لماذا تعشق البنات الطب ____اريد جواب___

[doctor_virus]

ان معضم الاناث تحب الطب حبا جما و الله اعلم لماذا
كنت في السنة السابعة اساسي من التلاميذ النجباء و كانت لي زميلة كنا نتسابق على المركز الاول و لكن مع كل عام ازداد انا ضعفا و تراجعا و هي قوة و تقدم فكانت دوما في المراكز العليا و انا من الضعف رسبت في السنة اولى ثانوي بمعدل اندم عليه طوال حياتي 9.84 وصلت الى امتحان شهادة البكالوريا قبلي بسنة نالته ب 12.6 لم تستطع الالتحاق بكلية الطب قامت باعادة السنة دون الاتحاق بالجامعة و بنضام قديم نالت الشهادة لهذا العام ب 13.50 و لم تلتحق بالطب اما انا فنلت الشهادة ب 14.95 و التحقت بالطب وللاسف خسرت سنة كاملة و لم تحقق غايتها

_احيانا اشعر بالفرح لانني فزت عليها و لكن بعد التفكير اشعر بالحزن الشديد لاجلها لانها جاهدت في سبيل ما تطمح اليه و انها افضل مني بكثير
و اقول ما اشد قسوة ان تذهب طموحات وامال و اعمال امرئ في لحظات ( فكم حضرت و راجعت و طالعت و سهرت الليالي ) و لكن الله ربي و الذي احبه الله احبه
ألهذه الدرجة تعشق الاناث الطب و تضحي من اجله ?
____اريد جوابا______

[salim241]

شكرا على موضوعك قصتك تشبه قصتي كثيرا والله لكن انا البنت التي كنت اتنافس معها اعادت الباكالوريا لانها لم تتحصل عليها فلحقتها والان انا تحصلت على تخصص احسن من تخصصها.
اما الاجابة عن سؤالك فهي ان البنات يبتعدون عن البناء والهندسة والبترول لانه فيها مشقة في عملها تكون للاولاد احسن بقي للبنات التعليم والطب والصيدلة ولان الطب والصيدلة هما الاحسن يميلون اليها.

[محمد عز الاسلام]

انا ارى انا الجميع من ذكزر واناث يجبون الصيدلة لاننا منذ الصغر عندما يسالوننا ماذا تعمل عمدما تكبر نقول طبيب هذي هي

[I ME MY SELF]

lala ma ranichi m3ak
mich lebnat yhabo tib
koli nta kach khadma mliha tdakhel drahem w tlik b tofla
makach jawab wadakhor
kayen la medecine li fiha had chi kamrl
wela rayah tkoli chikha wela kach haja okhra
nkolek lala
ma ydakhloch bezaf drahem
wella tkoli tefla rajelha yakhdeml 3liha hadi sah bessah ana wahda men lebnat ma nakbelch rajel yakhdem 3liya w kol ma nhab haja 7ata ymedhali
kayen dork babak yakhdem 3lik
w mba3d hawa yakhdelm 3lik
bessah mich ki yroh ykolek bla biya ma t3ichich
lazem kach ma kach
mansalch 3lih

[محمد عز الاسلام]

اختي الطب ماهوش دراهم راه مسؤولية كبيرة .الدراهم على ربي
ونتاع الراجل يقول لمرتو بلا بي ما تعيشيش نقولك بلي ماكانش لي يقولها لان الراجل تاني بلا المرا ما يعيشش ............وشكرا

[omar_gouraya]

http://up106.arabsh.com/s/hg2pdbwfdr_thumb.jpg (http://up106.arabsh.com/s/hg2pdbwfdr.jpg)

[I ME MY SELF]

ma fhamtnich khoya
saha koli haja wadokhra tdirha tofla
w ana menas li ma nhabch kol ma nhab haja hata ymedohali welayatoni drahemha
nchalah tkon fhamt wach rani haba w kifach nfeker
w mochkiltiu hiya ma na3refch n3aber w daymen ma netefhamch mlih

[mayssa]

الطب هي مهنة شريفة و المستقبل مضمون بالاضافة للقدر والسوارد
بالنسبة للمراة يا اما تخدم في التعليم او في الطب لكي تصون نفسها وماتحتاج حتى لواحد لاباباها ولا راجلها
ولان البنات يبتعدن عن البناء والهندسة والبترول لان فيها مشقة وتناسب الذكوراكثركما قال اخى سابقا
عيدكم مبارك :19::19::19:

[محمد عز الاسلام]

اختي نظن انا بلي راكي غالطة على حساب ما فهمت نتمنى اني فاهمك غلط

[I ME MY SELF]

saha nta rak dayer medecine w nawi ki tekber tdawi batel
ana nas li ma3andhomch saha
mais nta bayen rak rayah tdawi batel
w marakch fahemni mlih
ana mada biya n3ich mhanya
w lemra ma t3ich bla rajel w howa fani
mais nhab ykono 3andi drahmi
w matkhafch ki yeshak nmedlo bla mzeyti
w ki neshak nkolo yatini
besah chof kach tefham wach rani haba nkol

[محمد عز الاسلام]

اختي حسنة السفاء انا ثاني نقولك دراهم الراجل هي دراهم مرتو انا نقرا فرماصي ومانيش رايح نمد باطل وانا نحب لمرا لي تخدم وبصح النية تختلف

[I ME MY SELF]

welah ma rak hab tefham
chof w za3ma ma ranich menas li yelesko fi al hja w ma kontch nawya kach ma nzid nkolek
w ma nejemtch tebka haka hasebni michmliha
w nta ma rakch hab tefhamni
ma ranich nkol nhab ykono 3andi drahem bach nahkem fih
w ma koltch ki ykono 3ndi drahem ma nahasboch w 3la lhaja talya netfatno w kol wahed yroh fi triko
chof 3andi 18 ans w rayha nkolek li ana nhabo w n3azo w howa li yahkem w haderto li temchi w nchawro fi kolech
hhata lokan 3andi jbel ta3 dhab w howa ma3andoch hata nos wach 3andi
nebka nehtarmo w nchofo kbir
sah fi lahna w la3kel
mais nebka nhab ykono 3andi drahmi bach ma ykonch kol mera netlob meno

[محمد عز الاسلام]

شكرا لك اختي كانت لك اجابات رائعة انا اخوك محمد سنة 2 صيدلة جامعة سيدي بلعباس وانت في اي سنة واي جامعة

[مايا منار]

لا لا لست من محبي مهنة الطب
أنا مهندسة و نحب الهندسة منذ كنت صغيرة واش رايكم ؟ و ما نحبش الطب لأني مانحبش نحفظ لكن نحب العلوم و نفهمها وكنت نتحصل على احسن العلامات الله غالب كانوا يغيروني علماء الفيزياء بزاف على هذيك اخترت الهندسة و بالضبط في الكهرباء

[محمد عز الاسلام]

الطب ماشي حفاظة اختي كاين حتى لفهامة بصح هذي الدزاير كلش ردينو حفاظة حتي الرياضيات باغيين يردوها حفاظة

[I ME MY SELF]

chiu pas dacor avec toi maya
la medecine mich aprendr par coeur
w kima kal med-islam
fi bladna wel kolech ydakhlo fih lehfadha
w ykolo lazem tahafdi li ma yedokhlo hata cours
w mba3d kah ydir lazem yahfed
w fan win trohi kayen swalah ta3 hafda w swalah ta3 fhama
kima nti tefahmi el princip w tahafdhi al kanon
w hna kif kif kayen win tefahmi w tahafdi les noms
w nti ma tahafdich asami swalah li tekray 3lihom

[chahd alger]

أعشق الطب لأنه طب.............

[jesse]

انا لست من محبي الطب والصيدلة
انا من محبي الهندسة

انا بعد اربع سنين نتخرج مهندس دولة

نقرا تسيير التقنيات الحضرية 5 سنين

[doctor_virus]

شكرا لكم يااخوتي الاعزاء على الاجابات و اتضح ان الطب اجتمعت فيها خصال فصارت منشودة لذا الاناث حيث منهن من يعشقها لانها افضل وظيفة قد تزاولها المراة لما فيها ما فيها من اخلاقيات سامية ومنهن من يرى فيها الراحة و الامان و العيش الكريم و الكلام يخصك يا شفـــــــــــــــــــاء و منهن من يرى فيها تقديم النفع و المساعدة و ارجوا ان يكون هذا هدف طالب و اشكركم مجددا

[doctor_virus]

يبدو ان شفــــــــــــــــــــــــــــــــــــــــــاء جد رجولية في مجال الحياة و اقول لك ان لابد للانسان ان يسد رمقه و ان يستفيد من مهنته و ليكن في علمك اختي شفاء و كل الطلاب ان علم الطب عالم اخر فعلى الطبيب ان يهب حياته لمهنته ولمساعدة الاخرين و نعود بالماضي الى الوراء الى الصفحات الخالدة نجد ان الطبيب ينفق الاموال على مهنته و لكن الان اين من يفعل ذلك

و الله انا لا اريد ان احصل على مال من مريض و باذن الله و هو خير شهيد على ما اقول فانا اطمح ان اغدو باحثا في مجال الطب احلم في كل يوم ان يكون المخبر عالمي الخاص


و شكرا لكم اخوتي

[I ME MY SELF]

saha si samir hata nba dok jit 3liya w ma habitch tefhmni

[I ME MY SELF]

welah hata wahed ma raw hab yefhamni
w lah al kedb
ana ma dkhaltch medecine kima ntoma kton habitoha
ana dkhalt 3la bach n3ich mlih
w tbib ye7tarmoh fi bladna
w lokan ma jitch mliha nekra wach kont haba w ma nhakekch al holm ta3 yema fiya
derk nkol rani nhab ka medecine mais au fond de moi netmena lokan dert wach kont haba

[محمد عز الاسلام]

ممكن اخت شفاء تخبرينا واش كنت حابة تديري

[I ME MY SELF]

ana nmot 3la sciences exact w kont haba nekra maths lmd

[محمد عز الاسلام]

انا كنت نقرا علوم دقيقة وما خيرت رياضيات حبا في المجال الطبي ووقع اختياري على الصيدلة لانها تشمل الاثنين

[I ME MY SELF]

ana ki roht n3amer hadik la fiche dort fi rayi w mba3d chba3t bka w 7ata wahed ma chafni
w kamel hasbini nhab medecine

[محمد عز الاسلام]

انا نقولك حاجة اخت سفاء لي ما يحبش حاجة عمرو لا يمشي فيها
المثل يقوا اخطا كاره ماعمل

[I ME MY SELF]

dork haka rak tkemel 3liya
ana balak bdit nhabha
mais impossible nhabha kima maths

w ma tkhamemch 3liya ana ki nkemel w maths li nekraha hata lokan yebka fi 3omri nhar wahed

[محمد عز الاسلام]

سايي دركة راكي طبيبة ماعندك وين تبوجي انت طبيبة
نضحك معاك برك
الله يوفقك وان احتجت اي شيء اخوك محمد اسلام هنا
*****med-islam2

[I ME MY SELF]

merciiiiiiiiiiii
w balak tdir haja ma rakch habha

[محمد عز الاسلام]

راني داير حاجات ياسر مانيش حابهم الله يسلكها على خير برك
ادعيلنا برك

[I ME MY SELF]

welah mazal ma fhamtch rohi haja ma ranich habetha 100FI SA3A W MLIH KI MA RANICH WAHDI W RABI M3ANA
SAH KAYEN BEZAF SWALAH

EL WAHED YEKRAH
W DAYMEN NKOL MA NDIRCH HAJA MICH HABETHA W 3LAH N3AWED KIF KIF


BESAH WACH DERT ANA L3ABT 3LA 7YATI KAMLA

[doctor_virus]

وينك يا شفاء ههههههههههههههههههههههههههههههههههههههههه ما تقلقش كلش يفوت برب ان شاء و كما قال الشاعر (قيمة الانسان ما يحسنه اكثر الانسان منه او اقل ) يعني احسني الطب و لا تخافي وتسلحي بالحكمة التالية

ليس المهم أن نفعل ما نحب المهم أن نحب ما نفعل

[محمد عز الاسلام]

مشكور على المثل اخي ولا تنسى
اخطا كاره ما عمل

[doctor_virus]

شكرا لك اخى اسلام و الله انت رائع و اسمح لي ان اناديك (يمامة المنتدى) فانك تحط عند كل موضوع و تستفيد وتفيد شكرا جزيلا وكثر الله امثالك
عيدكم مبارك

[chahd alger]

هههه والله توقعت منك الصواب يا سمير من الآن اسلام "يمامة المنتدى"

[محمد عز الاسلام]

السلام عليكم ان كان ذلك ما تريدونه فلكم ذلك لكن لاتنسوا اسلام

[doctor_virus]

هههههههههههههههههههههههه صح عيدكم انا ذاهب الى الجامعة اقول لكم بااااااااااااااااااااااااااااااااااي الى اللقاء و اقول لكم الاسماء التي لقبت بها اعز اصدقائي اسلام (يمامة المنتدي) و شهد (كتكوتة المنتدي) اما اخير شفاء (عروس المنتدي) وانتم الافضل و الى اللقاء

[الفقيرة إلى ربها]

انا نقرا سنة ثانية طب اسنان،وليت بيروكي نهار كامل شادة les cahiers و نحفض....................انا في رايي ماكانش مهنة مناسبة للمراة مثل الطب ،و ما ننكروش بلي كاين بزاف بنات يخيروها باش يقولو عليهم الناس طبيبات

[جمانة2008]

assamholi mais vraimement rakom tahkiw fi hwayaj tafha wallah kol wahad yadi chi li kattablo rabi

[إيمان 2008]

السلام عليكم بصراحة عقلية انو ماكانش قراية احسن من الطب والصيدلة هذي راها في بلادنا برك نشوفو فقط لبعض الدول الاخرى نجد انه يوجد تخصصات احسن من الطب مثلا الهندسة في مصر
والدنيا ماراهيش طب برك الطبيب مايقدرش يعيش بلا غيرو من العمال مثل التاجر والصيدي والمهندس .........
ولكن هذي هي عقلية اولادنا
حابة نسال علاه ماكانش حتى واحد يروح لتخصصات ماراهي معروفة ويبدع فيها وتصير وجهة لطلبة اخرين
وبصراحة انا من رايي ماكانش طب في بلادنا لانو الامكانيات جد محدوودة
والطبيب الي فعلا يستحق هذه الكلمة لازم يكون فيه بزاف صفات مثل الثقافة الجراة الصبر على التحمل
سرعة البديهة المعاملة ونركز على كلمة المعاملة لانو في واقعنا يوجد اطباء والله كأنهم لم يدرسوا ابدا يعاملوا معاملة جد سيئة
والطبيب الناجح لازم يوهب نفسو للطب لانها مسؤولية كبيرة
والمفروض انو المعدل ماهوش المقياس الوحيد للشخص اسكو يدخل الطب ولا لا
مثلا على حد علمي في سوريا اضافة الى المعدل العالي تقام مسابقة من اسئلة متكنة من مواقف مثلا اذا اجبرت على ان تعالج مريضين حالتها خطرة وتضطر الي انقاذ حياة واحد منهما الاول مصاب بكذا والاخر بكذا فماذا يجب عليك فعله ؟
ومن رايي ايضا انه من اليوم فصاعدا لاشيىء مضمون في بلادنا اي من ناحية الوظييفة خصوصا الطب للاقبال الكبر عليه
وكيما قاتلي جدة يعياو الاطباء يتشمسوا عالحيوط
لهذا المفروض نكونوا اكثر وعيا لاني انا عندي اصدقاء من بلدان مختلفة والله اختاروا تخصصات لانسمع بها في بلادنا مثل هندسة الحدائق وهندسة الاتصالات وتصميم الازياء وجراحة التجميل الخلقي وصناعة ادوية والفيزيا النووية
نحن الذين من المفروض نصنع المستقبل وليس هو من يصنعنا وماكاش واحد يقرا اي تخصص ويك نظمن وظيفة لانو كل شي بايد الخالق
اطلت الحديث لكن ارجو ان تكونوا استفدتم من كلامي وانه منطقي بالنسبة لكم والسلام عليكم

[B.Badis]

شكرا لكم بصح راكم طيحتولي المورال خلاص و حيرتوني ....أنا حبيت نعقب الباك العام هذا باش ندير طب و نقراها مع الهندسة المعمارية ....إختصاصي ......درك راني محتار مالقيت واش ندير خايف نعقب الباك و نضيع وقتي و ندير طب ....و نبعدا نندم و ما نحكم والو لا هندسة معمارية ...لا طب ..... لا بيولوجيا.......من الأحسن أن أستخير الله سبحانه و تعالى

[loubnamias]

هدا طموحها و حلمها والانسان الطموح لا يتخلى عن طموحاته بسرعة وبكل بساطة.هده الفتاة مثلها مئات.لم يستسلمو ووصلو الى ماارادو .وليس المهم كم نسقط لكن المهم ان نقف بعد السقوط وليس النجاح فى شىء يعنى اننى لن نفشل .فمادام الانسان حيا سيدوق الخسارة كما يدوق النجاح .فانت مثلا لقد فشلة ولكن عزيمتك و عدم استسلامك جعلك تستمر و تنجح .فالعزيمة اولا ثم النجاخ تانية.

[محمد عز الاسلام]

السلام عليكم موضوعك يا دكتور يزداد روعة ورونقا

[doctor_virus]

السلام عليكم كيف احوالكم
و الله يا اخوتي اني ارى في الطب ما لا ارى في غيره فالطبيب يفيد غيره اكثر من نفسه و يفيد حتى خارج عمله
والله انا جد مستععجل لكن ساقف عند راى كل واحد بعد عودتي الى البيت و ارجوا ان تتفهموا الامر
دمتم في رعاية الله و حفضه

[محمد عز الاسلام]

اننا بخير دكتور مهنة الطب مهنة نبيلة فالطبيب اينما ذهب فقدره عالي

[دربال عثمان]

سلام اخواني أخوكم من وهران

[دربال عثمان]

لا يجوز للمرأة أن تبيت في المستشقى دون محارم . والطبيب لا بد له من دلك

[imen.88]

انا ارى انا الجميع من ذكزر واناث يجبون الصيدلة لاننا منذ الصغر عندما يسالوننا ماذا تعمل عمدما تكبر نقول طبيب هذي هي
أنا راني معاك خويا محمد خاطر الانسان بالفطرة يحب يعاون الناس خاصة واحد مريض و محتاج و ماشي قضية ذكر و انثى و الطفلة لي كنت تتنافس معاها كان عندها هدف حابة توصلوا لا أكثر و لا أقل.

[KIA]

السلام عليكم . انا في رايي البنات تعشق الطب لانه مهنة نبيلة , اضافة الى ان البنت بطبيعتها تنساق وراء عواطفها ومن اسمى هذه العواطف مساعدة من هم بحاجة ماسة اليك . انا شخصيا احبه لهذا السبب .

[**/مها/**]

انا حابة نقولكم حاجة الانسان لازم يقرى الحاجة الي يحبها ويتمناها باش بيدع فيها وينجح ومكانش منها هاذي نتاع نقرى الطب على جال المال لانو رانا نشوفو بلي الطبة راهم قاعدين غير الي دارو التخصص وقليل الي ينجح في الريزيدانا وتاني نقولكم قصة على واحد نعرفوه دار مدسين على جالت السوارد وبعد ما خلص 7 سنين وعقب الريزيدانا ونجح ودار كلينيك ونهار الي جا يحل مسكين مات وخلى كلشي وراه انا نحب نقول انو الانسان يقرى من اجل العلم مشيى السوارد لانو ربي هو الي يرزق وتاني تلقاو خرين مدايرين مثلا بيولوجي مثل زوجة عمي دارة بيولوجي وراهي درك استاذة علوم ولانها تحب هاذي المهنة والله السوارد الي دخلهم ميدخلهمش الطبيب وكل عام تدي ولادها وتروح تعقب الصيف في بلدان نتاع الخارج
ومثلا انا كنت من الاوائل في القراية كنت الاولى في الثانوية والعام الي فات عقبت الباك جبتو 13.75 مقدرتش ندخل التخصص الي كنت نحلم بيه وهو اكيد اما الطب او الصيدلة او جراحة اسنان ودرك راني عاودتو وجبت 12.74 ومضنيتش نقدر ندخل اي حاجة الله يعلم قداش تعذبت على جالت الباك وفي الاخير تقريب هبلت وودرت عمري
اسمحولي على الاطالة وبالتوفيق للجميع

[ADEL1991]

السلام عليكم ورحمة الله تعالى و بركاته
إن عشق الناس للطب إناثا وذكورا هو امر مشروع لأنه اختصاص أكثر من رائع في جميع مراحله و لكن ليس في الجزائر لأن دراسة الطب في الجزائر من أكثر الأمور مللا فهي تعتمد على الحفظ الحرفي لكل شيء حتى الكيمياء يحفظ في طب الجزائر وهذا راجع لطريقة التدريس وهذا ما جعل شهادة الطبيب الجزائري غير معترف بها خارجا فانا أعرف طالب طب جزائري سنة 5 طب هاجر مع عائلته إلى كندا فرفض طلبه لإتمام دراسته في كندا وأطباء جزائريين في الخارج لم تؤهلم شهادة 7 سنوات لاكثر مهنة التمريض هذه هي حال طب الجزائر و لكم أن تسالوا

[medecine4ever]

ان معضم الاناث تحب الطب حبا جما و الله اعلم لماذا
كنت في السنة السابعة اساسي من التلاميذ النجباء و كانت لي زميلة كنا نتسابق على المركز الاول و لكن مع كل عام ازداد انا ضعفا و تراجعا و هي قوة و تقدم فكانت دوما في المراكز العليا و انا من الضعف رسبت في السنة اولى ثانوي بمعدل اندم عليه طوال حياتي 9.84 وصلت الى امتحان شهادة البكالوريا قبلي بسنة نالته ب 12.6 لم تستطع الالتحاق بكلية الطب قامت باعادة السنة دون الاتحاق بالجامعة و بنضام قديم نالت الشهادة لهذا العام ب 13.50 و لم تلتحق بالطب اما انا فنلت الشهادة ب 14.95 و التحقت بالطب وللاسف خسرت سنة كاملة و لم تحقق غايتها

_احيانا اشعر بالفرح لانني فزت عليها و لكن بعد التفكير اشعر بالحزن الشديد لاجلها لانها جاهدت في سبيل ما تطمح اليه و انها افضل مني بكثير
و اقول ما اشد قسوة ان تذهب طموحات وامال و اعمال امرئ في لحظات ( فكم حضرت و راجعت و طالعت و سهرت الليالي ) و لكن الله ربي و الذي احبه الله احبه
ألهذه الدرجة تعشق الاناث الطب و تضحي من اجله ?
____اريد جوابا______
مكتوببببب ربي العالمين

[medecine4ever]

انا حابة نقولكم حاجة الانسان لازم يقرى الحاجة الي يحبها ويتمناها باش بيدع فيها وينجح ومكانش منها هاذي نتاع نقرى الطب على جال المال لانو رانا نشوفو بلي الطبة راهم قاعدين غير الي دارو التخصص وقليل الي ينجح في الريزيدانا وتاني نقولكم قصة على واحد نعرفوه دار مدسين على جالت السوارد وبعد ما خلص 7 سنين وعقب الريزيدانا ونجح ودار كلينيك ونهار الي جا يحل مسكين مات وخلى كلشي وراه انا نحب نقول انو الانسان يقرى من اجل العلم مشيى السوارد لانو ربي هو الي يرزق وتاني تلقاو خرين مدايرين مثلا بيولوجي مثل زوجة عمي دارة بيولوجي وراهي درك استاذة علوم ولانها تحب هاذي المهنة والله السوارد الي دخلهم ميدخلهمش الطبيب وكل عام تدي ولادها وتروح تعقب الصيف في بلدان نتاع الخارج
ومثلا انا كنت من الاوائل في القراية كنت الاولى في الثانوية والعام الي فات عقبت الباك جبتو 13.75 مقدرتش ندخل التخصص الي كنت نحلم بيه وهو اكيد اما الطب او الصيدلة او جراحة اسنان ودرك راني عاودتو وجبت 12.74 ومضنيتش نقدر ندخل اي حاجة الله يعلم قداش تعذبت على جالت الباك وفي الاخير تقريب هبلت وودرت عمري
اسمحولي على الاطالة وبالتوفيق للجميع
صح كاينا منها