والله ظلموني

[imad cabiste]

السلام عليكم

لا أحس بأني مظلوم فقط بل متأكد 1000000000/100
غاضتني العلوم بزاف كون عطاوني حقي راني عندي 1.3 زايدة في المعدل لكن للأسف هكا حنا مدايرين ديما ولا يتنا محقورة
والمضحك في الأمر يقولك التصحيح كان في صالح التلميذ بففففففففففففففففف

والله صمطتلي كلش لأني قريتها بزاف كتاب أحمد امين خليفة حليتو بجزيئه الأول والثاني
+ درت ليكور عند أستاذ قمة
ديما نروح لليكور و نخرج على 9 تاع الليل في الشتاء والغلبة مي نورمال جامي شكيت
وكي عقبت كنت واثق بلي رايح نخدم لأني العلوم مانهبطش من 19 عام كامل

وكي شفت التصحيح النموذجي تأكدت بلي ماكانش فرق بينها وبين ورقتي بالعكس اجابتي أحسن من اجابة الورقة النموذجية صدقوني غير نورمالمو 20 لا نقاش فيها ومعا اللخر نلقاها 13 بفففففففف
+ الرياضيات فيزيا كنت متأكد رايح نخدم وبالفعل خدمت فيهم كيما توقعت 19 أما العلوم والله ظلموني

على كل حال حسبي الله ونعم الوكيل فيهم
راني دعيتلهم دعوة صحيحة ان شاء الله تخرج فيهم
لأني والله عانيت بزاف وتعبت لكن في لحظة جاو حطموني
ايييييييييييييييييييه
الحمد لله على كل شيء

[jiji41]

صح هذه الجزائر انا اني حاسة بيك مع اني مازلت على الباك وغضتيني خلاه خطراكش انا تانا ظلموني فالبيام العام ادا وطبعا الظلم في الباك ميش كيما فالبيام خطراكش الباك او يحدد مصيرك المهم الحمد لله على كل حال

[❀ بَسْمَةْ أَمَلْ ❀]

معليش وكل عليهم ربي وقول حمد لله علي كل شيء

[imad cabiste]

أكيد الحمد لله
+ كاينا ناس تقول في العلوم 13 راك مليح وين راح تزيد
لكن كون شفتو واش صرا فيا عام كومبلي ..................لبكيتم دما
ايه الشكوى للمولى فقط وربي يجيبها في الصواب

[jiji41]

أكيد الحمد لله
+ كاينا ناس تقول في العلوم 13 راك مليح وين راح تزيد
لكن كون شفتو واش صرا فيا عام كومبلي ..................لبكيتم دما
ايه الشكوى للمولى فقط وربي يجيبها في الصواب
اكيد اخي تغيظك كي تتعب وماتلقاش

[بشرى ملاك]

يرحم باباكم ديتوا الباك ولا لا .....وانا لي كنت ندي 14 15 ....ماجبتوش بسباب العلوم والرياضيات والله لا خدمت وكي شفت تصحيح زغرت وقلتلهم راني ناجحة خلاص ولكمن غي فدقيقة وحدة صدمت ماعرفتش شاهوا رقم 9 ولكن نوكل عليهم ربي
ندير طعن ولا لا نصحوني بلييييز

[أميرة العرب]

السلام عليكم


النقاط غي اسكتوا و صايي أنا حكمني un choque
كي شفت النقاط
كل المواد تصحيح عن جد كارثة و كأنهم صححو ورقة غير ورقتي

العلوم كنت تاكله على الأقل 15 أو 16 عطاولي 8

الفلسفة المقالة اللي كتبتها عطاهالنا الأستاد و كتبتها ووريتله ورقة الوسخ قالي راح تدي أحسن نقطة
عطاولي 8.5

الحمد لله لي ما غشونيش فل الفرنسية و الرياضيات

ولا و الله ما كنت رح نديه

المهم الحمد لله على كل حااااااااااال

و مبــــــــــــــــــــــــــــــــروك لكل النـــــــــــــاجحين

و حظا أوفر في المرة القادمة للدين لم يكتب لهم النجاح

الحمد لله

أميـــــــــــــــــــرة العرب

[amii5]

:confused:راني معاك خويا انا تان عانيت من هاد المشكل
العلوم خدمت على 18ولا 17 طاولي 14
الفيزياء قلت 20ولا 19 لقيتها 17
الاجتماعيات حفظتها وطاحلنا واش حفظت درت كامل لي في الكراس وبالتالي ديت 13
الله يخرجهالهم ان شاء الله
الله يحرقهم كيما حرقونا :mad:

[moussa djamel]

كم معدلك اخي

[imad97]

التصحيح هذه السنة كارثة والحل هو الطعن.

[imad cabiste]

يرحم باباكم ديتوا الباك ولا لا .....وانا لي كنت ندي 14 15 ....ماجبتوش بسباب العلوم والرياضيات والله لا خدمت وكي شفت تصحيح زغرت وقلتلهم راني ناجحة خلاص ولكمن غي فدقيقة وحدة صدمت ماعرفتش شاهوا رقم 9 ولكن نوكل عليهم ربي
ندير طعن ولا لا نصحوني بلييييز


والله رايح تغامري كون ديري طعن لأنو في بلادنا كلش نورمال
قادر يزيدو ينقصولك في المعدل +++ كون يلقاو بلي ماغلطولكش رايحين يمنعوك ماتعقبيش الباك 5 سنين على ما أظن

وحتى لو كنتي متأكدة من اجابتك رايحين يحقروك ويزيدو يزيروك في التصحاح

والقرار الأخير بيدك

[رفيدة الجزائر]

خويا نتا وانا من نفس الولاية.............
عندك الحق ولايتنا محقورة بزااااااااااااف..........مشي شوية...........
مام انا والله غير الورقة تاعي ينشاف فيها الوجه............. كلش صحيح ..........الرسومات ..........كلش كلش.........
كنت معولة على الاقل 17...........ومبعد لقيتها 13.5.............نوكل علهم ربي وخلاص..........

[خميس67]

و انا علوم شريعة فوتكبي على التصحيح و لكن اعطوني 15.5 و صاحبتي خلطتها عطوها16.5
الانكلزرية اخدمت و صححت و عندما جمعت نقاطي 12 و اعطوني4
و معدلي9.89 حسبي ربي العلمين تخرج فيهم

[خميس67]

لو نعرف كيفاش يديروا الطعن ندير و لا يهم الاقصاء لاني ماعادش نعاود في هذي البلاد الظالموا اهلها

[Rihanna]

أنا لغة عربية ديت 10.5
تربية اسلامية ديت 11.5

[mima.collo]

انا تانى كيما انت قلت الا ماديتش نجيب 14ولا15 لقيتها 11 حبس قلبي
هده هى بلادنا الله غالب كل شى سياسة

[مسلم أمره لله]

احمد ربي راك نجحت
صاحبي قرا معيا وكان مليح
شعبة رياضيات
لكن ماجابوش
قول المهم جبتو

[alg07]

والله صح عندي تاني صاحبي حقروه بزاف قوتلو وكل عليهم ربي

[اشراقة ميمي الصبح]

والله انا تاني كنت خادمة على 20 ودتيت 16 والفيزياء ضامنة على الاقل 17 لقيت 15.5 كي شفتها تشوكيت
حسبنا الله ونعم الوكيل

[darknight]

والله نفس القصة معي ليكور في ليل نخرج على 9.30 عند احسن استاذ ما نهبطش من 17 استاذ دوما يقولي اجابة نموذجيو والاخير 12.5

[imad cabiste]

السلام عليكم

تغيض بزاف كي التلميذ يتعب ويظلموه وكيما راني نشوف في الردود كاين بزاف لي تحقروا ؟؟؟؟ على كل حال بلاك فيها خير وحنا ماعلابالناش
واللي جابها ربي نتقبلوها

[رميساء خولة]

:confused:راني معاك خويا انا تان عانيت من هاد المشكل
العلوم خدمت على 18ولا 17 طاولي 14
الفيزياء قلت 20ولا 19 لقيتها 17
الاجتماعيات حفظتها وطاحلنا واش حفظت درت كامل لي في الكراس وبالتالي ديت 13
الله يخرجهالهم ان شاء الله
الله يحرقهم كيما حرقونا :mad:

بلاد ميكي وكلوا ربي عليهم

[زينب-03]

كلنا نوكل ربي عليهم

[aissam .3820]

السلام عليكم

لا أحس بأني مظلوم فقط بل متأكد 1000000000/100
غاضتني العلوم بزاف كون عطاوني حقي راني عندي 1.3 زايدة في المعدل لكن للأسف هكا حنا مدايرين ديما ولا يتنا محقورة
والمضحك في الأمر يقولك التصحيح كان في صالح التلميذ بففففففففففففففففف

والله صمطتلي كلش لأني قريتها بزاف كتاب أحمد امين خليفة حليتو بجزيئه الأول والثاني
+ درت ليكور عند أستاذ قمة
ديما نروح لليكور و نخرج على 9 تاع الليل في الشتاء والغلبة مي نورمال جامي شكيت
وكي عقبت كنت واثق بلي رايح نخدم لأني العلوم مانهبطش من 19 عام كامل

وكي شفت التصحيح النموذجي تأكدت بلي ماكانش فرق بينها وبين ورقتي بالعكس اجابتي أحسن من اجابة الورقة النموذجية صدقوني غير نورمالمو 20 لا نقاش فيها ومعا اللخر نلقاها 13 بفففففففف
+ الرياضيات فيزيا كنت متأكد رايح نخدم وبالفعل خدمت فيهم كيما توقعت 19 أما العلوم والله ظلموني

على كل حال حسبي الله ونعم الوكيل فيهم
راني دعيتلهم دعوة صحيحة ان شاء الله تخرج فيهم
لأني والله عانيت بزاف وتعبت لكن في لحظة جاو حطموني
ايييييييييييييييييييه
الحمد لله على كل شيء

نورمال خووو خيرها في غيرها........
....
كي تنجح ب 10 ماعندك ماتدير بيه مع صحاب 18...

....
بالاك ربي شافلك فيها خير...
ماتفشلش...
...
ربي يوفقك الخطرة الجاية...

[عفاف القرارة]

هاد الظاهرة كاينة حتى في شعبة آداب وفلسفة

كل التلاميذ تصدموا من نقاطهم في الادب العربي

الله غالب واش نديرو غي نرضاو بالمكتوب