"مـيـلـــــــــــــة لـخـفيــفة"

[RIBA-18]

:cool: تكلمنا على معظم اللهجات و راح بالنا على لهجة ميلـــــــة و حسب ماراني نشوف راهي باناشي مع بعض اللهجات

عندنا في ميلــة كل دائرة و بلاصة وكيفاه يعني اللي قراب من قسنطينة يهدرو شوية كيفهم واللي قراب من سطيف

يهدرو ا شوية كي السطايفية واللي قراب من جيجل يهدرو شوية كيما الجيجليين

و لكن الأغلبية يعني ناس ميلة الأصليين نهدرو بالـتـــــــــاء كيما قسنطينة ( تليتلــي و جماعتها.....)

ولكن مانهدروش بـــالG كيما Gـــالــي و Gـــالك كيما أغلبية الولايات. نقولو قالي، وقالك، نرقد،.....، و القاف تجي

قاوية بزاف بزاف بزاف و يقولووووووو على نـــاس ميلـــــــة يقــاقـيـــــــو كــــي الجـــــاج

و اللي عندووووا إضافة يزيـــد :19: و اللي عندو سؤال يسقســــي:19:
:mh31:وشكـــــــــــــــــرااااااااااااا:mh31:

[سهام-19]

مشكوره اختي انا راني حابا نتعلم شويا

[زهور الأمل]

اللهجة الميلية هااااااايلة ومعندها ما يخصها
والشيء المميز فيها هي القاااااااااااااااااف

[الجوهرة النادرة]

شكرا لك اختي لانك فتحت هذه الصفحة لنتعرف على لهجتكم

وارجوا ان تضعي لنا نماذج من كل عبارة مشهورة عنكم بشرح لكي يتسنى لنا جميعا التعرف أكثر

[هاجر 1992]

السلام عليكم:
يعطيك الصحة اختي على هدا الموضوع
وانا حبيت نضيف شوية حوايج إيلا ماكاش مشكل؟
كيما قلتي اللهجة الميلية تختلف من دائرة إلى أخرى ومن بلدية إلى أخرى
فمثلا ميلة سونثر ورجاص وزغاية وشلغوم العيد يهدرو بالقاف
أما بلدية فرجيوة وأحمد راشدي يهدرو بالg يعني ق ب3نقط
على العموم لهجة ميلة خفيفة ومفهومة يعني مافيهاش كلمات أو عبارات معقدة ومانكتروش بزاف من الفرنسية ليس جهلا بها ولكن اللهجة تاعنا هكدا
وهده بعض المصطلحات تاع ميلة:
هكدا
لهيه أو لهيها أو لهيهتا أي هناك
واش أوشوا أو شيا أي مادا
أواه أو لالا أي لا
دروقا أو درك أي الأن
غدوا أي غدا
مبعد أي بعد قليل
وغيرها من المصطلحات
أتمنى ان أكون قد أفدتكم ولو بالقليل

[نسيم الجود]

لهجة خفيفة وضريفة شكرااااااااااا

[موح الحراشي]

الله يعلم منفرقهاش علابالي ميلة ولاية صغيرة،لكن مشتهمش يهدرو كي سطايفية بل كي جواجلة و قسنطينية شويا برك

[سامي ياحي]

ولاية ميلة ولاية جديدة بفضل التثسيم الإداري لسنة 1984 و دوائرها و بلدياتها منها ما لهجته قريبة من لهجة أهل مدينة ميلة و منها ما هو بعيد كل البعد.
فمثلا منطقة شلغوم العيد و تاجنانت و العثمانية و التلاغمة نجد لهجتهم قريبة من بعضهم . ومنطقة فرجيوة ببلدياتها القديمة تشكل نمطا آخر في اللهجة الدارجة وحتى أبناء هذه المناطق أي بلديات فرجيوة تجد بينهم اختلافات كثيرة و أحيانا في البلدية الواحدة تجد فروقا بين مداشرها و مشاتيها سواء في الألفاظ أو نطق الحروف أو النبرات .
فأحيانا نجد بعض التشابه مع أهل جيجل أو عنابة أو قسنطينة أو مع أهل المغرب الأقصى . و لهذا التفاعل و التداخل و التشابه أسبابه و ظروفه الثقافية و الإجتماعية و التاريخية . حبذا لو يفيدنا بعض المشاركين ببعض الدراسات المتخصصة فالموضوع شيق ومثير . و على كل حال فإن هذا التنوع جميل جدا جدا وهو من آيات الله .

[hadjer-97]

ان اللهجة الميلية قريبة جدا الى اللهجة الجيجلية

[loubnamias]

حنى في ميلة كل بلاصة يهدرو زي .فمثلا نحن فى centre مانهدروش كيما لي يسكنو في الدوائر والبلديات الاخرىكباينان و الرواشد والقرارم ,فرجيوة وشلغوم العيد ...........فكل واحد عندو مصطلحات وهدراات خاصة بيه وكل واحد ينطق زي فمثلا تاع القرارم يكسرو الهدرة بزاف.............

[حنين سوف]

ياريت نتعلموا لهجة انتاعكم و راهي عجبتني ميلة

[قاسم بوالعيش]

............................

[rafika1988]

انا تاني عندي فامي في ميلة وموالفة نروحلها في عطلة وناسها طيبين

[Noumidy]

شكرا موضوع جميل جدا أريد أن أضيف إضافات بما اعرف وإذا أخطأت فليصوبني الإخوة

إن من اسباب اختلاف اللهجة في ولاية ميلة يعود إلى أختلاف القبائل بحيث أن شمال الولاية هم قبايل حضرة وهم امتداد لقبائل جيجل وقسنطينة أما جنوبها فهم شاوية ولهذا تتشابه لهجتهم ونطقهم بلهجة العلمة والمناطق الشاوية الأخرى

المناطق الشمالية في الولاية هي :
ميلة - فرجيوة - القرارم - .... وهادو قبايل حضرة على غرار ولاية جيجل وشمال ولاية قسنطينة وغرب ولاية سكيكدة
وطبعا حتى هذه المناطق تختلف لهجاتها من منطقة إلى أخرى

المناطق الجنوبية هي : شلغوم العيد - العثمانية - تاجنانت - التلاغمة ..... وهادو شاوية

والعلم لله

[RIBA-18]

والله مشكورين على مشاركاتكم في هاد الموضوع صحيح عندنا في ميلة لهجات متنوعة حتى أنو في دات المنطقة نجد اختلاف و لكن كلها جميلة و أحيانا كثيرة تكون طريفة

[نور1993]

أنا أعرف لهجة ولاية ميلة جيدا لا سيما بلدية الرواشد .مينار زارزة .تسدان و تسالة فنجد أن اللهجة تتميز بادخال حروف الفعل (كدح) ولتوضيح ذلك اليك المثل الاتي : أنا أشتري الخبز دائما-------- أنا كنشري الخبز دايما
هو-----دهو الاسبوع الماضي -----السمانة دي فاتت
مرة ----حالمرة اشتريت خبزة ------شريت حالخبزة
وأيضا لا يفرقون بين الرجل والمرأة في الكلام فمثلا لا يقولون للمرأة : اشربي .كلي .ارواحي وانما يقولون لها : اشرب .كول .أرواح

[عميور]

انا من الرواشد لكن اصبتِ واخطأتِ في نفس الوقت فلهجات البلديات المذكورة لا تتشابه مع بعضها البعض تسالة لها لهجتها و زارزة لها لهجتها و تسدان لها لهجتها و الرواشد لها لهجتها .

[عميور]

للتذكير ان اهل الرواشد يتكلمون مع المراة بصفة الانثى لا بصفة المذكر .

[عبير الياسمين]

أنا من ميلة سونثر وعائلتي من السكان القدماء لميلة
وحسب ما أعرف وشفت لبعض الدوائر والبلديات التابعة لميلة لهجتهم تختلف تماما عن لهجتنا في ميلة
حتى هذه البلديات لهجتهم تختلف من بلدية الى أخرى
لكن لهجة ميلة سونثر تميل الى لهجة قسنطينة
مع إختلاف بسيط في بعض الكلمات
وسكان ميلة سونثر ينطقون حرف القاف والجيم كما تنطق في اللغة الفصحى ولهجتنا مفهومة جدا

[alpha]

شكرا على التعريف بلهجتكم الجميلة

[همس الايمان]

لهجة فالقرارم عادية ساهلة ومفهومة احنا ما نهدرو ب ق القاوية بزاف وما نهدرو ب g

[بودينة]

السلام عليكم