

والان يا اخي احكم بنفسك وقارن مع العلميين +اعلم ان المشكل ليس في الشعبة بل الاهمال التي تلاقيه من الوزارة

والله يا اخوان هدفي ليس تنفير الناس من الشعبة بل لاوضح للناس مادا يوجد فيها.

اييييه عندك حق خويا ماقلناش الشعبة ماهيش مليحة لالا مليحة و قرايتها حلوة و انموت عليهاا بصح ماكاين حتى فرووووع كيفاااه لي طار طااار فينا عندو 30 اختيا بينما الشعب الاخرى لي جابو ب 10 يدي 100 اختيااار و الله غيييير حرااام بزاااف اي كااامل قراية وحدة

mostafa27250

2011-07-17, 16:06

المسيرين هم الي فسدو شعبة التسير ولاقتصاد
افضل شعبة هي التسير والاقتصاد لكن في بلدنا والواااااااااااااااااااااااااااااااااااااااااااا
يحبوا الطب والصيدلة الله غالب ميحبوش المسيرين

شكرا أخي يوسف نتمنالك التوفيق
الله غالب تقليص الشعب هو السبب
في السابق كان 7 تخصصات تخص التسيير وحاليا أربع تخصصات

mostafa27250

2011-07-17, 16:10

ياو خليك ماعندك ماتغطي

يا أختي أنا راني نقول في الواقع وماعندناش مانخبو
الشمس ماتتغطى بالغربال
أنا الحاجة الي حبيت نوضحها هي أن شعبة التسيير و الاقتصاد ماهيش أسوء شعبة
والحمد لله مانيش نادم على إختياري لهذه الشعبة

mostafa27250

2011-07-17, 16:17

ههههههه و الله افضل رد لحد الان نستعرف بييييك اختي او كيما يقولوهاسقسي لمجرب و متسقسيش طبيب
يا أختي نتي مازلتي ماجربتيش هدا وين جبتي الباك
ونزيد ننصحك مليح ومانجاوبكش بإستهزاء كيما نتي
لوكان يكون عندك مستوى و إرادة تقدري بتخصص 061 علوم تجارية واقتصادية وتسيير توصلي للهدف الي راكي مسطراته ونتوما راكم باغيين كيما العلميين
حنا مثلا غير عبوم اقتصاديو راه فيها 3 تخصصات وتسيير 4 والتجارية أربعة معناه غير في 061 راه كاين 11 تخصص
و الله غالب يا أختي لوكان جبتي 14 في الباك قبل سنة 2008 كنتي تقدري تقراي بها إدارة الأعمال الصناعية الي راهي الأن بمعدل أكبر
المهم نتكنى لجميع الطلبة المتحصلين على بكالويا 2011 بالتوفيق
ونزيد نقوللكم الإرادة هي كل شيء

mostafa27250

2011-07-17, 16:23

نتمنى من طلبة الي تحصلو هدا العام على باكالوريا تسيير و اقتصاد المطالبة بفتح تخصصات مباشرة في مجال التسيير و الاقتصاد و التجارة خلال السنوات المقبلة مثل
المحاسبة
المالية
التسيير
المانجمنت
التسويق
التجارة
التحليل الاقتصادي
اقتصاد المؤسسات
البنوك
التدقيق و المراقبة
الجباية
لكي على الأقل عندما يقوم الطالب الذي تحصل على بكالوريا تسيير و اقتصاد بملأ بطاقة الرغبات تكون كل التخصصات المطلوبة من مجال إختصاصه

بالتوفيق للجميع

imene for ever

2011-07-17, 16:41

يا أختي نتي مازلتي ماجربتيش هدا وين جبتي الباك
ونزيد ننصحك مليح ومانجاوبكش بإستهزاء كيما نتي
لوكان يكون عندك مستوى و إرادة تقدري بتخصص 061 علوم تجارية واقتصادية وتسيير توصلي للهدف الي راكي مسطراته ونتوما راكم باغيين كيما العلميين
حنا مثلا غير عبوم اقتصاديو راه فيها 3 تخصصات وتسيير 4 والتجارية أربعة معناه غير في 061 راه كاين 11 تخصص
و الله غالب يا أختي لوكان جبتي 14 في الباك قبل سنة 2008 كنتي تقدري تقراي بها إدارة الأعمال الصناعية الي راهي الأن بمعدل أكبر
المهم نتكنى لجميع الطلبة المتحصلين على بكالويا 2011 بالتوفيق
ونزيد نقوللكم الإرادة هي كل شيء

يا خويا مانيش نستهزا بيك حاشة ربي او زيد ماشي نتا اللي قاعدة نلوم فيك انا نلوم الوزارة صدقني ماهيش عاطيتنا حقوقنا كيما للشعب الاخرى

و انزيد نعطيك حاجة اخرى انا كون مانيش مجربة اني منقولش هكاك او ماشي هدا وين جبت الباك جبتو او زدت جبت باكي التاني هاد العام او شفت الاختيارات هوما نفس الشي مقارنة بباكي الاول او زعما ديتو بمعدل جيد او فالخر ما درت بيه والووووووووو

فهمتني دوكا خويا ???

mostafa27250

2011-07-18, 12:14

يا خويا مانيش نستهزا بيك حاشة ربي او زيد ماشي نتا اللي قاعدة نلوم فيك انا نلوم الوزارة صدقني ماهيش عاطيتنا حقوقنا كيما للشعب الاخرى

و انزيد نعطيك حاجة اخرى انا كون مانيش مجربة اني منقولش هكاك او ماشي هدا وين جبت الباك جبتو او زدت جبت باكي التاني هاد العام او شفت الاختيارات هوما نفس الشي مقارنة بباكي الاول او زعما ديتو بمعدل جيد او فالخر ما درت بيه والووووووووو

فهمتني دوكا خويا ???

ربي يوفقك أختي

kadi mca

2011-07-20, 09:17

بارك الله فيك فيك 100/100

mostafa27250

2011-07-31, 13:55

بمناسبة حلول شهر رمضان الفضيل
أتقدم لكل أعضاء منتدى الجلفة
بأحر التهاني بقدوم أكرم شهور السنة
كل سنة وإنتم طيبين

زوبيدة 2012

2012-06-27, 21:30

شبة التسيرر و الاقصاد تعتبر اسهل شعبة و لكنها اصعب شعبة لمن يدرسها و لكن الكلا م عنها سهلة:mad::mad::mad::mad::mad:

mhamed5

2012-06-27, 22:25

اسمحولي لكن فيها بعض التلاميذ أعوذ بالله مش الكل لكن البعض ربي يهديهم و فيهم عتاصر أكثر من ممتازة

OUDINI

2012-06-27, 22:48

اسمحولي لكن فيها بعض التلاميذ أعوذ بالله مش الكل لكن البعض ربي يهديهم و فيهم عتاصر أكثر من ممتازة

إسمحلي أنت أستاذ أنا نستعرف بالي راه كاينا تلاميذ كيما راك تقول ولكن هذوا التلاميذ إلي راك تقول عليهم ميقتصروش غير على هذه الشعبة للأسف
وعلى العموم هذا الكلام راه خارج عن الموضوع

إسمحلي أستاذمرة أخرى لان هذه النقطة بالذات نتحسس منها في الليسي كامل ولا في المتقنة مشافوا غير في هذه الشعبة

OUDINI

2012-06-27, 22:53

أنا خترت هذة الشعبة لأني حبيتها

dev

2012-06-27, 23:08

السلام عليكم و رحمة الله و بركاته كما قلت إستاذ محمد5 صح ... و الشيئ الذي لقت إنتباهي أنو صح التسير و إتقصاد.... دائماً عدد المشاغبين فيها هههه أكثر من كل الاقسام ... ولكن هذا راجع لشيئ أخر و هو التلميذ الماشغب لي ... ينتقل بالغش و يحيرو وين أحطوه
يبعثوه في شعبة المهملات أسف قصدي تسير و إقتصاد لكن حسبونا مزبالة.....

أنا في رأي نهار يتربا الشعب ... التعليم يطلع في هذا لبلاد.... و بلا ما ندخلو في مواضيع أخرى عيش بطناش أو عيش أشوف ...
....

dev

2012-06-27, 23:09

أنا خترت هذة الشعبة لأني حبيتها
أنا بعثوني ليها لكن حبيتها من بعد :rolleyes:
و قريب نخطب :p

:1:

حسام4

2012-06-28, 04:12

الوزارة تاعنا متخلفة ذهنيا وعقليا وحركيا

أناراني جيستيون وكانت أحسن عامين قراية في حياتي لا سيانس لا والو

تحيا لي جيستيون إلى مالانهاية

dev

2012-06-28, 05:16

الوزارة تاعنا متخلفة ذهنيا وعقليا وحركيا

أناراني جيستيون وكانت أحسن عامين قراية في حياتي لا سيانس لا والو

تحيا لي جيستيون إلى مالانهاية
:1:هههههه :mh31::mh31::mh31:

OUDINI

2012-06-28, 11:57

أنا بعثوني ليها لكن حبيتها من بعد :rolleyes:
و قريب نخطب :p

:1:

إيه على بركة الله كل شيئ مبروك
والعاقبة لجيب توأم هكا ونقترح عليك تسمي الطفلة محاسبة والطفل إقتصاد ولا قانون بلاك راح يجي يوم ويرجع حق هذه الشعبة :1:

meriem bogao

2012-06-28, 12:09

1.2.3.vive les gestions

azouzr

2012-06-28, 12:29

اغلقوا الموضوع من فضلكم

لانه لا يزيد الطين الا بله

هناك الكثيرين من درسوا علوم ثم درسوا تسيير و اقتصاد في الجامعة وكلهم الان موظفون دائمون
وهناك العديد من اكملوا تخصصات علمية و تقنية و هم الان في بطالة دائمة

كل شيئ بالمكتوب
قادر تخرج عنك شعبة العلوم و قادر تخرج عليك تسيير و اقتصاد

اذن الامر يتعلق بالتوظيف
اذا كان علمي و توظف يقلك شعبة علوم مليحة
اذا كان تسيير وتوظف يقلك شعبة تسيير مليحة

اذن الامر نسبي ولا يمكن الحكم اطلاقا اي الشعبة افضل

لكن التلاميذ المتفوقين الافضل لهم علوم او رياضيات دون شك باعتبارها شعب غير محدودة في الدراسات العليا

mhamed5

2012-06-28, 13:59

إسمحلي أنت أستاذ أنا نستعرف بالي راه كاينا تلاميذ كيما راك تقول ولكن هذوا التلاميذ إلي راك تقول عليهم ميقتصروش غير على هذه الشعبة للأسف
وعلى العموم هذا الكلام راه خارج عن الموضوع

إسمحلي أستاذمرة أخرى لان هذه النقطة بالذات نتحسس منها في الليسي كامل ولا في المتقنة مشافوا غير في هذه الشعبة

علاهتتحسي من الكلام هذا , انا استاذ محاسبة و ليست مادة اخرى و المنطق يقول اني اشكر التلاميذ و ايضا الشعبة لكن انا احكي الصراحة هناك تلاميذ في قمة قلة الادب و لا اقول مش متربيين لان الوالدين ادو ما عليهم لكن هم لم تصل لأبنائهم , على الرغم من اني درست في الثانوي شعبة علووم دقيقة لكن شعبة التسيير و اقتصاد توازي باقي الشعب و كل شعبة و مميزاتها و يبقى المشكل ليس في الاستاذ او المستشار بل نفور التلاميذ منها دون سبب و كذا اصرار الاولياء ان يدرس ابناؤهم في شعبة العلوم التجريبية, تقبلو مروري شكرا

MK**bac2013

2012-07-07, 17:49

في مصر يموووتو على المهندسين حتى ولاو كل واحد يقولولو باش مهندس ههههه حنا تالمون الجزائريين مهووسين بالطب دوك يولو يقللونا باش الطبيب ههه

زَكَرياءْ

2014-08-14, 14:51

يا جماعة أنا أريد أن أسأل للاستفادة

هل يوجد تخصص الحاسوب مثلا في شعبة التسيير

ana asil

2014-08-16, 10:15

و الله هاذي الشعبة احسن من شعبة العلوم تجريبية انا درست في الفصل الاول في شعبة العلوم تجريبية و تحصل على معدل 14.55 و لكن في الفصل الثاني غيرت الى التسيير و اقتصاد و تحصلت على 16.25 لاني في هاذي الشعبة نحس اني ادرس بحرية احسن من شعبة العلوم تجريبية لي كنت نحس نفسي مقيدة بابراهين و القوانين احسن شعبة هي شعبة تسيير ة اقتصاد

رباوي هشام

2014-12-02, 20:28

هاد اشعبة ان شخصيا شت فيها غير التبهديل والكشف

رباوي هشام

2014-12-02, 20:30

mansour2ge

2014-12-05, 18:56

السلا عليكم
يا جماعة
تقدرو تعاونوني في حل هذا التمرين : (حول مادة الاقتصاد )
قدمت لك المعطيات التالية حول سكان منطقة معينة سنة 2000
- عدد السكان في 01/01/2000 = 40000 نسمة
- متوسط عدد السكان لسنة 2000 = 40000 نسمة
- عدد الوفايات خلال سنة 2000 = 10000 حالة وفاة
المطلوب :
احسب معدل الولادات لهذه المنطقة في سنة 2000؟

إبتسامة أبي

2014-12-05, 19:23

انا عشفي وغرامي هذا التخصص ملي كنت صغيرة والحمد لله كي طلعت لليسي درتو مي ربي ماوفقني في الباك وراني نعاود فيه حتان نجيبو
ودرت في المعهد تخصص محاسبة وان شاء الله نخرج بشهادة تقني سامي ونكمل في هاذي تريق
لكن مافهمت لي راهم يحكو على الإختيارات واش راهم حابين مثلا طب هاذي هي الشعبة وإختياراتها ماهمش راح يخلقوا حجات خرين
لي حب الإختيارات يتوجه للعلمي

حمزة2014

2018-01-09, 11:42

https://www.djelfa.info/vb/images/smilies/dj_17.gif

انا تلميذة بالطور الثانوي جذع مشترك ع.ط.ح.تحصلت على معدل 15.77 في هذا الفصل لا يهمني اي شيئ سوى النجاح في البكالوريا ودخول المدرسة العليا لذا اخترت شعبة تسيير واقتصاااااد فهل هي مناسبة ؟؟؟؟؟؟؟؟؟؟

فهل من الممكن لمتحصلي البكالوريا لشعبة التسيير والاقتصاد دخول المدارس العليا كاساتذة بمعدل كبير ؟؟؟؟؟؟؟؟؟؟؟؟

ارجوووكم نسحقوا اخر اجل نهار الاربعاء لاني نقرا دعم ارجووووووووووووووووووكم ساعدوووني