شفتو ووو!!!واش صار في سناقرية سنيقرة؟

[زورق الاحلام]

سلاااام
منيش عارفة كيفاش نبدا انصدمت كي سمعت الخبر امس .
الموضوع وما فيه انو انا درت موضوع طالبة فيه مساعدة على دراسة شبه طب ببسكرة وبارك الله فيه الاخ سناقرية سنيقرة اعطاني كل المعلومات المطلوبة وكل شي طلبتو ولو كان ترجعو للموضوع تلقاو ردودي وردوه نورمال ما فيها والو لكن مش عارفة واش فسروها وحظرو سناقرية سنيقرة؟؟؟!!!!!!والله غير متعجبة يا ناااس
علااااااااااااااش لازم تجاوبوني مشرف ولا عضو ولا المدير علاش الحظر مش من حقكم هذا الشي .
نقوللكم الصح طاح من نظري المنتدى والي صاير فيه وتخلونا نحوسو على الثقة في منتديات اخرى.
اذا حبيتو تحذفو الموضوع وتحظروني ديرو رايكم مهم توصل مشاركتي وندافع على اخ حقيقي ونتاع الصح ساعدني وبارك الله فيه الف مرة.
ملاحضة:محظور مدة شهر .

[مزوري]

شوفي يا اختي نفس الشي صرالي بصح في منتدى اخر والله كيما قلي مادرت حتى حاجة وقالولي خالفتي القوانين وهذا كامل كي جيت ندافع على روحي

[زورق الاحلام]

ايه شفتي بصح نحنا مش موالفين على هذا الشي في منتدى الجلفة دايما خاوة ونعرفو شكون يخالف القوانين وشكون لا وقليل ما نسمعو واحد دارولو حظر هذا في اول ما سجلت فيه بصح ظركا لا تبدل تبديلة وحدة والله مش عارفة واش نقول غير ربي يهدي.

[مزوري]

وحنا تاني اكثر من الخاوة والله العظيم غير تفاجات نقولك ربي يهدي ما خلق

[BEST ALGERIA]

كما تعلمين أختي قبل أن يتم حظر أي عضو هناك إنذارات وإذا لم تنفع الإنذرات فيتم حظر العضو

أنا لم أتابع أسباب الحظر ولكنني وصلت في الأخير ورأيت أن هذا العضو قام بوضع موضوع أو إثنين قصد إحداث بلبلة في المنتدى وهي في نفس الوقت مواضيع تلمّح و تصرّح بمغادرة المنتدى وهذا شيء مخالف للقوانين رغم ذلك ... وحدث هناك تمادي في هذه النقطة فتحصل على إجازة لمدة معينة حتى يراجع القوانين جيدا ... وطبعا هذا بالإضافة لأسباب أخرى أنا لم أكن موجودا حينها ... وسيرد عليك أحد المشرفين أو الإداريين ... لأنني هنا أتكلم بصفتي عضو ولست أتكلم نيابة عن المشرفين أو الإدارة ... بالإضافة إلى أن موضوعك مكانه في قسم الشكاوي والإستفسارات ووضعه هنا سيصنفه في خانة المواضيع المثيرة للبلبلة داخل المنتدى ... وتعلمين أنه يجب الصرامة في مثل هذه الأمور لذا فنصيحتي لك هو توخي الحذر قبل طرح أي موضوع لكي لا يقع الفأس في الرأس ... والسلام عليكم

[زورق الاحلام]

مشكووووور بصح انت لحقت في لخر انا وصلني انو السبب الرئيسي مشاركتو في موضوعي لازم يتم توضيح الصورة ليا وليه واذا وقعت الفاس في الراس نورمال عندي يحظروني اذا حبو مهم ما نسكتش على الحق.

[انور 06]

ماشفنـا والو وين كاين هذا الموضوع الي تهدري عليه

[م.عبد الوهاب]

السلام عليكم ورحمة الله

شكرا اخي باست
الاخت زورق الاحلام قد تم ذلك و بمناسبة عيد الفطر المبارك تم رفع الحظر على كل الذين تم خضرهم بمشورة المشرفين و الطاقم الادراي و تم ذلك بإذن الله من دون المحظرين على المدى البعيد و الذين مسوا الدين و زرعوا الفتنة و اخلطوا في اشياء هم عن غنى عنها .

مع سائر و كامل التحفظات

السلام عليكم و رحمة الله

[زورق الاحلام]

موضوع موجود في مشاركاتي تلقاه
الاخ ابو ريم على بالي رفعتو الحظر ولكن بعد ماذا كان لازم توضحلي علاش اذا انت متحفظ على الاقل وضحولو الصورة منيش قاصدة ندير الفتنة وبلبلة على جال والو بصح والله غير غاضني الحال وحسيت روحي مذنبة.
مشكووور.

[انور 06]

ما هذا الرد الذي لم يعجبني سألتك عن حسن نية شوفي اختي الغلطة انتاعي انا ماانزيدش ندخل صفحاتك اسمحيلي لاخر مرة

[زورق الاحلام]

وانا واش رديت عليك قتلك موضوعي تلقاه في احد مواضيعي قصدي هذا واش قلت واش الي ما عجبكش وباقي الهدرة للاخ ابو الريم. وانت حر المهم ما نحبش واحد يفهمني بالغالط اوك.