ابي قطع عني الانترنت .ممكن مساعدة؟ [الأرشيف] - منتديات الجلفة لكل الجزائريين و العرب

البلبلة

2011-07-14, 19:23

السلام عليكم

ممكن مشكل بسيط وتافه عند البعض

لكن ابي مند اسبوعين قرر قطع الانترنت عني بدون سبب

مع امكانية اتصاله من غرفته فقط

وجهازه ممنوع اللمس اكيد

لكن انا نحتاجها في دراستي

ومرمجة تحضيراتي للباكالوريا السنة القادمة على النت

اعطوني اقتراحاتكم باه نخليه يرجعها

مع اني الوحيدة اللي تستعملها في البيت

وفي دراستي فقط

مع مراقبتهم

حاولت معو امي

في البداية سمطها

وكي كثرت قاللها مانرجعهاش

وانا محتاجتها بشدددددددة

وش ندير معاه؟

لان الحوار مايفيدش

مايسمع لحتى واحد

ورايو اهم حاجة

floraparadis

2011-07-14, 19:30

اباك يعرف مصلحتك جيداااااااااااااااااا اثبت له انا في مستوي اثقة
و نصيحتي لك عن تجربة الكتب افضل طريقة لتحضير لبكالوريا لان نت تسرق منك الوقت باضافة لا تسمح لك بكتابة في ورقة بكل حرية عكس كتاب قربي منك و رقة و حاولي في مسودة
فمحاولات سر تفوق في مواد اساسية

ساعود و اكتب لك افضل كت و الله عن تجربة
حاولي ان تزيدي معارفك في اللغة عربية بكتب )مثال موحد في الادب العربي 3 ثانوي(

ساعود لك و اتب شيء مطول بتفصيل ممل

البلبلة

2011-07-14, 19:32

كيف؟

اقتراحاتك

لكن بسرعة قبل ان يدخل الى المنزل

adel04

2011-07-14, 19:38

أظن انه لا بد أن تقنعيه أن يكون الجهاز تحت مراقبته كل يوم ليصدقك

البلبلة

2011-07-14, 19:40

الجهاز اصلا تحت مراقبته ومراقبة امي

ونشاطاتي الكل ممكن يطلع عليها

والله مالقيت حل؟

وش نقولو؟

عاوني خويا عادل

نتوما رجال وممكن تفهمو بعضاكم احسن

ميسون 1997

2011-07-14, 19:43

ماتوليش تقراي خليك ديما عيانه بلا نت العبيها كي شغل مستواك الدراسي هبط بسبب النت وديما اشكيله اسباب الي منعاتك من الدراسة بلا نت وشوفي واش يقولك
راني عطيتلك رايي سيي وقوليلي هههههههههههههههههه

adel04

2011-07-14, 19:44

البلبلة

2011-07-14, 19:45

جربتها لمدة اسبوعين ومانجحتش

مسمطني ومخليني

ربي يهديه برك

عمري مانسامحو

كي رجع الاب هو اللي يوقف في طريق قراية بنتو مابقاتش

zanoubia2009

2011-07-14, 19:47

اختي رانا نجحنا قبل قبل ما تكون الانترنات وهي نتاع الصح تشغلك على قرايتك

انا في نظري باباك راهو يشوف مصلحتك خير من مرة اخرى تندمي

البلبلة

2011-07-14, 19:47

يا أختي الأب اشد الحرص على راحة أبنائه وتوفير كل ما يحتاجونه...ربما سيترك لك الجهاز عند اقتراب الدخول المدرسي...وحاولي استعطافه..فالاب يبقى دائما حنون ولا يرضى انهمار دموع أبنائه

ممكن

انا فكرت في نفس الشي

لكن ماقدرتش نصبر

راكم مدمنين وتفهموني:1:

والتحضيرات انطلقت وانا فوتت بزاف منها

وعلى البكاء

انا نفسي عزيزة بزاااااااف

بصح ممكن نستسلم ونحاول.........

بارك الله فيك

في انتظا اقتراحات البقية

ليلى الجزائرية1

2011-07-14, 19:50

أختي بلقيس أرواحي نافيقي من عندي

دموع الحيــاة

2011-07-14, 21:06

أتركيه أياما ولا تتكلــّمي معه وأمـّكِ في هذا الموضوع

ثمّ عندما تجديه قد نسى
أعيدي الطـّلب مرّة أخرى

ومادامكِ تحتاجين الإنترنت في دراستكِ
فأكيد سوف يتراجع عن قراره .

ام ايمان16

2011-07-14, 21:18

اختي بلقيس على هذي ولينا منشفوكش
عندك مدة مابنتيش عالسلامة كي وليتي

اما بخصوص ابوكي فجربي دايما تقوليلو بالي تحتاجيها في بعض الدروس اللازمة
وخلي امك تحاول معاه حتى يقبل
وان كنت انفضل تقراي من الكتب افضل
ربي يجيبلك اللي فيه الخير

rimalarose

2011-07-14, 21:20

il a raison ton papa

سحر الغروب

2011-07-14, 21:24

مي كاينة سبة ماشي غيير هكاك ولا لالا؟

hajer.joujou

2011-07-15, 13:04

يا اختي نصيحة من عندي بالاك تعزمي تحضري الباك من النث لانو رايحة تتخلطي برك انا جربتها و ماقدرتش نقرا منو يبقى الكراس و الكتاب اهم وسيلة دراسية يمكن يساعدك فالبحوث بصح ماكالاه تخلطي راسك بيه و تجنبي قدر المستطاع المقالات الفلسفية و مصطلحات الاجتماعيات لموضوعة فيه لانها ماشي مضمونة اكتفي بما يقدمه لك الاساتذة هذا ماكان اختي بالاك تغضبي لانو باباك قطع عليك النث ايام و توالفي بلا بيه
ربي يوفقك اختي و تنجحي الباك بامتياز

البلبلة

2011-07-16, 16:08

شكرا لكم اخواتي على النصائح سأحاول أن أطبقها ان شاء الله

وادعووووووووووووووولي

sm312

2011-07-16, 16:31

اتمنى ان تأخذي الموضوع ببساطة أكثر حتى تستطيع الاستغناء عن الانترنت والبحث عن البديل الأفضل لتضمني النجاح ورضى الوالدين والله لأن الطلاب المتفوقين مش كلهم درسوا من النت والله العظيم اخذت البكالوريا بمعدل مرتفع ودرست الهندسة على ضوء الشمعة وبلهجتنا هونها بتهون كبرها بتكبر مع تمنياتي لك بالتوفيق

wafa16

2011-07-16, 20:36

اعرفي السبب اللي خلاه يمنع الانترنت عليك
تلقاي الحل
ونصيحة مني ما تتكليش بزاف على الانترنت باش ما تتخلطيش
المهم فهم الدروس و المراجعة الجماعية اذا تخرج عليك
وربي يوفقك

difa

2011-07-16, 21:04

والله يا اختي انت فهميه ايدا فهم فهم ما فهمش خليه كي يكون عندك وقت روحي لمقهى الانترنت او حوسي على الشيئ لي تحتاجيه او ثاني ماراميش رايحة تعتمد غي عليها في التحضير للباكالوريا

علاجال نقولك عن تجربة كي تسمطي او ديري مندبة هوما يحسبوها بلي كاين حاجة ما تمرقيهاش

ناشدة السؤدد

2011-07-16, 22:27

الانترنت ميش مليحة بزاف

الوقت قليل و هي باه ديري حاجة صغيييييرة تبقاي ساعة

كيما قالولك الفايدة في الكتاب

باباك على بالو واش يدير
ممكن شافك تضالي قاعدة في الميكرو

أما أنك تسمطيه ما تهدريش معاه و ما تسامحيهش خطأ
هذا مهما كان والدك ، بيك كيما يدير تقولي على العين و الراس

و ماهيش سبة أنك ما تقرايش

ربي يوفقك

karima11

2011-07-17, 06:58

لو كانت عندي بنت ستجتاز البكالوريا لقطعت النت عن المنزل كله.
نعم الأب هو .عرف الوقت المناسب لقطعها لأنك مع مرور الأيام ستستغنين عنها لأانها فعلا ستضيع وقت و لن تساعدك في شيئ بالنسبة للدراسة
لكن كان الافضل قطعها نهائيا لان احساسك بوجودها في المنزل سيصعب عليك الامر قليلا.
ساعدي والدك لكي يساعدك على نفسك
صدقيني سنة واحدة بدون نت ليست بنهاية العالم. مستقبلك أهم

البلبلة

2011-07-17, 22:10

صح هو قطعها عليا لانني رجعت مدمنة عليها

بصح والله صعيبة

والفت هنا معاكم

معليش

ربي يصبرني

ومرة على مرة نطل عليكم اكيد

ماتنساونيش

وشكرا لكل واحد اهتم بالمشكل واعطى رايو ونصحني

يعطيكم الصحة كامل

وفي النتظار نصائح اخرى

بلقيس

difa

2011-07-18, 12:59

ما تتقلقيش عادي او ربي يخليلك باباك او كا غي بابا ثاني يقطعهالي

syrus

2011-07-18, 13:56

والدك و هو أعرف بمصلحتك , كما أن الانترنت ليست ضرورية للدراسة الثانوية كما تقولين لأن برامجها واضحة و موحدة و يمكن التمكن منها من خلال الكتب و المراجع و المطبوعات و المراجعة الجماعية . أما انك لا تستخدمينها إلا للدراسة فهذا غير صحيح و عدد مشاركاتك في المنتدى يوضح ذلك , و كما قلتِ فأنتِ مدمنة عليها و لا اعتقد أن هذا الإدمان متعلق بالدراسة ....

أماني قادة

2011-07-18, 14:11

ما هو السبب الذي جعله يعند و يلح على قطع الانترنت

وليد_الجلفة

2011-07-18, 14:22

لازم تقراي بالانترنت ؟؟

اقراي كما قرينا حنا لا ميكرو لا والو الكتب ورقة وستيلو وربي ينجحكم

** دنيا الأمل **

2011-07-18, 22:51

جربتها لمدة اسبوعين ومانجحتش

مسمطني ومخليني

ربي يهديه برك

عمري مانسامحو

كي رجع الاب هو اللي يوقف في طريق قراية بنتو مابقاتش
و الله يا اختي بقدر ما اضحكتني جدا هذه الجملة:1: بقدر ما جعلتني اتأسف جدا لواقع علاقاتنا الاسرية الهشة.....
يا ختي اصبري شوية
لا اظن ان عدم وجود الانترنت سيعيقك عن الدراسة
:confused::confused::confused:
الله يصبرك و يهديك

*ألخيال*

2011-07-18, 23:46

السلام عليكم ..

انا نظن انو الي دارها باباك في مصلحتك

ونعرف انو الانترنت مش وسيلة للتحضير في الامتحانات فقط هي حاجة ثانوية :d

بيناتنا حتى انا راني قريب 23 سنة وراه بابا يظل من وراي عليها :d تقدري تعطيلي حل ؟

aelazer

2011-07-21, 11:31

راكي كيفي ما عندنا ما نديرو لكبار جامي يفهوما معقدين هههههههههههههههههههههه اقراي بالكتب و هني روحك تاخد برايي

البلبلة

2011-07-21, 14:21

خلاص رضيت بالواقع

مرة على مرة نستعملها وخلاص

اما الدراسة بلكتاب راهي لازمة

انا حبيت نعاون بيها مليح

باه تكون قرايتي متكاملة

difa

2011-07-21, 14:37

حنونة والله غي الكتاب او الكراس او الاستاذة جيبي الباك تاعك بامتياز

البلبلة

2011-07-21, 14:51

انا والله العظيم حلمي الاكبر هو اني نفرحو هو وامي بالباك العام الجاي

الحمد لله بديت نتاقلم وحتى اني بديت نقرا اكثر ونحضر للعام الجاي

ربي يوفقنا كامل

الزهرة السمرة

2011-07-21, 21:46

:1::mh92::confused::mh31::mh31::mh5858::mh5858::mh 5858::mh5858::mh5858:أختي بلقيس أنا تاني عامين وأنا نحاول في بابا باه يدخل النت كي قربت الأهلية السنة دخلو كي لقاني اهملت الدراسة رجعني عندي ساعة فالنهار برك كي بعدت عليه وليت نحفظ الشئ لي ماحفظتوش في عام حفظتو في 15 يوم وقريت وحدي وجبت الأهلية ب 16.43
حونونتي ربي يوفقك ويفرحك وتأكدي بلي رضى الرب من رضى الوالد وسخط الرب من سخط الوالد ركزي برك على الكتاب والكراس وماتتناقشيش مع التلاميذ لخاطر كاينين لي يتعمدو يغلطوك وتناقشي مع لأساتذة ولكان قدرتي ديري دروس الدعم فالمواد الأساسية سمعي هدرة والديك :mh5858::mh5858:
:mh92: وسمحيلي طولت عليك بالهدرة :3::3::3::3::3:
بااااااااااااااااااااااااااااااااااي

ikhbb81

2011-09-03, 01:27

تحتاجين دروس اطلبي ذلك من والدك

غصون الاسلام

2011-09-03, 13:18

يا اختي عادي

ايمالا رجعي تدخلي للغرفة ديالو كثييير و استخدمي الانترنت قدامو و كثري من الاستخدامات و الدراسة فيها و متخرجيش منها حتى تسمطيها عليه

و عندها راح يكره و يصلحلك الانترنت في الغرفة نتاعك

بالتوفييييييييييييييق

wafa kabylie

2011-09-03, 15:23

بكري قراو بالشمع كان ماكانش الضوء ونجحو ودوكا راهم علماء ياودي الانترنت اخطيك منها تديلك غير وقتك يااختي

ANWAR 11

2011-09-03, 19:34

يا أختي اكيد كاين سبب باه قطعها عليك
لازم تبينيلو بلي راكي محل ثقة
أبي دارلي النت بدون ان اطلبها منه
صحيح ساعدتني بزاااااااااااااااااف في قرايتي
والان كي جبت الباك قالي نديرلك wifi كي راكي رايحة للجامعة بصح أنا محبيتش باه منضيعش وقتي بزاف
لا تستغربوا كثيرا فثقة أبي في لا حدود لها لانه يعرف كيفاه ربانا و الحمد لله لم أخذله يوما و دائما أشرفه
أتمنى لك التوفيق اختي
رضى والديك اهم من النت

aelazer

2011-09-04, 09:42

الكتب افضل بكثييييييييييييييييييييييييييييييييييييييييييييييي ييييييييييييييييييييييير

shadow30

2011-09-04, 10:46

انا منعوني من النات لانني تركت دراستي بارادتي لاسباب صحية فقط للضغط عليا من اجل العوده للمدرسه هههههههههههههههه انا لا ادرس بالمدرسه بالجامعه وصرت اخفي عن والدي الكتب واقرؤها خفية لانه يطير فرحا ويضن انني افكر في العودة لزوجي الدي انا من طلقه وهو الدراسه=انا والدي يحبني ويدللني ويوفر لي كل شيء فقط عندما اقول له سادهب لاتمام الدراسه-من الاحسن لكي يا صغيرة عدم استعمال النات واشتري المراجع ولو بابهض الاثمان-ابتعدي عن النات لان مضارها اكثر من منافعها وكسري راسك خير ملي تلقاي الحل واجد في النات وكي تجيبي الباك فانتي حرة=اياكم والنات فانها خطرة وفيها شواغل تلهيك عن الدراسه

يُوسفـہ

2011-09-04, 11:13

اهلا اختي

عندي نصيحة و الله اعلم

هناك اباء و لا يحبون من يملي عليهم الاوامر يريدون ان يفعلو ا اي شيء بارادتهم

متلا قطع عنك الانترنت ربما فكر في اعادتها لكن اصرارك في اعادتها يزيد اصراره و تمسكه برايه

لدا لا تتكلمي على النت ابدا انسيها ( تقول ما دخلتيوهاش)

و عندك تتهاون في قرايتك بالعكس اجتهدي لعه عندما يرى اصراررك يغير رايه