اعراس بلادنا

[radja cullen]

السلام عليكم
جا الصيف و كترو لعراس و بلادنا طويلة و عريضة كل بلاصة عندها عدات و تقاليد في عراسها هذا يخلي مشكل ادا واحد بار اكزومبل من الغرب دا وخدة من الشرق - يديرو تقاليد الغرب و لا الشرق- و كل عايلة تطلب بعاداته هوما الي يندارو
عاونونا فهاد المشكل و خطو عادات اعراس المنطقة اتاعكم هكدا نستفادو و نتفاداو امشكل هدا

[radja cullen]

انا من امنطقة الشاوية لعرس يندار في 4 يام على الاقل
نهار الاول يجيبو دار العريس الكبش لدار لعروسة
نهار الثاني نهار الحنة يجيو لمعرودين لدار العروسة و يجيو تاني دار العريس يحنولها و يلبسولها الخاتم كاين الي يحني على مفياس تاع لويز ولا محزمة مشبك وكي يروحو دار العريس يحانيو للعريس و تبدا السهر
نهار الثالث يهزو لعروسة تخرج من دار باباها على برنوص تاعو من عتبة دارهم و يبدا العرس في دار العريس
نهار الرابع نهار لحزام بالمخزمة المشبك يخزملها سلفها و لا ولدو

[ღصمتـﮯ~ لغتـﮯღ]

الصراحة مانحبش لعراس ومانعرفش واش يديرو فيهم

[❀عنْفُوَاפּ طُمُوحْ❀]

حنا في شلف العرس يكون في ثلث ايام
اليوم الاول نديرو الحنة للعريس .و تانيك العروسة يديرولها . و يعشو الرجال فيها نسمو هاد النهار العشا
اليوم الثاني مالين العريس يجيبو العروسة من دارهم و اللي نسموه المحضر
اليوم الثالث مالين العروسة يدو جفنة كسكس لدار العريس و هاكا يكمل العرس نسمو هاد النهار الجفنة

[DZ-23]

في عنابة يومين أو يوم يديروا كلش

[سليم المبتسم]

راهم يديروا فالعراس حطراكش قريب رمضان

[*سماح 94*]

اعراس مدينة العلمة كارثة .......صارت مكلفة لدرجة لا تحتمل .......والغريب انو اي علمي يدير هكدا غني او فقير
بالنسبة للمهر 15 مليون وطلع بلا الخواتم والاعياد
اقل مدة للعرس تكون 4 ايام وغالبا تكون الثلاثاء الاربعاء الخميس والجمعة
يوم الثلاثة نقولولو الدبيحة يديو اهل العريس لاهل العروس 2كباش على الاقل ويديو شورة العروس لدار راجلها وويزيدو اهل العريس يدبحو في دارهم على الاقل 4 كباش وللعلم جارنا السمانة لي فاتت دبح في عرسو 12 كبش وهو مجرد عامل بسيط ....ويمكن يدبحو بقرة تكون احسن وفي الليل تكون سهرة خفيفة عند اهل العريس
يوم الاربعاء نقولو الحنة يروح اهل العريس يحنيو للعروس ويقوم العريس بوضع جاتم الحنة للعروس ويمكن حاجة تاع دهب اخرى واحنا في دارنا نزيدو مع الخاتم السبوعيات وهي مقايس معروفة عندنا وادا كان اهل العريس لاباس عليهم يديرو سانتورة للعروسويشربو العصير والكيك تاع اهل العريس ثم يمدو اهل العروس الفاطو وشوية واشياء اخرى لاهل العريس ثم يروح اهل العريس بعد ما يكونو مدو للعروس جهازها لي يوصل احينا ل5 ملاين يعني حسب الجهاز اما اهل العروس فيعشيو ضيوفهم في هاديك الليلة بعد
يوم الخميس يوم الدخول عند اهل العروس ما يكون والو يعني غير يوجدو رواحهم باش يروحو مع العروس اما عند اهل العريس فتكون الزردة الكبيرة غنا وشطيح وضياف بالمئاتويروحو يجيبو العروس ويبقى اهلها يتعشاو مع باقي الضياف ثم يروحو ومبعد تكون حنة العريس تبدا جوايه 11ليلا يسهرو الرجالة ويحنيو ويبرحو ويوكلو القاطوويمدو السوارد والهدايا للعريس وهي خاصة بالرجال.....ثم تتفرق الحالة
يوم الجمعةيجي اهل العريس لاهل العروس ويجيبو انواع عديدة من القاطو والعصير والهدايا لاهل العريس بعد الصلاة يشربو قهوة ويروح كل واحد لدارو و
.....................وانتهت التعبة الكبيرة..........
واشير لانو اعراستا لاتقل تكلفتهاعن 40 مليون والاغنياء لي لاباس عليهم يوصل لاكثر من100 مليون وصار شرط يكلمو في العراس الفيميجان التي لا تقل تكلفتها عن 100الف للوحدة بلاما ننساو الفرسان لي يرافقو كورتاج العروس واشياء اخرى تكون حسب مستوى وثقافة كل عايلة
والله اعراسنا ولات غير تبدير ومباهات واسراف كبير

[وسام-ش]

السلام عليكم حنا عندنا في جهتنا العرس يدوم 3 أيام: النهار الاول اهل العريس يدوا للعروس الكباش ويشربو قهوة ويروحوا. النهار الثاني نسموه احنا "العطية أو الحنة" تعقد النهار هذاك فالصباح ولعشية يحنوا للعروس ويدخل العريس يلبسلها الخاتم ويتعشوا بالكباش هذوك لي داوهم آمس. النهار الثالث العرس يكون في بيت العريس ثمة وين يهزو لعروس"نهار الرفاذ" يديروا عشا عراسي . كاين لي يدي عروستو voyage de nence وكاين لي مايديهاش. هذا الاساس وكل قدير وقدرو
موضوع متميز. دامت اطلالتك بالمزيد

[gana]

حنا في المسيلة 5 أيام اليوم الأول الحنة يروحو بيت العريس لبيت العروس باش يحنولها ويلبسوها الخاتم واليوم الثاني يجو بيت العريس باش يدو لعروسا و يجيب لعريس معاه الغايطاو البندير و العوادا ويلبسها سنسلا و اليوم الثالث و الرابع نقعدو نرتاحو و اليوم الخامس التحزام هو نهار الأحد تحزام النساء يلبسها الخاتم و في الليل تحزام الرجالة