هل ت تعتقد؟

[ليلى خانم]

السلام عليكم ورحمة الله تعالى وبركاته
هل تعتقد ان اللغة العربية فقيرة لهذا الحد حتى نغنيها باللغة الفرنسية؟
طرحت هذا السؤال لاني وانا في المدرسة وحتى في الشارع اجد اناس كثير يتكلمون باللغة الفرنسية وكانها لغتهم الام مع انهم جزائريون .

[الطريق نحو القمة]

السلام عليكم
اللغات الاجنبية لغات فقيرة جدا نجد مثلا اللغات الفرنسية والانجليزية تشترك في كلمات
وايضا اللغتين الفرنسية والاسبانية وحتى الايطالية
مثلا في اللغة الانجليزية الفعل run له حوالي 286 معنى
هذا بصفة عامة ...
اما حديثنا باللغة الفرنسية فأظن ان الامر يرجع لاسباب تاريخية الكل يعرفها ...
اللغة العربية عي لغة القران هي لغتنا الام هي اللغة الاكثر تاثيرا والاكثر روعة
مجرد رأي

[fadi3]

لم يعجبهم رداء العربية
فحال الامة لا يوصف
اذن غيروا ملابسهم
وارتدوا لباس فرنسا الذي تركوه هنا
لكن ان تحسنت حالنا
فاكيد سيغرون ملابسهم ويعودون الى القديمة الاصيلة

[سنة4]

صح ختي ليلى كاين بزااف ناس خلاو العربية وراحوا للفرنسية يفتخرو بها وعمبالهم كي يهدورو فرنسية راهم متثقفين ومنعرف واش ....... مي راهم غالطين
ولكان يرجعو للعربية راح يلقاوها احسن احسن بكثير من اللغات الاخرى فهي لغات ثانوية بالنسبة لنا ولوططنا العربي
وان شاء الله ينحيو الهدرة بالفرنسية نورمالمون كي يتفكرو واش دارت فينا فرنسا يلعنوها هاد الفرنسية
ربي يهدينا فرات رانا في وقت صعيييييييب بزاااف

[سنة4]

نسيت ان اشكرك اختي ليلى على الموضوع الرائع مثلك حبيبتي
اريد منك ان تدخلي الي ايميل لكي ندردش قليلا لانني الان اون لاين
هدا اذا اردتي عزيزتي فانا بانتظارك

[alaa0503]

السلام عليكم
شكرااا لك يا ليلى على هذا الموضوع المميز
مررت بالموضوع لأنه أعجبني....وأردت أن أبدي رأيي به
اللغة العربية هي من أجمل وأعقد اللغات في العالم طبعا ولا ننسى أنها لغة القران الكريم
هذه الظاهرة التي أصبحت منتشرة بكثرة في الشوارع ووو...يظن الناس أنهم اذا تكلموا بلغة أخرى غير لغتهم الأم أنهم أصحاب ثقافة وأنهم على اطلاع بالعولمة التي غزت العالم......كيف لا ونحن نعلم أن أمريكا والبلدان الأوربية يحاولون غزو البلدان العربية والاسلامية بثقافتهم التي أفسدت شباب وشابات هذا الجيل.......وللحديث بقية.

[alaa0503]

صح ختي ليلى كاين بزااف ناس خلاو العربية وراحوا للفرنسية يفتخرو بها وعمبالهم كي يهدورو فرنسية راهم متثقفين ومنعرف واش ....... مي راهم غالطين
ولكان يرجعو للعربية راح يلقاوها احسن احسن بكثير من اللغات الاخرى فهي لغات ثانوية بالنسبة لنا ولوططنا العربي
وان شاء الله ينحيو الهدرة بالفرنسية نورمالمون كي يتفكرو واش دارت فينا فرنسا يلعنوها هاد الفرنسية
ربي يهدينا فرات رانا في وقت صعيييييييب بزاااف
:mh31: لماذا استعملت الفرنسية في كلامك نورمالمون :1:

[العلم حياتي]

شكرااااااااااااااااااااااااااااا
أحلى موضوع مريت بيه اليوم
موضوعك هادف
أنا عندي أحسن واجما وامتع لغة هيييييييييي العربية ونتغشش بزاف كنشوف العباد هاذي تهدر بلغة خاطياتها وهاذي مشكلة عندنا حنا هنا بزاف في الجزائر انا نبقى نهدر عربي لكان معرف وين نروح
مشكووووووووووووورة
تقبلومروري

[سنة4]

:mh31: لماذا استعملت الفرنسية في كلامك نورمالمون :1:
هههههههههههههه
اهلا اختي الاء
صدقيني كتبتها من غير ارادتي هههههه
اسمحيلي مش قصدي ههههه
والله ضحكت اخر كي علقتي على الرد نتاعي

[رهف فتاة]

حنونتي من تعلم لغة قوم امن شرهم في معنى حديثه صلى الله عليه وسلم

[To Gether]

صححي موضوعك
حاشا ان تكون لغة القرآن فقيرة ، فنحن الفقراء الذين بجلنا لغة الغير على حساب لسان العرب

[khaled igou]

مي ملييح واحد يعرف اكثر من لغة واحدة
الفرنسية الانجليزية لازم نتعلموها حتى اذا كانت لغات أجنبية لاننا نحتاجها
لكن لا يجب ترك لغة الام و نسيانها لانها تعتبر أصلنا
مثلا أنا لغتي الأم هي القبايلية (الامازيغية) بصح نهدر بالعربية لان معظم الجزائريين عرب و الفرنسية و الانجليزية بصفتها لغتان أجنبيتان أساسيتين في حياتنا. لكن لن أترك أبدا لغتي الام و أنساها لاتكلم باللغات الأخرى فقط

[alaa0503]

هههههههههههههه
اهلا اختي الاء
صدقيني كتبتها من غير ارادتي هههههه
اسمحيلي مش قصدي ههههه
والله ضحكت اخر كي علقتي على الرد نتاعي
هههههههههه
أنا نتوله لكلش :1:
هذا هو موضوع ليلى وانت راكي تطبقي فيه :1:
كنت علابالي بلي ماكنتيش تقصدي تقوليها :rolleyes: بصح هذا هو الولف :mh31:

[سنة4]

ههههههههههههههههههههه ضحكتيني والله
ايه شفتي والله iالولف صعيب وواعر هههههه

[امين الاسلام]

هذه هي الجزائر بصفة خاصة والعالم العربي بصفة عامة قولي للغرب يتكلمو ب لغتنا عندهم مع بعضاهم علاه مايعاندوناش علاه احنا لي دايمن انعاندوهم صح لازم تتعلم لغة وتثقف بصح في حدود ميش حتى تولي تهدر بيها يوميا هادي هي التبعية الغربية الله غالب الله يهدينا ولازم نصلحو روحنا قبل

[chedni]

الشعب الجزائري هو الشعب الوحيد الي يحب يتكلم كل لغات العالم ماناش نقولو اللغة العربية فقيرة العربية هي اصلنا و لغة القران و لن تهان و لن تهمل مهما يكن ولكن هذا هو شعبنا فضولي يحب التالق و التميز دائما الجزائري تلقايه يحاول يهدر بشحال من لغة مثلا : الفرنسية - الانجلزية - الالمانية - قبائلية ......... واللهجات ايضا : وهراني - عاصيمي - سطايفي - شاوي - صحراوي ...... سوري - مصري - خليجي - تركي - تونسي - مغربي .........


هههههههههههه هذا هو الجزايري هدرتو كوكتال

[قدس الاسلام]

هذه من وسائل الاستعمار الجديد