شهر أوت؟

[عاشقة السكـون]

السلام عليكم ورحمة الله وبركاته
نحن نعمل كمساعدين تربويين في اكمالية نصف تابع لــ لانام ونصف لــ لاداس
احنا العام الماضي تابعين لانام قدمنا شهر أوت كعطلة وقبل منا عادي وقبضنا راتب شهر أوت
أما اصحاب لاداس هاد العام قالولهم انهم لن يتقاضوا شهر أوت
دون اي سبب الا انه هذا هو القانون
احنا هاد العام لم نسال بعد في لانام هل تغيرت الامور ام لا
لكن لماذا لايتقاضى اصحاب لاداس راتب شهر اوت بما انه عطلة رسمية هذا سؤال من زميلة لي في العمل صدمت بهذا الكلام
ممكن احد ممن كان تابع للاداس الاعوام اللي فاتوا ان يجيبنا
وشكرا
والسلام عليكم

[sofiane aljazairi]

أخي حتى أنا أشتغل مساعد تربوي في متوسطة و تابع لانام .عادي شهر أوت مدفوع الأجر
نحن في المتوسطة قدمنا البوناتج نتع جوان ’ جويلية ، إلا أوت جابونا ورقة خاصة كتبو الأسماء و رقم حسابنا و قا لو لنا هذي هي اللي تروح لانام

[عاشقة السكـون]

السلام عليكم
شكرا اخي على اجابتك بالنسبة لي عمرت ورقة بوانتاج عادي شطبت الايام الاخيرة من جويلية و شهر اوت شطبته كله على انه عطلة ووقعته المديرة
هكا درت العام اللي فات وخلصت عادي
لكن سؤالي بالنسبة لرفيقتي تابعه للاداس رغم ان المديرة وقعت لها ورقة البوانتاج لشهر اوت على انها عطلة لكن في لاداس قالولهم لاداعي لاحضار بوانتاج او اي شي عن شهر اوت لانه غير مدفوع الاجر ندفع لكم فقط جويلية وعطل الخريف والصيف.

[عاشقة السكـون]

اسفة قصدي عطل الخريف والربيع
عطلة الصيف غير مدفوعة الاجر
يعملون مثل الجميع ولايستفيدون من اجر عطلة الصيف؟

[عازفة الأمل91]

انا في رايي شهر اوت عطلة ويخلصوها عليه هذا شيئ لا يختلف فيه اثنان....انا صراحة اول مرة رايح نخدم عقود وجاني عقدي في ماي وصراحة معلاباليش كيفاش ندير في ورقة البوانتاج كي نجيبها واش مكتوب فيها واش نكتب فيها انا..

[soumi7]

شهر اوت تخلصو عادي وقرا الكونترا نتاعك تطبق عليك نفس قوانين الموظفين المرسمين مكاش منها متخلصش هاذي عطلة وتمشي فيها الخلصة........... عادي حط البوانتاج نتاعك ومقرر العطلة وادفعو...........راهم يلعبولكم فيها حابين يسرتحولكم الشهرية و يدوها فيقوا واش بيكم هذا ماهوش سؤال العام اللي فات خلصوكم والسنا لالا لياه واش صرا ..............كي ولات هكذا عمال الادراة كامل بنتاع الادماج بالمرسمين ميخلصوش اوت لانو عطلة عليهم هوما تان لالا...........

[face]

للحذففففففففففففففففف

[عاشقة السكـون]

السلام عليكم
شكراا اخوتي على الاجابة
انا لانام عادي دفعتهم العام اللي فات بلا titre de congé وخلصت وهذا العام مازال ماسالت
لكن استغربت من لاداس الذين رفضوا لزميلتي ان يقبلوا منها شهر اوت وليست هي فقط بل جميع اللي تابعين للاداس قالولهم نفس الشي شهر اوت مايخلصوهم وهي بحاجة ماسة الى راتبها

[bougi]

السلام عليكم اما بعد .لازم تبعث ورقة الحضور الشهري برك
وتسلك نورمال

[عاشقة السكـون]

شكرااا للجميع على الرد
انا سالت في لانام وقالولي ان احضر ورقة البوانتاج عادي المهم في الوقت المحدد
المشكلة مازالت قائمة مع زميلاتي اللي تابعين للاداس اخبروهم ان لا ياتوا ببوانتاج شهر اوت لانهم لن يدفعوا لهم
والسلام عليكم