محاجب على طريقة أم كوثر

[*أم كوثر*]

السلام عليكم
هي الطريقة العادية في تحضير المحاجب الاني لي طريقتي الخاصة في طيابها باه تجي خفيفة ومورقة و في نفس الوقت طايبة من الداخل
يعتبر هدا سر من اسرار المهنة هههههه و لن ابخل ه على اخواتي هنا
اليكم المقادير تم الصور
عجينة المحاجب نكورها و نخليها ترناح
الحشو
بصل و توم و فلفل حار و طماطم و توابل و ملح و بدل الزيت نحط شحم خروف اللي ما يحبش يحط زيت
الا انو بنة المحاجب كلها في الشحم
ونقليهم على نار هادية حتى يطيبو انا الشحم عادة نربيه بالمبشرة تع البصل
سر طيابها
نحطو طاجين الكسرة العادي و نسخنو مليح و نحط فوقه المرى او طاجين الحديد و نطيب عادي بالطريقة المعروف بلاما ننسى بين كل طبقة نطويها نحط زيت
بهد الطريقة تطيب خفيفة و على مهل و ماتتحرق يعني ما تلفحهاش النار مباشرة
جربو و ردولي و هدي هي طريقتي ايضا لما نطيب البراج
http://img105.herosh.com/2011/06/30/681045997.jpg
http://img105.herosh.com/2011/06/30/962580438.jpg
http://img102.herosh.com/2011/06/30/372068141.jpg
http://img105.herosh.com/2011/06/30/482949521.jpg
http://img105.herosh.com/2011/06/30/692346836.jpg
http://img105.herosh.com/2011/06/30/830901922.jpg
http://img105.herosh.com/2011/06/30/97802685.jpg
http://img102.herosh.com/2011/06/30/620850577.jpg

[BACHIRA2]

بارك الله فيك عزيزتي ام كوثر جاوك روعة تاكلوهم بالف صحة

[nada nina]

و الله غير شهيتيني جاو هايلين بصحتكم

[أمل العرب]

يعطيك الصحة أم كوثر هايلين ,,,وتاكلوهم بالصحة

[*أم كوثر*]

الله يسلمكم اخواتي نورتواااا

[yasmine063]

مشكووووووووووووووووورة اختي.

[*أم كوثر*]

العفو ياسمين

[lyna2007]

الله يبارك فعلا رائعة
ووضع المرى على طجين الفخار فكرة رائعة شكرا لكي

[*أم كوثر*]

شكرا لينا نورتي

[fatma81]

يعطيك الصحة يا أم كوثر

[*أم كوثر*]

الله يسلمك اختي فاطمة

[جزائرية]

شكراااااااااااااااااااا

[اميرة الجزائر2010]

شكرااااا ام كوثر ربي يكتر من مثالك

[*أم كوثر*]

العفو اخواتي منورين الصفحة

[musluma]

مشكورة ام كوثر راني ندير نفس الطريقة لكن مع المبرجة برك .

[ميمنة الجزائر]

ممممممممم يهبلو

تسلم الأيادي الي عملتهم

بلينين من شكلهم بلا ما نذوقو

[*أم كوثر*]

تسلميلي ع المرور ميمنة

[ليلى الجزائرية1]

http://www.samysoft.net/fmm/fimnew/matbakh/1/fgfdgdfgfdgdfg.gif (http://www.samygames.com/)

[*أم كوثر*]

مشكورة ام كوثر راني ندير نفس الطريقة لكن مع المبرجة برك .
نعم اختي و احنا تاني نديروها و لكن جربيها مع اي وصفة تطيب على المرى و النتيجة تكون رائعة

http://www.samysoft.net/fmm/fimnew/matbakh/1/fgfdgdfgfdgdfg.gif (http://www.samygames.com/)

منورة ليلى الف شكر

[تغرينية]

يعطيك الصحة يا أم كوثر

[maiar]

y3tik saha
okhti ana tani ndir nafs tarika t3k mn A l Z
w nhat alzit ki ntaibhom kima kolti
mais lproblem li mazlt mafhmtouch
hwa des fois s333333at
ki ntaibhom w nkhals
ykouno malah
homa ybardou w homa yagndou
ki chghol ybsou chwia y3ni
maibkawch traiiin


tkderi tkolili

[طالب الغفران]

السلام عليكم والله اخت ام كوثر مع اني قليلة الزيارة و المشاركات إلا اني أول ما ندخل نحوس مباشرة على مشاركاتك اول شيء الله يجازيك على نيتك الخالصة في مد النصائح الحقيقية و المفيدة...و الله يجازيك يلا تقدري تعلميني قلب اللوز كيفاه نخدمه و يخرج رائع والله تعبت جربت كل وصفة عطاوهاني و ما صدقوش معايا الله يجازيك رد حتى ولو ماتقدريش على المساعدة مهم ردي عليا صح فطورك

[*أم كوثر*]

السلام عليكم و صح فطوركم
اختي بالنسبة لقب اللوز شوفي الطريقة راني صورتها في موضوع بالتفصيل و ص
قيني صلحت معايا من اول تجربة
حظ موفق و رمضان مبارك
اسعدتني زيارتك اختي

[*أم كوثر*]

اخت ميار مرحبا بيك
سر بقاء المحاجب طرية هو طيابها يعني الطريقة لازم يكون الطاجين سخون وماتكتريش التقليب
جربي طريقتي و ان شاء الله تعجبك
صح فطورك

[becha bolbol]

يعطيك الصحة
طريقة هايلة

[omo mazen]

بارك الله فيك على الموضوع

[maiar]

اخت ميار مرحبا بيك
سر بقاء المحاجب طرية هو طيابها يعني الطريقة لازم يكون الطاجين سخون وماتكتريش التقليب
جربي طريقتي و ان شاء الله تعجبك
صح فطورك

baraka allah fik mais ani ndir fi nafs tarika lli chrahtiha
mais dork njarb mankatrch 3liha taklab wnchouf
w nrad 3lik
http://store1.up-00.com/Jun11/E8Z23466.gif (http://www.up-00.com/)

[ام جليل04]

يعطيك الصحة انت ديري الحشو مباشرة فوق العجينة كيفاش تقدري ترفديها اومبعد انا جيني صعيبة

[maiar]

يعطيك الصحة انت ديري الحشو مباشرة فوق العجينة كيفاش تقدري ترفديها اومبعد انا جيني صعيبة

ana nkhali lhach hata yabred beh nhatou fok
l3jina w nahazou normal

[*أم كوثر*]

اختي الكريمة كي يكون العجين معجون جيدا جدا و مرتاح و الحشو بااارد تقدري عادي تهزيها

[جزائرية]

والله شهيتيني ............ شكراااااااااااا على الوصفة

[*أم كوثر*]

ههههههههههههه يلا قومي و شمري و طيبي ما تخليهاش في قلبك اختي
بصحتك

[أسية24]

اختي ام كوثر إنتي تديري العجينة بالفرينة ولا السميد انا نقليهم في زيت قليل وعلى نار هادئة وألف شكر ليك على نصائحك الغالية نجرب طريقتك ونردلك الخبر

[جزائرية عاصمية]

يعطيك الصحة أم كوثر جاوك هايلين

حبيت نسألك أنا عندي مشكل كل ما نجي نعمل المعارك نوجد العجين مليح بعد ما دلكته من بعد نخدم العجينة عادي نجيب كرة صغيرة من العجينة نفتحها و نرجعها مربع و ندير لها الزيت المشكل كي نطيبها النتيجة تخرج لي ناشفة ماشي طرية حتى نزعف و نقول التعب أنتاعي راح خسارة.

ممكن تنصحيني وين راه المشكل باش المرة الجاية المعارك يجوني طريين و ماشي ناشفين.

شكرا مسبقا.

[نورانيات]

يعطيك الصحة أختي سخفتينا في هذا الجو البارد. حتى أنا نستعمل الطريقة نفسها اللي علمتهالي صاحبتي الباتنية ربي يذكرها بالخير.

[ام خديجة1]

بارك الله فيك اختي ام كوثر محاجب يشهو

[جزائرية]

يعطيك الصحة هايلين


علابالك اخت كوثر راني نشوف في موضوعك ونعاود

مالقيتش شكون يديرلي المحاجب

راني حامل عندى شهر

شهيتيني كيفاه ندير درك

[imy88]

مشكورة حبيبتي

[remadna]

الله يبارك ام كوثر
تشهي
حنا أمي تعملها بأكثر من طريقة

[ام منيب]

مشكووووووووورة

[اميرة في دنيا حقيرة]

منعرف يا ام كوثر الميكروا تاعي اليوم راهوا مغشش عليك غير الصور تاعك لي راهم ميتحلوش معايا زعمة سخف على المحاجب و مدوقتيشوا الميكرو تاعي راهو سخاف انا كي نديه معايا للكوزينة لازمني نوقوا مال غير ابعثي شوي خلي ندوق معاه ههه

[أم ريمة*]

نعم ام كوثر لمبرجة نطيبوها بهذ الطريقة تفاديا لشياط او الريحة نزيد نجرب المحجب وشكرا اختى على كل المعلومات اللهم اجعلها فى ميزان حسناتك لى طلب وهو وضع دروس ام رامى وكل الاخوات كل واحدة فى ملف خاص وقار لتسهيل التصفح خاصة لمثلى امكانياتى فى استخدام الحاسوب ضعيقة جدا لاننى من الجيل القديم وشكرا

[بريق الامل&]

نفس طريقتي في الطياب فقط ما نديرش الشحمة:1::1::1:

[noor hassenl]

منفضلك عاوديلي التصاور ماحبوش يطلعو

[ام البنتين]

صح راني معاك انا ثاني نستعمل هذه الطريقة و كذلك في البراج

[ام البنتين]

نعم ام كوثر لمبرجة نطيبوها بهذ الطريقة تفاديا لشياط او الريحة نزيد نجرب المحجب وشكرا اختى على كل المعلومات اللهم اجعلها فى ميزان حسناتك لى طلب وهو وضع دروس ام رامى وكل الاخوات كل واحدة فى ملف خاص وقار لتسهيل التصفح خاصة لمثلى امكانياتى فى استخدام الحاسوب ضعيقة جدا لاننى من الجيل القديم وشكرا

عجبني بزاف مصطلح من الجيل القديم لانني انا ثاني راني منو و نعاني في استعمال الحاسوب لمزية بناتي يفكو الحالة كي نحصل اما عند وضع الصور ما نحكيلكش دروس الفلسفة اسهل.

[درة بيتي]

بارك الله فيك حبيت نشوف الصور للأسف راحو:mad:

[naiilia]

خصارة مابانوليش الصور

[noor hassenl]

نرييييييييييييييييد اعادة وضع الصوررررررررررررررررررررر ارررررررررجوك ام كوثررررررررررررر

[hananelove]

حبيبتي ام كوثر معليش تعاودي تحطي الصور راحو وانا حابة نشوفهم