عادة غريبة ، انتم عندكم ولا لا؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : عادة غريبة ، انتم عندكم ولا لا؟

افنان الجزائر

2011-07-05, 09:59

السلام عليكم

مرة اتعرضنا عند احد اقرابنا بمناسبة بلوغ مولودهم سنة ، كي رحنا شفت تماك عادة غريبة اول مرة نسمع بيها ونشوفها .

جات جداتي وجابت صحن وضعت فيه تسبيح و خاتم و قطعة لحم وجابت الطفل الصغير هداك وقربتو من الصحن باش يشوفو واش يختار .

كي رحنا سقسيت ماما وش معناتو هدا قالت لي هدي يقولو ليها ** العامية ** يديروها للطفل كي يولي عندو عام يفاولو ليه بيها ، قلت ليها وش يقصدو

بالحوايج الي يحطوهم في الصحن قالت لي :

*التسبيح : معناه الطفل دا يجي مدين ياسر .

*الخاتم : يكون تاقي ربي مي تابع الدنيا .

*قطعة اللحم : هدي نسيت وش تعني هههه.

انا حقيقة ضحكتني هدي العادة وجاتني غريبة . وقالت لي ماما بكري كانت كاينا بزاف مي درك راحت قليل الي يديرها .

حبيت نعرف اذا سمعتو بيها ولا انتم تاني عندكم ، وش رايكم فيها

ياسين البرج

2011-07-05, 10:16

احنا ماعندناش هذي العادة في برج بوعريريج

المتمردة

2011-07-05, 11:13

و لا عمري سمعت بيها
لكن عادات العرب و العجايز تاع بكري كاين اللي مازالو محتفظ بيها
دركا مع العام الاول غير القواطو و المشروبات و التصاور و الكادوات و شمعة و الدي جي

افنان الجزائر

2011-07-05, 11:21

ايه كل وقت و عاداتو

رشاد

2011-07-05, 12:06

ههههههههههه خرافات
راك تعرف ناس زمان
هنا في العاصمة معدناش هاد الشيئ أخي

افنان الجزائر

2011-07-05, 12:12

ههههههههههه خرافات
راك تعرف ناس زمان
هنا في العاصمة معدناش هاد الشيئ أخي

شكراً على الرد ، لكن انا بنت مشي ولد ههههههههههه يعني اخت

البلبلة

2011-07-05, 12:14

لالا اول مرة نسمع بيها

بصح قوليلي

هذاك الطفل واش خير هههههههه

افنان الجزائر

2011-07-05, 12:21

لالا اول مرة نسمع بيها

بصح قوليلي

هذاك الطفل واش خير هههههههه

خير الخاتم

رُقية

2011-07-05, 15:15

لاول مرة نسمع بيها

البلبلة

2011-07-05, 15:53

خير الخاتم

ههههه

مليح

ربي يحفظو ويكبرو في طاعتو

وشكرا على المعلومة:)

افنان الجزائر

2011-07-05, 16:53

العفو وفي الأخير تبقى مجرد اعتقادات

samsoon city16

2011-07-05, 17:05

جامي سبعت بيها يا ختي حنا كي يزيد المزيود يأذنولو في ودنو يسميوه و يديرو العقيقة هادي هي استقبال المولود في الاسلام

افنان الجزائر

2011-07-05, 17:19

جامي سبعت بيها يا ختي حنا كي يزيد المزيود يأذنولو في ودنو يسميوه و يديرو العقيقة هادي هي استقبال المولود في الاسلام

قاع انديرو هكا لطفل كي يتولد ناذنو لو .......... ، هذي العادة انا شفتها مشي كي يزيد المولود ، كانو يديروها كي يولي الطفل عمرو عام

حوض الكوثر

2011-07-05, 20:39

مسمعتش بيها
راك علمتينا حاجة
شكرا لك

baryad

2011-07-08, 01:23

ههههههههههههه

مشكاة الهدى

2011-07-08, 06:53

حنا مكانش عدنا هاد العادة كي يزيد ياذنو في ودنو ويقراو شوية قران وخلاص وكل منطقة والعادات انتاعها

ikram403

2011-07-08, 19:35

لم اسمع بهده العادة....تقبلي مروري

ღصمتـﮯ~ لغتـﮯღ

2011-07-09, 12:53

عادة غريبة

اول مرة نسمع بيها

aissam .3820

2011-07-09, 12:56

مازالوا يآمنوا بالغولة...

..

عبد الناصر أمازيغ

2011-07-10, 11:35

لوكان خيّر قطعة اللحم كي يكبر رايح يولي جزار:1:

تائبة الى ربها

2011-07-12, 09:45

جامي سمعت بيها هذي أول مرة .دوك نسقسي عليها
شكرا على المعلومة
..

the sad girl

2011-07-14, 18:19

صدقت حين قلت انها عادة غريبة فهي كذلك ، و انا لم اسمع بها ابدا ، شكرا على المعلومة .

بشرى ملاك

2011-07-14, 19:53

لالالالالا
مي عندنا فدنيا يؤذن على المولود دون صلاة وعندما يموت يصلى عليه دون اذان وهاذي من عند رسولنا الكريم عليه افضل الصلوات والسلا ااام اختي لازم نغيروا من العادات والتقاليد هاذي تعد بدع والبدع مكروهة ويجب ويجب التنبيه عليها وحياة اي مولود واي واحد ربي يدخل فيها ماشي نسيروها حنا بخاتم ولا قطعة لحم والله سيء جدا فيجب تغيييييير البدع وتصحيحها الى ما اتبعه الحبيب المصطفى صلى الله عليه وسلم
وشكرا......

نهاد23

2011-08-02, 07:34

احنا عندنا هاد العادة في توات ولاية أدرار بهذه الطريقة.......ايحطوا للمولود :
اللوح..................معناها يخرج قاري
التسبيح..............معناها يخرج تقي
سكين.................مناها يخرج شجاع
...........اي وحدة ايخيرها المولود من هاذ الحوايج تدل اعلى واش ريح ايكون في المستقبل.................
هههههههههههههههههههههههههههههههههههههههههههههههههه ههههههههههههههههههه

ياسرون الجزائري

2011-08-05, 23:21

انا بني نحطلو 3 سبحات في شكارة و نقولو دخل يدك و خير

نسيم19

2011-08-06, 02:19

حنا ماعندناش هكذا مي كي يوفى الطفل العام يحسنولو راسو يخلوه فرطاس ويوزعو الحلوة على الصغار والجيران

أماني قادة

2011-08-06, 10:18

لا أحنا معندناش

أبو رقية 19

2011-08-08, 00:33

آآآآآآآآآآآآآآآآآآآآآآآآآآآآو

دموع الحيــاة

2011-08-13, 15:39

لا توجد عندنا هذه العادة في خنشلة

YOUSRADZ

2011-08-14, 07:51

احنا عندنا يذنو في اذنه ويقرو شوي قرأن علجاله وصى اعليها الرسول صلى الله عليه وسلم والي عنده في يوم 7 ايام من ولادة الطفل ينحولو شعره اكل ويوزنوه عند الصايغ ويشوف قده ذهب يخرجوه على الفقراء

رملاك

2011-08-15, 12:05

سلاااااااام
كيما قال اخي ياسين هدي العادة معندناش حنا في برج بوعريريج
و هذي أول مرة نسمع بيها
ربي يكبرو في طاعتو ان شاء الله
سلااااااااااام...............

احمد يحياوي

2011-08-15, 12:13

ههههههههههههه اول مرة نسمع بيها

rima.h

2011-08-15, 14:42

لالا ما عندناش في سطيف