رجاء الى كل الاخوة لي جوزو باك هاذ العام

[نسرين نسر]

سلام عليكم انا نسرين في 2012 عندي باك وراني حابة نوجد روحي من دروك بصح ما رانيش عارفة كفاش نبدا
وانا راني حابة نبدا قراية من دروك ونحوس نفهم دروس قبل الدخول المدرسي
الله يخليكم عاوني وانصحوني كفاش نبدا وباه نبد الله يفرحكم عاونوني

[المجتهدة20]

السلام عليكم
انا طالبة جوزت الباك هاد العام وانا من المتفوقات
الحمد لله انا نوصيك اختي جوزي العطلة تاعك كما يجب
اخرجي حوسي اضحكي و ما تخميش خلاه فالباك على خاطر العطلة هادي يمدوهالنا باه نرتحو فيها
و ماكان علاه تبداي من درك
لكان حابة تدي الباك تاعك انا نقلك كيفاه
اهم حاجة الانتباه فالقسم على خاطر الاستيعاب كامل يكون من الاستاذ
تعودي كلش فالدار و ما تقوليش اني فاهمتها هاذي ما نعودهاش
نظمي وقتك بجدول و غيريه كل شهر على الاكثر
ما تغضيش النظر على اي استفسار مهما يبانلك تافه
صاحبي الممتازات و تناقشي معاهم
ما تفرطيش في 8 ساعات نوم تاعك
كي تغلبي ما كان علاه تفورسي على روحك حبسي و رتحي و مباعد ارجعي
ما تراطيش الدروس و الدروس الخصوصية حاولي تحسني اختيار الاستاذ باه ما تبدليش في نص العام
على خاطر هنا تترواي و ممكن تضيعي
اهم حاجة الصلاة و التقرب الى الله و طاعة الوالدين
وماتتحججيش بالدراسة باه ما تعاونيش امك
و حاولي تبتعدي على النت ابتداءا من شهر افريل

اما المراجع
في العلوم اما الوافي او كتاب احمد امين خليفة او المعاصر
في الفيزياء الزاد
الرياضيات انا ما شريتش على خاطر الكتاب مليان تمارين حليهم كل و زيد مكتبة الثانوية كاينة كل مرة جيبي واحد و حلي منو و فرات
و مواضيع الشروق مليحة صح حاولي ما تهمليهاش
و الامتحانات تاع اساتذة وحايد اخرين تاني


و نتمنالك التوفيق و النجاح بأعلى المعدلات
تقبلي مني
تحياتي
ارجو ان تدعي لي بالتفوق في شهادة البكالوريا

[نسرين نسر]

اريد نتائج البكالوريا ليوم 05 جويلية 2011

[نسرين نسر]

الف شكر اختي العزيرة اتمنى من كل قلبي ان تنجي في البكالوريا بتقدير ممتاز اتمنى لك النجاح

[kamela]

بارك الله فيك اختي

ربي ينجحك ان شاء الله

[xp93]

اهلا أخيتي
أنصحك بشيئين , أما الاول , إنتبهي في القسم مع جميع الاساتذة , والثاني هو أنه يجب عليك ألا تملي ولا تفشلي ;)
والله أعلم

[قاصِرَةُ الطّرْف]

السلام عليكم أختاه
جميل أن تسألي و أن تحضري نفسكي
الشيء الذي أنصحك به
هو أن لا تجهدي نفسكي الآن مراجعة خفيفة طفيفة
لأنك ستتعبين كثيرا في ما بعد
إذا كنتي شعبة آدب و فلسفة أنصحك في هذه الفترات التي يكون لديك فيها فراغ
ـأن تحضري نفسك في ماذة الرياضيات و الإنجليزي و الفرنسي لانك ستجيدين فيهم
مشاكل في ما بعد
مثل ما واجهته أنا في هذا العام
و جدت صعوبات في هذه المواد الثلاث
و أنصحك أيضا أن لا تدعي الدروس تتراكم
عند دخولك المدرسة كل ما يكتب خاصة مواد الحفظ إحفظيه إعتمدي على الحفظ و الفهم كلاهما
لانك ستجدين مشكلة النسيان
دمتي و تقبلي مني شكرا لكي اختي

[ahmed-loco]

السلام عليكم اخت
اولا اريد ان ابين لك انه لكل شخص عقليته و لكل شخص و قدراته لذا عليك ان تسطري برنامج حسب قدراتك لكن هناك خطوات يجب على كل ممتحن معرفتها و تتمثل في هاته النقاط
1-تنظيم الوقت و التقليل من استعمال الحاسوب و مشهاهدة التلفاز و عدم مجالسة اشخاص بدون طموح
2-الحظور الى مقاعد الدراسة منذ اليوم الاول لان معظم الذين يتغيبون في الاسبوع الاول لا ينجحون لانهم لا يتعودون تكسير الريتم
3-اختيار المقعد الثاني او الثالث في الصف الاوسط لان ذالك يساعد على الاستيعاب و سرعة الفهم من الاستاذ
4-تجنب السهر حيث افضل وقت للنوم بعد العشاء و عدم تناول المنبهات كالقهوة و الشاي
5-اثناء الحفظ و المراجعة طبقي مبدا اربعين دقيقة تدرسي لمدة اربعين دقيقة و ترتاحين عشرة دقائق في تلك العشر دقائق تحدثي مع العائلة او شاهدي التلفاز او استمعي الى القراان و مبدا الاربعين دقيقة هي طريقة يبانية يطبقوها في مدارسهم حيث تبعدك عن الملل و تساعد على ارتفاع التركيز و تعطي للمخ مهلة لترتيب و تخزين المعلومات
6-صادقي بنات مجتهدات و متفوقات لان ذالك يحفزك على مجاراتهن
7-تناولي العسل مع السانوج لان ذالك يساعد في عملية الحفظ
8-تناولي السمك لان به المغنيزيوم لان هذه المادة تساعد على التركيز
9-عند اقتراب موعد الامتحانات في الاسبوعين الاخيرين اذهبي عند اقربائك حتى تبتعدي عن الظغط السلبي و من الاحسن الذهاب عند اقرباء يقطنون قرب البحر او في الريف (البلاد)
10-ابتعدي عن المشاحنات و الصراعات (الدواس)
11-ايام الامتحان لا تتناولي اللحم الا في الليل لان اللحم بطيء الهظم حيث يبقى 8 ساعات او اكثر و بالتالي 70 بالمائة من الدم يذهب الى المعدة و يعرقلك على استرجاع المعلومات
في الاخير اذا كنت انسانة غير متدينة اجعلي الباك سببا في توبتك و هذا ليس نفاق مثل ما يقول اصحاب التفكير السلبي و اذا كنت متدينة ضاعفي تعلقك بالله و رسوله لان نحن نتسبب و التوفيق من عند الله و تاكدي لو تتبعي هذه الخطوات على الاقل ستحصلين معدل 15 هذا اذا كنت تحصلين على 10 و 11 معدل و ضعي شيء في راسك ان السنة الثانية ثانوي جد صعبة من الباك
ارجو من الله اني افدتك

[ALA AMAL]

أختي مام انا العام جاي الباك وراني خايفا بزاف منو
حاب نراجع من الان لاني ضعيقة ربي وفقنى ان شاء الله

[نسرين نسر]

ربي يجازيكم خير على كل من قرا رساتي وردلي عليها