خلاص من اليوم ماكاش تصديرة

[ازهار26]

السلام عليكم لبنات .. نتمنى تكونو كامل بخير
كل شي مبروك لكل وحدة مخطوبة :mh31:ولا راهي قريب تتزوج :mh31:ان شاء الله بزيان السّعد .......

عندي واحد التخمام كان في راسي حبيت نسقسيكم واش رايكم ؟؟؟؟؟؟؟؟؟؟؟

واش رايكم لبنات لوكان تتنحا العادة تاع التصديرة لي هي فالحقيقة تبذير في تبذير وبيناتنا لبنات ماشي قريب كامل هادوك لحوايج تلبسو يا ربي لبسة ولاّ زوج مور ما تتزوجوا:rolleyes:

واش رايكم لوكان هادوك الدراهم لي تصرفوهم على التصديرة 5 ملاين فما فوق في بلاسة ما تشريو بيهم تصديرة وتكريو بيهم حوايج تخليوهم وتروح كل وحدة تحوس بيهم مع راجلها يعني تجوزو بيهم شهر العسل :1:... ولاّ دير بيهم حاجة لي تنفع روحها بيهم ....خير من ماتبقاو رايحين جاين فلاسال والنسا يفصلوا فيكم وراني متأكدة 80% من المعروضات يجو غير لتمنشير .. يعني لوكان يخيطلك لحوايج المصمم المشهور الي صعب تاوعنا يمنشرو في حوايجو (لعجب مايعجبهمش)

راني طوّلت عليكم .. صحّا كل وحدة تعطيني رايها:19:

دمتنّ في حفظ الرّحمان

[halla sabrina]

nnnnnnnnnnnnnnnnnnnnnnnnnnnnnnnnnnnnnnnnnnnnnnnnn

[nari21]

راني معاك في هدا الراي ونزيدك حاجة انا فت شيرت التصديرة بصح كان مشريتهاش كان انا الاول ليراح نبدا بيها ودوك نزيدو عام ولا عامين وتوح العادة تاع التصديرة وتشوفي ختي

[أم معاذ أم معاذ]

راني معاك ما فيها حتى فايدة
إن المبذرين كانوا إخوان الشياطين

[ازهار26]

nnnnnnnnnnnnnnnnnnnnnnnnnnnnnnnnnnnnnnnnnnnnnnnnn
ماعليش اختي صبرينة هذا رايك وحنا نحترموه :mh92:

[ازهار26]

راني معاك في هدا الراي ونزيدك حاجة انا فت شيرت التصديرة بصح كان مشريتهاش كان انا الاول ليراح نبدا بيها ودوك نزيدو عام ولا عامين وتوح العادة تاع التصديرة وتشوفي ختي
حب يقول شريتي وندمتي ... شكــــــــــرا أختي على إبداء رأيك
وربّي يكمّل بالصحّة ولهنا وبزيان السّعد ان شاء الله
في أمان الله

[ازهار26]

راني معاك ما فيها حتى فايدة
إن المبذرين كانوا إخوان الشياطين
بارك الله فيك أختي أم معاد
دمتي في حفظ الرّحمان

[ازهار26]

مزالني نستنا في أراء أخرى .........

[medjkane]

maandha hata maana ana acheritha mais madartech ard aziaa

[ازهار26]

maandha hata maana ana acheritha mais madartech ard aziaa

بارك الله فيك .. كيما قلتي ماعندها حتّى معنى
شكــــــــــــراااااااا

[التفاحة]

فكرة مليحة مي ماتنسايش بلي التصديرة داخلة في العادات نتاع العروس الجزائرية وبلا بيها ماتحلاش

[ازهار26]

فكرة مليحة مي ماتنسايش بلي التصديرة داخلة في العادات نتاع العروس الجزائرية وبلا بيها ماتحلاش
تشوفي فدراهمك رايحين في باطل وكاين لي مايشبعوش الخبز ويديروالتصديرة على جال النّاس برك .......
وعلاش واش فيها كي ديري قفطان برك ولاّ كراكو شباب ولاّ زعما كيما وحدة قبايلية دير جبّة قبايل شابة وهادوك الدراهم ديري بيهم عشا بطبع خير من هداك التبذير تاع لحوايج
كراكو،بدرون،قفطان،جبة قبايل،robe soiré ....... وكاين لي يكلفو روحهم ويكريوهم
تبذير في تبذير


شكـــــــرا على رايك

[ملاك من البليدة]

انا راني نشوف بلي الناس راهي غير تزيد فالبذخ و التبذير علابيها الشباب نتاعنا مساكن مالقاوش كيفاش يتزوجزوا و يكملو نصف دينهم بالحلال يروح يخطب يطلبولو المهر الغالي مع انو الرسول عليه الصلاة و السلام يقول في معنى الحديث اقلكن مهورا اكثركن بركة و الزوجات تحب دير التصديرة بالشئ الفولاني باش تزوخ قدام الناس انا اختي مادارتش التصديرة لبست فرقاني و ثوب الزفاف زوجها ماحبش . عادات بالية

[ازهار26]

انا راني نشوف بلي الناس راهي غير تزيد فالبذخ و التبذير علابيها الشباب نتاعنا مساكن مالقاوش كيفاش يتزوجزوا و يكملو نصف دينهم بالحلال يروح يخطب يطلبولو المهر الغالي مع انو الرسول عليه الصلاة و السلام يقول في معنى الحديث اقلكن مهورا اكثركن بركة و الزوجات تحب دير التصديرة بالشئ الفولاني باش تزوخ قدام الناس انا اختي مادارتش التصديرة لبست فرقاني و ثوب الزفاف زوجها ماحبش . عادات بالية
بارك الله فيك على الإضافة القيّمة
ختك تعرف صلاحها .. فرقاني لبسة تقليدية حاجة شابة تلبسها فالعراس ماشي خسارة
شكــــــــــــرا اختي ..في أمان الله

[himanlogine]

السلام عليكم كيف حالكم يا اخواتي الحبيبات............يعطيك الصحة اختي على الموضوع الرائع بما اني جلفاوية واش رايها العروسة لوكان دير روبة نايلي شابة يحنولها فيها و خلاص و علاه هذا التبذير و الاسراف......تخيلوا كاينة وحدة تزوجت تسكن مسامينا عطالها راجلها مهرها 7 ملايين و التصديرة لي دارتها من عند دار باباها المسكين لحقت قريب 40 مليون علاه حرام عليها كسرت باباها القليل........باذن الله تعالى الواحد الاحد ندير كيما سبق و قلت روبة نايلي شابة و روبة الزفاف واش رايكم و لعوض لي ندير تصديرة نص نديروا صدقة باش ربي يباركلي في زواجي و النص الاخر نديروا عشاء و لي يدخل ياكل اهلا و سهلا بيه............طولت عليكم حبيباتي اسمحولي .............اعطوني رايكم راني نستنا فيكم

[ازهار26]

السلام عليكم كيف حالكم يا اخواتي الحبيبات............يعطيك الصحة اختي على الموضوع الرائع بما اني جلفاوية واش رايها العروسة لوكان دير روبة نايلي شابة يحنولها فيها و خلاص و علاه هذا التبذير و الاسراف......تخيلوا كاينة وحدة تزوجت تسكن مسامينا عطالها راجلها مهرها 7 ملايين و التصديرة لي دارتها من عند دار باباها المسكين لحقت قريب 40 مليون علاه حرام عليها كسرت باباها القليل........باذن الله تعالى الواحد الاحد ندير كيما سبق و قلت روبة نايلي شابة و روبة الزفاف واش رايكم و لعوض لي ندير تصديرة نص نديروا صدقة باش ربي يباركلي في زواجي و النص الاخر نديروا عشاء و لي يدخل ياكل اهلا و سهلا بيه............طولت عليكم حبيباتي اسمحولي .............اعطوني رايكم راني نستنا فيكم
و عليكم السلام ورحمة الله وبركاته
راني معاك أختي فالرّاي هذا وان شاء الله ربّي يباركلك ..بصحة ولهنا ان شاء الله
شكــــــــراا..في امان الله

[halla sabrina]

http://www.djelfa.info/vb/member.php?u=321640

[ازهار26]

http://www.djelfa.info/vb/member.php?u=321640
ما تعينيش بالرّدود لي يعيّيو .. روحي العبي في منتدى الالعاب

[floraparadis]

merciiiiiiiiiiiiiiiiiiiiiii

[allmaza]

انا عندي بليزير كي نروح للعرس و نخطف الاضواء هههههههههههههههههههههههههه
ما نقدرش نستغنى على تصديرتي ابدا محال
هدا رأيي

[dijou a]

انا مع فكرة نحيو التصديرة على خاطر ماتفيد في والو غير في الفساد وتكثر الهدرة على العروسة وتلقاي النساء اللي معروضين غير يمنشرو فيها شوفو كيفاش دايرة وكيفاش راها تبكي تقول مغصوبة على الزواج وإذا ضحكت يقول كانت غير تستنى وقتاش تتزوج شوفي كي راها تضحك تقول أول وحدو تتزوج وشوفوها كيفاش مشيانة تقول مكانتش تاكول في دارهم وزيادة على هذا مايعجبهم والوا إذا درتي حاجة بالطبع والشان يقولو الدراهم زايدة عليهم ومخلوعين وإذا درتي حاجة وخلاص يقول مشحاحين و.... الهدرة ماتخلاصش
على هذا أنا نفضل ماتصدر ماوالو دير جبة فرقاني ولا قفطان ولا جبة نايلي ولا تلمساني يعني كل وحدة وعلى حسب المنطقة اللي ساكنة فيها ودير الحنة وتعرض الغاشي ودير عشا وخلاص وغدوة من ذاك تلبس الروبة البيضاء ويجو الأهل والحباب المقربين وتروح لدار راجلها وربي يوفقها والناس تهدر شوية وتسكت وبعدها يولو يعندوها.
وهذوك الدراهم نتفاهم هي وراجلها يروحو بيهم لشهر العسل ولا الأحسن يروحو بيهم عمرة وماكانش خير من بيت ربي باش ربي يوفقهم.
وكل وحدة ورايها وأنا عليا راني نقنع في ماما و خواتاتي باش نحو تصديرة وراهم بداو يقتنعوا
أدعولي إن شاء الله يقتنعوا ونكون أنا أول وحدة في عايلتنا نحي التصديرة إن شاء الله...

[ازهار26]

merciiiiiiiiiiiiiiiiiiiiiii
De rien :mh31:صحا فطورك

[ازهار26]

انا عندي بليزير كي نروح للعرس و نخطف الاضواء هههههههههههههههههههههههههه
ما نقدرش نستغنى على تصديرتي ابدا محال
هدا رأيي
إيه مليح ان شاء الله مايخطفوكش انتيا برك :1:.. مشكورة على إبداء رايك
صحّا فطورك أختي :dj_17:

[ازهار26]

انا مع فكرة نحيو التصديرة على خاطر ماتفيد في والو غير في الفساد وتكثر الهدرة على العروسة وتلقاي النساء اللي معروضين غير يمنشرو فيها شوفو كيفاش دايرة وكيفاش راها تبكي تقول مغصوبة على الزواج وإذا ضحكت يقول كانت غير تستنى وقتاش تتزوج شوفي كي راها تضحك تقول أول وحدو تتزوج وشوفوها كيفاش مشيانة تقول مكانتش تاكول في دارهم وزيادة على هذا مايعجبهم والوا إذا درتي حاجة بالطبع والشان يقولو الدراهم زايدة عليهم ومخلوعين وإذا درتي حاجة وخلاص يقول مشحاحين و.... الهدرة ماتخلاصش
على هذا أنا نفضل ماتصدر ماوالو دير جبة فرقاني ولا قفطان ولا جبة نايلي ولا تلمساني يعني كل وحدة وعلى حسب المنطقة اللي ساكنة فيها ودير الحنة وتعرض الغاشي ودير عشا وخلاص وغدوة من ذاك تلبس الروبة البيضاء ويجو الأهل والحباب المقربين وتروح لدار راجلها وربي يوفقها والناس تهدر شوية وتسكت وبعدها يولو يعندوها.
وهذوك الدراهم نتفاهم هي وراجلها يروحو بيهم لشهر العسل ولا الأحسن يروحو بيهم عمرة وماكانش خير من بيت ربي باش ربي يوفقهم.
وكل وحدة ورايها وأنا عليا راني نقنع في ماما و خواتاتي باش نحو تصديرة وراهم بداو يقتنعوا
أدعولي إن شاء الله يقتنعوا ونكون أنا أول وحدة في عايلتنا نحي التصديرة إن شاء الله...
يا ختي لعجب مايعجبهمش .. حضرت مرة عرس فلاصال .. شابة بزاااااف بـــ tapi rouge والفوارة وووو .... ما شاء الله ولعروسة تصديرتها أغلبيتها راحت شراتها من التّرك ودارت الألوان لي كانو ألامود وهكداك التمنشير دار حالا ... الله يهدي ماخلق
وباش ترضي النّاس غير أنساي إمالا كل واحد يشوف مخروجو وزيد التبذير ماشي مليح
شكـــــــرا أختي ..اسعدتني مشاركتك وربي يعطيك ما تتمناي
صحّا فطورك و رمضان كريم:)

[meriem27]

انا بالنسبة ليا كون ينحو هاد التصديرة افضل علاخاطرش اللبس اللي تشريه بأسعار غاااااااااااااااااااالية بزاف غادي تلبس لبضعة ايام ويبقى في الخزانة ماتروحش ليه خلاص انا مخطوبة ومارانيش حابة نشري اللبس هاداك نتاع العرايس نشري غير خليجية والمنصوريات وقفطان بزاف عليا نحتاجهم خير من ملابس التصديرة ماعندهم حتى فايدة خاصة حنا تاع الغرب اللي يديرو اللبس الوهراني غالي وفيه السخانة

[meriem27]

ارضاء الناس غاية لاتدرك لازم كل وحدة دير واش يعجبها هي وعلاحساب ميزانيتها

[نرجس44]

انا ايضا ضد فكرة التصديرة واش الوحدة لازمها عرض ازياء قدام النساء؟؟؟؟؟؟؟؟؟؟؟؟؟؟؟؟؟
انا نعرف 2 طبيبات الله يبارك عندهم المال و مداروهاش و قعدو بالروبة البيضاء و النساء و البنات قداهم زاهيين و عقب العرس روعة

علاه الواحد يعاند الناس انا في روحي ندير واش انحب ماشي كيما الناس موالفة ؟؟؟؟؟؟؟؟؟؟

[❀عنْفُوَاפּ طُمُوحْ❀]

http://photo.hh7.net/files/1312139295.gif

[ازهار26]

ارضاء الناس غاية لاتدرك لازم كل وحدة دير واش يعجبها هي وعلاحساب ميزانيتها
مشكــــــــــورة .. كل وحدة تشوف واش يخرج عليها مع عدم التّبذير
دمتي في رعاية البارئ

[ازهار26]

انا ايضا ضد فكرة التصديرة واش الوحدة لازمها عرض ازياء قدام النساء؟؟؟؟؟؟؟؟؟؟؟؟؟؟؟؟؟
انا نعرف 2 طبيبات الله يبارك عندهم المال و مداروهاش و قعدو بالروبة البيضاء و النساء و البنات قداهم زاهيين و عقب العرس روعة

علاه الواحد يعاند الناس انا في روحي ندير واش انحب ماشي كيما الناس موالفة ؟؟؟؟؟؟؟؟؟؟
يا أختي تلقاي الاغلبية ضد فكرة أو عادة التصديرة بصح هكداك يفورصيو على روحهم وينحيوها من ماكلتهم باش يديروها غير في وجه النّاس ..
مشكورة اختي على الرد
في أمان الله

[ازهار26]

http://photo.hh7.net/files/1312139295.gif






أسأل الله لكم فى شهر رمضان
حسنات تتكاثر وذنوب تتناثر
وهموم تتطاير
وأن يجعل بسمتكم سعادة
وصمتكم عبادة وخاتمتكم شهادة
ورزقكم فى زيادة
وبكل زخة مطر
وبعدد من حج واعتمر
أدعو الله أن يتقبل صالح العمل
http://i529.photobucket.com/albums/dd333/nilkheireddine/145288.gif

[مريم قسنطينة]

أنا معك و الله غير فزاد في فزاد و تبذير ، أنا شخصيا ما زال موصلش مكتوبي ، نهار ربي يسهل ندير حوايج خفاف نلبسهم أنا ماش تلبسهم الخزانة ، صح مبعد السحور

[^^prIncessA]

wéééééééé andk essah

[ايمــ راجية الجنان ـان]

انت قلتي 5 فما فوق
انا منديرش حتى واحدة

[ازهار26]

شكراااااا لكـــــــــنّ على الردّ
دمتنّ في حفظ الرّحمان:)

[رجده]

صحيح فكرتك ورأيت أن أغلب الردود مواقة على الرأي لكن لا تنسي أننا في مجتمع لديه عادات وتقاليد لا يكفي أن تكف الواحدة أو الاثانية عن الشراء يلزم حملة كبيرة لأن هذه الملابس أقصد التقليدية أسعارها تزداد يوما بعد يوم
وأذكر قصة لأحد التابيعين أو الأئمة لا أذر من هو اشتكى له الناس غلو سعر اللحم فقال أرخصوه قالوا كيف قال بتركه
صراحة إذا جل الفتياة إستغنين عن اللبس وعرض الأزياء ستنقص أسعار وقد تتكمن الفتاة من شراء واحد أو إثنين حسب المنطقة التي تسكنها
لكن لازم ن الواحدة تغلق أذنيها جيد وتحكم إغلاقها لأنها ستسمع ما لايرضيها
والله تبذير والله تبذير والله تبذير من تشتري هذه الألبسة الواحد منها ب5 ملايين وبعد ذلك لا تلبسها إلا مرة أو مرتين في السنة
لو إشترتها لتلبسها لزوجها قد نجد لها مخرجا ونقول تؤجريين عليها لكن أجزم أن كثيرا من الأزواج لم يرى ملابس زوجته إلا معلقة في الخزانة منذ زواجها به
والمصيبة في الألبسة التقليدية خصوصا من يوضع لها طابع عصري أن أغلبها مكشوفة وتبين جسد المرأة
اللهم اهد نساء المسلمات واجعلهن قرة أعين أزواجهن يارب
أكرر وأقول أوافقك الرأي وشكرا على المبادرة والله يرزقكم الأزواج الصالحين يارب الذين يعينونكم على طاعته

[aya blida]

hata ana khammemte kima ntiya; et en plus j suis fiancé wa rani moure el fiancé ta3i bach ma yedirch el 3orss wa houwa hab yedire el 3orss wallah tjrs hada 3lach nedabezou ma sebte ma nedire ma3ah bach ma yedirch el 3orss

[ازهار26]

صحيح فكرتك ورأيت أن أغلب الردود مواقة على الرأي لكن لا تنسي أننا في مجتمع لديه عادات وتقاليد لا يكفي أن تكف الواحدة أو الاثانية عن الشراء يلزم حملة كبيرة لأن هذه الملابس أقصد التقليدية أسعارها تزداد يوما بعد يوم
وأذكر قصة لأحد التابيعين أو الأئمة لا أذر من هو اشتكى له الناس غلو سعر اللحم فقال أرخصوه قالوا كيف قال بتركه
صراحة إذا جل الفتياة إستغنين عن اللبس وعرض الأزياء ستنقص أسعار وقد تتكمن الفتاة من شراء واحد أو إثنين حسب المنطقة التي تسكنها
لكن لازم ن الواحدة تغلق أذنيها جيد وتحكم إغلاقها لأنها ستسمع ما لايرضيها
والله تبذير والله تبذير والله تبذير من تشتري هذه الألبسة الواحد منها ب5 ملايين وبعد ذلك لا تلبسها إلا مرة أو مرتين في السنة
لو إشترتها لتلبسها لزوجها قد نجد لها مخرجا ونقول تؤجريين عليها لكن أجزم أن كثيرا من الأزواج لم يرى ملابس زوجته إلا معلقة في الخزانة منذ زواجها به
والمصيبة في الألبسة التقليدية خصوصا من يوضع لها طابع عصري أن أغلبها مكشوفة وتبين جسد المرأة
اللهم اهد نساء المسلمات واجعلهن قرة أعين أزواجهن يارب
أكرر وأقول أوافقك الرأي وشكرا على المبادرة والله يرزقكم الأزواج الصالحين يارب الذين يعينونكم على طاعته
باركـــ,, الله فيكــ,, اختي على الإضافة القيّمة
و لكــــــ بالمثل .. أسأل الله أن يرزقكم بأزواج صالحين مرفوع ذكرهم في السّماء و الارض
شكـــــــــراااا..دمتي في حفظ الرّحمان :)

[ازهار26]

hata ana khammemte kima ntiya; et en plus j suis fiancé wa rani moure el fiancé ta3i bach ma yedirch el 3orss wa houwa hab yedire el 3orss wallah tjrs hada 3lach nedabezou ma sebte ma nedire ma3ah bach ma yedirch el 3orss
حاولي تلقاي الطريقة لي تقنعيه بها بلا ماتدابزو كيما قلتي نتيا..بلعقل برك أختي ولي فيه لخير يجيبو ربّي
ربّي يكمّل بالخير و الله يهنيكم :)
في أمان الله

[سلسبيل جروني]

معك حق اختي غير تبذير يفوت عرسها تقلك منلبسهمش ماتت لامود مازال حتى مسلكوش (كريدي)وهكدا طيشهم في الخزانة وتسكر عليهم شكرا ونا معاك كي نتزوج مندرهاش

[امة الرحمان]

أنا تاني راني معاك في رايك أنا وكان تجي عليا نديرو نهار واحد للعرس و لعروسة تلبس برك .la robe blanche و هادوك الخصارات كامل نتاع البلايز و الكراكويات و مقامة الحمام خسارة في خسارة كامل اللي سبقونا يقولونا خسارة .بصه واش ديري هادي حلتنا نهدرو و كي تجي فينا تسمعينا نقولو ندير و ندير و ندير.
والله أنا وكان ساعفوني دارنا و كان جات بيدي .و الله نشرط غي مليون على جال الشرع و نخرج غي la robe blanche و الدراهم اللي راه يخصر فيهم راجلي و أنا نديرو بيهم سكن الله الله .
بصح ماعندي ماندير ماعلي غير نتبع و نسكت.
هي وكان تجي في الصح العادات نتوعنا و الله غير هايلين تحسي بروحك عروسة نتاع صح. بصح كلشي راه يكوي.

[ازهار26]

معك حق اختي غير تبذير يفوت عرسها تقلك منلبسهمش ماتت لامود مازال حتى مسلكوش (كريدي)وهكدا طيشهم في الخزانة وتسكر عليهم شكرا ونا معاك كي نتزوج مندرهاش

بارك الله فيك أختي .. في أمان الله

[hadjer94]

فكلرة تهبل بصح لازم ما ننساوش العادات والتقاليد

[جوهرة الايمان28]

السلام عليكم اختي

مليح تكون العروس الجزائرية باللباس التقليدي هاذي عاداتنا بصح انا ضد التبذير علاه خمسة وستة لبسات زوج ثلاثة فيها بركة بصح تروح طول ماجاياش انا لا نعم ولا لا انا في النص ههههههههههههههههههههههههههههههههه

[زوجي نور عيني]

مع احترامي للجميع وكل واحدة وطريقة تفكيره ولكن على كل فتاة ان تقتني على حسب مهرها وفقط ليس بضرورة ان تصل الى ان تقرض مال من اجل التصديرة او تترك ديون على والديها بل تحاول ان تكون صاحبة قناعة وفقط ولا يمكن ان نلغي فكرة التصديرة نهائيا

[Amouna.DZ]

صراحة التصديرة حاجة شابة و من عاداتنا لكن كان جات لي مانديرهاش لأنو ماصاريفها تاكل الأخضر و اليابس
لأنو لامود تروح و تجي و أنا صراحو مانحبش نلبس في عرسين و لا ثلاثة نفس اللباس..وأرجو أن تتقبلو رأيي

[تقوى الايمان]

انا في رايي حاجة تجي مرة في العمر لاه نقعد كيما بقية المعاريض هكذاك مانبانش عروس و زيد لازم العروسة تخير اللبسة اللي تعجبها و تصدر فيها على خاطر التمنشير فيها فيها على الاقل تنقص شوية ذنوب

[fatma88]

انا نحب حاجة اسمها التصديرة

[ام مرية]

شكرا لانك طرحتي الموضوع الي كان في بالي هذا شحال ولي الكثير من عرايسنا الحلوات ما يعرقوهش انو التصديرة حرام على راي الكثير من العلماء وكذلك التيندة لانهما يدخلان في الكبر والتعالي على الاخرين وايضا يساهمو في زرع الفتنة وحدة عندها دير اشياء خرافية وحدة ماعندهاش وتحب تعاند وهكذا انا درتها وندمت العادة مادرتش حاجة ما نسحقهاش من بعد