الشطرة في قلب اللوز تجي

[nari21]

راني نحواس على كيفية للقلب اللوز تكون بنينة وناجحة ولو امكن بتفصيل الممل لانني شحال من خطرة نديرو وميخرجليش راني مبهدلة مع قلب اللوز ولكم مني احلى تحية

[medmedi]

راني نحواس على كيفية للقلب اللوز تكون بنينة وناجحة ولو امكن بتفصيل الممل لانني شحال من خطرة نديرو وميخرجليش راني مبهدلة مع قلب اللوز ولكم مني احلى تحية

فيديو قلب اللوز روووووووووووووووووعة


http://www.youtube.com/watch?v=xQcekp5xq9s (http://www.youtube.com/watch?v=xQcekp5xq9s)







hahoulik le lien 7ttatou elzahra elbessamia ikattar 5irha

[أمل العرب]

هذا رابط لقلب اللوز العادي جربتو عدة مرات ونجحلي ممكن ينفعك

قلب اللوز مضمون وعلى طريقة الغالية نسرين ربي يحفظها (http://www.djelfa.info/vb/showthread.php?t=612551)

[غزالة الصّحراء]

راني نحواس على كيفية للقلب اللوز تكون بنينة وناجحة ولو امكن بتفصيل الممل لانني شحال من خطرة نديرو وميخرجليش راني مبهدلة مع قلب اللوز ولكم مني احلى تحية


إليك أختي كيفية ناجحة 100/100. وهذه الكيفية للأخت ( أم أنفال ) اللّه إيذكرها بالخير . على صفحة ( كوزينة رمضان )التي احتوت على مواضيع جدّ ثريّة، شاركت من خلالها الكثير من العضوات. وبدون إطالة إليك الكيفيّة. وإن احتجت إلى مساعدة أنا هنا. على أمل من خلال هذه الوصفة أن تعود إلينا الأخت الكريمة أم أنفال قريبا لتشاركنا أطباق رمضان المبارك بحول اللّه. وأتمنّى أن تكون في تمام العافيّة.
مقادير العجينة.
- 3 كيلات سميد خشن.
- 2 كيلات سكّر
- 1 كيلة ماء الزّهر.
مقادير الشّربات.
- 2.5 كيلة ماء.
- نصف كيلة ماء الزّهر.
- 1 كيلة سكّر.
الكيفيّة.
نخلط كلّ من السّميد الخشن + السّكر + ماء الزّهر في اتّجاه واحد. حتى يصبح الخليط شبه جاري.
نفرغ الخليط داخل صينيّة مدهونة بالزّبدة ثمّ نضيف القليل من الزّبدة على الوجه الأعلى ، ثمّ نترك القلب اللّوز ليلة كاملة داخل الصّينية ، في مكان محفوظ، وغطيه بمنديل نظيف.
( ملاحظة . إذا أردتي أن تحضّريه في الصّباح ممكن أن تطهيه في المساء. وإذا حضّرتيه ( القلب اللّوز )في المساء عليك أن تطهيه في الصّباح. ) أيّ يجب أن يرتاح الخليط.
حان وقت وضعه داخل الفرن. قبل ذلك قومي بتقسيم الحلوى إلى مربعات صغيرة، ثمّ تزينها بالفول السّوداني ( الكاوكاو ). ثمّ ضعيها داخل الفرن لتطهى.
أمّا عن الشّربات نقوم بوضع المقادير ( 2.5 كيلة ماء + نصف كيلة ماء الزّهر + كيلة سكّر ) على نار عاديّة. عندما تلاحظي أنّ المقادير شرعت في الغليان ، احسبي 5 دقايق بعد الغليان ثمّ اطفئي النّار.
ملاحظة. الشّربات يجبّ أن تكوني حضّرتيها سابقا. يعني يجب أن تكون باردة. والقلب اللّوز ساخنا. مجرّد أن تخرجيه من الفرن صبّي عليه الشّربات.
طبعا بإمكانك أن تضعي في الوسط. خليط الكوكاو والقرفة وماء الّزهر . كما نعمل بالنّسبة للبقلاوة. ( بقلاوة محشي )
. واللّه العظيم جرّبتها كم من مرّة وكانت في قمّة الرّوعة حتى كلّ من قدّمت لها الوصفة من صديقاتي تعجبّت منها. ولم. أنكر انّني تحصلت عليها من المنتدى.
أتمنّى أن تجربيها فعلا فهي جدّناجحة ذوق ... روعة ... جمال... يعجز اللّسان عن إعطائك كلّ مايليق بها من نجاح. آسفة أنّني لا أمتلك آلة تصوير . وإلاّ سأقوم بتحضيرها وتصويرها ثمّ إرسالها.
من فضلك أطلب منك طلبا . إن نجحت في إعداده قومي بتصويره وإرساله. ليستفيد منه الجميع.
تحياتي.
وإذا كنت بحاجة إلى مساعدة أنا راني هنايا برك. مانيش رايح نحسدكّ ربّي يوفّقك.في إعداده راني نستنا ترجعي لي بالخبر . :19::19::19::19::19:
بالنّسبة للكيلة التي عملت بها ( كأس إينوكس ) لصينيّة صغيرة ). الكيلة أنت والصّينيّة.

[nari21]

الف شكر غزالة الصحراء راح نجربها وندعيليك ونصورها تاني كيما حبت ختي ربي يجزيك حنونة

[nari21]

ختي منديروش الزبدة في العجين

[أم هنيدة]

ختي منديروش الزبدة في العجين


نفس السؤال في انتظار جوابك اختي بارك الله فيك

[looona]

حبيبتي مكانش الزبدة ولا الزيت

[ام محمد78]

اختي ما نديروش السمن ولا زيت
يعني بدون دهان غير الماء زهر
ننتظر ردك

[ام محمد78]

ننتظر الجواب عالسؤال؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[om nour]

ننتظر الجواب عالسؤال؟؟؟؟انا كذالك من فضلك

[ام محمد78]

من فضلك اختي جاوبينا

[ام محمد78]

§§§§§§§§§§§§§§§§§§§§§§§§§§§§§§§§§§§§§§§§§§§§§§§§

[غزالة الصّحراء]

ختي منديروش الزبدة في العجين

لالا. مانديروش الزّبدة في العجينة. ولا حتى الزّيت, وآسفة عن التأخير, باركوا لعائلتي فرحة شهادة التعليم المتوسّط+ البكالوريا. تمنياتي بالنّجاح للجميع إن شاء اللّه. وآسفة عن التأخير, أنا هنا إن كنتنّ بحاجتي. :19::19:

[غزالة الصّحراء]

الف شكر غزالة الصحراء راح نجربها وندعيليك ونصورها تاني كيما حبت ختي ربي يجزيك حنونة

بلا مزيّة , ربّي إيخليك. راني نستنّا, ماكيش رايح تندمي , غير جربيها, الكل راه يستنا في الصّور, خاصة ورمضان راه اقريب. ربي ايجازيك على دعوات الخير مسبقا. وإذا احتجتي لشيء راني اهنايا.

[ام محمد78]

الف الف مبروووك اختي ليكم فرحة البنجاح
شكراااا على ردك

[غزالة الصّحراء]

الف الف مبروووك اختي ليكم فرحة البنجاح
شكراااا على ردك

بلا مزيّة. اللّه إيسلمك ، لعقوب ليك ولكلّ ألي اتحبهم. نتمنى أتجرب هذي الكيفيّة . واللّه بزاف هايلة، ربّي يوفقك فيها. وإذا احتجت لشيء راني هنايا. هذا إذا كان أنت ألي رايح أتحضّرها وإلاّ عليك أن تطلب :sdf::sdf::sdf: فأنا في الخدمة.
بصحّتك.:mh31:

[manouchebsm]

بارك الله فيكم

[ام محمد78]

نعم اختي الغالية هاااااااذي مدة حابة نجرب قلب اللوز وفي كل مرة ما يخرجليش
دايما نخسر الدقيق والسكرهههههههههه
وزوجي يوبخني بزاااااااف كل شي غالي وانت تجربي
فحبيت نجرب طريقتك ولكن متخوفة ما تنجحش معايا
عالعموم نجرب مقدار صغير ونشوف
ما دام بالكيلة راح تساعدني

[غزالة الصّحراء]

نعم اختي الغالية هاااااااذي مدة حابة نجرب قلب اللوز وفي كل مرة ما يخرجليش
دايما نخسر الدقيق والسكرهههههههههه
وزوجي يوبخني بزاااااااف كل شي غالي وانت تجربي
فحبيت نجرب طريقتك ولكن متخوفة ما تنجحش معايا
عالعموم نجرب مقدار صغير ونشوف
ما دام بالكيلة راح تساعدني

أهلا بيك مرّة أخرى. وعلاش سجلتي في الإحصائيات أنك ذكر؟؟؟؟؟
المهم جربيها ماريحاش تندمي. بصّح تقيدي بكلّ الخطوات. وخاصة المقادير . أعملي اسنيوة اصغيرة. وكيلي بكأس ( إينوكس ). صراحة راكي رايح تعمليه دايمن. بالتّوفيق . رجعيلي بالخبر . راني نستنا. دعوات الخير فقط. كل العائلة رايح تفرح. بصحتكم.:mh31:

[nari21]

خسرة عليك ختي غزالة الصحراء قلب اللوز اتعك مفيه ميتكول راه وخدة انا تاني تبعتك ومدرتش الزبدة جا يبس حجرة شبعو عليا ضحك مدبيكوم متسيهوهش راهو وخدة بصح الليوم درتلهوم واحد القلب اللوز روعة خويا كل منو حتى خرج من نيفو ليحبت نمدلها الوصفة

[ام محمد78]

اختي زوجي مسجل هنايا ولكن عطاني مكانو
قالي المنتدى راااهو مفيد جدااااااااااااااا خصوصا في الافكار والمطبخ
وما نقدرش نبدل الجنس مرة اخرى
المهم رانا نستفادو من بعضانا
ولكن اختي الاخت راهي تقول بلي جرباتو بلى سمن وخرجلها حجرة
يعني ما نغامرش مرة اخرى
من فصلك اختي جاوبيني
أهلا بيك مرّة أخرى. وعلاش سجلتي في الإحصائيات أنك ذكر؟؟؟؟؟
المهم جربيها ماريحاش تندمي. بصّح تقيدي بكلّ الخطوات. وخاصة المقادير . أعملي اسنيوة اصغيرة. وكيلي بكأس ( إينوكس ). صراحة راكي رايح تعمليه دايمن. بالتّوفيق . رجعيلي بالخبر . راني نستنا. دعوات الخير فقط. كل العائلة رايح تفرح. بصحتكم.:mh31:

[ام محمد78]

ما ذابيك خيتي
بصح مديهولي بالكيلة ما عنديش الميزان خسرة عليك ختي غزالة الصحراء قلب اللوز اتعك مفيه ميتكول راه وخدة انا تاني تبعتك ومدرتش الزبدة جا يبس حجرة شبعو عليا ضحك مدبيكوم متسيهوهش راهو وخدة بصح الليوم درتلهوم واحد القلب اللوز روعة خويا كل منو حتى خرج من نيفو ليحبت نمدلها الوصفة

[غزالة الصّحراء]

ما ذابيك خيتي
بصح مديهولي بالكيلة ما عنديش الميزان

ربّي يحفظلك الزّوج أنتاعك.
شوفي يا أختي . واللّه العظيم ثمّ واللّه العظيم آلاف المرات . غير الوصفة ناجحة مئة بالمئة. الوصفة أنتاع ( أم أنفال ) على صفحة كوزينة رمضان .
واللّه كلّ ألي مديت لهم هاذي الوصفة نجحت معاهم . وحتى فيه بعض الصديقات قالت لي أمبلي حماتها رايح أتطيبو في رمضان وتبيعو.
واللّه يا أختي غير جربيها. بلاك الأخت ماتبعتش كلّ المراحل أمليح. راهي كاش مانسات.
أنا قلت إذا حضرتيه أصباح أتطيبه لعشية. وإذا حضرتيه لعشية أتطيبه أصباح. يعني لازم أيبات.
ولمّا توضعي الشربات لازم القلب اللّوز إيكون أسخون والشربات باردة. بصّح ماترجعيش القلب اللّوز داخل الكوشة. ( الفور ). وإذا احتجت لنصائح أو عندك أسئلة راني أهنايا. ان شاء اللّه لما أنعاود نصنعه راني أنشوف كيفاه نرسل الصّور . نعمل الصور بالهاتف. وإذا أنجحت في تحميل الصور راني نرسلها.
أوراس ألي أعزاز عليّ غير الوصفة ناجحة 100/100.

[غزالة الصّحراء]

خسرة عليك ختي غزالة الصحراء قلب اللوز اتعك مفيه ميتكول راه وخدة انا تاني تبعتك ومدرتش الزبدة جا يبس حجرة شبعو عليا ضحك مدبيكوم متسيهوهش راهو وخدة بصح الليوم درتلهوم واحد القلب اللوز روعة خويا كل منو حتى خرج من نيفو ليحبت نمدلها الوصفة

بعيد الشّر عليك ياختي لعزيزة. إن شاء اللّه مايكون غير الخير. واللّه العظيم ماني نتمسخر. شوفي وين راكي أغلطتي. الوصفة ماعندهاش الزّبدة.
الزبدة أنديروها برك للسنيوة ( الصينيّة ) ونزيدوا أنديروها من فوق لعجينة.
واللّه المقادير أصحيحة . مدتها الأخت ( أم أنفال ) راهي عضوة من أعضاء المنتدى . بصح راهي غايبة عن المنتدى مدّة أطويلة . ياربّ أن شاء اللّه أتكون ابخير. وإذا حبيتي تتأكدي حوسي على صفحة ( كوزينة رمضان ) تلقاي هاذي الوصفة وتلقاي ردّي عليها.

[راجية عفو الله]

بعيد الشّر عليك ياختي لعزيزة. إن شاء اللّه مايكون غير الخير. واللّه العظيم ماني نتمسخر. شوفي وين راكي أغلطتي. الوصفة ماعندهاش الزّبدة.
الزبدة أنديروها برك للسنيوة ( الصينيّة ) ونزيدوا أنديروها من فوق لعجينة.
واللّه المقادير أصحيحة . مدتها الأخت ( أم أنفال ) راهي عضوة من أعضاء المنتدى . بصح راهي غايبة عن المنتدى مدّة أطويلة . ياربّ أن شاء اللّه أتكون ابخير. وإذا حبيتي تتأكدي حوسي على صفحة ( كوزينة رمضان ) تلقاي هاذي الوصفة وتلقاي ردّي عليها.

مشكووووووووووره اختي
هل تشبه التي تباع في المحلات

[غزالة الصّحراء]

ما ذابيك خيتي
بصح مديهولي بالكيلة ما عنديش الميزان

شوفي ياختي إذا حبيتي اتجربيه . كيلي بكأس أنتاع إينوكس. والسنيوة هاهي المقايس أنتاعها. طولها ( 30سم ) وعرضها ( 23سم ). ماعليك غير أتبعي كلّ المراحل كيما راني قلت عليها. أوباش ماتغلطيش سجليها على الورقة . وابداي تصنعي القلب اللّوز. ياليت راني اقريبة منك. كنت نصنع لك كلّ شيء من عندي ماعليك غير ترفديه وتديه لدراك. وتاكليه بالصحّة والهناء مع أفراد العائلة. غير ماتخافيش جربيه. :dj_17:

[غزالة الصّحراء]

مشكووووووووووره اختي
هل تشبه التي تباع في المحلات

بلا مزيّة. واللّه العظيم ، واللّه العظيم آلاف المرات غير أحسن من ألي يتباع في المحلات . وبالي مرتاح. على خاطر راني عارفة أمبلي المقادير كلّها جديدة. خاصّة الشربات.
يعني ألي يتباع ممكن إيكون بايت ومع الصباح إيسخنوه ويبيعوه.

[ام محمد78]

ان شاء الله اختي سوف اجربه ونشوف