هاجس البكالوريا

[وردة السلام]

السلام عليكم ورحمة الله وبركاته

اولا و قبل كل شيء اوجه تحية حارة لأهل المنتدى الرآقي


اعرف ان طلباتي كثرت

آآآآآآسفة


لكن هده المرة ايضا بحاجة اليكم



اليوم دخلت لدروس خصوصية في مادة العلوم


كانـــت حصة طويلة بقيت ادعو الله ان تنجلي


آآآه كيف اصف لكم حالتي


والله مثل الاطرش في الزفة


لم افهم شيئا ..... احسست بشعور ضيقة في الصدر وقلق كبير

وهـــــا بدأ هاجس ينتابني

هاجس التخوف من البكالوريا ومن المواد وكيفية انهاء البرنامج العريض


صراااااحة مالي غير الله وغيركم

اسئلكم ان تقولوا لي مادا افعل مع هدا الكيان ؟؟؟؟؟؟؟؟؟؟؟؟؟؟؟؟؟؟؟؟؟

[darknight]

لم افهم بداتي اليوم دروس خصوصية لبكالوريا 2012 ؟

[ليلى خانم]

السلام عليكم ورحمة الله تعالى وبركاته
اختي لا تقلقي فانصحك بالراحة في العطلة الصيفية حتى لا تتعبي وتنتهي طاقتك اثناء الدراسة فارتاحي وانطلقي بالدراسة من بداية العام واظن ان شرح الاستاذ انسب لك ولمنه من الجيد اهتمامك بالدراسة بارك الله فيك.

[ليلى خانم]

السلام عليكم ورحمة الله تعالى وبركاته
اختي لا تقلقي فانصحك بالراحة في العطلة الصيفية حتى لا تتعبي وتنتهي طاقتك اثناء الدراسة فارتاحي وانطلقي بالدراسة من بداية العام واظن ان شرح الاستاذ انسب لك ولمنه من الجيد اهتمامك بالدراسة بارك الله فيك.

[وردة السلام]

لم افهم بداتي اليوم دروس خصوصية لبكالوريا 2012 ؟

نعم مع العلم اني بدأت متأخرة لدلك لم استوعب

لازم نقراو واش راح نديرو

[وردة السلام]

السلام عليكم ورحمة الله تعالى وبركاته
اختي لا تقلقي فانصحك بالراحة في العطلة الصيفية حتى لا تتعبي وتنتهي طاقتك اثناء الدراسة فارتاحي وانطلقي بالدراسة من بداية العام واظن ان شرح الاستاذ انسب لك ولمنه من الجيد اهتمامك بالدراسة بارك الله فيك.


اساتدة الثانوية ميقروش

وكون منبداش دوك تروح عليا

منيش نافحة كي الغاشي علاه

[darknight]

لاكان قريتي 2 ثانوي مليح خاصة الرياضيات ما تعبيش روحك اصبري حتى بدايه العام
اذا تحسين بنقص تجاه اي جزء في رياضيات انصحك تراجعيه وتفهميه بصح راجعي خفيف خفيف

[hakim 17]

السلام عليكم

اختي ضك من البدية ننصحك تبدلي الاستاذ تع ليكور

لانو العلوم امنيني بالاك ماكاش اللي ما يفهمهاش كي يدير ليكور + العلوم ساهلة تفهميها قريب كامل في القسم ....

يلزم تقراي عندك استاذ يفهم بالشوي ويخدم مع معاكم كامل مشي كيما راكي تقولي دخلتي عندو وخرجتي 00000000000000

[hakim 17]

+++++++++++++++

نصيحة ختي ما تقلقيش روحك وكيما قالولك ريحي في العطلة الا اذا كنتي حابة تحسني اللغات مثل الفرنسية او الانكليزية

امنيني كي دخلت عام الباك السنة كنت الاشتقاق ما نعرفلوش وحساب النهايات

مي الحمدالله درت عند استاذ فور بزاف ليكور ويحل التمارين بزاف وفي التالي تع العام وليت نعرف كل شي في الرياضات والحمد لله خدمت فيها صافا في الباك .... وفي القسم ما كان ما فهمت لعخاطش قريب كامل في القسم ما نفهموش ...........

[chedni]

نصيحة من عندي خطيك من الدروس اخصوصية تاع الصيف
ريحي ما تخافيش عادي البنامج ساهل شوية خدمة وتكيز برك
ربي يوفقك

[amati]

اسمحيلي اختي مي راكي غالطة بزااااااااف انا هاذ العام جوزت الباك شوفي الصيف للراحة انساي كلمة باكالوريا ومومات خلعكش الباكالوريا امتحان جد عادي والسنة الدراسية الجاية تكفيك للتحضير ان شاء الله هاذ العطلة نحي الخوف وارتاحي وخليك من هاذ الدروس لانوا ماراكيش مهياة نفسيا العلوم مادة سهلة الاستعاب في القسم تفهميها من وثائق الكتاب انصحك بالراحة ثم الراحة ثم الراحة وسوف ترين

[lord of peas]

السلام عليكم .أولا وقبل كل شيء يا أختي الباكلوريا ليست هاجس .بل على العكس هي مفتاح لكل ابواب الخير أن شاء الله.ويبقى خوفك هدا مجرد شعور مررنا به جميعا .فأنا اجتزت البكلوريا هدا العام والحمد لله.كما يقول المثل أصعب الأمور بدايتها و اللي جاي راه ساهل .والله برنامج السنة الثالثة اسهل من برنامج السنة الثانية اتكلي على الله ولا تيأسي

[راجية النجاح]

يا اختي راكي تلعبي بروحك خدو ناس ما يحوسو غير على الدراهم
على بالك بلي تولي تتهاوني وتعياي العام الجاي نشاء الله تستحقي طاقة عظيمة لازملك تخزنيها فالصيف والعلوم ماشي حاجة للتتقرا خارج القسم
اذا حبيتي بصح تقراي ننصحك تحفظي الفلسفة والتربية الاسلامية والمصطلحات وما تقوليليش نفهم خاطرش غير تقراي المقالة تفهميها والمصطلحات ما عندك ما تفهمي فيهم اصلا ما ديروهمش في القسم
صح تنساي بصح غير تريفيزي تتفكري ما ديريش غلطتنا خلينا رواحنا حتى على تالي وحصلنا
نتمنالك التوفيق وادعيلنا بالنجاح