أني افكر في هذا العرس (( تعالوا نفكر معا))

[thorpe]

السلام عليكم

مساء الخير والانوار اخوتي اخواتي

اتمنى ان تكونوا بالف خير

لاأطيل عليكم سأدخل في الموضوع مباشرة.

نحن في فصل الصيف اخوتي وهذا الموسم معروف بكثرة المصاريف والافراح

نركز حديثنا عن الافراح ( لانكم تعرفون بأني اريد أن أتزوج ههه ) :o:1:

فقبل ايام سمعت اخي يتحدث عن اقتراب موعد زفاف احد اقارب زوجته وانه قد يشتري هدية ليقدمها لكنه لم يتأكد بعد من اقتنائها

سالته الام عن ماهيتها فاخبرها انه قد اعجب بطقم فخاري ( سارفيس كومبلي نتاع قهوة) وان السعر دليل على جودة هذا الطقم حيث انه قد بلغ 4000 دج

وهو يرى انه سيكون هدية مناسبة لصاحب العرس

هنا بصراحة تدخل اخوكم الحسين المعروف بفطنته وذكائه وتواضعه الشديد :cool::cool:هههه

تدخلت في الموضوع وقلت لأخي لماذا هذا كله فلربما يفتح العريس العلبة فيجد الطاقم كله مهشم هههه ((متشائم:1: ))

رد علي قائلا يا ولدي انت ماذا تعرف ؟ هذا عرس حبيب ويجي مرة فالحياة

(( ههه خويا ما حسبش حساب انو قادر العريس يتزوج لاكثر من مرة ولا يطلق ويعاود الزواج ههه ))

متشائم كالعادة ههه:1::1:

المهم

بصراحة اخوتي لم اكن اعارض الفكرة الا لسبب وهو كثرت هاته الانواع من الهدايا وقد يكون صاحب العرس في غنا عنها

حيث انه قد يجد نفس هاته الهدايا من 4 او 5 اشخاص (( طواقم فخارية او لوحات دينية تعلق على الجدران)) لكن لا تعود على صاحب الزفاف بالمنفعة في نظري

هنا اقترحت على اخي ان يقوم باعطاء العريس مبلغ معتبر من المال ربما سيكون العروسين في حاجة اليه احسن من هاته الهدايا الرمزية المتشابهة
فمصاريف العرس وحدها من المؤكد انها قد قصمت ضهر العريس .....



ضحك اخي واخبرني ان الامر ليس مسالة نقود انما هديته ستبقى رمز و ذكرى يوم الزفاف ووووو من الامور التي وافقت بعضها وخالفت كثير منها

وهنا احببت ان تناقشوني بخصوص هذا الامر اخوتي اخواتي

فما هو رايكم هل انا على حق فيما اقترحت ام لا ؟؟؟

ان كنت تخالفني الراي اخبرني لماذا وما هي وجهة نظرك ؟؟؟

ان كان هذا يوم زفافك اخي او اختي فماذا تحب ان يقدم لك الحظور هدايا رمزية ام نقود ههه ؟؟؟


تذكير
انا راني نوصيكم الي نعرضو يجيب معاه الباكي ولا ما يجيش ههه ياو بالشاك وما نقبلش لازم الكاااااش
:1::1::1::1:
مع اطيب السلام
اخوكم حسين thorpe
:1::1::1::1::1::1:

[نظام الفوضى]

عييت نفهم وكي فهمت عييت هههههههه


بالحاجة اللي تجي في بالي

مظنيتش باللي الحسين ميفقهش في هذى الأمور


ولا يحب الدراهم كاش كيما ذكرت ههههههه


المهم يا السي الحسين :


خوك عندو الحق الهدية افضل من المال

وهي باقية ..أما المال فنهايته غير مستمر تؤول الى الصفر



اسمع بلاك كي نوض نعدل في الرد اذا قدرت الآن راكي دايخ كامل







هاك هذي من عندي




http://www.youtube.com/watch?v=8xZPxLtiii8

[راجي الصّمدِ]

آه يا أخي حسين حطيت

الأصبع على موضع الجرح :mh31:

راك تعرف بلي راني عارف وراني نعرف بلي راك عارف واش نعرف:1:

المهم .....

في الحقيقة أخي أوافقك الرأي لحد بعيد

الإنسان المقبل على الزّواج في هذه الأزمان

خاصّة إذا كان قليل ذات اليدّ

يحتاج إلى إعانة مالية أفضل

في رأيي من البقارج والسارفيس و الصحون والفناجين

والإعانة أفضل من أن يهديك أحدهم

بريكة أو ياجورة غلفت بغلاف الهدايا صدّقني حدثت

أو علبة السكر قطع

أنا شخصيا وراك تعرف البير وغطاها

الهدايا التّي أقدّمها تتنوّع بين العطور والكتب الدّينية

وقليلا ما أقدّم البقارج والفناجن

بالنسبة لعرسي أنا حضوركم أكبر هديّة لي

لكن الإنسان ما يكونش مسمار يحك جيبو شوية :1::1:

بالاك تقول نسيت الكليماتيزور ......؟؟؟؟



تقبل مروري أخي الكريم ربي يحفظك ...

[الظل الخفي]

لا أوافقك الرأي في الهدية نقود فالهدية تبقى ذكرى يقولك من عند فلان

لكن النقود تزول

شكرا على الموضوع

[ليلى الجزائرية1]

السلام عليكم
خويا حسين موضوع في القمة كيما العادة .
وحبيت نقولك أنا عندي رأيين.
الهدية الماليـــة تصلح مع فئة من الناس والهدية الأخرى تصلح مع فئة أخرى.
ودرك نفهمك واش نقصد
*أولا الهدية المالية يعني الدراهم أنا نقدمها هدية لشخص على بالي باللي أوضاعه المادية مزرية يعني زوالي.
والهدية الي من النوع الآخر كيما قلت أنت السرافس والبقارج ووووووو........
نقدمها هدية لشخص أوضاعه المادية لابأس بها على بالي باللي مارايحش يكون محتاج ليها ياسر لكن تبقالو تذكار.
نتمنى تكون فهمت قصدي مليح.

[abbmou]

إجمع عائلتك واحتجوا عن الهدية ... الى ان يفقد شرعيته و تقررون ماذا سيفعل ههههههه.
تحياتي

[راوية]

السلام عليكم
قبل أيام دخلت في مثل هذا النقاش مع إحدى الصديقات
كان رأيها مماثلا لــــــــــــــرأيك
و طبعا أنا العكــــــــــــــــــــــــــــــــــس
أرى أن الهدية أفضل مهما كانت قيمتها
فهي تبقى تذكرك بالشخص الذي أحضــــــــرها
بارك الله فيك أخ حسين

[عُضو مُحترم]

السلام عليكم

الازواج نوعين

زوج يتزوج و يسكن في بيت مُستقل
زوج يتزوج و يسكن في بيت اهله

الاول يحتاج فناجين كؤوس قدور طواجين ملاعق شوكات فورنو طاولات صحون باسينات ثلاجة تلفاز. مساكات الملابس دلو ....

عندي صديق تزوج انا و بقية الاصدقاء جمعنا مبلغ من المال و اشترينا له ثلاجة3 ملايين

هو يفتح بيت جديد و يحتاج لكل قطعة و أكيد ليس افضل من مصحف كهدية و لهذا نحن فكرنا في الثلاجة لان هناك من يهديه مصحف

و مصحف وا حد يكفي

اما اذا يعيش مع اهله فهو يحتاج للمال والافضل اعطاءه المال يدا بيد ( لتسديد الديون)

رانا جزايريين و عارفين الحالة تاع الشباب

[خيري 12]

اولا مبارك عليك رفع الحظر أخي الحسين (الذي لا أظن أنه سيطول)

وجهة نضرك أراها صحيحة ومنطقية جدا

لأنك فكرت بطريقة لمساعدة صاحب الفرح

وراني علابالي خويا حسين باللي حاب تتزوج

وتنبه باللي راني مانحتاجش هدايا جيبوهو دراهم هههه

شكرا أخي على الموضوع المميز
)

[الحزين المبتسم]

مشكور أخ على الموضوع القيم ...

على كل هناك فرق بين الهدية والمساعدة ... الهدية عادة تحمل معنى " للذكرى " وليس من الضروري أن تكون ذات ثمن باهض ... وهناك المساعدة أخي وهنا مربط الفرس وأقولك المساعدة نوعان ... مالية ومادية .. فقد تكون المالية أفضل كما بررت أنت ذلك ... لكن قد تكون المادية أفضل في بعض المواقف حيث أن المساعدة المالية فد يكون غير مستأمن الشخص الموجها إليه لكي يستفيد منها وربما صرفها في غير معناها أو ربما حتى في أمور محرمة ... على كل حال على الشخص التقصي وتقديم المساعدة الفعالة .. وألأجر على الله ...

[نظام الفوضى]

[quote=najmsouf;6465476؟؟؟؟؟؟؟؟؟؟ ؟[/quote]


أخي الكريم لي سؤال ان سمحت

هل كل ما يقال تؤخذ به؟






وهل توقيعك تفتخر به؟

[محب السلف الصالح]

كل ماتقرره أنا معك

[قمر الهضاب]

السلام عليكم

اولا رني نشوف في وحد لحاجة غريييييييييييييييييييبة يا جماعة حسين يهدر بالفصحى وهذا امر غريب جدا بالنسبة الي

المهم نولي للموضوع وكيما تعرف عرسي قريب نقولك وش نحب يجيبولي

اولا جماعة تجيبلي لي سيرفيس كيما الطباسة والكيسان والفناجل تاع القهوة ولحليب الى آخره من اواني الكوزينة

ايا وجماعة اخرى تجيبلي لي gارنيتور كيما سوايع وليكادر تاع لحيوط

وجماعة فالحنة تحطهم باكيات ايه نسيت ولي يجيبولي زاورة ولي كووات باش نتغطاهم


وانا عمرت داري مشي خير مبلا مننساو لكادوات لي يجيبوهوملو ماليه

تذكير
انا راني نوصيكم الي نعرضو يجيب معاه الباكي ولا ما يجيش ههه ياو بالشاك وما نقبلش لازم الكاااااش


ياو غير القا لعرروس امبعد اشرط على لكادوات


هههههههههههه ههههههههههه


ايا سلااااااااام والله كي لعادة مواضيعك فالصميم

[أم احمد3]

لا رأي لي زوجت في عام 94 واليوم رانا في 2011

[هدى الجيجلية]

خويا حسين
والله خوك عنده الحق
وخصوصا لما أيكون العريس
راح يسكن في دار أجديدة
يعني لازم الهداية تكون
ليها منفعة
مثلا أواني المطبخ
أشياء لصالون أو الغرف



طرح مميز وهادف
لك كل الشكر
تحياتي لك

[نورة]

اذا كان العريس غنى الهدية احسن لتبقى ذكرى
واذا كان فقير النقود احسن حتى يذفع ثمن شئ اشتراه اهم من تلك الهدية ...رأيى
شكرا جزيلا

[المعتصمة بدين الله]

في رايي ان الهدايا فعلا تحمل قيمة الذكرى و و و لكن في وقتنا الحال ما يديك ما يجيبك الكل او لا اقول الكل فان الغالبية تتمنى ان تحصل على المال بدل الهدية و خاصة ان الهدايا تتشابه في كل فرح فتجد نفس الهدية من اشخاص عدة... و لهذا فانه من الاحسن اذا اراد احد تقديم هدية ان يشاور صاحب الامر بما يستطيع مساعدته و خاصة في وقتنا الحالي مع غلاء كل شيء ....اكيد ان صاحب القضية سيقول كثر خيرك و مجيتك الدنيا و ما فيها و لكن... المهم انا و كما يجري مؤخرا عندنا سواء اكان الفرح يخصنا او يخص فرد اخر نشاوره فيما يحتاجه لاتمام الفرح او اي شيء يحتاجه لفتح بيت الزوجية...هكا باه نتعاونوا... ولكل رايه

[صُبح الأندلس]

أما صاحب العرس فيفضل النقود بدل الهدايا و لو 200 دج خير و بركة
أما المدعو فيفضل الهدية لأن أغلبهم يشتري هدية ب 200 دج و يغلفها و يقدمها أمام الحضور ( شوفوني راني جبت كادو) أما النقود فلن يراه أحد ثم هو أصلا هديته بسيطة جدا
ملاحظة فقط : الغني يتلقى هدايا باهضة الثمن بينما المسكين فيتلقى هدايا 200 دج الموجودة في ( الكوسميتيك:)) و حين تفتحها ( أنت و زهرك) مرة مشط ، مرة 5 كؤوس شاي ( مشي حتى 6) ، مرة 3 قطع صابون(فاكس):)
مرة علبة أومو ....و مرة لوحة ليس لوحة فنية بل لوحة ( خشبة):) هذا ما حدث فعلا ما أحد البسطاء لما أقام عرسا .

[مطيعة الله]

السلام عليك
الحمد الله لي بنت وين كنت
لي عودة اخي حسين

[إبتسامة أبي]

أنا أخالفك الرأي
أفضل الهداية لكن على أن تكون شيء متفرد يعني شيء لا يفكر فيه شيء غيرك يكون شيء خاص كي يبقى ذكرى للأبد ....أما اذا لم يكن لديك إلهام فل تقدم المال ربما تحل مشكلة به تبقى ذكرى على ان يكون هناك 4 هداية مثل هديتك فلا يكون لها معنى

[الامينة دائما]

سلام اخي حسين وش راك نشاء الله تكون مليح
عندي بنت خالي لقات الحل للمشكل لي نتا زعما زعما بفطنتك ملقيتوش
انها تطلب من كل واحد من احبابها لي عرضتهم الحاجة لي راهي حابتها هكدا ميجيولهاش زوج حوايج كيف كيف
بسح كاين مشكل انه بنت خالي تطلب الحاجة بلا ما تشوف السعر تاعها و تزيد تتشرط في النوعية و حتى اللون
وش رايك مشي خير
ال اقتراحك بتقديم الباكي هههه فهو جد معقول و احسن في كثير من الحالات
وخاصة انه العريس او العروسة يكونو جيابهم يصفرو في هداك الوقت
انا من جيهتي انه الهدية هي شيئ رمزي لا يعبر ابدا عن مدى تقديرنا للشخص الذي نقدمها له فكثيرا ما نرى اناس يقدمون هدايا من اجل الحصول على مبتغاهم او المجاملة الشكلية فقط
ووقت الصح يبان الصاحب من ............
سلام

[asma1s]

هناك من الناس من لايستطيع شراء هدية تفوق 1000 دينار , فكيف يستطيع المسكين ان يعطي للعريس او العروس هذا مبلغ بسيط !! خاصة ان كلام الناس لايرحم , يشدوا من عندك الدراهم وهما فرحانين ويدحكوا ولما يصل وقت الانتقادات يوجعك ظهرك منهم !! على الاقل توجد هدايا نوعا ما جميلة يقدر الواحد يشريها بهذا الثمن .. زيادة على هذا الواحد يرجع محشوم كي يمد مبلغ بسيط امام المبالغ التي تعطى من الناس اللي قادرين على شقاههم .. vaut mieux الواحد يمد هدية يستر بيها وجهوا خيرمن يقعد محشوم .
انا رايي كل واحد يمشي على حساب جيبوا لان اقل من 2000 دينلر مارجعوش يشبعوا العين ..

[thorpe]

عييت نفهم وكي فهمت عييت هههههههه


بالحاجة اللي تجي في بالي

مظنيتش باللي الحسين ميفقهش في هذى الأمور


ولا يحب الدراهم كاش كيما ذكرت ههههههه


المهم يا السي الحسين :


خوك عندو الحق الهدية افضل من المال

وهي باقية ..أما المال فنهايته غير مستمر تؤول الى الصفر



اسمع بلاك كي نوض نعدل في الرد اذا قدرت الآن راكي دايخ كامل







هاك هذي من عندي




http://www.youtube.com/watch?v=8xzpxltiii8

هههه والله يا سي فارس
اشكون الي ما يحبش الكاش
انا بصراحة انسان نفكر بزاف ونحب نكون مميز حتة في الهدايا
نخاف نشري كادو بثمن مناسب من بعد نلقى خوه ماد ني طايووان يسركل
وقادر يديروه بزاف ناس
عليها يا خويا نشوف بلي نعطيه دراهم يفك بيهم حالو ويشري واش يحب هو وهاكض هو رايح يرضى وانا رايح نرضى
جازاك اللله كل خير
:1::1::1::1::1:

[thorpe]

آه يا أخي حسين حطيت

الأصبع على موضع الجرح :mh31:

راك تعرف بلي راني عارف وراني نعرف بلي راك عارف واش نعرف:1:

المهم .....

في الحقيقة أخي أوافقك الرأي لحد بعيد

الإنسان المقبل على الزّواج في هذه الأزمان

خاصّة إذا كان قليل ذات اليدّ

يحتاج إلى إعانة مالية أفضل

في رأيي من البقارج والسارفيس و الصحون والفناجين

والإعانة أفضل من أن يهديك أحدهم

بريكة أو ياجورة غلفت بغلاف الهدايا صدّقني حدثت

أو علبة السكر قطع

أنا شخصيا وراك تعرف البير وغطاها

الهدايا التّي أقدّمها تتنوّع بين العطور والكتب الدّينية

وقليلا ما أقدّم البقارج والفناجن

بالنسبة لعرسي أنا حضوركم أكبر هديّة لي

لكن الإنسان ما يكونش مسمار يحك جيبو شوية :1::1:

بالاك تقول نسيت الكليماتيزور ......؟؟؟؟



تقبل مروري أخي الكريم ربي يحفظك ...





هههه راني حاس بخويا والله ياك راك عارف بلي خوك ثاني راه كيما انت يمالا اصبر برك ماجورين على الصبر ان شاء اللله
انا راني جبت كوستيم ان شاء الله فال خير علي هههه
:1::1::1::1::1::1:
طبعا اخي انا برايي انو مبلغ معتبر من المال احسن من هدية قد تكون متشابهة مع ما يحضره الغير
فمثلا اخي سيشتري هدية ب 4000 وراي يحط فالحنة فرضا 1000 ماشي خير كون يجمع المبلغ وعطيه نص مليوون على الاقل مصروف كون يروح العريس في رحلة شهر عسل
:1::1::1::1::1::1:
جازاك الله كل خير
:1::1::1::1:

[thorpe]

لا أوافقك الرأي في الهدية نقود فالهدية تبقى ذكرى يقولك من عند فلان

لكن النقود تزول

شكرا على الموضوع

اهلا وسهلا بالاخ الحبيب الظل الخفي
اخي انا معك بخصوص انها ستبقى ذكرى
لكن ماذا لو ان احدهم احظر هدية تشبه هديتك |؟
لا نفكر في الذكرى وننسى مصلحة صاحب الفرح لاننا نريد المساعدة كما نريد ان نسعده بالهدية وخير هدية في رايي هو مبلغ معتبر من المال
جازاك الله كل خير وبارك فيك
:1::1::1::1::1:

[هناء البال]

مساء الانوار اخي الفاضل المعرووووووووووف بكرمه اللا متناهي.حتى العريس و بخلتو في cadeau المهم على كل حال لكان نت معجبكش السرفيس الزوجة اكيد الطير من الفرحة به حتى ولو كان déja عندها واحد كيفو.
اتمنى ان تكون بخير ايها المشاكس والوالدة بصحة وعافية
نرجع الى موضوعك.فكرت معك اخي لكن للاسف احترت في الوصول الى نتيجة.هي يعني صح الدراهم خير على الاقل يصرف شويا مليح على زوجتو في الايام الاولى بصح و الله الهدية اغلى حاجة تبقة ذكرى و و و و و و
انا في رايي يشري un petit cadeauيقعد ذكرى و اذا عاد قادر يعطيه الشي الي كتب ربي وخلاص
هلهلهلهعلابالي افدتك بزززززززززززاف///لكن و الله هذا تفكيري
بااااااااي

[thorpe]

السلام عليكم
خويا حسين موضوع في القمة كيما العادة .
وحبيت نقولك أنا عندي رأيين.
الهدية الماليـــة تصلح مع فئة من الناس والهدية الأخرى تصلح مع فئة أخرى.
ودرك نفهمك واش نقصد
*أولا الهدية المالية يعني الدراهم أنا نقدمها هدية لشخص على بالي باللي أوضاعه المادية مزرية يعني زوالي.
والهدية الي من النوع الآخر كيما قلت أنت السرافس والبقارج ووووووو........
نقدمها هدية لشخص أوضاعه المادية لابأس بها على بالي باللي مارايحش يكون محتاج ليها ياسر لكن تبقالو تذكار.
نتمنى تكون فهمت قصدي مليح.


وعليكم السلام
اهلا بالاخت المميزة ليلى
راني معاك في تفكيرك يا اختي لكن انا هروبي من الهدية الرمزية كان لسبب انها قد لا تعود بالفائدة لصاحبها
فالغني مثلا لا اعتقد انه يفتقر للفناجين فلو اعطيته مال لكان زيادة خير لخيره
والفقير من الماكد انه سيفرح بالمال
فالمال هو الوسيلة الاكثر سهولة للمساعدة واخال السرور
شخصيا حظرت عرس لصديق اتاه الله من الخير الكثير لم اشتري اي شيء اعطيته ما استطيع وهو راض على ذالك
هل فهمتيني يا ليلى ؟
انا ارى ان الغني لا يحتاج الى الهدية الرمزية كالسارفيس والصحون وووووو فهو قد يمتلك كمالايات لا توجد في بيوتنا
:1::1::1::1::1::1::1:

[thorpe]

إجمع عائلتك واحتجوا عن الهدية ... الى ان يفقد شرعيته و تقررون ماذا سيفعل ههههههه.
تحياتي

هههههههه ارواح معانا يا اينشتاين قادر تلقانا الحل هاو ما تقولناش اعطوه قنبلة ذرية برك ههههههه
تحياتي الحارة لك حبيبي
:1::1::1::1::1:

[thorpe]

السلام عليكم
قبل أيام دخلت في مثل هذا النقاش مع إحدى الصديقات
كان رأيها مماثلا لــــــــــــــرأيك
و طبعا أنا العكــــــــــــــــــــــــــــــــــس
أرى أن الهدية أفضل مهما كانت قيمتها
فهي تبقى تذكرك بالشخص الذي أحضــــــــرها
بارك الله فيك أخ حسين



وعليكم السلااام
اهلا بالاخت راوية الطيبة
اختي راوية انا اعرف ان للهدية الرمزية وزن خاص لكن حسب معرفتي المتواضعة بهاته الامور ارى انها قد كثرت واصبحت تتشابه ونحن نريد بها الذكرى ومساعدة العروسين لهذا احببت اختصار الطريق وضمان الفائدة باهداء النقود
بارك الله فيك وما تنسايش راكي معروضة انت ايضا لعرسي جيبي الباكي ههههه
:1::1::1::1:

[thorpe]

السلام عليكم

الازواج نوعين

زوج يتزوج و يسكن في بيت مُستقل
زوج يتزوج و يسكن في بيت اهله

الاول يحتاج فناجين كؤوس قدور طواجين ملاعق شوكات فورنو طاولات صحون باسينات ثلاجة تلفاز. مساكات الملابس دلو ....

عندي صديق تزوج انا و بقية الاصدقاء جمعنا مبلغ من المال و اشترينا له ثلاجة3 ملايين

هو يفتح بيت جديد و يحتاج لكل قطعة و أكيد ليس افضل من مصحف كهدية و لهذا نحن فكرنا في الثلاجة لان هناك من يهديه مصحف

و مصحف وا حد يكفي

اما اذا يعيش مع اهله فهو يحتاج للمال والافضل اعطاءه المال يدا بيد ( لتسديد الديون)

رانا جزايريين و عارفين الحالة تاع الشباب

وعليكم السلام
هههه عرفت بلي كي نحكي على الزواج تكون انت حاضر هههه
راني حاسب حساب الطواجن والكوكوطات كونك هاني عليها حبيت نعطيك دراهم باش تشري الي خاصك
فرضا لو اهديتك انا كوكوطة وجا فارس جابلك كوكوطة وجا كمال جابلك كوكوطة وجا احمد جابلك كوكوطة وكلنا لا يعرف انه هناك من اشترى كوكوطة لياسين
يرحم بوك وش رايح تدير بيهم كامل تبيعهم ولا تعاود تبعثهم ؟؟ ههههه
المال احسن هدية في رايي
:1::1::1::1::1::1::1::1:

[thorpe]

اولا مبارك عليك رفع الحظر أخي الحسين (الذي لا أظن أنه سيطول)

وجهة نضرك أراها صحيحة ومنطقية جدا

لأنك فكرت بطريقة لمساعدة صاحب الفرح

وراني علابالي خويا حسين باللي حاب تتزوج

وتنبه باللي راني مانحتاجش هدايا جيبوهو دراهم هههه

شكرا أخي على الموضوع المميز
)

الله يبارك فيك يا فنان المنتدى هههه راني انا ثاني شايفها فقد بدا احدهم بارسال مقدمات
المهم يا خويا الحمد لله الي راني جبتها مليحة فحتى لو كان المال هدية غير مناسبة فلن يكون عبئ على العريس ولا واش قال خويا ؟


:1::1::1::1::1::1::1:

[بحر العطاء]

* بسمـ الله الرحمــــــــــــن الرحيــــمـ *
*الســـــلامـ عليكـمـ و رحمة الله تعالى و بركـــــــــــــــــاته *
http://www.arabseyes.com/vb/imgcache/3787.imgcache

فيها وجهات نظر عديدة.
أنا أفضل الأموال بدل السارفيسات.
لأن الذي يتزوج أكيد يكون معول على روحو و يشري حوائج دارو قبل العرس.
و الناس إذا جابولو الهدايا قادر يجيبولو الدوبل.
أما الأموال فهو يكون بحاجة إليها.
ربما لتسديد الديون و الكل يعلم الزواج صعيب.
و لكن الهدايا تبقى و الأموال تذهب.
السارفيس تاع الطين ألي هداوه لبابا في عرسو مازال لدرك.
و دايما يقولنا هذا الكادو تاع عمكم....ربي يجازيه.
و لكن تبقى بالنسبة لي الأموال أفضل.

بارك الله فيك و جزاك الله كل خير على موضوعك المميز أخي حسين.
و راني نشوف فيك هادوليانات مع قصص الزواج.
وشبيك هادا...بلعقل برك.
نسيت نقولك فرحتني بزاف رسالة التقييم و أستنا منبعد نقيمك.
لي عودة إن إحتجتني.

http://www.arabseyes.com/vb/imgcache/3787.imgcache
تحيـــــــ أختك الصغيـرة أنفــــــــال ـــــاتي.
في حفظ الرحمـــــن ...و الســـلامـ خير ختأأأتمـ

[بحر العطاء]

عذرا على الخلط بين الفصحى و العربية.
علابالي تفهمني خويا قسنطيني و نفس الهدرة.

[thorpe]

مشكور أخ على الموضوع القيم ...

على كل هناك فرق بين الهدية والمساعدة ... الهدية عادة تحمل معنى " للذكرى " وليس من الضروري أن تكون ذات ثمن باهض ... وهناك المساعدة أخي وهنا مربط الفرس وأقولك المساعدة نوعان ... مالية ومادية .. فقد تكون المالية أفضل كما بررت أنت ذلك ... لكن قد تكون المادية أفضل في بعض المواقف حيث أن المساعدة المالية فد يكون غير مستأمن الشخص الموجها إليه لكي يستفيد منها وربما صرفها في غير معناها أو ربما حتى في أمور محرمة ... على كل حال على الشخص التقصي وتقديم المساعدة الفعالة .. وألأجر على الله ...

العفو اخي الحبيبي najmsouf
اخي الحبيب ان فكرنا في ماذا سوف تصرف النقود ونبدا بالحسابات فتاكد اننا سنقع في مشكل
انا احببت ان اقدم النقود لانها اسهل وسيلة واكثرها فائدة
فممكت تتشابه الهدايا المادية كما سميتها انت ويكون العريس في غنا عنها ويكون هناك فائض منها هل سيرميها ؟
لا تزال برايي النقود احسن هدية فحتى لو كان غني سيتكون زيادة خير عليه ما رايك ؟
:1::1::1::1::1::1::1:
جازاك الله كل خير

[thorpe]

أخي الكريم لي سؤال ان سمحت

هل كل ما يقال تؤخذ به؟






وهل توقيعك تفتخر به؟


:confused::confused::confused::confused: ههه معاي ؟
:1::1::1:

[thorpe]

كل ماتقرره أنا معك

ههههه راني قررت تعطيوني النقود باش نتزوج هاد اصيف ههه فهل انت معي ؟؟؟
:1::1::1::1:
جازاك الله كل خير يا خويا لعزيز


:1::1::1:

[thorpe]

السلام عليكم

اولا رني نشوف في وحد لحاجة غريييييييييييييييييييبة يا جماعة حسين يهدر بالفصحى وهذا امر غريب جدا بالنسبة الي

المهم نولي للموضوع وكيما تعرف عرسي قريب نقولك وش نحب يجيبولي

اولا جماعة تجيبلي لي سيرفيس كيما الطباسة والكيسان والفناجل تاع القهوة ولحليب الى آخره من اواني الكوزينة

ايا وجماعة اخرى تجيبلي لي gارنيتور كيما سوايع وليكادر تاع لحيوط

وجماعة فالحنة تحطهم باكيات ايه نسيت ولي يجيبولي زاورة ولي كووات باش نتغطاهم


وانا عمرت داري مشي خير مبلا مننساو لكادوات لي يجيبوهوملو ماليه

تذكير
انا راني نوصيكم الي نعرضو يجيب معاه الباكي ولا ما يجيش ههه ياو بالشاك وما نقبلش لازم الكاااااش


ياو غير القا لعرروس امبعد اشرط على لكادوات


هههههههههههه ههههههههههه


ايا سلااااااااام والله كي لعادة مواضيعك فالصميم

وعليكم السلاااااام

يا اهلا وسهلا بالاخت لبنى
هه ما تحيريش اختي فقد فرضت لان حسين رائد في الدارجة هههه هات برك تحبس هنا
المهم يا اختي نقولك مبروك عليك قبل ما يوصل عرسك وربي يهنيك ويرزقك بالذرية الصالحة يا رب
ههههه راكي انهكتي الاعضاء بالطلبات والحمد لله ما دخلتينيش معاهم هههه انا نجي ناكل الزردة ونروح نروح
هههه
امزح اختي فقط نقولك اذا حضرت راكي عارفة ما تحوسيش على الهدية نتاعي لاني رايح نمدلك دراهم :1::1::1::1::1::1::1::1:
جازاك الله كل خير :1::1::1::1::1:

[thorpe]

لا رأي لي زوجت في عام 94 واليوم رانا في 2011


الله يبارك اختي سمرة ومبروك عليك ناسف على التاخر ههه كان عمري حينها 7 سنوات :1::1::1::1::1:

[هناء البال]

من قبيل وانا نسنا فب ردك على ردي
..............

[thorpe]

خويا حسين
والله خوك عنده الحق
وخصوصا لما أيكون العريس
راح يسكن في دار أجديدة
يعني لازم الهداية تكون
ليها منفعة
مثلا أواني المطبخ
أشياء لصالون أو الغرف



طرح مميز وهادف
لك كل الشكر
تحياتي لك

اهلا بالاخت هدى الجيجلية
طبعا اختي راني عارف بلي عندي الحق لانو الدراهم بيهم تقدر تدير كلش ههه
حتى اذا كان رايح يسكن في دار جديدة من الاحسن تكون النقود لكن بكم معتبر ماشي 1000 دج
لانو ممكن رايح يجيبولو 6 من الناس طواجن و فناجن وهو مسكين محتاج كليماتيزور مع السخانة
كيفاش يدير ؟
بصح بالدراهم يقدر يفرز روحو
:1::1::1::1:

[thorpe]

من قبيل وانا نسنا فب ردك على ردي
..............

هههههه اصبري يا وخيتي هناء الميكرو في حالة والنيت ثقيل وزيد راني جايبهم بالترتيب اصبري رايح نوصلك كونك هانية
:1::1::1::1:

[thorpe]

اذا كان العريس غنى الهدية احسن لتبقى ذكرى
واذا كان فقير النقود احسن حتى يذفع ثمن شئ اشتراه اهم من تلك الهدية ...رأيى
شكرا جزيلا

هذا تفكير جميل اختي لكن ماذا لو كان العريس غني وامطره 7 اشخاص بسارفيس نتاع قهوة ؟؟؟ هل الغني يفتقر الى الاواني برايك ؟؟؟
صح هو عندو المال لكن المال + المال = مال اس 2 ههههه ما صراتتش في الرياضيات عملية جمع تساوي اس
هههه
المهم اختي المقد هو زيادة الخير خيرين
وانا حبيت نطرح الموضوع لاني نتذكر في عرس اخي فتحنا الهدايا وعليها الاسماء طبعا وكثر خيرهم لقينا 2 من الناس اهداوه نفس الهدية تقريبا وهي كادر عليه اية الكرسي باهي ماشاء الله
وش يدير ب 2 كوادر ههههه
:1::1::1::1::1: المشكل كون لقينا 6 كيفاش؟
:1::1::1:
جازاك الله كل خير

[thorpe]

في رايي ان الهدايا فعلا تحمل قيمة الذكرى و و و لكن في وقتنا الحال ما يديك ما يجيبك الكل او لا اقول الكل فان الغالبية تتمنى ان تحصل على المال بدل الهدية و خاصة ان الهدايا تتشابه في كل فرح فتجد نفس الهدية من اشخاص عدة... و لهذا فانه من الاحسن اذا اراد احد تقديم هدية ان يشاور صاحب الامر بما يستطيع مساعدته و خاصة في وقتنا الحالي مع غلاء كل شيء ....اكيد ان صاحب القضية سيقول كثر خيرك و مجيتك الدنيا و ما فيها و لكن... المهم انا و كما يجري مؤخرا عندنا سواء اكان الفرح يخصنا او يخص فرد اخر نشاوره فيما يحتاجه لاتمام الفرح او اي شيء يحتاجه لفتح بيت الزوجية...هكا باه نتعاونوا... ولكل رايه

فكرة شابة بزاف اختي المشاورة والله
لكن يا اختي كاين مثلا الي ما يعرفش الانسان مليح وعرضو واش يقولو ؟
على كل حال اختي المعتصمة بدين الله فكرتك جميلة ومقبلة لكنها لا تصلح دائما فالعريس لا يعرف من سياتي ومن لا ومذا سيحضر واكيد سيستحي منه ويقول حضورك بمثابة هدية فلا نضعه بموقف قد نحرجه او قد يحرجنا ان كان انسان طماع يقولك اهديني برطمة هههههه وش تقولو ؟
هههه
بارك اللله فيييييييك


:1::1::1::1::1:

[thorpe]

أما صاحب العرس فيفضل النقود بدل الهدايا و لو 200 دج خير و بركة
أما المدعو فيفضل الهدية لأن أغلبهم يشتري هدية ب 200 دج و يغلفها و يقدمها أمام الحضور ( شوفوني راني جبت كادو) أما النقود فلن يراه أحد ثم هو أصلا هديته بسيطة جدا
ملاجظة فقط : الغني يتلقى هدايا باهضة الثمن بينما المسكين فيتلقى هدايا 200 دج الموجودة في ( الكوسميتيك:)) و حين تفتحها ( أنت و زهرك) مرة مشط ، مرة 5 كؤوس شاي ( مشي حتى 6) ، مرة 3 قطع صابون(فاكس):)
مرة علبة أومو ....و مرة لوحة ليس لوحة فنية بل لوحة ( خشبة):) هذا ما حدث فعلا ما أحد البسطاء لما أقام عرسا .


والله كلامك كلو صحيح ههههه سورتو عن النساء هوما الي يحبو يجيبو الكادوات يوريو رواحهم ههههه
بخصوص ملاحظتك واللله كنت رايح ندير عليها موضوع منفصل يتنوال كثير من الجوانب في هاته الحياة وليست فقط الاعراس
ههههههه ياو الفاكس والاومو غير هوما هههههههههه
اضحك اللله سنك اختي والف مبروك الاسم الجديد
:1::1::1:

[thorpe]

السلام عليك
الحمد الله لي بنت وين كنت
لي عودة اخي حسين

وعليكم السلام
اهلا وسهلا بالاخت مطيعة الله

كنت محظور لمريتين متتاليتين كل مرة خبطوني بشهر ولا اعرف لما
هههه
بارك الله فيك في الانتظار
:1::1::1::1::1:

[thorpe]

أنا أخالفك الرأي
أفضل الهداية لكن على أن تكون شيء متفرد يعني شيء لا يفكر فيه شيء غيرك يكون شيء خاص كي يبقى ذكرى للأبد ....أما اذا لم يكن لديك إلهام فل تقدم المال ربما تحل مشكلة به تبقى ذكرى على ان يكون هناك 4 هداية مثل هديتك فلا يكون لها معنى

هههه الشيء الذي سيبقى ذكرى وسيكون مقبول لدى الجميع وخاصة ان كانت اخت هو الذهب ههههه اذا قادرة على الذهب واش نقولك اختي اهدي العروس طقم كاااااامل من الحلي من التاج حتى للخلخل والمحزمة وناكدلك بلي الجزائر كلها رايحة تسمع بيك ههههههه ياو في من سيربح المليون ما هداوش هذا هههه
بارك الله فيك اختي امينة والف مبرووووك الاسم الجديد
:1::1::1::1::1::1:

[thorpe]

سلام اخي حسين وش راك نشاء الله تكون مليح
عندي بنت خالي لقات الحل للمشكل لي نتا زعما زعما بفطنتك ملقيتوش
انها تطلب من كل واحد من احبابها لي عرضتهم الحاجة لي راهي حابتها هكدا ميجيولهاش زوج حوايج كيف كيف
بسح كاين مشكل انه بنت خالي تطلب الحاجة بلا ما تشوف السعر تاعها و تزيد تتشرط في النوعية و حتى اللون
وش رايك مشي خير
ال اقتراحك بتقديم الباكي هههه فهو جد معقول و احسن في كثير من الحالات
وخاصة انه العريس او العروسة يكونو جيابهم يصفرو في هداك الوقت
انا من جيهتي انه الهدية هي شيئ رمزي لا يعبر ابدا عن مدى تقديرنا للشخص الذي نقدمها له فكثيرا ما نرى اناس يقدمون هدايا من اجل الحصول على مبتغاهم او المجاملة الشكلية فقط
ووقت الصح يبان الصاحب من ............
سلام


وعليكم السلاام اختي الامنية دائما
هههه بنت خالتك لقات حل جميل لكنه لا يصلح مع الجميع
وزيد هي الي عروسة وانا راني نحكي بصفتي معزوم يعني انا الي رايح نقدم
والحل تاع بنت خالتك ما يصلحش مع كل الناس لانو كاين الي مممكن ماشي قادر على طلبها ههه وش يدير يروح يسلف ولا يرفض الطلب ؟؟؟ يعني احراج
تدورو تدورو وترجعو للحل نتاع حسين النابغة الذكي العبقري الي ماكانش واحد يخمم كيفو بكل تواضع نقولها هههه :cool::cool::cool::cool:

[thorpe]

http://forum.nooor.com/imgcache/86131.imgcache.gif


واش رايكم في بوكي ورد ؟ هههههه

اذا كان العرس نتاع بنت تقربلك ننصحك بلي هذا هو اجمل هدية فمعروف عنالاناث حبهم للورود اكثر من اي شيء النهن رقيقات ومفعمات بالعواطف الجياشية
ننصحك جيبو نتاع بلاستيك باش يبقى ذكرى ههههه
:1::1::1::1::1:

[thorpe]

هناك من الناس من لايستطيع شراء هدية تفوق 1000 دينار , فكيف يستطيع المسكين ان يعطي للعريس او العروس هذا مبلغ بسيط !! خاصة ان كلام الناس لايرحم , يشدوا من عندك الدراهم وهما فرحانين ويدحكوا ولما يصل وقت الانتقادات يوجعك ظهرك منهم !! على الاقل توجد هدايا نوعا ما جميلة يقدر الواحد يشريها بهذا الثمن .. زيادة على هذا الواحد يرجع محشوم كي يمد مبلغ بسيط امام المبالغ التي تعطى من الناس اللي قادرين على شقاههم .. Vaut mieux الواحد يمد هدية يستر بيها وجهوا خيرمن يقعد محشوم .
انا رايي كل واحد يمشي على حساب جيبوا لان اقل من 2000 دينلر مارجعوش يشبعوا العين ..

هنا يا اختي اسماء نقولك بلي كاين اختلاف بين الذكور والاناث
ربما معروف ان النساء يتكلمن وينتقدن هاته الاشياء لكن بالنسبة لنا نحن معشر الذور ما عندناش هاد العلية بكل صراحة وراني نحكي معااك عن تجربة خاصة
فالعام الماضي كنت محرق ما عندي حتى فرنك
وجا 2 اعراس نتاع احباب واصحاب خير
الله غالب واللله نشفالها كانت عندي في الخزينة الاحتياطية 1000 دينار
عطيت لكل واحد 500 دينار ولحد الان ما سمعت والو لانهم عارفين بلي راني مانيش خدام ومازالني نكرط ( نقرى ) الله غالب لا يكلف اللله نفسا الا وسعها
وكون نسمع كلمة راني نروح ليهم نقوللهم اذا ما عجبتكمش ال 500 دينا اعطوهالي راني محتاجها وينو المشكل ؟؟؟؟ هههه
على اية حال جامي صراتلي ولا صرات بين الرجال والله اعلم
للعلم الاثنين كانو في وضع جد متناقض حيث ان الاول غني غناء فاحش والثاني فقير قد الحال
:1::1::1::1::1:

[thorpe]

مساء الانوار اخي الفاضل المعرووووووووووف بكرمه اللا متناهي.حتى العريس و بخلتو في cadeau المهم على كل حال لكان نت معجبكش السرفيس الزوجة اكيد الطير من الفرحة به حتى ولو كان déja عندها واحد كيفو.
اتمنى ان تكون بخير ايها المشاكس والوالدة بصحة وعافية
نرجع الى موضوعك.فكرت معك اخي لكن للاسف احترت في الوصول الى نتيجة.هي يعني صح الدراهم خير على الاقل يصرف شويا مليح على زوجتو في الايام الاولى بصح و الله الهدية اغلى حاجة تبقة ذكرى و و و و و و
انا في رايي يشري un petit cadeauيقعد ذكرى و اذا عاد قادر يعطيه الشي الي كتب ربي وخلاص
هلهلهلهعلابالي افدتك بزززززززززززاف///لكن و الله هذا تفكيري
بااااااااي

اهلا اهلا بك يا ناء البال في مواضيعنا المتواضعة :1::1::1: واخيرا هاني وصلت ليك وانت من قبيل تقولي راكي تستناي في ردي هههه
ما نردش حتى تعطيمي كاو ههههه
المهم اختي راني معاك من هاد الجانب لكن انا راني نحكي بشكل منطقي
يعني اذا كان السرفيس كاين وعلاش نزيدو منو ؟ يحكم المكان ورايح يقعد قارنوتير ؟
المال في رايي احسن هدية فيمك للعروسين انفاقه الايام الاولى كما يمكن ايضا اقتناء الاشياء التي لا توجد
مثلا كليماتيزور يتفحششو بيه ولا تيلي ولا ميكرو المهم المال هو باباهم وربي كبير
:1::1::1::1::1::1:ههه

[thorpe]

* بسمـ الله الرحمــــــــــــن الرحيــــمـ *
*الســـــلامـ عليكـمـ و رحمة الله تعالى و بركـــــــــــــــــاته *
http://www.arabseyes.com/vb/imgcache/3787.imgcache

فيها وجهات نظر عديدة.
أنا أفضل الأموال بدل السارفيسات.
لأن الذي يتزوج أكيد يكون معول على روحو و يشري حوائج دارو قبل العرس.
و الناس إذا جابولو الهدايا قادر يجيبولو الدوبل.
أما الأموال فهو يكون بحاجة إليها.
ربما لتسديد الديون و الكل يعلم الزواج صعيب.
و لكن الهدايا تبقى و الأموال تذهب.
السارفيس تاع الطين ألي هداوه لبابا في عرسو مازال لدرك.
و دايما يقولنا هذا الكادو تاع عمكم....ربي يجازيه.
و لكن تبقى بالنسبة لي الأموال أفضل.

بارك الله فيك و جزاك الله كل خير على موضوعك المميز أخي حسين.
و راني نشوف فيك هادوليانات مع قصص الزواج.
وشبيك هادا...بلعقل برك.
نسيت نقولك فرحتني بزاف رسالة التقييم و أستنا منبعد نقيمك.
لي عودة إن إحتجتني.

http://www.arabseyes.com/vb/imgcache/3787.imgcache
تحيـــــــ أختك الصغيـرة أنفــــــــال ـــــاتي.
في حفظ الرحمـــــن ...و الســـلامـ خير ختأأأتمـ

وعليكم السلام والرحمة والبركة
اهلا بالاخت الصغيرة انفال
هههه سبحان الله انت وهناء البال وامي تخمامك كيما بعض ما نعرف بالاك نساء قسنطينة يخممو كيف كيف
راني معاك بخصوص الذكرى والله العظيم هاذاك النهار يما وراتنا القصعة نتاع جداتي ام ابي الله يرحمها تصوري هدية زواج ام ابي وهي قديمة جدا بالاك في سنة 1890 تصوري راها في دارنا حتى للان ما بيها شي
وخباها ابي ايام الثورة تعوجت وصرا فيها ندوب حتى الان نشوفوها
المهم هاذي قصة القصعة من بعد نوريلكم صورتها ان شاء الله
انت كيما انا تحيا الباكي ههههههه ايا تفاهمنا جيبيلي الدراهم نجيبلك الدراهم ههه تجيبي سارفيس نجيبلك سارفيس ههه
:1::1::1::1:
بارك الله فيك وانا ايضا اشكرك جزيل الشكر على تقييم السابق ورسالتك فيه
:1::1::1::1::1::1:

[thorpe]

عذرا على الخلط بين الفصحى و العربية.
علابالي تفهمني خويا قسنطيني و نفس الهدرة.

يقولك ناس بكري خلطها تصفى ههههه
:1::1::1::1::1::1:

[مصطفى قاسمي]

السلام عليكم

اهلا بيك اخي الحسين


والله عندك الحق انا معاك نصيب من المال ممكن يحفز على الزواج مرة اخرى ههه

خير ما الواحد يجيب بعض الوازم ثم تهمل ويتبقى العريس في ضائقة من الديون

انا ثابت لو كان تعملها رايح نعطيهملك كاش عند الباب ونرجع حتى العشاء ومنكلفكش بيه

قول ان شاء الله باش تثبت

[قمر الهضاب]

وعليكم السلاااااام

يا اهلا وسهلا بالاخت لبنى
هه ما تحيريش اختي فقد فرضت لان حسين رائد في الدارجة هههه هات برك تحبس هنا
المهم يا اختي نقولك مبروك عليك قبل ما يوصل عرسك وربي يهنيك ويرزقك بالذرية الصالحة يا رب
ههههه راكي انهكتي الاعضاء بالطلبات والحمد لله ما دخلتينيش معاهم هههه انا نجي ناكل الزردة ونروح نروح
هههه
امزح اختي فقط نقولك اذا حضرت راكي عارفة ما تحوسيش على الهدية نتاعي لاني رايح نمدلك دراهم :1::1::1::1::1::1::1::1:
جازاك الله كل خير :1::1::1::1::1:



يبارك فيك خويا حسينو لعقوبة ليك استنا نروح انا امبعد ندبرلك عروسة
هههههه بالاك تجيبلي كورني اكريم نتاع 5 دج وتجي تصحح وجهك ههههه والله تروح على رجليك

حقا امبعد نقولك وحد لخبر ايا سلاااااااام :19:

[الصريح 80]

http://www.moheet.com/image/61/225-300/613724.jpg
انها اجمل هدية
معك حق:19:

[امين صالح]

كيف الحال اخي ، شكرا على الموضوع ، انت عندك الحق و بالمقابل اخوك كذلك عند الحق على حسب أصحاب العرس بالنسبة لي هناك عدة حالات 1- عندما يكون العريس من العائلة فلا اجد حرجا في معرفة مدى حاجته سواءً للمال أو الهدية فاقوم مثلا بتذكيريه ببعض اللوازم و اذا ما عرفت انه لم يشتريها اقوم بشرائها و ارسالها اليه ، 2- عندما يكون العريس صديق مشترك لعدد منا نقوم بلم النقود ونشتري له شيئا مهما ويحتاجه لتأثيت بيته ( تلفاز -بلازما أو مكيف كهربائي أو غسالة أو غيرها من الأدوات الكرو منزلية . 3- أو اقوم بشراء هدية و هذا الأمرر عندما يتعلق الأمر بعريس من بعيد

[thorpe]

يبارك فيك خويا حسينو لعقوبة ليك استنا نروح انا امبعد ندبرلك عروسة
هههههه بالاك تجيبلي كورني اكريم نتاع 5 دج وتجي تصحح وجهك ههههه والله تروح على رجليك

حقا امبعد نقولك وحد لخبر ايا سلاااااااام :19:

:1::1::1::1:هههه ياك تقولوا البراكة فالقليل هههه
ماشي مشكل اختي ربي يسمعنا غير الخير يا رب اخبارك انت يخوفو ههه
بارك الله فيك
:1::1::1::1:

[thorpe]

http://www.moheet.com/image/61/225-300/613724.jpg
انها اجمل هدية
معك حق:19:

كان الاجمل ان يكونو هاكذا
http://www.sheemapress.com/lpic/45205.jpg

اليس كذالك ؟ هههه
بارك الله فيك


:1::1::1:

[thorpe]

كيف الحال اخي ، شكرا على الموضوع ، انت عندك الحق و بالمقابل اخوك كذلك عند الحق على حسب أصحاب العرس بالنسبة لي هناك عدة حالات 1- عندما يكون العريس من العائلة فلا اجد حرجا في معرفة مدى حاجته سواءً للمال أو الهدية فاقوم مثلا بتذكيريه ببعض اللوازم و اذا ما عرفت انه لم يشتريها اقوم بشرائها و ارسالها اليه ، 2- عندما يكون العريس صديق مشترك لعدد منا نقوم بلم النقود ونشتري له شيئا مهما ويحتاجه لتأثيت بيته ( تلفاز -بلازما أو مكيف كهربائي أو غسالة أو غيرها من الأدوات الكرو منزلية . 3- أو اقوم بشراء هدية و هذا الأمرر عندما يتعلق الأمر بعريس من بعيد

اللله يبارك فيك خويا امين صالح
مرحبا بيك
طبعا هو الاحسن معرفة اللوازم التي تكون مفقودة كي نوفرها
هههه بخصوص عندي الحق بيانسور انا عندي الحق هههه احم احم
لكن والله غير ضحكتني يا خويا كي قلتلي البراني تديلو كادو وما تحوسش تفهم هههه يسما البراني راحت عليه معاك هههه
ربي يفرحك
:1::1::1::1:

[هناء البال]

اهلا اهلا بك يا ناء البال في مواضيعنا المتواضعة :1::1::1: واخيرا هاني وصلت ليك وانت من قبيل تقولي راكي تستناي في ردي هههه
ما نردش حتى تعطيمي كاو ههههه
المهم اختي راني معاك من هاد الجانب لكن انا راني نحكي بشكل منطقي
يعني اذا كان السرفيس كاين وعلاش نزيدو منو ؟ يحكم المكان ورايح يقعد قارنوتير ؟
المال في رايي احسن هدية فيمك للعروسين انفاقه الايام الاولى كما يمكن ايضا اقتناء الاشياء التي لا توجد
مثلا كليماتيزور يتفحششو بيه ولا تيلي ولا ميكرو المهم المال هو باباهم وربي كبير
:1::1::1::1::1::1:ههه


:1::1::1::1: :1:
صباح الخير اخي حسيييييييييييييييييييييييييييييييين
و الله صح انا فيا طبيعة ومنصبرش لازم نلقا الرد ليهليه.معلابالكش علاه****ببساطة خاطر خوتي ام يسناو في الدالا ههههههههه رانا متفاهمين بالوقت و اللي يخالف الاوامر يتعاقب
المهم فكرت شويا لقيتها صح الدراهم هوما كلش خاطر و الله في الوقت تاع درك تقريبا ماكانش لي يقيم الهدية تلقاه واحد عطيتلو كادو يامات تسقسيه عليه تلقاه اهداه لواحد اخر:1: ولا كسرو:1: ولا تلقاه عند لولاد يلعبو بيه:1:////اما في خصوص ال سرفيس الزوجة اكيد راحا تكون في حاجتو و كي تستعملو باينا كل مرة تكسر منو حاجا :1::1:(اك تعرف الحراير تع الجيل هذا:confused:)ههههههه(ملاحظة/اني تعلمت التشاؤم:D:D منك يا مشاكي)ههههههه
alors/vive ticket
حقا انا و ماماك و بحر العطاء عندنا نفس الراي صح خاطر بنات مدينة وحدة لكن احيطك علما ان بحر العطاء التي هي انفال هي بنت عمتي و الله و نزيدك حاجا ماعندك وين تهرب و الله حنا العايلة كامل راي اللهنا في المنتدى .
ايا اسيدي هاد المرة نخليك ترد في عقلك كي تكونيكطي
سلام عليكم ورحمة الله تعالى وبركاته

[raooof]

انا نقول يروح يسال العريس واش يخصو ويشريلو ادا كان يقدر ولا يقولو متشريش هديك الحاجة انا نشريهالك وهكدا يضرب عصفورين بحجر

[روح القلم]

السلام عليكم اخي ثورب [ راك مستعد للسباحة في شهر الصيف ؟؟]


الحمد لله على عودت


بخصوص الاقتراح هو فعلا مناسب لمثل هذا الوقت


فربما تقديم المال كهدية يساعدهم في سد بعض الاحتياجات المستقبيلة و خصوصا انهم خارجين من حالة عرس و تكاليف و و و


بارك الله فيك اخي ثورب و عند شيك على بياض ههههههه تستاهل خويا


و قول لخوك رانا عيينا من سرافيس القهوة و تاي هههه

[cut women]

الشوفة اخي حسين راك مسجي الدار لي راح تسكن فيها بكل مستلزماتها (يعني complet) تحوس غير على الباكي باه تديه و حدك وتتمتع فيه تصرف كيما تحب و تحوس في اي بلاصة تبغي صح ولا لالا ؟؟؟؟؟؟ راني نمزح
نرجع للموضوع انا بانتلى بلى هدا هو الصح يا خوية الدراهم خير بلاك الكادو لي يجيبوه مايعجبش و يرميه ولا مايستعملوش اعطيني الدراهم و انا نشري واش نحب هكا و لا لا ؟؟؟؟؟
شكرا على الموضوع

[روح القلم]

الرسائل عند لازم تحذف منها باش نقدر نجاوبك و بارك الله فيك

[امين صالح]

اللله يبارك فيك خويا امين صالح
مرحبا بيك
طبعا هو الاحسن معرفة اللوازم التي تكون مفقودة كي نوفرها
هههه بخصوص عندي الحق بيانسور انا عندي الحق هههه احم احم
لكن والله غير ضحكتني يا خويا كي قلتلي البراني تديلو كادو وما تحوسش تفهم هههه يسما البراني راحت عليه معاك هههه
ربي يفرحك
:1::1::1::1:



هذا هو الواقع و لا راني غالط
اذا بقيت نقدم هدايا قيمة للقريب و البعيد نحصل و نفلس،

غير عول راح نهديك في عرس كادوا مادايرش عول برك خوك هنا الي تقالت عليك مدهالي

:dj_17::19::19::19::19:

[khaoula rouh]

اووووو اخي حسين كيف الاحوال والله توحشناك وتوحشنا هذ المواضيع لهايلة مرحبا بعودتك وربي خليها خاتمة الاحزان (ماعليش جات متاخرة) ومرحبا بعودتي اناكذلك
بالنسبة للموضوع انا رايي هو حسب صاحب العرس اذا كان مرتاح ماديا وماهوش محتاج كادو خير يبقى سوفونير بصح اذا كان محتاج دراهم خيرلو نعاونوه دمت بخير وتميز الى اللقاء